അതിജീവനത്തിന്‍റെ ഹർഷാരവം
അ​ന്പ​ല​പ്പു​ഴ​യി​ൽ ജ​നി​ച്ചു​വ​ള​ർ​ന്ന ഒ​രു പെ​ണ്‍​കു​ട്ടി​ക്ക് മ​ഴ​യും വെ​ള്ള​പ്പൊ​ക്ക​വു​മൊ​ന്നും ഒ​രി​ക്ക​ലും ഒ​രു പു​തു​മ​യ​ല്ല. ഒ​റ്റ രാ​ത്രി കൊ​ണ്ട് കു​തി​ച്ചെ​ത്തു​ന്ന മ​ല​വെ​ള്ള​ത്തി​ൽ ക​ഴു​ത്ത​റ്റം മു​ങ്ങി​നി​ൽ​ക്കു​ന്ന വീ​ടു​ക​ളും മ​ട​വീ​ഴു​ന്ന നെ​ൽ​വ​യ​ലു​ക​ളു​മൊ​ക്കെ ക​ണ്ട് മ​ന​സു​വേ​ദ​നി​ച്ച ബാ​ല്യ​മാ​യി​രു​ന്നു ഹ​ർ​ഷ​യു​ടേ​ത്. സ​ർ​ക്കാ​ർ ഉ​ദ്യോ​ഗ​സ്ഥ​നാ​യി​ട്ടും കൃ​ഷി​യെ കൈ​വി​ടാ​തെ ന​ട​ന്ന പി ​കെ ശ്രീ​ഹ​ർ​ഷ​ന്‍റെ മ​ക​ൾ വ​ള​ർ​ന്നു വ​ലു​താ​യ​പ്പോ​ഴും പ​ഠി​ക്കാ​നാ​ഗ്ര​ഹി​ച്ച​ത് കൃ​ഷി​യും അ​നു​ബ​ന്ധ​വി​ഷ​യ​ങ്ങ​ളു​മാ​ണ്. ഡെ​യ​റി ടെ​ക്നോ​ള​ജി​യി​ൽ ബി.​ടെ​ക് പ​ഠി​ച്ച് സ്വ​കാ​ര്യ സ്ഥാ​പ​ന​ങ്ങ​ളി​ലേ​ക്കൊ​ന്നും പോ​കാ​ൻ നി​ൽ​ക്കാ​തെ വ​ട​ക്ക​ൻ കേ​ര​ള​ത്തി​ൽ ക്ഷീ​ര​വി​ക​സ​ന ഓ​ഫീ​സ​റാ​യി ജോ​ലി​യി​ൽ പ്ര​വേ​ശി​ക്കു​ന്പോ​ഴും മ​ന​സ്സി​ലു​ണ്ടാ​യി​രു​ന്ന​ത് മ​ണ്ണി​ലി​റ​ങ്ങി പ​ണി​യെ​ടു​ക്കാ​നും സ​ർ​ക്കാ​ർ സം​വി​ധാ​ന​ങ്ങ​ളു​ടെ ഒൗ​പ​ചാ​രി​ക​ത​ക​ൾ​ക്ക​പ്പു​റം ക​ർ​ഷ​ക​രെ സ​ഹാ​യി​ക്കാ​നു​മു​ള്ള ആ​വേ​ശ​മാ​യി​രു​ന്നു. ഒ​പ്പം ക്ഷീ​ര​വി​ക​സ​ന​മേ​ഖ​ല​യി​ലെ പ്ര​വ​ർ​ത്ത​ന​ങ്ങ​ൾ​ക്ക് ദൃ​ശ്യ​മാ​ധ്യ​മ​ങ്ങ​ളു​ടെ​യും സാ​മൂ​ഹ്യ​മാ​ധ്യ​മ​ങ്ങ​ളു​ടെ​യും സാ​ധ്യ​ത​ക​ൾ ഉ​പ​യോ​ഗ​പ്പെ​ടു​ത്താ​നു​ള്ള ശ്ര​മ​ങ്ങ​ളും ന​ട​ത്തി.

പ്ര​ള​യ​ത്തി​ന്‍റെ താ​ണ്ഡ​വം

ക​ഴി​ഞ്ഞ​വ​ർ​ഷം ഓ​ഗ​സ്റ്റി​ൽ കേ​ര​ള​ത്തെ​യാ​കെ പി​ടി​ച്ചു​ല​ച്ച പ്ര​ള​യം ഏ​റ്റ​വു​മ​ധി​കം സം​ഹാ​ര​താ​ണ്ഡ​വ​മാ​ടി​യ ജി​ല്ല​ക​ളി​ലൊ​ന്നാ​ണ് വ​യ​നാ​ട്. ക​ന​ത്ത മ​ഴ​യും വെ​ള്ള​പ്പൊ​ക്ക​വും ഉ​രു​ൾ​പൊ​ട്ട​ലും ദി​വ​സ​ങ്ങ​ളോ​ളം വ​യ​നാ​ടി​നെ സം​സ്ഥാ​ന​ത്തി​ന്‍റെ മ​റ്റു ഭാ​ഗ​ങ്ങ​ളി​ൽ​നി​ന്നു തീ​ർ​ത്തും ഒ​റ്റ​പ്പെ​ടു​ത്തി. അ​ന്ന് ഹ​ർ​ഷ ക​ണ്ണൂ​ർ ജി​ല്ല​യി​ലെ ത​ളി​പ്പ​റ​ന്പി​ൽ നി​ന്ന് സ്ഥ​ലം​മാ​റി വ​യ​നാ​ട്ടി​ലെ​ത്തി​യി​ട്ട് അ​ധി​ക​നാ​ളാ​യി​രു​ന്നി​ല്ല. എ​ന്നാ​ലും ക​ൽ​പ​റ്റ ബ്ലോ​ക്ക് ക്ഷീ​ര​വി​ക​സ​ന ഓ​ഫീ​സ​റെ​ന്ന നി​ല​യി​ൽ ചു​രു​ങ്ങി​യ കാ​ലം കൊ​ണ്ടു​ത​ന്നെ കൃ​ഷി​യും കാ​ലി​വ​ള​ർ​ത്ത​ലും ജീ​വ​നാ​ഡി​യാ​യ വ​യ​നാ​ട​ൻ ഗ്രാ​മ​ങ്ങ​ളു​ടെ മ​ന​സ്സ​റി​യാ​ൻ ക​ഴി​ഞ്ഞി​രു​ന്നു. ഓ​രോ പ്ര​ദേ​ശ​ങ്ങ​ളി​ൽ​നി​ന്ന് ഉ​രു​ൾ​പൊ​ട്ട​ലി​ന്‍റെ​യും നാ​ശ​ന​ഷ്ട​ങ്ങ​ളു​ടെ​യും വാ​ർ​ത്ത​ക​ളെ​ത്തു​ന്പോ​ൾ അ​വി​ടെ ക​ണ്ടു പ​രി​ച​യി​ച്ച ക്ഷീ​ര​ക​ർ​ഷ​ക​രു​ടെ മു​ഖ​മാ​ണ് മ​ന​സ്സി​ൽ തെ​ളി​ഞ്ഞ​ത്.

ഗ​താ​ഗ​ത- വാ​ർ​ത്താ​വി​നി​മ​യ മാ​ർ​ഗ്ഗ​ങ്ങ​ൾ ശ​രി​യാ​കാ​തെ കൃ​ത്യ​മാ​യി വി​വ​ര​ങ്ങ​ള​റി​യാ​നും നി​വൃ​ത്തി​യി​ല്ല. എ​ല്ലാം ക​ഴി​ഞ്ഞ് നേ​രി​ട്ടു ചെ​ന്നു​നോ​ക്കി​യ​പ്പോ​ൾ ക​ണ്ട​ത് മ​ന​സ്സു ത​ക​ർ​ക്കു​ന്ന കാ​ഴ്ച​ക​ളാ​യി​രു​ന്നു. പാ​ലു​ൽ​പാ​ദ​ന​ത്തി​ൽ സം​സ്ഥാ​ന​ത​ല​ത്തി​ൽ ര​ണ്ടാം സ്ഥാ​ന​ത്തും ഉ​ത്പാ​ദ​ന​സാ​ന്ദ്ര​ത​യി​ൽ ഒ​ന്നാം സ്ഥാ​ന​ത്തും നി​ൽ​ക്കു​ന്ന ജി​ല്ല​യു​ടെ ക്ഷീ​ര​മേ​ഖ​ല ഉ​രു​ൾ​പൊ​ട്ട​ലി​ലും പ്ര​ള​യ​ത്തി​ലും​പെ​ട്ട് പാ​ടേ ഞെ​രി​ഞ്ഞ​മ​ർ​ന്നു​പോ​യി​രി​ക്കു​ന്നു. ആ​ൾ​നാ​ശ​ത്തി​ന്‍റെ​യും വീ​ടു​ക​ളു​ടെ ത​ക​ർ​ച്ച​യു​ടെ​യും ക​ണ​ക്കെ​ടു​ക്കു​ന്ന​തി​നി​ട​യി​ൽ പ​ശു​ക്ക​ളു​ടെ ന​ഷ്ടം പ​ല​രും കാ​ണാ​തെ​പോ​യി.

സ​ങ്ക​ട​ത്തി​ന്‍റെ മ​ല​വെ​ള്ള​പ്പാ​ച്ചി​ൽ

ഉ​രു​ൾ​പൊ​ട്ടി​യെ​ത്തി​യ വെ​ള്ളം പെ​ട്ടെ​ന്ന് കു​ത്തി​യൊ​ഴു​കി വ​ന്ന​പ്പോ​ൾ വ​ള​ർ​ത്തു​മൃ​ഗ​ങ്ങ​ളെ ര​ക്ഷി​ക്കാ​നാ​വാ​ത്ത​തി​ന്‍റെ സ​ങ്ക​ടം പ​റ​ഞ്ഞു ക​ര​യു​ക​യാ​യി​രു​ന്നു ക​ർ​ഷ​ക​ർ. കെ​ട്ടി​യി​ട്ട ക​ന്നു​കാ​ലി​ക​ൾ​ക്ക് തൊ​ഴു​ത്തി​ൽ വെ​ള്ളം ക​യ​റി​യ​പ്പോ​ൾ ഒ​ന്നും ചെ​യ്യാ​നാ​യി​ല്ല. എ​ങ്ങ​നെ​യെ​ങ്കി​ലും ര​ക്ഷ​പ്പെ​ട​ട്ടെ എ​ന്നു​ക​രു​തി കെ​ട്ട​ഴി​ച്ചു വി​ട്ട​വ​യാ​ണെ​ങ്കി​ൽ ഒ​ഴു​ക്കി​ൽ പെ​ട്ടോ പേ​ടി​കൊ​ണ്ട് ഓ​ടി​പ്പോ​യി​ട്ടോ എ​വി​ടെ​യാ​ണെ​ന്ന​റി​യാ​തെ അ​പ്ര​ത്യ​ക്ഷ​മാ​യി. മ​റ്റു ചി​ല​വ പ​രി​ക്കു​പ​റ്റി​യും ഒ​ഴു​ക്കി​ൽ പെ​ട്ടും ദ​യ​നീ​യ​മാ​യ അ​വ​സ്ഥ​യി​ൽ തൊ​ഴു​ത്തി​ൽ നി​ൽ​ക്കു​ന്നു.

ക​ൽ​പ​റ്റ മേ​ൽ​മു​റി​യി​ലെ എ​ഴു​പ​ത്ത​ഞ്ചു​കാ​ര​നാ​യ മൊ​യ്തു​വി​ന് കു​റി​ച്യ​ർ​മ​ല​യി​ലു​ണ്ടാ​യ ഉ​രു​ൾ​പൊ​ട്ട​ലി​ൽ സ്വ​ന്തം വീ​ടി​നൊ​പ്പം ന​ഷ്ട​മാ​യ​ത് പ്രാ​ണ​നേ​ക്കാ​ൾ സ്നേ​ഹം കൊ​ടു​ത്തി​രു​ന്ന ഏ​ഴ് പ​ശു​ക്ക​ളെ​യാ​ണ്. അ​ന്പ​തു​വ​ർ​ഷ​ത്തി​ലേ​റെ​യാ​യി പ​ശു​വ​ള​ർ​ത്ത​ൽ ത​ന്നെ​യാ​യി​രു​ന്നു മൊ​യ്തു​വി​ന്‍റെ ജീ​വി​തം. ദി​വ​സം അ​ന്പ​തു ലി​റ്റ​റോ​ളം പാ​ലാ​ണ് ത​രി​യോ​ട് ക്ഷീ​ര​സം​ഘ​ത്തി​ൽ ന​ൽ​കി​യി​രു​ന്ന​ത്. ക​ൽ​പ​റ്റ ബ്ലോ​ക്കി​ലെ നാ​ശ​ന​ഷ്ട​ങ്ങ​ൾ വി​ല​യി​രു​ത്താ​നെ​ത്തി​യ ഹ​ർ​ഷ ക​ണ്ട ആ​ദ്യ കാ​ഴ്ച​ക​ളി​ലൊ​ന്ന് പ​ശു​ക്ക​ളു​ടെ ജ​ഡ​ത്തി​നു മു​ന്നി​ൽ നി​സ്സ​ഹാ​യ​നാ​യി നി​ൽ​ക്കു​ന്ന മൊ​യ്തു​വി​ന്‍റേ​താ​യി​രു​ന്നു.

ഡൊ​ണേ​റ്റ് എ ​കൗ ച​ല​ഞ്ച്


പ​ശു​ക്ക​ളു​ടെ ഒ​പ്പ​വും ക്ഷീ​ര​സം​ഘ​ത്തി​ലു​മ​ല്ലാ​തെ മൊ​യ്തു ഇ​ക്ക​യെ നാ​ട്ടി​ലാ​രും ക​ണ്ടി​ട്ടി​ല്ലെ​ന്ന​റി​യാ​വു​ന്ന ഹ​ർ​ഷ ഓ​ഫീ​സി​ൽ തി​രി​കെ​യെ​ത്തി​യ​പ്പോ​ൾ ചി​ന്തി​ച്ച​ത് ആ ​മ​നു​ഷ്യ​ന്‍റെ ഇ​നി​യു​ള്ള ജീ​വി​തം എ​ങ്ങ​നെ​യാ​വു​മെ​ന്നാ​യി​രു​ന്നു. സം​ഭ​വ​ത്തി​ന്‍റെ റി​പ്പോ​ർ​ട്ട് ത​യ്യാ​റാ​ക്കു​ന്ന​തി​നി​ട​യി​ൽ ഹ​ർ​ഷ ഓ​ഫീ​സി​ലു​ള്ള​വ​രോ​ട് ചോ​ദി​ച്ചു, മൊ​യ്തു ഇ​ക്ക​യ്ക്ക് ന​മു​ക്കൊ​രു പ​ശു​വി​നെ വാ​ങ്ങി ന​ൽ​കി​യാ​ലോ..? ചു​റ്റു​മു​ള്ള സ​ങ്ക​ട​ക്കാ​ഴ്ച​ക​ൾ ക​ണ്ട് മ​ന​സ്സു​ത​ക​ർ​ന്നി​രി​ക്കു​ക​യാ​യി​രു​ന്ന സ​ഹ​പ്ര​വ​ർ​ത്ത​ക​ർ​ക്കും അ​ത് നൂ​റു ശ​ത​മാ​നം സ​മ്മ​ത​മാ​യി​രു​ന്നു. ഒ​രു ന​ല്ല പ​ശു​വി​ന് 55,000 മു​ത​ൽ 70,000 രൂ​പ വ​രെ വി​ല​യു​ണ്ട്. ക​ൽ​പ​റ്റ ക്ഷീ​ര​വി​ക​സ​ന ഓ​ഫീ​സി​ലെ ര​ണ്ടു സ്ഥി​രം ജീ​വ​ന​ക്കാ​രും മൂ​ന്ന് താ​ൽ​ക്കാ​ലി​ക ജീ​വ​ന​ക്കാ​രും ചേ​ർ​ന്ന് അ​വ​ര​വ​ർ​ക്കാ​വു​ന്ന വി​ധം ന​ൽ​കി​യ സം​ഭാ​വ​ന​ക​ൾ ചേ​ർ​ത്തു​വ​ച്ച് പ​ണം സ​മാ​ഹ​രി​ച്ചു.

ക്ഷീ​ര​ക​ർ​ഷ​ക​രാ​യ തോ​മ​സും ജോ​സും കൂ​ടി ന​ല്ലൊ​രു പ​ശു​വി​നെ ക​ണ്ടെ​ത്തി. 16 ലി​റ്റ​റോ​ളം പാ​ൽ ദി​വ​സ​വും ല​ഭി​ക്കു​ന്ന പ​ശു പ്ര​സ​വി​ച്ച് 9 ദി​വ​സം മാ​ത്ര​മേ ആ​യി​രു​ന്നു​ള്ളൂ. ദു​ര​ന്തം ന​ട​ന്ന് ഒ​രു മാ​സ​ത്തി​നു​ള്ളി​ൽ ത​ന്നെ എ​ല്ലാ​വ​രും കൂ​ടി പ​ശു​വി​നെ വാ​ങ്ങി മൊ​യ്തു ഇ​ക്ക​യു​ടെ കൈ​യി​ലേ​ൽ​പി​ച്ചു. ത​രി​യോ​ട് ക്ഷീ​ര​സം​ഘ​ത്തി​ന്‍റെ വ​ക​യാ​യി ത​ൽ​ക്കാ​ല​ത്തേ​ക്കു​ള്ള കാ​ലി​ത്തീ​റ്റ​യും വൈ​ക്കോ​ലും പ​ച്ച​പ്പു​ല്ലും ന​ൽകി. ​നി​റ​ഞ്ഞു​ക​വി​ഞ്ഞ ക​ണ്ണു​ക​ളും വി​റ​യ്ക്കു​ന്ന കൈ​ക​ളു​മാ​യി മൊ​യ്തു പ​ശു​വി​നെ ഏ​റ്റു​വാ​ങ്ങി.

അ​തൊ​രു വ​ലി​യ തു​ട​ക്ക​മാ​യി​രു​ന്നു. എ​ല്ലാം ന​ഷ്ട​പ്പെ​ട്ട ക്ഷീ​ര​ക​ർ​ഷ​ക​ർ ഇ​നി​യും ഒ​രു​പാ​ടു​ണ്ട്. ഓ​രോ​രു​ത്ത​ർ​ക്കും ഒ​രു പ​ശു​വി​നെ​യെ​ങ്കി​ലും വാ​ങ്ങി ന​ൽ​കി​യാ​ൽ അ​ത് പ്ര​ത്യാ​ശ​യു​ടെ ആ​ദ്യ ചു​വ​ടാ​യി​രി​ക്കും. അ​തി​ന് പ​ണം വേ​ണം. സ്പോ​ണ്‍​സ​ർ​മാ​രെ ക​ണ്ടെ​ത്ത​ണം. അ​തി​ന് മാ​ധ്യ​മ​ങ്ങ​ളു​ടെ സ​ഹാ​യം തേ​ടാ​ൻ ഹ​ർ​ഷ തീ​രു​മാ​നി​ച്ചു. സാ​മൂ​ഹ്യ​മാ​ധ്യ​മ​ങ്ങ​ളി​ലൂ​ടെ​യു​ള്ള വി​പു​ല​മാ​യ ബ​ന്ധ​ങ്ങ​ൾ അ​തി​ന് സ​ഹാ​യ​ക​മാ​യി. അ​തോ​ടൊ​പ്പം അ​ച്ച​ടി​മാ​ധ്യ​മ​ങ്ങ​ളി​ലൂ​ടെ​യും ദൃ​ശ്യ​മാ​ധ്യ​മ​ങ്ങ​ളി​ലൂ​ടെ​യും വി​പു​ല​മാ​യ പ്ര​ചാ​ര​ണം ന​ൽ​കി. ഡൊ​ണേ​റ്റ് എ ​കൗ എ​ന്ന പേ​രി​ലു​ള്ള ചാ​ല​ഞ്ച് ഏ​റ്റെ​ടു​ക്കാ​ൻ ചു​രു​ങ്ങി​യ ദി​വ​സ​ങ്ങ​ൾ​ക്കു​ള്ളി​ൽ ഒ​രു​പാ​ട് വ്യ​ക്തി​ക​ളും സം​ഘ​ട​ന​ക​ളു​മെ​ത്തി. ഓ​സ്ട്രേ​ലി​യ​യ​ട​ക്ക​മു​ള്ള വി​ദേ​ശ​രാ​ജ്യ​ങ്ങ​ളി​ൽ നി​ന്നു പോ​ലും പി​ന്തു​ണ​യെ​ത്തി. ജി​ല്ലാ ഭ​ര​ണ​കൂ​ട​വും ക്ഷീ​ര​വി​ക​സ​ന വ​കു​പ്പും വീ ​ഫോ​ർ വ​യ​നാ​ട് കൂ​ട്ടാ​യ്മ​യും വി​വി​ധ ക്ഷീ​ര​സം​ഘ​ങ്ങ​ളും ക​ർ​ഷ​ക​രും മ​ന​സ്സു​നി​റ​ഞ്ഞ പി​ന്തു​ണ​യു​മാ​യി ഒ​പ്പം നി​ന്നു.

അ​റു​പ​തു പ​ശു​ക്ക​ളും 250 കി​ടാ​രി​ക​ളും

ബം​ഗ​ളൂ​രു​വി​ൽ വി​പ്രോ​യി​ൽ ജോ​ലി​ചെ​യ്യു​ന്ന ഹ​ർ​ഷ​യു​ടെ സു​ഹൃ​ത്തു​ക്ക​ളാ​യ വി​ന​യ​കു​മാ​റും ഭാ​ര്യ മ​ഞ്ജു​ഷ​യും വ​യ​നാ​ട്ടി​ലെ​ത്തി ഒ​രു പ​ശു​വി​നെ വാ​ങ്ങി കാ​വും​മ​ന്ദം കോ​ള​നി​യി​ലെ ശ​ശി​ക്ക് ന​ൽ​കി. അ​ഞ്ച് പ​ശു​ക്ക​ളെ ന​ഷ്ട​പ്പെ​ട്ട പ​ന​മ​ര​ത്തെ മേ​രി, സീ​ന​മോ​ൾ, കാ​വും​മ​ന്ദ​ത്തെ റെ​ജി, കു​രു​ന്നും​ക​ര​യി​ലെ സെ​ബാ​സ്റ്റ്യ​ൻ, അ​ഞ്ചു​കു​ന്നി​ലെ രാ​ജേ​ഷ്, പി​ണ​ങ്ങോ​ട്ടെ ഫാ​ത്തി​മ, പൊ​ഴു​ത​ന​യി​ലെ ല​ക്ഷ്മി, ര​വീ​ന്ദ്ര​ൻ, എ​ട​വ​ക എ​ള്ളും​മ​ന്ദ​ത്തെ ശാ​ന്ത എ​ന്നി​ങ്ങ​നെ എ​ല്ലാം ന​ഷ്ട​പ്പെ​ട്ട ക​ർ​ഷ​ക​ർ​ക്കോ​രോ​രു​ത്ത​ർ​ക്കും പു​തി​യ പ്ര​തീ​ക്ഷ പ​ക​ർ​ന്ന് പ​ശു​ക്ക​ൾ വ​ന്നു.

ക​ണി​യാ​ര​ത്തെ മേ​ഴ്സി ജോ​യി, പെ​രു​വ​ക​യി​ലെ ഷീ​ജ, മ​ക്കി​ക്കൊ​ല്ലി​യി​ലെ സേ​വ്യ​ർ, പ​ഞ്ചാ​ര​ക്കൊ​ല്ലി​യി​ലെ വി​നോ​ദി​നി, ലീ​ല എ​ന്നി​വ​ർ​ക്കാ​യി ത​ളി​പ്പ​റ​ന്പ് പെ​രി​ഞ്ച​ല്ലൂ​ർ സം​ഗീ​ത​സ​ഭ അ​ഞ്ച് പ​ശു​ക്ക​ളെ വാ​ങ്ങി ന​ൽ​കി. ഓ​സ്ട്രേ​ലി​യ​ൻ മ​ല​യാ​ളി​യാ​യ അ​ല്ല​ക്കാ​ട്ടി​ൽ ഗി​രീ​ഷ് ന​ൽ​കി​യ ഒ​രു ല​ക്ഷം രൂ​പ ഉ​പ​യോ​ഗി​ച്ച് വെ​ണ്ണി​യോ​ട്ടെ ദേ​വ​സ്യ​യ്ക്കും ബ​ഷീ​റി​നും ഓ​രോ പ​ശു​ക്ക​ളെ ന​ൽ​കി. ഡെ​യ​റി ഫാം ​ന​ട​ത്തു​ന്ന അ​ബ്ദു​ൽ റ​ഷീ​ദി​ന്‍റെ​യും വി​ദേ​ശ​മ​ല​യാ​ളി​യാ​യ ടൈ​റ്റ​സി​ന്‍റെ​യും വ​ക​യാ​യി ര​ണ്ട് പ​ശു​ക്ക​ൾ കൂ​ടി മൊ​യ്തു​വി​ന്‍റെ വീ​ട്ടി​ലെ​ത്തി.

പ​ശു​ക്ക​ളെ വി​ത​ര​ണം ചെ​യ്യാ​നെ​ത്തി​യ സ​ബ് ക​ള​ക്ട​ർ എ​ൻ.​എ​സ്.​കെ ഉ​മേ​ഷ് മ​ട​ങ്ങി​യ​ത് ത​ന്‍റെ വ​ക​യാ​യും സു​ഹൃ​ത്തു​ക്ക​ളു​ടെ സ​ഹാ​യ​ത്തോ​ടെ​യു​മാ​യി ഒ​ന്പ​ത് പ​ശു​ക്ക​ളെ ല​ഭ്യ​മാ​ക്കി​യാ​ണ്. ഇ​ക്ക​ണോ​മി​ക്സ് ആ​ൻ​ഡ് സ്റ്റാ​റ്റി​സ്റ്റി​ക്സ് വ​കു​പ്പി​ൽ ഡെ​പ്യൂ​ട്ടി ഡ​യ​റ​ക്ട​റാ​യ ഹ​ർ​ഷ​യു​ടെ ഭ​ർ​ത്താ​വ് ഇ.​വി. പ്രേ​മ​രാ​ജ​ൻ സ​ഹ​പ്ര​വ​ർ​ത്ത​ക​ർ​ക്കും സു​ഹൃ​ത്തു​ക്ക​ൾ​ക്കു​മൊ​പ്പം ചാ​ല​ഞ്ചി​ൽ പ​ങ്കാ​ളി​യാ​യി. ബം​ഗ​ളൂ​രു​വി​ലെ റീ​ച്ച് ദ ​ഹാ​ൻ​ഡ് എ​ന്ന സ​ന്ന​ദ്ധ സം​ഘ​ട​ന നൂ​റ് ക​ന്നു​കു​ട്ടി​ക​ളെ വാ​ങ്ങി ന​ൽ​കാ​ൻ തീ​രു​മാ​നി​ച്ചു.


മ​ണ്ണു​ത്തി​യി​ലേ​യും പൂ​ക്കോ​ട്ടേ​യും വെ​റ്റ​റി​ന​റി കോ​ള​ജു​ക​ളി​ലെ​യും ബ​ത്തേ​രി ഗ​വ.​സ​ർ​വ​ജ​ന സ്കൂ​ളി​ലെ​യും സെ​ന്‍റ് മേ​രീ​സ് കോ​ള​ജി​ലേ​യും വി​ദ്യാ​ർ​ത്ഥി​ക​ളും പേ​രാ​വൂ​ർ മ​ണ​ത്ത​ണ വാ​ട്ട്സ് ആ​പ് ഗ്രൂ​പ്പ് പ്ര​വ​ർ​ത്ത​ക​രും നി​റ​ഞ്ഞ മ​ന​സ്സോ​ടെ പ​ങ്കാ​ളി​ക​ളാ​യി. ഏ​താ​നും മാ​സ​ങ്ങ​ൾ​ക്കു​ള്ളി​ൽ അ​റു​പ​തോ​ളം ക​റ​വ പ​ശു​ക്ക​ളും 250 കി​ടാ​രി​ക​ളും എ​ല്ലാം ന​ഷ്ട​പ്പെ​ട്ട ക്ഷീ​ര​ക​ർ​ഷ​ക​രു​ടെ വീ​ടു​ക​ളി​ലെ​ത്തി. അ​തി​നി​ട​യി​ൽ ഹ​ർ​ഷ​യു​ടെ സ്വ​ന്തം ജി​ല്ല​യാ​യ ആ​ല​പ്പു​ഴ​യി​ലും പ​ദ്ധ​തി​ക്ക് തു​ട​ക്കം​കു​റി​ച്ചു.

ശാ​ന്ത​യു​ടെ അ​മ്മി​ണി​ക്കു​ട്ടി

പ്ര​ള​യ​ത്തി​ൽ മു​ങ്ങി​യ നാ​ളു​ക​ൾ​ക്ക് ഒ​രു വ​ർ​ഷ​മാ​കു​ന്നു. ഏ​താ​നും ദി​വ​സം മു​ന്പ് സു​ൽ​ത്താ​ൻ​ബ​ത്തേ​രി ഗ​വ. സ​ർ​വ​ജ​ന സ്കൂ​ളി​ലെ വി​ദ്യാ​ർ​ഥി​ക​ളും അ​ധ്യാ​പ​ക​രും എ​ട​വ​ക എ​ള്ളും​മ​ന്ദം ചേ​ർ​ക്കോ​ട് കോ​ള​നി​യി​ലെ ശാ​ന്ത​യു​ടെ വീ​ട്ടി​ലെ​ത്തി. ക​ഷ്ടി​ച്ച് ഒ​രു കൊ​ല്ലം മു​ന്പ് അ​ധ്യാ​പ​ക​രു​ടെ​യും ര​ക്ഷി​താ​ക്ക​ളു​ടെ​യും പി​ന്തു​ണ​യോ​ടെ അ​ന്പ​ത്താ​റാ​യി​രം രൂ​പ ചെ​ല​വി​ട്ട് അ​വ​ർ വാ​ങ്ങി ന​ൽ​കി​യ അ​മ്മി​ണി​ക്കു​ട്ടി​യെ​ന്ന പ​ശു​വി​നെ കാ​ണാ​ൻ. എ​ല്ലാം ന​ഷ്ട​മാ​യൊ​രു കാ​ല​ത്ത് ത​ങ്ങ​ൾ വാ​ങ്ങി ന​ൽ​കി​യ പ​ശു ര​ണ്ടു കു​ട്ടി​ക​ളും പ്രാ​യ​മാ​യ അ​മ്മ​യും ഉ​ൾ​പ്പെ​ടു​ന്ന കു​ടും​ബ​ത്തി​ന് അ​തി​ജീ​വ​ന​ത്തി​നു​ള്ള മാ​ർ​ഗ്ഗ​മാ​യി മാ​റി​യ​ത് ക​ണ്ട​പ്പോ​ൾ എ​ല്ലാ​വ​രു​ടെ​യും മ​ന​സ്സ് നി​റ​ഞ്ഞു. ഇ​പ്പോ​ൾ പ്ര​തി​ദി​നം ശ​രാ​ശ​രി 22 ലി​റ്റ​ർ പാ​ൽ സൊ​സൈ​റ്റി​യി​ൽ കൊ​ണ്ടു​കൊ​ടു​ക്കാ​ൻ ശാ​ന്ത​യ്ക്ക് ക​ഴി​യു​ന്നു​ണ്ട്. അ​തു​പോ​ലെ മൊ​യ്തു​വി​ന്‍റെ​യും ശ​ശി​യു​ടെ​യും റെ​ജി​യു​ടെ​യും സേ​വ്യ​റി​ന്‍റെ​യു​മൊ​ക്കെ വീ​ടു​ക​ളി​ൽ പു​തി​യ പ്ര​തീ​ക്ഷ​ക​ൾ ത​ളി​രി​ട്ടു വ​ള​രു​ക​യാ​ണ്.

ഡൊ​ണേ​റ്റ് എ ​കൗ ച​ല​ഞ്ച് ഇ​പ്പോ​ഴും തു​ട​രു​ക​യാ​ണ്. അ​ടു​ത്ത ഒ​രു മാ​സ​ത്തി​നു​ള്ളി​ൽ മൂ​ന്നോ നാ​ലോ പ​ശു​ക്ക​ളെ​ക്കൂ​ടി വി​ത​ര​ണം ചെ​യ്യാ​നു​ള്ള ഒ​രു​ക്ക​ത്തി​ലാ​ണ് ഹ​ർ​ഷ​യു​ടെ സ​ഹ​പ്ര​വ​ർ​ത്ത​ക​ർ. മു​ഖ്യ​മ​ന്ത്രി​യു​ടെ ഫേ​സ്ബു​ക്ക് പേ​ജി​ലും പ​ദ്ധ​തി സ്ഥാ​നം​പി​ടി​ച്ചു. സ​ർ​ക്കാ​ർ ത​ല​ത്തി​ലു​ൾ​പ്പെ​ടെ ബ​ഹു​മ​തി​ക​ളും അം​ഗീ​കാ​ര​ങ്ങ​ളും തേ​ടി​യെ​ത്തു​ന്പോ​ഴും ക​ൽ​പ​റ്റ ബ്ലോ​ക്കി​ലെ ക്ഷീ​ര​ക​ർ​ഷ​ക​രു​ടേ​യും പ​ശു​ക്ക​ളു​ടേ​യും ക്ഷേ​മ​ത്തി​നാ​യു​ള്ള പ്ര​വ​ർ​ത്ത​ന​ങ്ങ​ളു​ടെ തി​ര​ക്കി​ലാ​ണ് ഹ​ർ​ഷ. അ​മ്മ​യ്ക്കെ​പ്പോ​ഴും പ​ശു​വി​ന്‍റെ കാ​ര്യ​മേ പ​റ​യാ​നു​ള്ളൂ എ​ന്ന പ​രാ​തി തീ​രാ​തെ മ​ക്ക​ളാ​യ കേ​ശു​വും ശ​ങ്ക​ര​നും ഒ​പ്പ​മു​ണ്ട്.

ശ്രീ​ജി​ത് കൃ​ഷ്ണ​ൻ


Copyright @ 2022 , Rashtra Deepika Ltd.