ഫ്ളോറിഡ: സൗത്ത് ഫ്ളോറിഡയിലെ പ്രമുഖ മലയാളി സംഘടനകളായ കേരള സമാജവും നവകേരളയും സംയുക്തമായി സംഘടിപ്പിച്ച സ്വാതന്ത്ര്യദിന ആഘോഷച്ചടങ്ങ് ഏറെ ശ്രദ്ധേയമായി.
ഡേവി ഗാന്ധി സ്ക്വയറിൽ സംഘടിപ്പിച്ച സ്വാതന്ത്ര്യദിന ആഘോഷത്തോടനുബന്ധിച്ച് ഗാന്ധി പ്രതിമക്ക് മുന്പിൽ പുഷ്പാർച്ചന നടത്തി. ഡേവി മേയർ ജൂഡി പോൾ ചടങ്ങ് ഉദ്ഘാടനം ചെയ്തു. തുടർന്ന് ദേശഭക്തി ഗാനങ്ങൾ ആലപിച്ചു. കേരള സമാജം നവകേരള പ്രസിഡന്റുമാരായ ബാബു കല്ലിടിക്കിൽ, ഷാന്റി വർഗീസ് സെക്രട്ടറിമാരായ ജോർജ് മാലിൽ ,ജെയിൻ വത്യേലിൽ വൈസ് പ്രസിഡന്റുമാർ ഷാജൻ കുറുപ്പുമഠം , ബിജോയ് സേവ്യർ ട്രഷറർ മത്തായി മാത്യു, നിയുക്ത പ്രസിഡന്റ് ജോജി ജോണ്, കുഞ്ഞമ്മ കോശി, സുരേഷ് നായർ,മാത്തുക്കുട്ടി തുന്പമണ് ,സജി സക്കറിയ ,ജോയ് കുറ്റിയാനി ,സാജൻ മാത്യു,സാം പാറതുണ്ടിൽ,മത്തായി വെന്പാല, മാമ്മൻ സി ജേക്കബ്, ജോർജി വറുഗീസ്, റോഷ്നി ബിനോയ്,അഷ്ന സജി സജി തുടങ്ങിയവരും പങ്കെടുത്തു.
ആദ്യമായി സംഘടിപ്പിച്ച സംയുക്തമായ ഈ കൂട്ടായ്മ ഭാവിയിലും തുടരാൻ ആഗ്രഹിക്കുന്നതായി കേരള സമാജം പ്രസിഡന്റ് ബാബു കല്ലിടിക്കിലും, നവകേരള പ്രസിഡന്റ്് ഷാൻറ്റി വർഗീസും പറഞ്ഞു. സൗത്ത് ഫ്ലോറിഡയിലെ മലയാളി സമൂഹത്തിന്റെ പൊതുവിഷയങ്ങളിൽ ഒറ്റകെട്ടായി പ്രവർത്തിക്കാനും ശ്രമിക്കുമെന്നും അവർ പറഞ്ഞു.
റിപ്പോർട്ട്: ജോയിച്ചൻ പുതുക്കുളം