ഏതു ദുഃഖകാലത്തുമുണ്ട് സന്തോഷത്തിനുള്ള വക
എ​ല​നോ​ർ പോ​ർ​ട്ട​ർ (1868-1920) എ​ന്ന എ​ഴു​ത്തു​കാ​രി​യെ പ്ര​ശ​സ്തി​യു​ടെ കൊ​ടു​മു​ടി​യി​ലെ​ത്തി​ച്ച അ​തി​മ​നോ​ഹ​ര​മാ​യ ഒ​രു നോ​വ​ലാ​ണ് ‘പോ​ളി​യാ​ന’. 1913-ൽ ​അ​മേ​രി​ക്ക​യി​ൽ പു​റ​ത്തി​റ​ങ്ങി​യ ഈ ​നോ​വ​ൽ പെ​ട്ടെ​ന്നു ബെസ്റ്റ് സെ​ല്ല​റാ​യി മാ​റി. ഈ ​നോ​വ​വി​ന്‍റെ തു​ട​ർ​ച്ച എ​ന്നവ​ണ്ണം ‘പോ​ളി​യാ​ന ഗ്രോ​സ് അ​പ്’ എ​ന്ന പേ​രി​ൽ മ​റ്റൊ​രു നോ​വ​ൽ 1915-ൽ ​പു​റ​ത്തി​റ​ങ്ങി.

എ​ല​നോ​റി​ന്‍റെ മ​ര​ണാ​ന​ന്ത​രം പോ​ളി​യാ​ന​യെ പ്ര​ധാ​ന​ക​ഥാ​പാ​ത്ര​മാ​ക്കി​ക്കൊ​ണ്ടു വി​വി​ധ എ​ഴു​ത്തു​കാ​ർ ഒ​രു ഡ​സ​നി​ലേ​റെ നോ​വ​ലു​ക​ൾ പു​റ​ത്തി​റ​ക്കി. പോ​ളി​യാ​ന​യു​ടെ ക​ഥ സം​ഗീ​ത​നൃ​ത്ത​നാ​ട​ക​മാ​യും സി​നി​മ​യാ​യും പ​ല​ത​വ​ണ പി​ന്നീ​ട് ആ​വി​ഷ്ക​രി​ക്ക​പ്പെ​ട്ടു. അ​വ​യി​ൽ പ്ര​സി​ദ്ധ​മാ​യ​ത് 1960-ൽ ​ഡി​സ്നി നി​ർ​മി​ച്ച പോ​ളി​യാ​ന എ​ന്ന സി​നി​മ​യാ​യി​രു​ന്നു. ഹെ​യ്‌​ലി മി​ൽ​സ് എ​ന്ന ബാ​ല​ന​ടി​ക്ക് ഒ​രു സ്പെ​ഷ​ൽ ഓ​സ്ക​ർ അ​വാ​ർ​ഡ് ഈ ​ചി​ത്രം നേ​ടി​ക്കൊ​ടു​ത്തു.

ഇ​നി പോ​ളി​യാ​ന​യു​ടെ ക​ഥ​യി​ലേ​ക്കു ക​ട​ക്കാം. മാ​താ​പി​താ​ക്ക​ൾ ന​ഷ്‌​ട​പ്പെ​ട്ട പോ​ളി​യാ​ന എ​ന്ന പെ​ൺ​കു​ട്ടി ത​ന്‍റെ അ​മ്മ​യു​ടെ സ​ഹോ​ദ​രി​യാ​യ പോ​ളി ആ​ന്‍റ​ണി​യു​ടെ വീ​ട്ടി​ൽ താ​മ​സി​ക്കു​വാ​നെ​ത്തു​ന്ന​തോ​ടു​കൂ​ടി​യാ​ണു ക​ഥ ആ​രം​ഭി​ക്കു​ന്ന​ത്. പോ​ളി താ​മ​സി​ക്കു​ന്ന കൊ​ച്ചു​പ​ട്ട​ണ​ത്തി​ലെ ഏ​റ്റ​വും സ​ന്പ​ന്ന​യാ​യ സ്ത്രീ​യാ​ണു പോ​ളി. കു​ടും​ബ​സ്വ​ത്താ​യി ല​ഭി​ച്ച സ​ന്പ​ത്തു​മൂ​ലം ത​ന്‍റെ കൊ​ച്ചു​പ​ട്ട​ണ​ത്തി​ലെ ആ​ളു​ക​ളെ മു​ഴു​വ​ൻ സ്വ​ന്തം വ​രു​തി​ക്കു​ള്ളി​ൽ നി​ർ​ത്തു​വാ​ൻ വി​ജ​യി​ച്ച സ്ത്രീ​യാ​ണു പോ​ളി.

പ​തി​നൊ​ന്നു​വ​യ​സു​ള്ള പോ​ളി​യാ​ന ത​ന്‍റെ മ​ണി​മ​ന്ദി​ര​ത്തി​ൽ താ​മ​സി​ക്കു​വാ​ൻ വ​രു​ന്ന​തു പോ​ളി​ക്ക് അ​ശേ​ഷം ഇ​ഷ്‌​ട​മി​ല്ലാ​യി​രു​ന്നു. അ​തി​ന്‍റെ പ്ര​ധാ​ന കാ​ര​ണം പോ​ളി​യു​ടെ സ​ഹോ​ദ​രി ഒ​രു പാ​വ​പ്പെ​ട്ട മി​ഷ​ണറി​യെ വി​വാ​ഹം ക​ഴി​ച്ചു എ​ന്ന​താ​യി​രു​ന്നു. ആ ​വി​വാ​ഹ​ത്തി​ൽ​നി​ന്നു ജ​നി​ച്ച പോ​ളി​യാ​ന​യെ മ​റ്റു​മാ​ർ​ഗ​മി​ല്ലാ​തി​രു​ന്ന​തു​കൊ​ണ്ടാ​ണു പോ​ളി കൊ​ട്ടാ​ര​തു​ല്യ​മാ​യ ത​ന്‍റെ ഭ​വ​ന​ത്തി​ലേ​ക്കു സ്വീ​ക​രി​ച്ച​ത്.

പോ​ളി​യാ​ന അ​വി​ടെ എ​ത്തി​യ​പ്പോ​ൾ അ​വ​ൾ​ക്കു​താ​സി​ക്കു​വാ​ൻ ന​ല്ല മു​റി​ക​ളൊ​ന്നും ന​ൽ​കി​യി​ല്ല. അ​തി​നു​പ​ക​രം സൗ​ക​ര്യ​ങ്ങ​ൾ പ​രി​മി​ത​മാ​യി മാ​ത്രം ഉ​ണ്ടാ​യി​രു​ന്ന ത​ട്ടുംപു​റ​ത്തെ മു​റി​യാ​ണ് അ​വ​ൾ​ക്കു ല​ഭി​ച്ച​ത്. ആ ​കൊ​ട്ടാ​ര​ത്തി​ൽ ധാ​രാ​ളം മു​റി​ക​ൾ ഉ​ണ്ടാ​യി​രു​ന്നി​ട്ടും അ​വ​യി​ലൊ​ന്നു ന​ൽ​കാ​തി​രു​ന്ന​തി​നെ​ക്കു​റി​ച്ച് അ​വ​ൾ പ​രി​ഭ​വി​ച്ചു​വോ, ഒ​രി​ക്ക​ലു​മി​ല്ല. അ​തി​നു​പ​ക​രം ആ ​മു​റി​യി​ലെ ജ​നാ​ല​യി​ൽ​കൂ​ടി പു​റം ലോ​കം കാ​ണു​വാ​ൻ സാ​ധി​ക്കു​മ​ല്ലോ എ​ന്നോ​ർ​ത്ത് അ​വ​ൾ സ​ന്തോ​ഷി​ക്കു​ക​യാ​ണു ചെ​യ്ത​ത്.

പോ​ളി​യാ​ന അ​ത്താ​ഴ​ത്തി​നെ​ത്തു​വാ​ൻ വൈ​കി​യ​പ്പോ​ൾ ശി​ക്ഷ​യാ​യി പാ​ലും ബ്രെ​ഡും മാ​ത്രം ക​ഴി​ക്കു​വാ​നാ​ണു പോ​ളി ആ ​ബാ​ലി​ക​യെ അ​നു​വ​ദി​ച്ച​ത്. അ​തും വേ​ല​ക്കാ​രി​യാ​യ നാ​ൻ​സി​യോ​ടൊ​പ്പം പോ​യി ഇ​രു​ന്നു ക​ഴി​ക്കു​വാ​നാ​ണ് അ​വ​ളു​ടെ ആ​ന്‍റി ആ​ജ്ഞാ​പി​ച്ച​ത്.
പ​ക്ഷേ, അ​പ്പോ​ഴും പോ​ളി​യാ​ന പ​ത​റി​യി​ല്ല. ത​നി​ക്ക് ഏ​റ്റ​വും ഇ​ഷ്‌​ട​പ്പെ​ട്ട വേ​ല​ക്കാ​രി​യാ​യ നാ​ൻ​സി​യോ​ടൊ​പ്പം ആ​യി​രി​ക്കു​വാ​ൻ ല​ഭി​ച്ച സു​വ​ർ​ണാ​വ​സ​ര​മാ​യി​ട്ടാ​ണു പോ​ളി അ​തി​നെ ക​ണ്ട​ത്. പോ​ളി​യാ​ന​യു​ടെ ഈ ​ന​ല്ല മ​നോ​ഭാ​വ​ത്തെ​ക്കു​റി​ച്ചു നാ​ൻ​സി ചോ​ദി​ച്ച​പ്പോ​ൾ പോ​ളി​യാ​ന ത​ന്‍റെ ജീ​വി​ത​ത്തി​ൽ​നി​ന്ന് ഒ​രു അ​നു​ഭ​വം പ​ങ്കു​വ​ച്ചു.

ോപോ​ളി​യാ​ന ത​ന്‍റെ പി​താ​വി​നോ​ടൊ​പ്പം മി​ഷ​നി​ലാ​യി​രു​ന്ന​പ്പോ​ൾ അ​വ​ൾ​ക്കു പാ​വ​ക്കു​ട്ടി​യെ അ​യച്ചു​കൊ​ടു​ക്കണമെ​ന്നു ത​ന്‍റെ സു​ഹൃ​ത്തു​ക്ക​ളോ​ട് ആ​വ​ശ്യ​പ്പെ​ട്ടു. എ​ന്നാ​ൽ, സ​മ്മാ​ന​പാ​ക്ക​റ്റി​ൽ ഉ​ണ്ടാ​യി​രു​ന്ന​ത് പാ​വ​ക്കു​ട്ടി​യാ​യി​രു​ന്നി​ല്ല. അ​തി​നു​പ​ക​രം ഉ​ണ്ടാ​യി​രു​ന്ന​തു മു​ട​ന്ത​ന്മാ​ർ​ക്കു ന​ട​ക്കു​വാ​ൻ സ​ഹാ​യി​ക്കു​ന്ന ക്ര​ച്ച​സ് ആ​യി​രു​ന്നു.

അ​തു​ക​ണ്ട​പ്പോ​ൾ പോ​ളി​യാ​ന​യു​ടെ ക​ണ്ണു​നി​റ​ഞ്ഞു. അ​പ്പോ​ൾ അ​വ​ളു​ടെ പി​താ​വ് ‘ദ ​ഗ്ലാ​സ് ഗെ​യിം’ എ​ന്ന പേ​രി​ൽ ഒ​രു പു​തി​യ ക​ളി പ​ഠി​പ്പി​ച്ചു. എ​ത്ര ദുഃ​ഖ​ക​ര​മാ​യ സാ​ഹ​ച​ര്യ​ത്തി​ലും സ​ന്തോ​ഷി​ക്കു​വാ​ൻ എ​ന്തെ​ങ്കി​ലും കാ​ണും. അ​തു ക​ണ്ടെ​ത്തി സ​ന്തോ​ഷി​ക്കു​ന്ന​തി​ലാ​ണ് ഈ ​ക​ളി അ​ട​ങ്ങി​യി​രി​ക്കു​ന്ന​ത്. പോ​ളി​യാ​ന​യ്ക്ക് ക്ര​ച്ചസ് ല​ഭി​ച്ച​പ്പോ​ൾ ത​നി​ക്കു മു​ട​ന്തി​ല്ലാ​ത്ത​തി​നെ​ക്കു​റി​ച്ചു സ​ന്തോ​ഷി​ക്കു​വാ​നാ​ണ് അ​വ​ളു​ടെ പി​താ​വ് അ​വ​ളെ പ​ഠി​പ്പി​ച്ച​ത്.

പോ​ളി​യാ​ന​യു​ടെ മാ​താ​വ് മു​ൻ​പേ മ​ര​ണ​മ​ട​ഞ്ഞി​രു​ന്നു. അ​തി​നു​ശേ​ഷം അ​വ​ൾ​ക്കു പി​താ​വി​നെ​യും ന​ഷ്‌​ട​പ്പെ​ട്ടു. എ​ങ്കി​ലും ത​ന്‍റെ പി​താ​വ് പ​ഠി​പ്പി​ച്ച​തു​പോ​ലെ ജീ​വി​ത​ത്തി​ൽ സ​ന്തോ​ഷി​ക്കു​വാ​നു​ള്ള കാ​ര​ണ​ങ്ങ​ൾ ശ്ര​ദ്ധാ​പൂ​ർ​വം ക​ണ്ടെ​ത്തി ശു​ഭാ​പ്തിവി​ശ്വാ​സ​ത്തോ​ടു​കൂ​ടി അ​വ​ൾ മു​ന്നോ​ട്ടു​പോ​വു​ക​യാ​ണു ചെ​യ്ത​ത്.

പോ​ളി​യാ​ന ത​ന്‍റെ ആ​ന്‍റി​യു​ടെ ഭ​വ​ന​ത്തി​ലെ​ത്തി​യ​തി​നു​ശേ​ഷം ആ ​ഭ​വ​ന​ത്തി​ലെ ജോ​ലി​ക്കാ​രാ​യ നി​ര​വ​ധി അം​ഗ​ങ്ങ​ളെ മാ​ത്ര​മ​ല്ല, അ​വ​ൾ താ​മ​സി​ച്ച കൊ​ച്ചു​പ​ട്ട​ണ​ത്തി​ലെ മു​ഴു​വ​ൻ ആ​ളു​ക​ളെ​യും ജീ​വി​ത​ത്തി​ൽ സ​ന്തോ​ഷം ക​ണ്ടെ​ത്തു​ന്ന​തി​നു​ള്ള മാ​ർ​ഗം അ​വ​ൾ കാ​ണി​ച്ചു​കൊ​ടു​ത്തു. ത​ന്മൂ​ലം ആ ​പ​ട്ട​ണ​ത്തി​ലെ സ​ക​ല ആ​ളു​ക​ളു​ടെ​യും ക​ണ്ണി​ലു​ണ്ണി​യാ​യി മാ​റു​ന്ന​തോ​ടെ​യാ​ണു ക​ഥ അ​വ​സാ​നി​ക്കു​ന്ന​ത്.

ന​മ്മു​ടെ ജീ​വി​ത​ത്തി​ൽ ഒ​രു ദുഃ​ഖ​മു​ണ്ടാ​യാ​ൽ മ​തി പ​ല​പ്പോ​ഴും നാം ​തീ​ർ​ത്തും നി​രാ​ശ​രാ​വാ​ൻ. അ​തി​ന്‍റെ കാ​ര​ണം ന​മ്മു​ടെ ജീ​വി​ത​ത്തി​ലെ സൗ​ഭാ​ഗ്യ​ങ്ങ​ൾ കാ​ണു​വാ​ൻ നാം ​മ​റ​ന്നു​പോ​കു​ന്നു എ​ന്നു​ള്ള​താ​ണ്. എ​ന്നാ​ൽ, പോ​ളി​യാ​ന​യു​ടെ ‘ഗ്ലാ​സ് ഗെ​യിം’ ന​മ്മെ അ​നു​സ്മ​രി​പ്പി​ക്കു​ന്ന​തു​പോ​ലെ, ദുഃ​ഖ​സാ​ന്ദ്ര​മാ​യ ന​മ്മു​ടെ ജീ​വി​ത​ത്തി​ലും ന​മു​ക്കു സ​ന്തോ​ഷി​ക്കു​വാ​ൻ ഏ​റെ വ​ക​യു​ണ്ട്. അ​തു​വി​സ്മ​രി​ക്കാ​തെ ന​ന്ദി​യു​ള്ള ഹൃ​ദ​യ​ത്തോ​ടെ മു​ന്നോ​ട്ടു​പോ​കു​വാ​ൻ ന​മു​ക്കു സാ​ധി​ച്ചാ​ൽ ന​മ്മു​ടെ ജീ​വി​തം ഏ​റെ മെ​ച്ച​പ്പെ​ടും. എ​ന്നു​മാ​ത്ര​മ​ല്ല, ഏ​റെ ദുഃ​ഖ​ക​ര​മാ​യ സാ​ഹ​ച​ര്യ​ത്തി​ലും ന​മ്മു​ടെ ഹൃ​ദ​യ​സ​മാ​ധാ​നം ന​മു​ക്കു ന​ഷ്‌​ട​പ്പെ​ടു​ക​യു​മി​ല്ല.

അ​പ്പോ​ൾ പ്ര​ധാ​ന​പ്പെ​ട്ട കാ​ര്യം ദുഃ​ഖ​ങ്ങ​ൾ​ക്കി​ട​യി​ലും നാം ​അ​നു​ഭ​വി​ക്കു​ന്ന ന​ന്മ​ക​ളെ​ക്കു​റി​ച്ച് അ​വ​ബോ​ധ​മു​ള്ള​വ​രാ​യി​രി​ക്കു​ക എ​ന്ന​താ​ണ്. എ​ന്നു​മാ​ത്ര​മ​ല്ല, അ​വ​യെ​ക്കു​റി​ച്ചു നാം ​യ​ഥാ​ർ​ഥ​ത്തി​ൽ സ​ന്തോ​ഷി​ക്കു​ക​യും ന​ന്ദി​യു​ള്ള​വ​രാ​യി​രി​ക്കു​ക​യും ചെ​യ്യ​ണം. അ​ങ്ങ​നെ ചെ​യ്യു​വാ​ൻ ന​മു​ക്കു സാ​ധി​ച്ചാ​ൽ ലോ​ക​ത്തി​ൽ ഒ​രു ശ​ക്തി​ക്കും ന​മ്മു​ടെ ആ​ത്മ​സ​ന്തോ​ഷം ത​ല്ലി​ക്കെ​ടു​ത്തു​വാ​ൻ സാ​ധി​ക്കു​ക​യി​ല്ലെ​ന്ന​താ​ണു വ​സ്തു​ത. അ​തു ന​മു​ക്കു മ​റ​ക്കാ​തി​രി​ക്കാം.

ഫാ. ജോസ് പന്തപ്ലാംതൊട്ടിയിൽ


Copyright @ 2022 , Rashtra Deepika Ltd.