മനാമ: ബഹ്റൈൻ ദേശീയ ദിനത്തിന്‍റെ ഭാഗമായി ഫ്രണ്ട്സ് ഓഫ് ബഹ്റൈനും, ഡിസ്കവർ ഇസ്ലാമും സംയുക്തമായി മനാമ അൽ ഹിലാൽ മെഡിക്കൽ ഗ്രൂപ്പുമായി സഹകരിച്ചു സൗജന്യ മെഗാ മെഡിക്കൽ ക്യാന്പ് സംഘടിപ്പിക്കുന്നു.
ഡിസംബർ 16 ഞായറാഴ്ച രാവിലെ 8 മുതൽ ഉച്ചയ്ക്ക് 2 വരെ ആദിലിയ അൽ ഹിലാൽ മെഡിക്കൽ സെന്‍ററിലാണ് ക്യാന്പ് നടക്കപ്പെടുന്നത്. ക്യാന്പിൽ കിഡ്നി പ്രൊഫൈൽ , ലിവർ പ്രൊഫൈൽ, കൊളെസ്ട്രോൾ, ബ്ലഡ് പ്രഷർ, ബ്ലഡ് ഷുഗർ എന്നിവ അറിയുന്ന രക്ത പരിശോധനയും കൂടാതെ പീഡിയാട്രിക്സ്, ഓർത്തോപീഡിക്സ്, യൂറോളജി, ന്യൂറോളജി, ഓഫ്താൽമോളജി, ഇഎൻടി, ഗൈനക്കോളജി, കാർഡിയോളജി, ജനറൽ മെഡിസിൻ എന്നീ വിഭാഗങ്ങളിലുള്ള വിദഗ്ധ ഡോക്ടർമാരുടെ ചികിത്സ സൗജന്യമായി ഉണ്ടായിരിക്കുന്നതാണ്.
ആദ്യം രജിസ്റ്റർ ചെയ്യുന്ന രണ്ടായിരത്തോളം ആളുകൾക്കാണ് ഈ ക്യാന്പിന്‍റെ സേവനം ലഭ്യമാകുക. https://bit.ly/2LcLEtiവേേുെ://യശേ.ഹ്യ/2ഘരഘഋശേ എന്ന ലിങ്കിലൂടെയും, ക്യാന്പ് ദിവസം രാവിലെ ഹോസ്പിറ്റലിലും രജിസ്റ്റർ ചെയ്യാവുന്നതാണെന്ന് സംഘാടകർ പത്രസമ്മേളനത്തിൽ അറിയിച്ചു. അൽ ഹിലാൽ മെഡിക്കൽ സെന്‍ററിൽ വച്ചു നടന്ന പത്ര സമ്മേളനത്തിൽ അൽ ഹിലാൽ ഹോസ്പിറ്റൽ സിഇഒ ഡോ. ശരത് ചന്ദ്രൻ, അഡ്മിനിസ്ട്രേറ്റർ ലിജോയ് ചാലക്കൽ, ഫ്രണ്ട്സ് ഓഫ് ബഹ്റൈൻ ഭാരവാഹികളായ എഫ്.എം. ഫൈസൽ, ജ്യോതിഷ് പണിക്കർ, ജഗത് കൃഷ്ണകുമാർ, റീന രാജീവ്, ഷിൽസ റിലീഷ്, മണിക്കുട്ടൻ, ഡിസ്കവർ ഇസ്ലാം പ്രതിനിധികളായ മുഹമ്മദ് സുഹൈർ, സെയ്ദ് താഹിർ, സെയ്ദ് എന്നിവരും സംബന്ധിച്ചു.