മക്ക: സംസ്കരണം, ജീവകാരുണ്യം, മനുഷ്യാകാശ സംരക്ഷണം എന്നീ ലക്ഷ്യങ്ങൾക്ക് വേണ്ടി പ്രവർത്തിക്കുന്ന അൽ അൻവാർ ജസ്റ്റീസ് ആൻറ് വെൽഫെയർ അസോസിയേഷൻ (അജ് വ) എന്ന കൂട്ടായ്മയുടെ സൗദി നാഷണൽ കമ്മിറ്റി നിലവിൽ വന്നു.
നിലവിൽ സൗദിയിൽ ജിദ്ദ, മക്ക, മദീന, റിയാദ്, ദമാം, ഖോബാർ, റഖാ, ദഹ്റാൻ തുടങ്ങിയ നഗരങ്ങൾ കേന്ദ്രീകരിച്ച് അജ് വയുടെ കമ്മിറ്റികൾ പ്രവർത്തിച്ചു വരുന്നുണ്ട്. നിലവിൽ ഉള്ള കമ്മിറ്റികളുടെ പ്രവർത്തനം ഏകീകരിക്കുന്നതിൻറെ ഭാഗമായും, ഘടകങ്ങൾ നിലവിൽ ഇല്ലാത്ത സ്ഥലങ്ങളിൽ പുതിയ ഘടകങ്ങൾ രൂപീകരിക്കുന്നതിൻയും കൂടി ഭാഗമായാണ് നാഷണൽ കമ്മിറ്റിക്ക് രൂപം നൽകിയത്.
സൗദി സന്ദർശനത്തിനെത്തിയ സംസ്ഥാന വർക്കിംഗ് പ്രസിഡന്റ് സയ്യിദ് പി.എം.എസ്.എ. ആറ്റക്കോയ തങ്ങളാണ് കമ്മിറ്റി ഒൗദ്യോഗിഗമായി പ്രഖ്യാപിച്ചത്. ഭാരവാഹികളായി സലീം സഖാഫി പള്ളിക്കൽ റിയാദ് (രക്ഷാധികാരി), ശംസുദ്ധീൻ ഫൈസി കൊട്ടുകാട് ദമാം (പ്രസിഡന്റ്), സുബൈർ മന്നാനി കുരീപ്പുഴ ദമാം, വിജാസ് ഫൈസി ചിതറ, അബ്ദുൾ ഹലീം കണ്ണനല്ലൂർ റിയാദ് (വൈസ് പ്രസിഡന്റുമാർ) അനീസ് കൊടുങ്ങല്ലൂർ ജിദ്ദ (ജനറൽ സെക്രട്ടറി), നവാസ് ഐ.സി.എസ് ദഹ്റാൻ, ആസാദ് ശാസ്താംകോട്ട മദീന, ജാഫർ മുല്ലപ്പള്ളി മലപ്പുറം (ജോയ്ൻറ് സെക്രട്ടറിമാർ) നിസ്സാം പി.എച്ച്.എം. ഖസീം (ട്രഷറർ) എക്സിക്യൂട്ടീവ് അംഗങ്ങളായി അസ് ലം വെള്ളൂർ മക്ക, സക്കീർ ഹുസൈൻ മുസ്ല്യാർ ദമാം, അബ്ദുൾ ലത്ത്വീഫ് മുസ്ല്യാർ മദീന, ഉസ്മാൻ താനാളൂർ തബൂക്ക്, അബ്ദുൾ കരീം അസ്ഹരി ദമാം, ഉമർ മേലാറ്റൂർ ജിദ്ദ, ശറഫുദ്ധീൻ ബാഖവി, ഇബ്രാഹിംകുട്ടി ശാസ്താംകോട്ട, അബുസുമയ്യ സക്കരിയ്യ അമാനി, അബ്ദുൾ അസീസ് തേവലക്കര, ഹാരിസ് മന്നാനി, ശുക്കൂർ കാപ്പിൽ, നസീറുദ്ധീൻ ഫൈസി പൂഴനാട്, സൈനുദ്ധീൻ ബാഖവി റോഡുവിള എന്നിവരെ തെരഞ്ഞെടുത്തു.
റിപ്പോർട്ട് : കെ.ടി. മുസ്തഫ പെരുവള്ളൂർ