മ​ഴ​യു​ടെ ആ​ര​വ​വും പ​ള്ളി​ക്കു​ടം തു​റ​ക്ക​ലും
പ്ര​വേ​ശ​നോ​ത്സ​വം അ​ക്കാ​ല​ത്തി​ല്ല. ഇ​ര​ന്പി​വ​രു​ന്ന മ​ഴ​യു​ടെ ആ​ര​വ​വും ന​ന​ഞ്ഞു കൂ​ട്ടം​കൂ​ടി​യു​ള്ള ന​ട​പ്പും മാ​ത്ര​മാ​യി​രു​ന്നു പ​ഴ​യ ത​ല​മു​റ​യു​ടെ പ​ള്ളി​ക്കൂ​ടം തു​റ​ക്ക​ലി​ന്‍റെ ഇ​ന്പ​വും ക​ന്പ​വും. മേ​യ് അ​വ​സാ​നം ക​രി​മേ​ഘ​ങ്ങ​ൾ ഇ​രു​ൾ പ​ട​ർ​ത്തു​ന്ന മാ​ന​ത്ത് ഇ​ടി​മി​ന്ന​ലി​ന്‍റെ അ​ക​ന്പ​ടി​യോ​ടെ എ​ത്തു​ന്ന മ​ണ്‍​സൂ​ണ്‍. സ്കൂ​ൾ തു​റ​ക്ക​ലി​ന്‍റെ ദി​വ​സം​ത​ന്നെ മ​ഴ തി​മ​ർ​ക്കു​ക പ​തി​വാ​യി​രു​ന്നു.

തോ​ടും പു​ഴ​യും ക​ര​യും കാ​യ​ലും അ​തി​വേ​ഗം നി​റ​യു​ന്ന തോ​രാ​മ​ഴ. പ​ക​ൽ ത​വ​ള​ക​ളു​ടെ കൂ​ട്ട​ക്ക​ര​ച്ചി​ൽ. രാ​ത്രി ചീ​വീ​ടു​ക​ളും. രാ​ത്രി​ക​ളി​ൽ പു​ത​പ്പി​നു​ള്ളി​ലേ​ക്ക് അ​രി​ച്ചി​റ​ങ്ങു​ന്ന കൊ​ടും​ത​ണു​പ്പ്. ഓ​ല കെ​ട്ടി​യ​തും ഓ​ടു മേ​ഞ്ഞ​തു​മാ​യ ഏ​റെ വീ​ടു​ക​ളും ഇ​ട​വ​പ്പാ​തി​യി​ൽ ചോ​രും.

സ്ലേ​റ്റും ക​ല്ലു​പെ​ൻ​സി​ലു​മാ​ണ് ഒ​ന്നാം ക്ലാ​സി​ലേ​ക്കു​ള്ള ഏ​ക സ​മ്മാ​നം. ഏ​റി​യാ​ൽ ഒ​രു ഉ​ടു​പ്പും വ​ള്ളി​നി​ക്ക​റും വാ​ങ്ങി​ത്ത​രും. തു​ണി​സ​ഞ്ചി​പോ​ലും ആ​ഡം​ബ​ര​മാ​യി​രു​ന്ന അ​ക്കാ​ല​ത്ത് കൈ​യി​ലാ​ണ് പ​ഠ​ന​സാ​മ​ഗ്രി​ക​ൾ ക​രു​തു​ക. അ​യ​ല​ത്തെ കു​ട്ടി​യു​ടെ പ​ഴ​യ പു​സ്ത​കം വാ​ങ്ങി പ​ഠി​ക്കു​ക​യാ​ണ് പ​തി​വ്. ഇ​ത്ത​ര​ത്തി​ൽ ര​ണ്ടു മൂ​ന്നു വ​ർ​ഷം കൈ​മാ​റി വ​രെ പ​ഴ​യ പു​സ്ത​ക​ങ്ങ​ളി​ൽ പ​ഠി​പ്പ് തു​ട​രും. ര​ണ്ടാം ക്ലാ​സ് ക​യ​റ​ണം ഒ​രു റൂ​ളി​പ്പെ​ൻ​സി​ൽ സ്വ​ന്ത​മാ​കാ​ൻ. മ​ഷി​പ്പേ​ന കി​ട്ടാ​ൻ അ​ഞ്ചാം ക്ലാ​സി​ലെ​ത്ത​ണം. ബോ​ൾ പേ​ന കി​ട്ടു​ക ഏ​റെ ദു​ഷ്ക​രം.

റ​ബ​ർ ബാ​ൻ​ഡി​ലും ഇ​ലാ​സ്റ്റി​ക്കി​ലും ഒ​തു​ക്കി കെ​ട്ടി​യ പു​സ്ത​ക​ങ്ങ​ൾ നെ​ഞ്ചോ​ടു ചേ​ർ​ത്ത് മ​ഴ ച​വി​ട്ടി​യു​ള്ള ന​ട​ത്തം. പാ​ട​വ​ര​ന്പും തോ​ട്ടു​വ​ര​ന്പും ന​ട​വ​ഴി​യും താ​ണ്ടി​യു​ള്ള ന​ട​പ്പ​നു​ഭ​വ​മാ​യി​രു​ന്നു പ​ഠ​ന​ത്തേ​ക്കാ​ൾ ര​സം.

പാ​വ​പ്പെ​ട്ട കു​ട്ടി​ക​ൾ​ക്ക് കു​ട അ​ല​ങ്കാ​ര​മാ​യി​രു​ന്നു. ഒ​രു കു​ട​യി​ൽ നി​റ​യെ​പ്പേ​രു​ണ്ടാ​വു​ക​യും ചെ​യ്യും. വാ​ഴ​യി​ല​യും തേ​ക്കി​ല​യും ചൂ​ടി വ​രു​ന്ന​വ​ർ പ​ല​രാ​യി​രു​ന്നു. ഉ​ച്ച​യ്ക്ക് സ്കൂ​ൾ വ​രാ​ന്ത​യി​ൽ വി​ള​ന്പു​ന്ന ഉ​പ്പു​മാ​വ് തി​ന്നാ​നു​ള്ള ക​രു​ത​ൽ​കൂ​ടി​യാ​യി​രു​ന്നു ഇ​ല.

ഓ​ല​യും ഓ​ടും മേ​ഞ്ഞ അ​ര​ഭി​ത്തി​യു​ള്ള പ​ള്ളി​ക്കൂ​ടം. ആ​ട്ടം നി​ല​യ്ക്കാ​ത്ത കാ​ല​ൻ ത​ടി ബ​ഞ്ചു​ക​ളി​ലെ പ​രു​ക്ക​ൻ ഇ​രു​പ്പ്. ക്ലാ​സു​ക​ളെ വേ​ർ​തി​രി​ക്കാ​ൻ മ​റ​ക​യും മാ​റാ​ല​യു​മൊ​ന്നു​മി​ല്ല. ചോ​ക്ക് അ​മ​ർ​ത്തി​യെ​ഴു​തി​യാ​ലും അ​ക്ഷ​രം തെ​ളി​യാ​ത്ത പ​രു​ക്ക​ൻ പ​ല​ക ബ്ലാ​ക്ക് ബോ​ർ​ഡ്. ചി​ല​ന്തി വ​ല​യു​ടെ അ​ല​ങ്കാ​ര​ത്തി​ൽ ചോ​ർ​ച്ച​യു​ള്ള ഓ​ടു​മേ​ൽ​ക്കൂ​ര. ക്ലാ​സി​നു മു​ൻ​പും അ​വ​സാ​നി​ക്കു​ന്പോ​ഴു​മു​ള്ള മ​ണി​യ​ടി​യു​ടെ ഇ​ന്പം ഓ​ർ​മ​യി​ൽ ക​ന്പ​മാ​യി ബാ​ക്കി​യു​ണ്ട്. ഒ​രു കൈ​യി​ൽ പ​ര​ന്ന ഓ​ട്ടു​മ​ണി​യും മ​റു​കൈ​യി​ൽ കൊ​ട്ടു​വ​ടി​യു​മാ​യി വ​രാ​ന്ത​യി​ൽ നി​ന്ന് പ്യൂ​ണ്‍ മു​ഴ​ക്കു​ന്ന നാ​ദം. ഹാ​ജ​ർ വി​ളി​യി​ൽ ചി​ട്ട​യു​ടെ അ​ട​യാ​ള​മാ​യി ടീ​ച്ച​റി​ന്‍റെ ചൂ​ര​ൽ​വ​ടി​യും വ​ർ​ത്താ​നി​ച്ചാ​ൽ ചെ​വി​ക്കി​ഴു​ക്കും ഇം​പോ​സി​ഷ​നും.

പാ​വ​പ്പെ​ട്ട കു​ട്ടി​ക​ൾ ക്ലാ​സി​ൽ മ​ഴ ന​ന​ഞ്ഞാ​ണ് വ​രി​ക. മ​ഴ ക​ന​ത്താ​ൽ പ​ല​രും വ​ഴി​മ​ധ്യേ പീ​ടി​ക​ത്തി​ണ്ണ​ക​ളി​ൽ നി​ന്നു​പോ​കും. കു​തി​ർ​ന്ന ഉ​ടു​പ്പു നി​ക്ക​റു​ക​ളി​ൽ ഈ​ർ​പ്പം ക​ല​ർ​ന്ന വി​യ​ർ​പ്പി​ന്‍റെ മ​ണ​മു​ണ്ടാ​കും. പ​ഴ​യ പു​സ്ത​ക​ങ്ങ​ളും ഉ​ടു​പ്പു​നി​ക്ക​റും തു​ള​വീ​ണ സ​ഞ്ചി​യും വി​ള്ള​ലു​ള്ള ത​ടി സ്ലേ​റ്റും മു​റി​ക്ക​ല്ലു​പെ​ൻ​സി​ലു​മൊ​ക്കെ​യാ​ണ് പ​ഠ​ന സാ​മ​ഗ്രി​ക​ൾ.

ഉ​പ്പു​മാ​വി​ന് അ​വ​ധി​യു​ള്ള ദി​വ​സ​ങ്ങ​ളി​ൽ ക്ലാ​സി​ൽ പ​ട്ടി​ണി​ക്കാ​ർ പ​ല​രു​ണ്ടാ​കും. കാ​ർ​മേ​ഘം പൊ​തി​ഞ്ഞ ആ​കാ​ശ​ത്തി​നും മ​ര​ച്ചി​ല്ല​ക​ൾ​ക്കും താ​ഴെ കാ​ക്ക​ക്ക​ര​ച്ചി​ലു​ക​ളു​ടെ ചു​റ്റു​വ​ട്ട​ത്തി​ൽ നി​ന്നു​ള്ള പൊ​തി​ച്ചോ​റൂ​ണി​ന്‍റെ രു​ചി. ചാ​ക്ക​രി​ച്ചോ​റി​നൊ​പ്പം ച​മ്മ​ന്തി മാ​ത്ര​മേ കൂ​ട്ടാ​യു​ണ്ടാ​കൂ. ചോ​റി​ല്ലാ​ത്ത​വ​ർ​ക്ക് ഉ​ള്ള​വ​രു​ടെ ഇ​ല​ക​ളി​ൽ നി​ന്ന് നാ​ലു​രു​ള​യു​ണ്ണാ​ൻ അ​നു​വാ​ദം വേ​ണ്ട​താ​നും. അ​പൂ​ർ​വ​മാ​ണ് ചോ​റ്റു​പാ​ത്രം. ടി​ഫി​ൻ ബോ​ക്സ് എ​ന്നൊ​രു വാ​ക്ക് കേ​ട്ട​റി​വു​പോ​ലു​മി​ല്ല.  ഏ​റെ​പ്പേ​രും ഇ​ല​പ്പൊ​തി​യാ​ണ് കൊ​ണ്ടു​വ​രി​ക.

ചോ​റ്റു​പാ​ത്ര​ത്തി​നു​മു​ണ്ടാ​യി​രു​ന്നു സോ​ഷ്യ​ൽ സ്റ്റാ​റ്റ​സ്. സ്റ്റീ​ൽ​പാ​ത്രം പ​ണ​ക്കാ​ർ​ക്കു മാ​ത്രം. ഇ​ട​ത്ത​ര​ക്കാ​ർ​ക്ക് ഇ​ന്‍റാ​ലി​യം. ചെ​റു​കി​ട​ക്കാ​ർ​ക്ക് അ​ലൂ​മി​നി​യം. ദ​രി​ദ്ര​ർ​ക്ക് ഇ​ല. കു​ട​യു​ണ്ടെ​ങ്കി​ലും നി​വ​ർ​ക്കാ​തെ അ​ന്തി​മ​ഴ ന​ന​ഞ്ഞു​ള്ള പോ​ക്കി​നൊ​രു സു​ഖ​മു​ണ്ടാ​യി​രു​ന്നു. ചാ​ലു​കീ​റി​യ ഉ​റ​വ ച​വി​ട്ടി ത​ടി​പ്പാ​ലം ക​ട​ന്നും കു​ന്നു ക​യ​റി​യും മ​ല​യി​റ​ങ്ങി​യും ന​ന​ഞ്ഞു​ള്ള പോ​ക്ക്. വെ​ള്ളം വീ​ണും ചെ​ളി തെ​റി​പ്പി​ച്ചും അ​ഴു​ക്ക് പൊ​തി​ഞ്ഞ കു​പ്പാ​യം പി​റ്റേ​ന്നും ഇ​ടാ​ൻ മ​ടി​യും മാ​ന​ക്കേ​ടു​മി​ല്ലാ​ത്ത കാ​ലം.

പെ​രു​മ​ഴ ന​ന​ഞ്ഞ് പാ​ട​ങ്ങ​ളി​ൽ പ​ണി​യെ​ടു​ക്കു​ന്ന തൊ​ഴി​ലാ​ളി​ക​ൾ. തോ​ർ​ച്ച നോ​ക്കാ​തെ പ​ക്കം നോ​ക്കി വി​ത​യും ഞാ​റു ന​ടീ​ലും ക​ള​പ​റി​ക്ക​ലും. തോ​ട്ട​രു​കി​ലെ മാ​വി​ലും പ്ലാ​വി​ലും അ​ന്പ​ഴ​ത്തി​ലും ക​ട​പ്ലാ​വി​ലും പു​ളി​മ​ര​ത്തി​ലും നി​റ​യെ കാ​യ്ക​ൾ. തോ​ടു​ക​ളി​ലും കാ​യ​ലു​ക​ളി​ലും നീ​ങ്ങു​ന്ന ചെ​റു​വ​ള്ള​ങ്ങ​ൾ. തോ​ളി​ൽ കു​ട ചാ​രി ന​യ​ന്പു​തു​ഴ​ഞ്ഞ് വ​ല വീ​ശി മീ​ൻ പി​ടി​ക്കു​ന്ന​വ​ർ. നേ​ര​ന്പോ​ക്കി​ന് ചൂ​ണ്ട​യെ​റി​യു​ന്ന​വ​ർ.

ഓ​ടു​മേ​ഞ്ഞ പു​ര​മു​ക​ളി​ൽ നി​ന്നും തോ​ര​ണം​പോ​ലെ മു​റ്റ​ത്തേ​ക്കൊ​ഴു​കു​ന്ന വെ​ള്ളം ചാ​ലു​കീ​റി പു​ര​യി​ട​ങ്ങ​ളി​ലെ​ത്തും. ക​ണ്ണീ​രു​പോ​ലെ​യു​ള്ള ഉ​റ​വ ച​വി​ട്ടി​യു​ള്ള ന​ട​പ്പി​നും വീ​ഴ്ച​ക​ൾ​ക്കും വ​ല്ലാ​ത്തൊ​രു ര​സ​മു​ണ്ടാ​യി​രു​ന്നു.

വേ​ന്പ​നാ​ട്ടു കാ​യ​ലോ​ര ഗ്രാ​മ​ങ്ങ​ളി​ൽ ഉ​ള്ള​വ​ർ​ക്ക് ഇ​ട​വ​പ്പാ​തി മു​ത​ൽ ക​ർ​ക്കി​ട​കം വ​രെ​യു​ള്ള മാ​സ​ങ്ങ​ൾ പ​ട്ടി​ണി​യു​ടേ​താ​യി​രു​ന്നു. ആ​ർ​ത്ത​ല​ച്ചു പെ​യ്യു​ന്ന മ​ഴ​ക്കൊ​പ്പം കി​ഴ​ക്ക​ൻ വെ​ള​ളം ഇ​ര​ന്പി​യെ​ത്തും. വീ​ടു​ക​ളി​ലും പു​ര​യി​ട​ങ്ങ​ളി​ലും തോ​ടു​ക​ളി​ലും വെ​ള്ള​പ്പൊ​ക്കം. വ​റു​തി​യു​ടെ ക​ർ​ക്കി​ട​ത്തി​ൽ വേ​ല​യും കൂ​ലി​യും ഇ​ല്ലാ​തെ ഏ​റെ​പ്പേ​ർ. ത​ഴ​പ്പാ​യ​യും വി​ത്തു വ​ട്ടി​യും നെ​യ്ത് സൂ​ക്ഷി​ച്ചു വ​യ്ക്കു​ക്കു​ന്ന​വ​ർ പ​ഞ്ഞ​മാ​സ​ത്തി​ൽ വി​റ്റു കി​ട്ടു​ന്ന​തു​കൊ​ണ്ടാ​ണ് റേ​ഷ​ന​രി വാ​ങ്ങു​ക. തു​രു​ത്തു​ക​ളി​ൽ ഒ​റ്റ​പ്പെ​ട്ടു പോ​യ​വ​ർ മ​ണ്‍​കൂ​ര​യ്ക്കു​ള്ളി​ൽ ക​ട്ടി​ലി​ലും മേ​ശ​യി​ലും ഒ​ക്കെ​യാ​വും ഇ​രി​പ്പും കി​ട​പ്പും. വീ​ടോ​ളം ക​യ​റി​യ വെ​ള്ള​ത്തി​ൽ നി​ന്ന് അ​വ​രൊ​ക്കെ ചൂ​ണ്ട​യും ഉ​റു​വ​ല​യും ഏ​റി​ഞ്ഞ് ഉൗ​ത്ത മീ​ൻ പി​ടി​ക്കും.

വെ​ള്ള​പ്പൊ​ക്കം രൂ​ക്ഷ​മാ​യാ​ലും കൊ​തു​ന്പു വ​ള​ള​ത്തി​ൽ ചെ​റു തു​ഴ​ക​ളെ​റി​ഞ്ഞാ​യി​രു​ന്നു സ​ഞ്ചാ​രം. പ​ച്ച നെ​ല്ല് പു​ഴു​ങ്ങി ഉ​ണ​ങ്ങി വ​റ​ത്ത് ഉ​ര​ലി​ൽ കു​ത്തി​യെ​ടു​ത്താ​ണ് അ​മ്മ​മാ​ർ കു​ഞ്ഞു​ങ്ങ​ൾ​ക്ക് ഒ​രു നേ​ര​മെ​ങ്കി​ലും ക​ഞ്ഞി ന​ൽ​കി വ​ന്നി​രു​ന്ന​ത്. സ്കൂ​ൾ ബ​സും യൂ​ണി​ഫോ​മും ആ​ട​യാ​ഡം​ബ​ര​ങ്ങ​ളു​മൊ​ക്കെ​യാ​യി പ​ഠ​നം ആ​ഘോ​ഷ​മാ​യ ഇ​ക്കാ​ല​ത്തെ കു​ട്ടി​ക​ൾ അ​റി​യു​ന്നു​ണ്ടോ പ​ഴ​മ​ക്കാ​രു​ടെ പ​ഠ​ന പ​രീ​ക്ഷ​ണ​ങ്ങ​ളും പ​രി​മി​തി​ക​ളും.

പി.​ടി കു​ര്യ​ൻ, കു​മ​ര​കം


Copyright @ 2022 , Rashtra Deepika Ltd.