Kerala
തിരുവനന്തപുരം: സതീശൻ നല്ല മുഖ്യമന്ത്രിയെന്ന് പത്മജ വേണുഗോപാൽ. ബിജെപി അംഗത്വം രാജിവച്ചശേഷം യുഡിഎഫ് ഭരണത്തെക്കുറിച്ചുള്ള അഭിപ്രായം എന്താണെന്ന മാധ്യമങ്ങളുടെ ചോദ്യത്തിന് മറുപടി പറയുകയായിരുന്നു അവർ.
തൃശൂരിലെ ചില കോൺഗ്രസ് നേതാക്കളെ കുറിച്ച് മുൻപ് പറഞ്ഞ കാര്യങ്ങളിൽ ഉറച്ചുനിൽക്കുന്നുണ്ട്. പക്ഷേ ഇപ്പോൾ ആരോടും ദേഷ്യമില്ലെന്നും പത്മജ പ്രതികരിച്ചു.
ബിജെപി വിടുന്ന കാര്യം കെ. മുരളീധരനോട് മാത്രം പറഞ്ഞിരുന്നു. കോൺഗ്രസിൽ മറ്റാരോടും പറഞ്ഞിട്ടില്ല. സഹോദരനെന്ന നിലയ്ക്കാണ് മുരളീധരനോട് പറഞ്ഞതെന്നും അവർ പറഞ്ഞു.
എ.കെ. ആന്റണിയുടെ മകനും തിരിച്ചുവരണമെന്നാണ് താൻ ആഹ്രഹിക്കുന്നത്.കരുണാകരന്റെയും ആന്റണിയുടെയും മക്കൾ കോൺഗ്രസിലുണ്ടാകണമെന്നാണ് താൻ പറയുകയെന്നും പത്മജ കൂട്ടിച്ചേർത്തു.
Kerala
തിരുവനന്തപുരം: കെ. കരുണാകരനും സോണിയ ഗാന്ധിയും അകലാൻ കാരണം പത്മജ വേണുഗോപാലിന് സീറ്റ് നിഷേധിച്ചതിനെ ചൊല്ലിയെന്ന് കെ.വി. തോമസിന്റെ വെളിപ്പെടുത്തൽ. കുമ്പളങ്ങി മുതൽ ചെങ്കോട്ട വരെ എന്ന കെ.വി. തോമസിന്റെ പുസ്തകത്തിലാണ് തുറന്നുപറച്ചിൽ.
കെ. മുരളീധരനെ കെപിസിസി അധ്യക്ഷനാക്കാൻ സോണിയയ്ക്ക് താൽപര്യമുണ്ടായിരുന്നില്ല. പ്രധാനമന്ത്രിയായ ശേഷവും പി.വി. നരസിംഹറാവുവിനെ കരുണാകരൻ പി.വി എന്ന് വിളിച്ചത് അതൃപ്തിക്ക് കാരണമായെന്നും കെ.വി. തോമസിന്റെ പുസ്തകത്തിൽ പറയുന്നു.
2001 നിയമസഭാ തിരഞ്ഞെടുപ്പിൽ മകൾ പത്മജ വേണുഗോപാലിനെ സ്ഥാനാർഥിയാക്കണമെന്ന് കരുണാകരൻ ആഗ്രഹിച്ചത് സോണിയ ഗാന്ധിയുമായുള്ള ബന്ധം വഷളാക്കി. സ്ഥാനാർഥി പട്ടികയിൽ സോണിയ ഗാന്ധിയുടെ പ്രതിനിധിയായി പത്മജയുടെ പേര് എഴുതിച്ചേർത്തതിൽ സോണിയ ദേഷ്യപ്പെട്ടു.
എന്തിനാണ് പത്മജക്കായി പുറംവാതിൽ നീക്കം നടത്തുന്നതെന്ന് സോണിയ ചോദിച്ചു. കെ. മുരളീധരനെ കെപിസിസി അധ്യക്ഷനാക്കിയത് സോണിയയ്ക്ക് ഒട്ടും ഇഷ്ടമില്ലായിരുന്നു. മന്ത്രിസഭയുടെ മുന്നോട്ടുപോക്കിന് വേണ്ടി വഴങ്ങുകയായിരുന്നു. ഹൈക്കമാൻഡിനെ എതിർത്ത് കോടോത്ത് ഗോവിന്ദൻ നായരെ രാജ്യസഭാ സ്ഥാനാർഥിയാക്കിയത് കരുണാകരനും സോണിയയും തമ്മിലെ അകലം വർധിപ്പിച്ചു.
എ.കെ.ആന്റണി മുഖ്യമന്ത്രിയായിരിക്കെ മന്ത്രിസഭാ യോഗത്തിന് മുൻപ് കോൺഗ്രസ് മന്ത്രിമാർ ഫയലുമായി കരുണാകരന്റെ വീട്ടിൽ എത്തുന്നതിനെ താൻ എതിർത്തതായി കെ.വി. തോമസ് പറയുന്നു. രാജി സന്നദ്ധതയും അറിയിച്ചു. ഫ്രഞ്ച് ചാരക്കേസും ഹവാലാ വിവാദവും പുസ്തകത്തിൽ വിശദമായുണ്ട്.
എന്നാൽ കെ.വി. തോമസിന്റെ പുസ്തകത്തിലുള്ള കാര്യങ്ങൾ തെറ്റാണെന്ന് തുറന്നടിച്ച് പത്മജാ ഗോപാൽ രംഗത്തെത്തി. കെ.വി. തോമസിനെ കുറിച്ച് എഴുതിയാൽ ആ പേന പോലും മോശമാകുമെന്നും അവർ വ്യക്തമാക്കി.
Kerala
തൃശൂര്: മുൻ കെസിസിസി അധ്യക്ഷൻ കെ. സുധാകരൻ എംപിയെ ബിജെപിയിലേയ്ക്കു ക്ഷണിച്ച് ബിജെപി ദേശീയ കൗൺസിൽ അംഗം പദ്മജ വേണുഗോപാല്. സുധാകരന് വഴിയാധാരമാകില്ലെന്നും പദ്മജ പറഞ്ഞു.
നിരവധിപേര് കോണ്ഗ്രസ് വിട്ട് ബിജെപിയില് ചേരാന് തയാറായി നില്ക്കുകയാണെന്നും കെ. കരുണാകരനോട് അനീതി കാണിച്ചവര് കെ. സുധാകരനോട് അനീതി കാട്ടുന്നതില് അതിശയമില്ലെന്നും പദ്മജ പറഞ്ഞു. കോൺഗ്രസും മുന് കെപിസിസി അധ്യക്ഷൻ കെ. സുധാകരനും തമ്മിലുള്ള കണ്ണൂരിലെ സീറ്റ് തർക്കത്തിനിടെയാണു പദ്മജയുടെ ക്ഷണം.
"നിലവിലെ സാഹചര്യത്തില്, സുധാകരേട്ടന് ഉള്പ്പടെയുള്ളവര്ക്കു കോണ്ഗ്രസില് അതൃപ്തിയുണ്ട്. മരണംവരെ തൃശൂരിലെ തോല്വിയില് കരുണാകരനു വേദനയായിരുന്നു. സുധാകരനെപ്പോലുള്ള ആളുകള് ബിജെപിയിലേക്കു വരേണ്ടതു കാലഘട്ടത്തിന്റെ ആവശ്യമാണ്.
കോണ്ഗ്രസ് ഉണ്ടാക്കിയ കെ. കരുണാകരന്റെ മകളോട് ഇങ്ങനെ കാണിക്കാമെങ്കില് കെ. സുധാകരനോട് ഇങ്ങനെ കാണിക്കുന്നതില് എന്താണ് അതിശയം. കോണ്ഗ്രസില് ഉണ്ടായിരുന്നപ്പോഴും വളരെ അടുപ്പമുണ്ടായിരുന്ന ആളാണു സുധാകരേട്ടൻ"- പദ്മജ പറഞ്ഞു.
Kerala
തൃശൂർ: മത്സരിക്കാൻ പാർട്ടി പറഞ്ഞിട്ടില്ലെന്നും പറഞ്ഞാൽ മത്സരിക്കുമെന്നും ബിജെപി ദേശീയ നിർവാഹകസമിതിയംഗം പദ്മജ വേണുഗോപാൽ. ബിജെപിയുടെ തൃശൂർ മണ്ഡലത്തിലെ തെരഞ്ഞെടുപ്പു പ്രചാരണം അയ്യന്തോൾ അമർജവാൻ ജ്യോതിക്കു സമീപം ചുവരെഴുതി ഉദ്ഘാടനംചെയ്തശേഷം പ്രതികരിക്കുകയായിരുന്നു അവർ.
ബിജെപിയുടെ പ്രചാരണത്തിനു തുടക്കമിടാനാണ് എത്തിയത്. സ്ഥാനാർഥിയെന്ന നിലയിലല്ല. പരമാവധി എന്റെ പണി ഞാൻ ചെയ്തോളാം. എനിക്കിട്ടു പണിയാതിരുന്നാൽ മതി.
എനിക്കു തൃശൂരുകാരെ അറിയാം. അതിൽ അഞ്ചാറു പേരാണ് എനിക്കിട്ടു താങ്ങിയത്. ബാക്കിയുള്ളവരെല്ലാം എനിക്കൊപ്പമുണ്ട്. അതാണു തൃശൂരിലേക്കു തിരിച്ചുവന്നത്. പദ്മജ പറഞ്ഞു.
Kerala
തൂശൂർ: വരുന്ന നിയമസഭാ തെരഞ്ഞെടുപ്പിൽ താൻ തൃശൂരിൽ മത്സരിക്കണമെന്ന് അവിടത്തെ ജനങ്ങൾ ആവശ്യപ്പെടുന്നതായി ബിജെപി നേതാവ് പത്മജ വേണുഗോപാൽ. കഴിഞ്ഞ തവണ അവർക്ക് തെറ്റ് പറ്റിയെന്നും ഇത്തവണ നിന്നാൽ മികച്ച ഭൂരിപക്ഷത്തിൽ വിജയിപ്പിക്കാമെന്നുമാണ് അവർ പറയുന്നതെന്നും പത്മജ പറഞ്ഞു.
"സംസ്ഥാനത്തെ ഏത് മണ്ഡലത്തിൽ വേണമെങ്കിലും മത്സരിക്കാം. പാർട്ടിയാണ് തീരുമാനിക്കേണ്ടത്. പാർട്ടി എന്ത് ചുമതല നൽകിയാലും നിർവഹിക്കും. ഒരു നിബന്ധനയും വച്ചിട്ടില്ല.'-പത്മജ പറഞ്ഞു.
ജയിക്കാനായാണ് ബിജെപി ഇനി മത്സരിക്കുക. ആളുകൾക്ക് ബിജെപിയോടുള്ള മനോഭാവം മാറിയിട്ടുണ്ട്. അതിന്റെ തെളിവാണ് തൃശൂരിലെ സുരേഷ് ഗോപിയുടെ വിജയമെന്നും പത്മജ ചൂണ്ടികാട്ടി.
പത്മജയുടെ പേര് തൃശൂരും വട്ടിയാർക്കാവും അടക്കമുള്ള മണ്ഡലങ്ങളിൽ പരിഗണിക്കുന്നതിനിടെയാണ് അവർ പ്രതികരണവുമായി രംഗത്തെത്തിയത്. കഴിഞ്ഞ തവണ തൃശൂരിൽ കോൺഗ്രസ് സ്ഥാനാർഥിയായി മത്സരിച്ച പത്മജ നിസാര വോട്ടുകൾക്കാണ് പരാജയപ്പെട്ടത്.
Kerala
തൃശൂര്: യുവതിയുടെ പരാതിയില് കേസെടുത്തതിനു പിന്നാലെ പാലക്കാട് എംഎല്എ രാഹൂല് മാങ്കുട്ടത്തിലിനെതിരേ രൂക്ഷ വിമർശനവുമായി ബിജെപി നേതാവ് പത്മജ വേണുഗോപാൽ.
ആ പെൺകുട്ടിക്ക് പരാതി ഉണ്ടെന്ന് മാത്രമല്ല, അവൾ തെളിവുകളും കൈമാറിയിരിക്കുന്നു. എന്നിട്ടും രാഹുൽ എന്ന അശ്ലീലത്തെ ഇങ്ങനെ ചുമക്കുന്ന കോൺഗ്രസിനെ എന്ത് പറഞ്ഞാണ് വിശേഷിപ്പിക്കുകയെന്ന് പത്മജ ചോദിച്ചു.
ഒരു ജനപ്രതിനിധി എല്ലാ മനുഷ്യരുടെയും വീടുകളിൽ സന്ദർശനം നടത്തേണ്ട ഒരാളാണ്. ഇങ്ങനെ സ്വഭാവ വൈകല്യം ഉള്ള ഒരുവനെ എങ്ങനെ ആണ് വിശ്വസിച്ച് വീട്ടിൽ കയറ്റാൻ കഴിയുകയെന്നും ഗർഭസ്ഥ ശിശുക്കളെ കൊന്ന് കളഞ്ഞ കൊലപാതകി ആയ ഒരുവനെ പാലക്കാടിന് വേണോ എന്ന് പാലക്കാട്ടെ ജനങ്ങൾ തീരുമാനിക്കണമെന്നും പത്മജ വിമർശിച്ചു.