2018 ഒക്‌‌ടോബറിനു ശേഷം കുടിശിക പൂർണമായും ലഭിക്കും : Deepika.com Tax News

Services & Questions

2018 ഒക്‌‌ടോബറിനു ശേഷം കുടിശിക പൂർണമായും ലഭിക്കും

എന്‍റെ ഭർത്താവ് 2015 മേയ് 31ന് വിരമിച്ചു. പെൻഷൻ ലഭിച്ചത് 2016 ഫെബ്രുവരിയിലാണ്. എന്നാൽ അദ്ദേഹം 2017 മാർച്ചിൽ മരണമടഞ്ഞു. എനിക്ക് ഫാമിലി പെൻഷൻ ലഭിക്കുന്നുണ്ട്. എന്നാൽ അദ്ദേഹത്തിന്‍റെ 2014 ജൂലൈ മുതലുള്ള പുതുക്കിയ നിരക്കിലുള്ള ശന്പളം പരിഷ്കരിച്ചും അതിൻപ്രകാരം പെൻഷന്‌ പുതുക്കി നിശ്ചയിച്ചും ഉത്തരവു ലഭിച്ചത് 2018 ഓഗസ്റ്റ് മാസത്തിലാണ്. ആ ഉത്തരവിൽ പരഷ്കരണ പ്രകാരമുള്ള ഗ്രാറ്റിവിറ്റി നാലു ഗഡുക്കളായും കമ്യൂട്ടേഷൻ രണ്ടു ഗഡുക്കളായും നൽകാനാണ് സൂചിപ്പിച്ചിട്ടുള്ളത്. 2018 ഒക്ടോബറിൽ നാലാം ഗഡുവിന്‍റെ കാലാവധി ആകും. അപ്പോൾ എനിക്ക് നാലു ഗഡുക്കളും കൂടി ഒന്നിച്ചു ലഭിക്കുമോ?
ലീലാമ്മ, കാട്ടൂർ

2014 ജൂലൈയിലെ ശന്പള പരിഷ്കരണ പ്രകാരവും പെൻഷൻ പരിഷ്കരണ പ്രകാരവും ഉള്ള കുടിശിഖ 1-/7/-2014 മുതൽ 31/-1-/2016 വരെയുള്ളതോ അതിനു മുന്പു വരെയുള്ളതോ നാലു ഗഡുക്കളായി 2017 ഏപ്രിൽ മുതൽ 2018 ഒക്ടോബർ വരെ പലിശ സഹിതം നൽകുമെന്നാണ് അറിയിച്ചിട്ടുള്ളത്. ഇതിൽ മൂന്നു ഗഡുക്കളുടെ വിതരണം കഴിഞ്ഞു. എന്നാൽ ഇതുവരെയും ഒരു ഗഡു പോലും വാങ്ങാൻ കഴിയാത്ത ജീവനക്കാർക്കും പെൻഷൻകാർക്കും 2018 ഒക്ടോബറിനുശേഷം പൂർണമായും കുടി ശിക ലഭിക്കാൻ അർഹതയുണ്ട്. അതിനാൽ 2018 ഒക്ടോബറിലോ അതിനുശേഷമോ ബന്ധപ്പെട്ട പേപ്പർ സഹിതം ട്രഷറിയുമായി ബന്ധപ്പെടുക.