1912 ഏ​പ്രി​ൽ 10 ബു​ധ​നാ​ഴ്ച ആ​യി​രു​ന്നു ടൈ​റ്റാ​നി​ക് എ​ന്ന ഭീ​മാ​കാ​ര​നാ​യ ക​പ്പ​ൽ ഇം​ഗ്ല​ണ്ടി​ലെ സൗ​ത്താം​പ്ട​ണ്‍ എ​ന്ന തു​റ​മു​ഖ​ത്തു​നി​ന്നു ന്യൂ​യോ​ർ​ക്കി​ലേ​ക്കു യാ​ത്ര​തി​രി​ച്ച​ത്. ക​പ്പ​ൽ ജീ​വ​ന​ക്കാ​രും യാ​ത്ര​ക്കാ​രും ഉ​ൾ​പ്പെ​ടെ 2201 പേ​ർ ആ ​ക​പ്പ​ലി​ൽ ഉ​ണ്ടാ​യി​രു​ന്നു. ക​പ്പ​ൽ യാ​ത്ര​തി​രി​ച്ച് അ​ഞ്ചാം ദി​വ​സ​മാ​യ ഞാ​യ​റാ​ഴ്ച രാ​ത്രി 11.40-നു ​ക​പ്പ​ൽ ഒ​രു വന്മല​യു​ടെ വ​ലി​പ്പ​മു​ള്ള മ​ഞ്ഞു​ക​ട്ട​യു​മാ​യി കൂ​ട്ടി​യി​ടി​ച്ചു.

ഒ​രി​ക്ക​ലും മു​ങ്ങു​വാ​ൻ പോ​കു​ന്നി​ല്ലെ​ന്നു ക​രു​ത​പ്പെ​ട്ടി​രു​ന്ന ആ ​ക​പ്പ​ൽ പി​റ്റെ ദി​വ​സ​മാ​യ തി​ങ്ക​ളാ​ഴ്ച അ​തി​രാ​വി​ലെ 2.20-ന് ​അ​റ്റ്‌ലാ​ന്‍റി​ക് സ​മു​ദ്ര​ത്തി​ന്‍റെ അ​ഗാ​ധ​ത​യി​ലേ​ക്കു താ​ഴ്ന്നു​പോ​യി. അ​പ്പോ​ൾ ആ ​ക​പ്പ​ലി​ൽ ഉ​ണ്ടാ​യി​രു​ന്ന​വ​രി​ൽ 706 പേ​ർ മാ​ത്ര​മാ​ണ് ലൈ​ഫ് ബോ​ട്ടു​ക​ളു​ടെ സ​ഹാ​യ​ത്തോ​ടെ ര​ക്ഷ​പ്പെ​ട്ട​ത്.

ക​പ്പ​ൽ​യാ​ത്ര​യി​ൽ അ​പ​ക​ടം സം​ഭ​വി​ച്ചാ​ൽ ആ​ളു​ക​ളു​ടെ ജീ​വ​ൻ സം​ര​ക്ഷി​ക്കു​വാ​ൻ വേ​ണ്ടി​യാ​ണു ലൈ​ഫ് ബോ​ട്ടു​ക​ൾ ക​പ്പ​ലി​ൽ സൂ​ക്ഷി​ക്കു​ക. ടൈ​റ്റാ​നി​ക്കി​ൽ യാ​ത്ര​ചെ​യ്ത​വ​ർ​ക്കു​വേ​ണ്ടി ക​ണ​ക്ക​നു​സ​രി​ച്ച് 64 ലൈ​ഫ് ബോ​ട്ടു​ക​ൾ വേ​ണ്ടി​യി​രു​ന്ന​താ​ണ്. എ​ന്നാ​ൽ അ​പ​ക​ട​സാ​ധ്യ​ത മു​ന്നി​ൽ കാ​ണാ​തി​രു​ന്ന​തു​കൊ​ണ്ടു ലൈ​ഫ് ബോ​ട്ടു​ക​ളു​ടെ എ​ണ്ണം ഇ​രു​പ​താ​യി ക​പ്പ​ലി​ന്‍റെ ഉ​ട​മ​ക​ൾ കു​റ​യ്ക്കു​ക​യു​ണ്ടാ​യി.

ക​പ്പ​ലി​ലെ യാ​ത്ര​ക്കാ​രു​ടെ ക​ണ​ക്ക​നു​സ​രി​ച്ച് 64 ലൈ​ഫ് ബോ​ട്ടു​ക​ൾ ക​പ്പ​ലി​ൽ ഉ​ണ്ടാ​യി​രു​ന്നു​വെ​ങ്കി​ൽ ആ​രും​ത​ന്നെ ടൈ​റ്റാ​നി​ക് ദു​ര​ന്തം​വ​ഴി​യാ​യി മ​രി​ക്കു​ക​യി​ല്ലാ​യി​രു​ന്നു.
ടൈ​റ്റാ​നി​ക് ക​പ്പ​ൽ മ​ഞ്ഞു​ക​ട്ട​യു​മാ​യി കൂ​ട്ടി​യി​ടി​ക്കു​ന്പോ​ൾ ആ ​ക​പ്പ​ലി​ന്‍റെ മു​ക​ൾ​ത്ത​ട്ടി​ൽ ഫാ. ​തോ​മ​സ് ബോയി​ൽ​സ് കാ​നോ​ന ന​മ​സ്കാ​രം ചൊ​ല്ലി​ക്കൊ​ണ്ടി​രി​ക്കു​ക​യാ​യി​രു​ന്നു. ഇം​ഗ്ല​ണ്ടു​കാ​ര​നാ​യ ഈ ​വൈ​ദി​ക​ൻ ന്യൂ​യോ​ർ​ക്കി​ൽ താ​മ​സി​ക്കു​ന്ന ത​ന്‍റെ സ​ഹോ​ദ​ര​നാ​യ വി​ല്യ​മി​ന്‍റെ വി​വാ​ഹം ആ​ശീ​ർ​വ​ദി​ക്കു​വാ​ൻ വേ​ണ്ടി യാ​ത്ര​തി​രി​ച്ച​താ​യി​രു​ന്നു.

ക​പ്പ​ലി​ന് അ​പ​ക​ടം സം​ഭ​വി​ച്ചു എ​ന്നു മ​ന​സി​ലാ​ക്കി​യ ഉ​ട​നെ അ​ദ്ദേ​ഹം ക​പ്പ​ലി​ന്‍റെ അ​ടി​ത്ത​ട്ടി​ലേ​ക്ക് ഓ​ടി. അ​വി​ടെ​യാ​യി​രു​ന്നു മൂ​ന്നാം ക്ലാ​സ് യാ​ത്ര​ക്കാ​രാ​യ സാ​ധാ​ര​ണ​ക്കാ​ർ താ​മ​സി​ച്ചി​രു​ന്ന​ത്. അ​വ​രി​ൽ ഒ​ട്ടേ​റെ​പ്പേ​രെ മു​ക​ളി​ലെ​ത്തി​ക്കു​വാ​നും അ​ങ്ങ​നെ അ​വ​രി​ൽ കു​റെ​പ്പേ​രെ ര​ക്ഷി​ക്കു​വാ​നും അ​ദ്ദേ​ഹ​ത്തി​നു സാ​ധി​ച്ചു.

ആ​വ​ശ്യ​ത്തി​നു​മാ​ത്രം ലൈ​ഫ് ബോ​ട്ടു​ക​ൾ ഇ​ല്ലാ​തി​രു​ന്ന​തു​കൊ​ണ്ട് എ​ല്ലാ​വ​ർ​ക്കും ര​ക്ഷ​പ്പെ​ടു​വാ​ൻ സാ​ധി​ക്കു​ക​യി​ല്ലെ​ന്ന് അ​ദ്ദേ​ഹ​ത്തി​ന​റി​യാ​മാ​യി​രു​ന്നു. തന്മൂലം ഭ​യ​ച​കി​ത​രാ​യ യാ​ത്ര​ക്കാ​ർ​ക്ക് ആ​ശ്വാ​സം പ​ക​ർ​ന്നു​കൊ​ടു​ത്തു​കൊ​ണ്ട് അ​വ​രോ​ടൊ​പ്പം പ്രാ​ർ​ഥി​ക്കു​വാ​ൻ അ​ദ്ദേ​ഹം ശ്ര​ദ്ധി​ച്ചു. താ​ല്പ​ര്യം പ്ര​ക​ടി​പ്പി​ച്ച​വ​ർ​ക്കു വ്യ​ക്തി​പ​ര​മാ​യും അ​ല്ലാ​ത്ത​വ​ർ​ക്കു പൊ​തു​വാ​യും അ​ദ്ദേ​ഹം പാ​പ​മോ​ച​നം ന​ൽ​കി.

ഫാ. ​ബോ​യി​ൽ​സി​നോ​ടൊ​പ്പം ജ​ർ​മ​ൻ​കാ​ര​നാ​യ ഫാ. ​ജോ​സ​ഫ് പെ​റു​ഷി​റ്റ്സു, ലി​ത്വേ​നി​യ​ക്കാ​ര​നാ​യ ഫാ. ​ജു​വോ​സാ​സ് മോ​ണ്‍​ട് വി​ള​യും യാ​ത്ര​ക്കാ​ർ​ക്ക് ആ​ശ്വാ​സ​വും ധൈ​ര്യ​വും ന​ൽ​കു​വാ​ൻ ശ്ര​മി​ച്ചു. ലൈ​ഫ് ബോ​ട്ടു​ക​ളി​ൽ ര​ക്ഷ​പ്പെ​ടു​വാ​ൻ അ​വ​ർ​ക്ക് അ​വ​സ​രം ല​ഭി​ച്ചു​വെ​ങ്കി​ലും മ​റ്റു​ള്ള​വ​ർ​ക്കു​വേ​ണ്ടി അ​വ​ർ വ​ഴി​മാ​റി​ക്കൊ​ടു​ത്തു. അ​വ​ർ ക​പ്പ​ലി​ന്‍റെ മു​ക​ൾ​ത്ത​ട്ടി​ൽ മ​റ്റു​ള്ള​വ​രോ​ടൊ​പ്പം പ്രാ​ർ​ഥ​ന​യി​ൽ ചെ​ല​വ​ഴി​ച്ചു. അ​ങ്ങ​നെ അ​വ​ർ പ്രാ​ർ​ഥി​ച്ചു​കൊ​ണ്ടി​രി​ക്കു​ന്പോ​ഴാ​ണ് അ​വ​രു​ടെ​യെ​ല്ലാം ജീ​വ​ൻ അ​പ​ഹ​രി​ച്ചു​കൊ​ണ്ടു ക​പ്പ​ൽ മു​ങ്ങി​ത്താ​ഴ്ന്ന​ത്.

ക​പ്പ​ൽ മു​ങ്ങി​യ​തി​ന്‍റെ ത​ലേ​ദി​വ​സം ഞാ​യ​റാ​ഴ്ച ര​ണ്ടാം ക്ലാ​സി​ലെ​യും മൂ​ന്നാം ക്ലാ​സി​ലെ​യും യാ​ത്ര​ക്കാ​ർ​ക്കു​വേ​ണ്ടി ഫാ. ​ബോ​യി​ൽ​സ് പ്ര​ത്യേ​കം പ്ര​ത്യേ​കം വി​ശു​ദ്ധ കു​ർ​ബാ​ന അ​ർ​പ്പി​ക്കു​ക​യു​ണ്ടാ​യി. ആ ​കു​ർ​ബാ​ന​യു​ടെ അ​വ​സ​ര​ത്തി​ൽ അ​ദ്ദേ​ഹം പ്രാ​ർ​ഥ​ന​യെ​ക്കു​റി​ച്ചു പ​റ​ഞ്ഞ​തു ലൈ​ഫ് ബോ​ട്ടു​ക​ളു​മാ​യി താ​ര​ത​മ്യ​പ്പെ​ടു​ത്തി​ക്കൊ​ണ്ടാ​യി​രു​ന്നു.

ക​പ്പ​ല​പ​ക​ടം ഉ​ണ്ടാ​കു​ന്പോ​ൾ ലൈ​ഫ് ബോ​ട്ടു​ക​ൾ എ​പ്ര​കാ​രം ന​മുക്ക് ഉ​പ​കാ​ര​പ്ര​ദ​മാ​കു​ന്നു​വോ അ​തു​പോ​ലെ​യാ​ണു പ്രാ​ർ​ഥ​ന ന​മ്മു​ടെ ജീ​വി​ത​നൗ​ക​യെ അ​പ​ക​ട​ത്തി​ൽ​നി​ന്നു ര​ക്ഷ​പ്പെ​ടു​വാ​ൻ സ​ഹാ​യി​ക്കു​ന്ന​തെ​ന്നാ​ണ് അ​ന്ന് അ​ദ്ദേ​ഹം പ്ര​സം​ഗി​ച്ച​ത്. ഫാ. ​ബോ​യി​ൽ​സ് അ​ന്ന് ഉൗ​ന്ന​ൽ ന​ൽ​കി​യ​ത് ആ​ധ്യാ​ത്മി​ക​മാ​യ ക​പ്പ​ല​പ​ക​ട​ത്തി​ൽ​നി​ന്നു ര​ക്ഷ​പ്പെ​ടു​ന്ന​തി​നു പ്രാ​ർ​ഥ​ന​യു​ടെ ആ​വ​ശ്യ​ക​ത​യെ​ക്കു​റി​ച്ചാ​യി​രു​ന്നു.

അ​ദ്ദേ​ഹ​ത്തി​ന്‍റെ ആ ​പ്ര​സം​ഗം കേ​ട്ട​വ​ർ ത​ങ്ങ​ളു​ടെ ആ​ധ്യാ​ത്മി​ക​ജീ​വി​ത​ത്തി​ന് അ​പ്പോ​ൾ എ​ന്തു​മാ​ത്രം പ്രാ​ധാ​ന്യം കൊ​ടു​ത്തി​ട്ടു​ണ്ടാ​വും എ​ന്ന​റി​യി​ല്ല. എ​ന്നാ​ൽ അ​വ​രു​ടെ ക​പ്പ​ൽ മു​ങ്ങി​ത്താ​ഴു​വാ​ൻ തു​ട​ങ്ങി​യ​പ്പോ​ൾ തീ​ർ​ച്ച​യാ​യും അ​വ​രു​ടെ ശാ​രീ​രി​ക​ര​ക്ഷ​യോ​ടൊ​പ്പം ആ​ധ്യാ​ത്മി​ക​ര​ക്ഷ​യ്ക്കു​വേ​ണ്ടി​യും അ​വ​ർ പ്രാ​ർ​ഥി​ച്ചി​ട്ടു​ണ്ടാ​കു​മെ​ന്നു​റ​പ്പാ​ണ്.

ഫാ. ​ബോ​യി​ൽ​സ് ത​ന്‍റെ പ്ര​സം​ഗ​ത്തി​ൽ സൂ​ചി​പ്പി​ച്ച​തു​പോ​ലെ പ്രാ​ർ​ഥ​ന​യാ​കു​ന്ന ലൈ​ഫ് ബോ​ട്ട് ന​മു​ക്കു കൂ​ടി​യേ തീ​രൂ. അ​ല്ലെ​ങ്കി​ൽ ജീ​വി​ത​മാ​കു​ന്ന ദുഃ​ഖ​സാ​ഗ​ര​ത്തി​ൽ നാം ​മു​ങ്ങി​ത്താ​ഴു​ക​ത​ന്നെ ചെ​യ്യും. നാം ​പ്രാ​ർ​ഥി​ക്കു​ന്പോ​ൾ ദൈ​വ​ത്തി​ൽ​നി​ന്നു പ്ര​ധാ​ന​മാ​യും ന​മു​ക്കു ല​ഭി​ക്കു​ന്ന​ത് അ​വി​ട​ത്തെ അ​നു​ഗ്ര​ഹ​മാ​ണ​ല്ലോ. ദൈ​വ​ത്തി​ൽ​നി​ന്നു ല​ഭി​ക്കു​ന്ന അ​വി​ട​ത്തെ അ​നു​ഗ്ര​ഹ​മാ​ണു ന​മ്മു​ടെ ജീ​വി​ത​ത്തി​ലെ പ്ര​തി​സ​ന്ധി​ക​ളെ​യൊ​ക്കെ അ​ഭി​മു​ഖീ​ക​രി​ക്കു​വാ​നു​ള്ള ശ​ക്തി​യും ധൈ​ര്യ​വും ന​മു​ക്കു ന​ല്കു​ന്ന​ത്.

ടൈ​റ്റാ​നി​ക്കി​ലെ ഭൂ​രി​പ​ക്ഷം പേ​ർ​ക്കും ര​ക്ഷ​പ്പെ​ടു​വാ​ൻ സാ​ധി​ക്കാ​തെ പോ​യ​തു ക​പ്പ​ലി​ൽ ആ​വ​ശ്യ​ത്തി​നു വേ​ണ്ടി​യി​രു​ന്ന ലൈ​ഫ് ബോ​ട്ടു​ക​ളു​ടെ അ​ഭാ​വ​മാ​ണ്. ഇ​തു​പോ​ലെ, ന​മ്മു​ടെ ജീ​വി​ത​ത്തി​ലെ എ​ല്ലാ ധാ​ർ​മി​ക ത​ക​ർ​ച്ച​ക​ളു​ടെ​യും കാ​ര​ണം ന​മ്മു​ടെ ജീ​വി​ത​ത്തി​ലെ പ്രാ​ർ​ഥ​ന​യു​ടെ അ​ഭാ​വ​മാ​ണെ​ന്ന​തി​ൽ സം​ശ​യം​വേ​ണ്ട.

ന​മ്മു​ടെ ജീ​വി​ത​ത്തി​ൽ മ​തി​യാ​യ പ്രാ​ർ​ഥ​ന​യു​ണ്ടെ​ങ്കി​ൽ ഏ​തു പ്ര​തി​സ​ന്ധി​ക്കി​ട​യി​ലും പ​ത​റാ​തെ നാം ​പി​ടി​ച്ചു​നി​ൽ​ക്കു​മെ​ന്നു തീ​ർ​ച്ച​യാ​ണ്. അ​തു​പോ​ലെ, ന​മ്മു​ടെ ജീ​വി​ത​ത്തി​ൽ പ്രാ​ർ​ഥ​ന​യു​ണ്ടെ​ങ്കി​ൽ അ​തു​വ​ഴി​യാ​യി ന​മ്മു​ടെ ആ​ധ്യാ​ത്മി​ക​ര​ക്ഷ ഉ​റ​പ്പാ​ണെ​ന്നു തീ​ർ​ച്ച​യു​മാ​ണ്. ന​മ്മു​ടെ ജീ​വി​ത​ത്തി​ലെ ലൈ​ഫ് ബോ​ട്ടാ​ണു പ്രാ​ർ​ഥ​ന എ​ന്ന​തു ന​മു​ക്കു മ​റ​ക്കാ​തി​രി​ക്കാം. ആ ​ലൈ​ഫ് ബോ​ട്ട് എ​പ്പോ​ഴും ന​മ്മു​ടെ കൂ​ടെ ഉ​ണ്ടാ​യി​രി​ക്ക​ട്ടെ.

ഫാ. ജോസ് പന്തപ്ലാംതൊട്ടിയിൽ