10

ഹ​രി​പ്പാ​ട്: ഉ​സ്ബെ​ക്കി​സ്ഥാ​നി​ൽ മ​ല​യാ​ളി മെ​ഡി​ക്ക​ൽ വി​ദ്യാ​ർ​ഥി​നി സാ​വ​രി​യ ബ​സ​ന്ത് (22) മ​ർ​ദ​ന​മേ​റ്റു മ​രി​ച്ച സം​ഭ​വ​ത്തി​ൽ സ​ഹ​പാ​ഠി​ക്കെ​തി​രേ ഞെ​ട്ടി​ക്കു​ന്ന വെ​ളി​പ്പെ​ടു​ത്ത​ലു​ക​ളു​മാ​യി കു​ടും​ബം.

ഹ​രി​പ്പാ​ട് പി​ലാ​പ്പു​ഴ പു​തു​ക്കാ​ട്ട് സു​പ്ര​ഭ ഭ​വ​നി​ൽ ബ​സ​ന്ത്–​മി​നി ദ​മ്പ​തി​ക​ളു​ടെ മ​ക​ളാ​യ സാ​വ​രി​യ, ബു​ഖാ​റ സ്റ്റേ​റ്റ് മെ​ഡി​ക്ക​ൽ യൂ​ണി​വേ​ഴ്സി​റ്റി​യി​ലെ ഒ​ന്നാം വ​ർ​ഷ എം​ബി​ബി​എ​സ് വി​ദ്യാ​ർ​ഥി​നി​യാ​യി​രു​ന്നു. സം​ഭ​വ​വു​മാ​യി ബ​ന്ധ​പ്പെ​ട്ട് ഒ​രേ ക്ലാ​സി​ലും ഹോ​സ്റ്റ​ലി​ലും താ​മ​സി​ച്ചി​രു​ന്ന മ​ല​പ്പു​റം പെ​രി​ന്ത​ൽ​മ​ണ്ണ സ്വ​ദേ​ശി സ​ദ​റു​ൾ ആ​നം നി​ല​വി​ൽ ഉ​സ്ബെ​ക്കി​സ്ഥാ​ൻ പോ​ലീ​സി​ന്‍റെ ക​സ്റ്റ​ഡി​യി​ലാ​ണ്.

വ്യാ​ഴാ​ഴ്ച പു​ല​ർ​ച്ച​യോ​ടെ നെ​ടു​മ്പാ​ശേ​രി​യി​ൽ മൃ​ത​ദേ​ഹ​ത്തോ​ടൊ​പ്പം എ​ത്തി​യ ബ​ന്ധു ജ​നി​ഷ് കാ​ര്യ​ങ്ങ​ൾ വ്യ​ക്ത​മാ​ക്കി​യ​തോ​ടെ​യാ​ണ് സം​ഭ​വ​ത്തി​ന് പി​ന്നി​ലെ ക്രൂ​ര​ത പു​റ​ത്തു​വ​ന്ന​ത്.

പ്ര​തി സ​ദ​റു​ൾ ആ​നം സാ​വ​രി​യ​യെ മ​തം മാ​റാ​ൻ നി​ര​ന്ത​രം നി​ർ​ബ​ന്ധി​ച്ചി​രു​ന്ന​താ​യും മ​റ്റ് വി​ദ്യാ​ർ​ഥി​ക​ൾ​ക്ക് ഇ​ത് നേ​രി​ട്ട് അ​റി​യാ​മാ​യി​രു​ന്നു എ​ന്നും ജ​നി​ഷ് ആ​രോ​പി​ച്ചു.

ശ​രീ​ര​ത്തി​ൽ ച​ത​വേ​ൽ​ക്കാ​ത്ത ഭാ​ഗ​മി​ല്ലാ​ത്ത വി​ധം ക്രൂ​ര​മാ​യാ​ണ് പെ​ൺ​കു​ട്ടി​യെ മ​ർ​ദി​ച്ച​തെ​ന്നും, ലാ​പ്ടോ​പ്പ് കൊ​ണ്ട് പെ​ട്ടെ​ന്ന് അ​ടി​ച്ചു കൊ​ല​പ്പെ​ടു​ത്തി​യ​ത​ല്ലെ​ന്നും കു​ടും​ബാം​ഗ​ങ്ങ​ൾ വ്യ​ക്ത​മാ​ക്കു​ന്നു.

ആ​ക്ര​മ​ണ​ത്തി​നു ശേ​ഷം പെ​ൺ​കു​ട്ടി താ​ഴെ​വീ​ണു പ​രി​ക്കേ​റ്റു എ​ന്ന് ക​ള്ളം പ​റ​ഞ്ഞാ​ണ് പ്ര​തി സാ​വ​രി​യ​യെ ആ​ശു​പ​ത്രി​യി​ൽ എ​ത്തി​ച്ച​തെ​ന്നാ​ണ് ബ​ന്ധു​ക്ക​ളു​ടെ ആ​രോ​പ​ണം. കു​ടും​ബം ആ​വ​ശ്യ​പ്പെ​ട്ട​ത​നു​സ​രി​ച്ച്, ആ​ല​പ്പു​ഴ വ​ണ്ടാ​നം മെ​ഡി​ക്ക​ൽ കോ​ള​ജി​ൽവച്ച് വീ​ണ്ടും പോ​സ്റ്റ്മോ​ർ​ട്ടം നടത്തിയ ശേ​ഷ​മാ​ണ് മൃ​ത​ദേ​ഹം വീ​ട്ടു​വ​ള​പ്പി​ൽ സം​സ്ക​രി​ച്ച​ത്.