വിവാഹിതരായ മകനോ മകൾക്കോ ആശ്രിതനിയമനം ലഭിക്കും : Deepika.com Tax News

Services & Questions

വിവാഹിതരായ മകനോ മകൾക്കോ ആശ്രിതനിയമനം ലഭിക്കും

എന്‍റെ അച്ഛൻ വനംവകുപ്പി ൽ ഗാർഡ് ആയിരുന്നു. കഴിഞ്ഞമാസം സർവീസിലിരിക്കെ മരണമടഞ്ഞു. അമ്മ ആറു വർഷം മുന്പ് ഒരു അപകടത്തിൽ മരണപ്പെട്ടിരുന്നു. ഞാൻ ഒരു മകൾ മാത്രമാണുള്ളത്. എന്‍റെ വിവാഹം കഴിഞ്ഞിട്ട് ഇപ്പോൾ മൂന്നു വർഷമായി. എന്‍റെ ഭർത്താവിന് സർക്കാർ ജോലി ഇല്ല. ഭർത്താവ് സ്വകാര്യമേഖല യിലാണ് ജോലിചെയ്യുന്നത്. വിവാഹിതയായ എനിക്ക് സമാശ്വാസ പദ്ധതി പ്രകാരം ജോലിക്ക് അർഹതയില്ലേ? വിവാഹിത ആയതുകൊണ്ട് ജോലി ലഭിക്കാൻ സാധ്യത ഇല്ലെന്നാണ് അറിയാൻ കഴിഞ്ഞത് ? ഇതു ശരിയാണോ?
എം. ജയകുമാരി, റാന്നി

മുന്പ് ആശ്രിത നിയമന പദ്ധതിയിൽ വിവാഹിതരായ മക നെയോ മകളെയോ ഉൾപ്പെടുത്തിയിരുന്നില്ല. എന്നാൽ ഈ വ്യവസ്ഥ പിന്നീട് ഭേദഗതി ചെയ്തു. ഇതിൻപ്രകാരം മരണമടഞ്ഞ ജീവനക്കാരന്‍റെ ആശ്രിതൻ / ആശ്രിതയാ യിരുന്നു ഇവർ എന്നു തെളിയിക്കുന്ന സർട്ടിഫിക്കറ്റ് ആവശ്യമാണ്. അതിനാൽ ആശ്രിത നിയമനത്തിന് വിവാഹിതരായ മകൻ /മകൾ എന്നിവർക്ക് അർഹതയുണ്ട്. എന്നാൽ വിവാഹശേഷവും ഇവർമരണമടഞ്ഞ ജീവനക്കാരു ടെ ആശ്രിതരായിരുന്നു എന്നു തെളിയിക്കുന്ന തഹസീൽദാരിൽനിന്നു ലഭിച്ച സർട്ടിഫിക്കറ്റ് ആവശ്യമാണ്. കൂടാതെ ഈ സർട്ടിഫിക്കറ്റിന്‍റെ അടിസ്ഥാനത്തിലാണ് സിനിയോറിറ്റി കണക്കാക്കുന്നത്.
12-4-2010ലെ 14/2010ലെ സർക്കാർ ഉത്തരവ് പ്രകാരമാണ് ഈ വ്യവസ്ഥ കൂട്ടിചേർക്കപ്പെട്ടിട്ടുള്ളത്.