ദുബായ്: "വിദ്യകൊണ്ട് പ്രബുദ്ധരാവുക സംഘടനകൊണ്ട് ശക്തരാവുക എന്ന ഗുരുദേവ സന്ദേശത്തെ' സ്മരിച്ചുകൊണ്ട് വിദ്യാഭ്യാസ രംഗത്ത് പുതു തലമുറക്ക് കൂടുതൽ പ്രചോദനം നൽകുക എന്ന ലക്ഷ്യത്തോടെ എസ്എൻഡിപി യോഗം ദുബായ് യൂണിയൻ എല്ലാ വർഷവും നൽകി വരാറുള്ള ശാരദ ദേവി എക്സലൻസി അവാർഡുകൾ ഈ വർഷവും പത്താം ക്ലാസ്, പ്ലസ്ടു, എംബിബിഎസ് പരീക്ഷകളിൽ മികച്ച വിജയം കൈവരിച്ച വിദ്യാർഥികൾക്ക് നൽകി ആദരിച്ചു.
എസ്എൻഡിപി യോഗം ദുബായ് യൂണിയൻ വൈസ് ചെയർമാൻ ശിവദാസൻ പൂവാർ അധ്യക്ഷത വഹിച്ച ചടങ്ങിൽ യൂണിയൻ കണ്‍വീനർ സാജൻ സത്യ സ്വാഗതം പറഞ്ഞു. എസ്എൻഡിപി യോഗം സേവനം അസോസിയേഷൻ വൈസ് ചെയർമാൻ പ്രസാദ് ശ്രീധരൻ ഉദ്ഘാടനം ചെയ്തു. രാജീവ് കോടംപ്പള്ളി, മുരളി മംഗലത്ത്, ഷീന ഷാജി എന്നിവർ മുഖ്യ അതിഥികളായി പങ്കെടുത്തു. തുടർന്ന് ഖഞഇ ജെ.ആർ.ഒ ബാബു, ഷാജി രാഘവൻ, ഉഷ ശിവദാസൻ, ശീതള ബാബു, മിനി ഷാജി, ആര്യൻ ധവാൻ , ശ്രാവണ്‍ സുരേഷ് എന്നിവർ ആശംസകൾ അറിയിച്ചു.മേദ ബൽദേവ്, അഹല്യ ഷാജി, വിദ്യ കപൂർ, മീര മോഹൻദാസ്, മഞ്ജിമ ജയപ്രകാശൻ, ഋഷികേശ്, മൗര്യജി. രാജ്, പൊന്നു സന്തോഷ്, ശ്രേയ സന്തോഷ് , ജിതിൻ പ്രസന്നൻ, നന്ദു കൃഷ്ണ, വിഘ്നേശ് ദാസ്, രോഹിത് പ്രസാദ്, അർജുൻ രാജേന്ദ്ര മോഹൻ , അഖിൽ പ്രസീതൻ, വിഷ്ണു ദാസ്, ശ്രീവിദ്യ സുരേഷ് എന്നിവരാണ് ഇത്തവണത്തെ ശാരദ ദേവി എക്സലൻസി അവാർഡ് ജേതാക്കൾ.