മക്ക: ഈ വർഷം ഹജ്ജ് കമ്മിറ്റി മുഖേന മക്കയിലെത്തിയ ആദ്യ മലയാളി സംഘത്തിന് ഐസിഎഫ് - ആർഎസ്സി വോളണ്ടീയർ കോർ സ്വീകരണം നൽകി. 166 ഹാജിമാരുമായി ചൊവ്വാഴ്ച രാത്രി കോഴിക്കോട് നിന്ന് പുറപ്പെട്ടു രാവിലെ 4.30നു ജിദ്ദയിൽ ഇറങ്ങിയ തീർഥാടക സംഘം എട്ടിന് മക്കയിലെത്തി.
അസീസിയ്യയിൽ 282-ാം മക്തബിന് കീഴിൽ 182-ാം നമ്പർ ബിൽഡിംഗിലാണ് സംഘത്തിന് താമസം ഒരുക്കിയിട്ടുള്ളത്. മുസല്ല അടങ്ങിയ കിറ്റ് നൽകിയും ലബ്ബയ്ക്ക വരികൾ ഉരുവിട്ടുമാണ് ഹാജിമാരെ സ്വീകരിച്ചത്.
ഹനീഫ അമാനി, ജമാൽ കക്കാട്, അനസ് മുബാറക്, അൻസാർ താനാളൂർ, സുഹൈർ കോതമംഗലം, മുഈനുദ്ധീൻ ബറകാത്തി, നാസർ മക്കരപറമ്പ്, സഈദ് സഖാഫി, മുനീർ ഹാജി, റാഷിദ് നിസാമി, കബീർ ചേളാരി, റഷീദ് വേങ്ങര, ഷകീർ ഖാലിദ്,ഫിറോസ് സഅദി, ശംസുദ്ധീൻ അഹ്സനി, അബ്ദു സമദ് ബാഖവി എന്നിവർ സ്വീകരണത്തിന് നേതൃത്വം നൽകി.