കോട്ടയം: മുംബൈയിൽ നടന്ന 2026ലെ ഏഴാം ഐസിഎസ്ഇ (സിഐഎസ്‌സിഇ) നാഷണൽ റോളർ സ്കേറ്റിംഗ് ചാമ്പ്യൻഷിപ്പിൽ വെള്ളി മെഡൽ നേടി മലയാളി വിദ്യാർഥി. അണ്ടർ 17 ഇൻലൈൻ റോഡ് 1 ലാപ് ഇവന്‍റിലാണ് പള്ളം ബിഷപ്പ് സ്പീച്ച്ലി വിദ്യാപീഠത്തിലെ പത്താം ക്ലാസ് വിദ്യാർഥി റയൻ ബിനോ എബ്രഹാമിന്‍റെ നേട്ടം.

കോട്ടയത്തെ ഹോട്ട് വീൽസ് റോളർ സ്കേറ്റിംഗ് ക്ലബ്ബിൽ പരിശീലകൻ സി.പി. പ്രസന്നന്‍റെ കീഴിലാണ് പരിശീലനം. സഹോദരി കിരൺ മാർഗരറ്റ് ബിനോയും അനുജൻ ജോനാഥൻ ജോൺസ് ബിനോയും ജില്ലാ-സംസ്ഥാന തല റോളർ സ്കേറ്റിംഗ് ചാമ്പ്യൻഷിപ്പുകളിൽ നിരവധി സമ്മാനങ്ങൾ നേടിയിട്ടുണ്ട്. കോട്ടയം പൂവന്തുരുത്ത് പുത്തൻപറമ്പിൽ ബിനോമോൻ ഏബ്രഹാം- അഡ്വ. സീനിക്സ് ബിനോ ദമ്പതികളുടെ മകനാണ് റയൻ.

Tags : MalayaliStudent NationalSkatingChampionship SilverMedal Sports SportsNews Highlights Deepika DeepikaNewspaper NewsUpdate Headlines