ന്യൂഡൽഹി: ഡൽഹി മലയാളി അസോസിയേഷൻ രോഹിണി ഏരിയയുടെ വാർഷിക പൊതുയോഗവും പുതിയ ഭാരവാഹികളുടെ തെരഞ്ഞെടുപ്പും 21ന് വൈകുന്നേരം നാലിന് രോഹിണി സെക്ടർ-ഏഴിലെ അയ്യപ്പ ക്ഷേത്രത്തിനടുത്തുള്ള കാളി ബാഡി മന്ദിർ അങ്കണത്തിൽ നടക്കും.
റിട്ടേണിംഗ് ഓഫീസറായി ജെ. സോമനാഥനെയും തെരെഞ്ഞെടുപ്പ് സംബന്ധമായ കാര്യങ്ങളുടെ കോഓർഡിനേറ്ററായി ഡിഎംഎ വൈസ് പ്രസിഡന്റ് കെ.ജി. രഘുനാഥൻ നായരെയും നിയമിച്ചു. 2024 - 2027 വർഷക്കാലത്തേക്കാണ് പുതിയ ഭാരവാഹികളെ തെരഞ്ഞെടുക്കുക.
ചെയർമാൻ, വൈസ് ചെയർമാൻ, സെക്രട്ടറി, ജോയിന്റ് സെക്രട്ടറി (രണ്ട്), ട്രഷറർ, ജോയിന്റ് ട്രഷറർ, ഇന്റേണൽ ഓഡിറ്റർ, വനിതാ വിഭാഗം കൺവീനർ, ജോയിന്റ് കൺവീനർ (രണ്ട്), എക്സിക്യൂട്ടീവ് കമ്മിറ്റി അംഗങ്ങൾ (11), യുവജന വിഭാഗം കൺവീനർ (18 - 35 വയസ്), ജോയിന്റ് കൺവീനർ (രണ്ട്) എന്നീ തസ്തികകളിലേക്കാണ് തെരഞ്ഞെടുപ്പ് ആവശ്യമെങ്കിൽ നടക്കുക.
റിട്ടേണിംഗ് ഓഫിസറുടെ കാര്യാലയമായ ബി-2/96, സെക്ടർ-6, രോഹിണിയിൽ നിന്നും ഈ മാസം ഏഴ്, എട്ട്, ഒന്പത് തീയതികളിൽ വൈകുന്നേരം ഏഴ് മുതൽ 8.30 വരെ നാമനിർദേശ പത്രിക കൈപ്പറ്റാനും പൂരിപ്പിച്ച പത്രിക സമർപ്പിക്കാവുന്നതുമാണ്.
പത്തിനു രാത്രി 8.30ന് ആകെ കിട്ടിയ പത്രികകളുടെ ലിസ്റ്റ് പ്രസിദ്ധപ്പെടുത്തും. 12ന് വൈകുന്നേരം ഏഴ് മുതൽ രാത്രി 8.30 വരെ പത്രിക പിൻവലിക്കാൻ സമയമുണ്ട്. സൂക്ഷ്മ പരിശോധനക്കു ശേഷം 13ന് രാത്രി 8.30ന് ഫൈനൽ ലിസ്റ്റ് പ്രസിദ്ധീകരിക്കും.
വോട്ടിംഗ് ആവശ്യമായി വന്നാൽ 21ന് വൈകുന്നേരം നാലു മുതൽ വൈകുന്നേരം ആറു വരെയാണ് സമയം. വോട്ട് രേഖപ്പെടുത്തുവാൻ വരുന്ന രോഹിണി ഏരിയയിലെ അംഗങ്ങൾ ഫോട്ടോ പതിച്ച സർക്കാർ തിരിച്ചറിയൽ രേഖ കൈവശം കരുതേണ്ടതാണ്.
കൂടുതൽ വിവരങ്ങൾക്ക് റിട്ടേണിംഗ് ഓഫീസറെയോ കോഓർഡിനേറ്ററെയോ 9717999482, 9818750868 എന്നീ നമ്പരുകളിൽ ബന്ധപ്പെടാവുന്നതാണ്.