പത്മജ വേണുഗോപാൽ
ശൂർ: ബിജെപിയിൽ ചേർന്നത് തെറ്റായ തീരുമാനമായിരുന്നുവെന്ന് ആവർത്തിച്ച് മുൻ മുഖ്യമന്ത്രി കെ. കരുണാകരന്റെ മകൾ പത്മജ വേണുഗോപാൽ. വികാരപരമായ ഒരു നിമിഷത്തിൽ താൻ എടുത്ത തെറ്റായ തീരുമാനമായിരുന്നു ബിജെപി പ്രവേശനം എന്ന് ഫേസ്ബുക്കിൽ പങ്കുവച്ച പോസ്റ്റിൽ പത്മജ കുറിച്ചു.
താൻ എടുത്ത ആ തീരുമാനം കെ. കരുണാകരൻ എന്ന വ്യക്തിയെയും തന്നെയും സ്നേഹിച്ച നിരവധി കോൺഗ്രസ് പ്രവർത്തകർക്ക് ആഴത്തിൽ മുറിവേൽപ്പിച്ചു എന്ന തിരിച്ചറിവിലാണ് തിരിച്ചുവരാൻ തീരുമാനിച്ചതെന്നും പത്മജ കുറിച്ചു. ഏതെങ്കിലും ഒരു പദവി മോഹിച്ചല്ല മറിച്ച് ഒരു കോൺഗ്രസ്സുകാരിയായി മാറണം എന്നത് മാത്രമാണ് തന്റെ മനസിലുള്ളതെന്നും പത്മജ കുറിച്ചു.
പല ഭാഗങ്ങളിൽ നിന്നും ഉള്ള കോൺഗ്രസ് പ്രവർത്തകരുടെ വിമർശനങ്ങൾ പൂർണമായും ഉൾക്കൊള്ളുകയും ഓരോ കോൺഗ്രസ് പ്രവർത്തകനും പ്രസ്ഥാനത്തിനും ഏറ്റ മുറിവിന് ഹൃദയത്തിന്റെ ഭാഷയിൽ എല്ലാവരോടും ക്ഷമാപണം നടത്തുവാനും ഈ അവസരം വിനിയോഗിക്കുന്നുവെന്നും പത്മജ കുറിച്ചു.
അടുത്ത മാസം അച്ഛന്റെ ചരമ വാർഷിക വേളയിൽ തന്റെ പ്രിയപ്പെട്ട കോൺഗ്രസ് പ്രവർത്തകർക്കൊപ്പം അച്ഛന്റെ സ്മൃതി കുടീരത്തിൽ ആദരവ് അർപ്പിക്കുക മാത്രമാണ് തന്റെ മുന്നിലുള്ള ലക്ഷ്യമെന്നും പത്മജ കുറിച്ചിട്ടുണ്ട്.
പത്ജമജയും കോൺഗ്രസിലേയ്ക്കുള്ള മടങ്ങിവരവ് സംബന്ധിച്ചുള്ള വിഷയത്തിൽ പല നേതാക്കളും എതിർപ്പ് പരസ്യമായി പറഞ്ഞ സാഹചര്യത്തിലാണ് പത്മജയുടെ പ്രതികരണം.
Tags : Padmaja Venugopal congress returning facebook post reaction congress leaders