അ​യാ​ളെ എ​നി​ക്ക് ന​ന്നേ പ​രി​ച​യ​മു​ണ്ട്. ഞാ​ൻ പ​ഠി​ച്ച സ്കൂ​ളി​ൽ ത​ന്നെ​യാ​ണ് അ​യാ​ളും പ​ഠി​ച്ച​ത്. എ​ന്‍റെ സീ​നി​യ​റാ​യി പ​ഠി​ച്ച ആ​ളാ​ണ്. ക​ക്ഷി ഒ​രു കോ​ണ്‍​ട്രാ​ക്ട​റാ​ണ്. കു​ഞ്ഞു​മോ​ൻ എ​ന്ന അ​യാ​ൾ ഏ​ഴ് മ​ക്ക​ളി​ൽ അ​ഞ്ചാ​മ​നാ​ണ്. കു​ഞ്ഞു​മോ​ന്‍റെ മാ​താ​പി​താ​ക്ക​ൾ ഇ​രു​വ​രും ഒ​രു​മ​യി​ൽ ജീ​വി​ച്ചി​രു​ന്ന​വ​രാ​ണ്. അ​വ​ർ ജീ​വി​ച്ചി​രു​ന്ന കാ​ല​ത്തും പി​ന്നീ​ടും ത​ങ്ങ​ളു​ടെ മ​ക്ക​ൾ എ​ല്ലാ​വ​രും സാ​ഹോ​ദ​ര്യ​ത്തി​ൽ ജീ​വി​ക്ക​ണ​മെ​ന്ന് ആ​ഗ്ര​ഹി​ച്ചി​രു​ന്ന​വ​രു​മാ​ണ്. അ​വ​രെ​ല്ലാ​വ​രും ത​ങ്ങ​ളു​ടെ മാ​താ​പി​താ​ക്ക​ളു​ടെ കാ​ല​ത്തും പി​ന്നീ​ടും അ​ങ്ങ​നെ​യാ​ണ് ജീ​വി​ച്ച​തും ഇ​പ്പോ​ഴും അ​വ​ർ അ​ങ്ങ​നെ​ത​ന്നെ​യാ​ണ് ജീ​വി​ക്കു​ന്ന​തും. കു​ഞ്ഞു​മോ​ൻ ക​ഴി​ഞ്ഞ ദി​വ​സം എ​ന്നെ കാ​ണാ​ൻ ഞാ​ൻ താ​മ​സി​ക്കു​ന്ന സ്ഥ​ല​ത്ത് വ​ന്നി​രു​ന്നു. അ​യാ​ൾ ഇ​പ്പോ​ൾ വ​ലി​യൊ​രു ദു:​ഖ​ത്തി​ലാ​ണ്. ദു:​ഖ​കാ​ര​ണം കേ​ട്ട​പ്പോ​ൾ എ​നി​ക്ക് അ​ദ്ഭുത​മാ​ണ് തോ​ന്നി​യ​ത്. അ​യാ​ളു​ടെ മ​ക്ക​ളാ​യ അ​നൂ​പും വി​നി​ത​യും കു​റെ വ​ർ​ഷ​ങ്ങ​ളാ​യി വ​ലി​യ പി​ണ​ക്ക​ത്തി​ലാ​ണു​പോ​ലും. ശ​ത്രു​തു​ല്യ​രാ​യി ജീ​വി​ക്കു​ന്ന അ​വ​രി​രു​വ​രെ​യും ഞാ​ൻ വി​ളി​ച്ച് മി​ത്ര​ങ്ങ​ളാ​ക്ക​ണ​മെ​ന്ന അ​ഭ്യ​ർ​ത്ഥ​ന​യാ​ണ് കു​ഞ്ഞു​മോ​ൻ എ​ന്‍റെ മു​ന്നി​ൽവ​ച്ച​ത്. അ​നൂ​പും വി​നി​ത​യും വി​വാ​ഹി​ത​രാ​ണ്. അ​നൂ​പ് വി​ദേ​ശ​ത്ത് ഭാ​ര്യ​ക്കും ര​ണ്ട് മ​ക്ക​ൾ​ക്കു​മൊ​പ്പ​വും വി​നി​ത നാ​ട്ടി​ൽ ഭ​ർ​ത്താ​വി​നും കു​ഞ്ഞി​നു​മൊ​പ്പ​വു​മാ​ണ് താ​മ​സി​ക്കു​ന്ന​ത്. അ​നൂ​പ് എ​ൻ​ജി​നി​യ​റും വി​നി​ത ബാ​ങ്ക് ഉ​ദ്യോ​ഗ​സ്ഥ​യു​മാ​ണ്. അ​നൂ​പും വി​നി​ത​യും ശ​ത്രു​താ മ​നോ​ഭാ​വ​ത്തോ​ടെ ക​ഴി​യു​ന്ന​തി​നാ​ൽ അ​വ​രി​രു​വ​രു​ടെ​യും ജീ​വി​ത​പ​ങ്കാ​ളി​ക​ളും ഏ​താ​ണ്ട് അ​ത്ത​ര​മൊ​രു മ​നോ​ഭാ​വ​ത്തി​ൽ ത​ന്നെ​യാ​ണ് ഇ​പ്പോ​ൾ ക​ഴി​യു​ന്ന​ത്. ഇ​രു​കൂ​ട്ട​രും അ​ന്യോ​ന്യം ഫോ​ണ്‍ വി​ളി​ക്കാ​റു​പോ​ലു​മി​ല്ല. കാ​ര്യ​ങ്ങ​ളു​ടെ ഗൗ​ര​വം കു​ഞ്ഞു​മോ​നും അ​യാ​ളു​ടെ ഭാ​ര്യ​ക്കും മ​ന​സി​ലാ​യ​ത് ഈ​യി​ട​ക്ക് വി​നി​ത രോ​ഗബാ​ധി​ത​യാ​യി ആ​ശു​പ​ത്രി​യി​ൽ കി​ട​ന്ന​പ്പോ​ഴാ​ണ്. ആ ​ദി​വ​സ​ങ്ങ​ളി​ൽ അ​നൂ​പും കു​ടും​ബ​വും നാ​ട്ടി​ൽ ഉ​ണ്ടാ​യി​രു​ന്നു. കു​ഞ്ഞു​മോ​ൻ അ​നൂ​പി​നോ​ട് വി​നി​ത​യു​ടെ രോ​ഗ​വി​വ​ര​ങ്ങ​ൾ പ​റ​ഞ്ഞെ​ങ്കി​ലും ആ​ശു​പ​ത്രി​യി​ൽ പോ​യി അ​വ​ളെ കാ​ണാ​നോ അ​ക്കാ​ര്യ​ത്തോ​ട് താ​ൽ​പ​ര്യ​പൂ​ർ​വം പ്ര​തി​ക​രി​ക്കാ​നോ അ​യാ​ൾ ത​യ്യാ​റാ​യി​ല്ല. അ​തി​ന്‍റെ പേ​രി​ൽ അ​പ്പ​നും മ​ക​നും ത​മ്മി​ൽ അ​ന്ന് അ​ത്ര ചെ​റു​ത​ല്ലാ​ത്തൊ​രു വാ​ക്കേ​റ്റ​വും ഉ​ണ്ടാ​യി. ഇ​ക്കാ​ര്യ​ത്തെ സം​ബ​ന്ധി​ച്ച് കു​ഞ്ഞു​മോ​ന്‍റെ ഭാ​ര്യ മെ​ർ​ളി​ൻ ത​ന്‍റെ മ​ക​ളോ​ട് സം​സാ​രി​ച്ച​പ്പോ​ൾ എ​നി​ക്ക് അ​ങ്ങ​നെ​യൊ​രു സ​ഹോ​ദ​ര​ൻ ഇ​ല്ലെന്നാ​ണ് അ​വ​ൾ പ്ര​തി​ക​രി​ച്ച​ത്. ഏ​താ​യാ​ലും ഈ​യൊ​രു കാ​ര്യ​ത്തെ സം​ബ​ന്ധി​ച്ച് കു​ഞ്ഞു​മോ​ന്‍റെ കു​ടും​ബം ഇ​ന്ന് നീ​റി​പ്പുക​യു​ക​യാ​ണ്. എ​ങ്ങ​നെ​യെ​ങ്കി​ലും മ​ക്ക​ളെ ഇ​രു​വ​രെ​യും കൂ​ട്ടി​ച്ചേ​ർ​ക്കാ​നു​ള്ള മാ​ർ​ഗ​ങ്ങ​ൾ തേ​ടു​ക​യാ​ണ് അ​യാ​ളും ഭാ​ര്യ മെ​ർ​ളി​നും.

ഒ​രേ മാ​താ​പി​താ​ക്ക​ളി​ൽ​നി​ന്ന് ജ​നി​ച്ച് എ​ല്ലാം ഒ​രു​മി​ച്ച് പ​ങ്കു​വച്ച് വ​ള​ർ​ന്ന സ​ഹോ​ദ​രീ​സ​ഹോ​ദ​രന്മാ​ർ താ​ന്താ​ങ്ങ​ളു​ടെ വ​ഴി​ക്കാ​കു​ന്പോ​ൾ ശ​ത്രു​ക്ക​ളും വെ​റു​തേ​ക്കാ​ർ​ക്ക് തു​ല്യ​രു​മൊ​ക്കെ ആ​കു​ന്ന​തെ​ന്തു​കൊ​ണ്ടാ​ണ്? സാ​ഹോ​ദ​ര്യ​ബ​ന്ധ​ത്തെ അ​വ​ർ​ക്ക് മ​റ്റേ​തൊ​ന്നി​നെ​ക്കാ​ളും ശ്രേ​ഷ്ഠ​മാ​യി കാ​ണാ​ൻ ക​ഴി​യാ​തെ പോ​കു​ന്ന​തെ​ന്തു​കൊ​ണ്ടാ​ണ്? സ്വ​ന്തം സ​ഹോ​ദ​ര​രെ സ്നേ​ഹി​ക്കാ​ൻ ക​ഴി​യാ​തെ പോ​കു​ന്ന​വ​ർ​ക്ക് ജീ​വി​ത പ​ങ്കാ​ളി​യേ​യും മ​ക്ക​ളേ​യും ഇ​ത​ര ബ​ന്ധ​ങ്ങ​ളേ​യും മാ​നി​ക്കാ​നും സ്നേ​ഹി​ക്കാ​നും ക​ഴി​യു​മോ? അ​ത്ത​ര​ക്കാ​ർ അ​പ്ര​കാ​രം സ്വ​ന്തം മ​ക്ക​ൾ​ക്ക് ന​ൽ​കു​ന്ന​ത് അ​നു​ക​ര​ണീ​യ​മാ​യ മാ​തൃ​ക​യാ​യി​രി​ക്കു​മോ?.

ജ​നി​ച്ച് വ​ള​രു​ന്ന കു​ടും​ബ​ത്തി​ൽ മ​ക്ക​ൾ ഓ​രോ​രു​ത്ത​രും പ​ല​തി​നെ​ക്കു​റി​ച്ചും ത​ന്‍റേതെ​ന്ന് ചി​ന്തി​ച്ചു​വ​ള​രാ​തെ ത​ങ്ങ​ളു​ടേ​ത് എ​ന്ന് ചി​ന്തി​ച്ച് വ​ള​രാ​നു​ള്ള ശി​ക്ഷ​ണ​വും മാ​തൃ​ക​യും മാ​താ​പി​താ​ക്ക​ൾ അ​വ​ർ​ക്ക് ന​ൽ​കേ​ണ്ട​ത​ല്ലേ? കു​ഞ്ഞു​മോ​നും മെ​ർ​ളി​നും അ​ത്ത​ര​ത്തി​ൽ ത​ങ്ങ​ളു​ടെ മ​ക്ക​ൾ​ക്ക് ശി​ക്ഷ​ണ​വും മാ​തൃ​ക​യും ന​ൽ​കാ​ൻ ക​ഴി​യാ​തെ​പോ​യോ? അ​തോ, അ​ത്ത​ര​ത്തി​ലൊ​ക്കെ അ​വ​ർ ന​ൽ​കി​യി​ട്ടും മ​ക്ക​ൾ മു​തി​ർ​ന്ന​പ്പോ​ൾ പ​ര​സ്പ​രം ശ​ത്രു​തു​ല്യ​രാ​യി മാ​റു​ക​യാ​യി​രു​ന്നോ? അ​ങ്ങ​നെ അ​വ​ർ ആ​യി മാ​റു​ന്ന​തി​ന് കാ​ര​ണ​മാ​യി പ്ര​ത്യേ​ക​മാ​യ ഏ​തെ​ങ്കി​ലും സാ​ഹ​ച​ര്യ​മോ സം​ഭ​വ​മോ ഉ​ണ്ടാ​യോ? വി​വാ​ഹ​ത്തി​ന് മു​ന്പ് അ​വ​രി​രു​വ​രും അ​പ്ര​കാ​ര​മാ​യി​രു​ന്നോ, അ​തോ വി​വാ​ഹ​ശേ​ഷം ഇ​രു​വ​രും അ​ത്ത​ര​മൊ​ര​വ​സ്ഥ​യി​ലേ​ക്ക് എ​ത്തി​ച്ചേ​രു​ക​യാ​യി​രു​ന്നോ? അ​ത്ത​ര​മൊ​ര​വ​സ്ഥ ഇ​രു​വ​രു​ടെ​യും സാ​ഹോ​ദ​ര്യ​ബ​ന്ധ​ത്തി​ൽ സൃ​ഷ്ടി​ക്കു​ന്ന​തി​ൽ ഇ​രു​കൂ​ട്ട​രു​ടെ​യും ജീ​വി​ത പ​ങ്കാ​ളി​ക​ൾ​ക്കോ അ​വ​രു​ടെ മാ​താ​പി​താ​ക്ക​ൾ​ക്കോ ഇ​ത​ര ബ​ന്ധു​ക്ക​ൾ​ക്കോ എ​ന്തെ​ങ്കി​ലും പ​ങ്കു​ണ്ടോ?.

മേ​ൽ​പ​റ​ഞ്ഞ സ്വാ​ധീ​ന​ങ്ങ​ൾ ഒ​ന്നും​ത​ന്നെ ഉ​ണ്ടാ​യി​ട്ടി​ല്ലെന്നുവ​ന്നാ​ൽ പോ​ലും ഇ​രു​വ​രു​ടെ​യും ജീ​വി​തപ​ങ്കാ​ളി​ക​ൾ​ക്കു സ​ഹോ​ദ​ര​ങ്ങ​ളെ ത​മ്മി​ൽ കൂ​ട്ടി​ച്ചേ​ർ​ക്കു​ന്ന​തി​ലും കൂ​ട്ടി​നി​ർ​ത്തു​ന്ന​തി​ലും യാ​തൊ​ന്നും ത​ന്നെ ചെ​യ്യാ​ൻ ക​ഴി​യാ​തെ പോ​യി എ​ന്ന് പ​റ​യേ​ണ്ടി വ​ന്നാ​ൽ അ​തി​നെ ന​മു​ക്ക് അ​നു​കൂ​ലി​ക്കാ​നാ​കു​മോ? മ​ക്ക​ളു​ടെ എ​ണ്ണം കു​ടും​ബ​ത്തി​ൽ കു​റ​യു​ന്പോ​ൾ സ്വാ​ർ​ത്ഥ ചി​ന്ത​ക​ളും മ​നോ​ഭാ​വ​ങ്ങ​ളും അ​വ​ർ​ക്കി​ട​യി​ൽ വ​ർ​ധിക്കു​ക​യാ​ണോ ചെ​യ്യു​ന്ന​ത്?

ഏ​താ​യാ​ലും കു​ഞ്ഞു​മോ​നെ സ​ഹാ​യി​ക്കാ​നും അ​യാ​ളു​ടെ മ​ക്ക​ളെ വി​ളി​ച്ചു​വ​രു​ത്തി സാ​ഹോ​ദ​ര്യ ബ​ന്ധ​ത്തി​ന്‍റെ സ​ന്പ​ന്ന​ത​യെ​പ്പ​റ്റി അ​വ​രെ ബോ​ധ്യ​പ്പെ​ടു​ത്തു​വാ​നും ഞാ​ൻ തീ​രു​മാ​നി​ച്ചു.

സി​റി​യ​ക് കോ​ട്ട​യി​ൽ