കുവൈത്ത്: കുവൈത്ത് കൊട്ടാരക്കര പ്രവാസി സമാജത്തിന്‍റെ ഉദ്ഘാടനവും ക്രിസ്മസ്, പുതുവത്സരാഘോഷവും യുണൈറ്റഡ് ഇന്ത്യൻ സ്കൂൾ അബാസിയയിൽ വച്ചു ചലച്ചിത്രതാരവും എംഎൽഎയുമായ കെ.ബി. ഗണേഷ് കുമാർ നിർവഹിച്ചു. കെകെപിഎസിന് എല്ലാവിധ ആശംസകളും അദ്ദേഹം നേർന്നു.
കെകെപിഎസ് പ്രസിഡൻറ് രാജീവ് കൃഷ്ണൻ അധ്യക്ഷത വഹിച്ച ചടങ്ങിൽ മെട്രോ മെഡിക്കൽ കെയർ എംഡി മുസ്തഫ ഹംസ ആശംസിച്ചു. കെകെപിഎസ് മെന്പർമാർക്കുള്ള പ്രത്യേക മെഡിക്കൽ കാർഡ് ഉദ്ഘാടനവും ഇതിനോടനുബന്ധിച്ചു നടത്തപ്പെട്ടു. ചടങ്ങിൽ ഗണേഷ് കുമാറിനെ റെജിമോൻ ജോർജ് പൊന്നാട അണിയിച്ചു. സെക്രട്ടറി ജിബി ജോർജ് സ്വാഗതവും ജനറൽ സെക്രട്ടറി അലക്സാണ്ടർ മാത്യു നന്ദിയും രേഖപ്പെടുത്തി. ചടങ്ങിൽ നോർക്ക ഡയറക്ടർ അജിത്ത് കൃഷ്ണൻ കെകെപിഎസ് രക്ഷാധികാരിയുമായ അഡ്വ. തോമസ് പണിക്കർ, ഷംസു താമരക്കുളം, ബിനോയി സെബാസ്റ്റ്യൻ, മനോജ് മാവേലിക്കര, ഷൈനി ഫ്രാങ്ക് എന്നിവർ ആശംസ അർപ്പിച്ചു.
തുടർന്ന് ചലച്ചിത്ര പിന്നണിഗായിക അനിത ഷെയ്ഖ് ഐഡിയ സ്റ്റാർ സിംഗർ ഫെയിം ജോബി ജോണ്, വിഷ്ണു എന്നിവർ നയിച്ച ഗാനസന്ധ്യ അരങ്ങേറി. സോണി എബ്രഹാം,തോമസ് പണിക്കർ, രതീഷ് രവി, കോശി ബേബി , വിനയ് സുരേഷ്, ജോണ്സണ് ബെന്നി, ഷാലുതോമസ് ,സന്തോഷ് കലപില, അൽ അമീൻ, രാജു അലക്സാണ്ടർ, ബിജു, ഷംന അൽ അമീൻ, സെറിൻ വർഗീസ്, ജെറിൻ സോജോ എന്നിവർ ആശംസ അർപ്പിച്ചു.
റിപ്പോർട്ട്: സലിം കോട്ടയിൽ