14

ബി ടൗൺ സൂപ്പർതാരം ര​ൺ​ബീ​ർ ക​പു​റി​നെ നാ​യ​ക​നാ​ക്കി സ​ന്ദീ​പ് റെ​ഡ്ഡി വം​ഗ സം​വി​ധാ​നം ചെ​യ്ത ബ്ലോ​ക്ക്ബ​സ്റ്റ​ർ ചി​ത്രം അ​നി​മ​ലിന്‍റെ ര​ണ്ടാം ഭാ​ഗ​മാ​യ അ​നി​മ​ൽ പാ​ർ​ക്കിന്‍റെ പു​തി​യ വി​വ​ര​ങ്ങ​ൾ പ​ങ്കുവച്ച് നി​ർമാ​താ​വ് പ്ര​ണ​യ് റെ​ഡ്ഡി വം​ഗ. ഒരു ചാനലിനു നൽകിയ അഭിമുഖത്തിലാണ് നിർമാതാവ് ചിത്രത്തിന്‍റെ പുതിയ വിശേഷങ്ങൾ പങ്കുവച്ചത്.

പ്ര​ഭാ​സി​നെ നാ​യ​ക​നാ​ക്കി സ​ന്ദീ​പ് ഒ​രു​ക്കു​ന്ന സ്പി​രി​റ്റ് എ​ന്ന ചി​ത്ര​ത്തിനുശേ​ഷമായിരിക്കും അ​നി​മ​ൽ പാ​ർ​ക്കിന്‍റെ അണിയറ പ്രവർത്തനങ്ങൾ ആ​രം​ഭി​ക്കുക എന്നും പ്രണയ് പറഞ്ഞു. സ്പി​രി​റ്റ് പൂ​ർ​ത്തി​യാ​യ ശേ​ഷം ഏ​ക​ദേ​ശം ആ​റു മാ​സ​ത്തെ ഇ​ട​വേ​ള​യെ​ടു​ക്കും. അ​തി​നു​ശേ​ഷ​മേ അ​നി​മ​ൽ പാ​ർ​ക്കി​ന്‍റെ പ​ണി​പ്പു​ര​യി​ലേ​ക്കു ക​ട​ക്കൂ. സ​ന്ദീ​പി​ന്‍റെ ര​ച​നാ​ശൈ​ലി വ​ള​രെ സാ​വ​ധാ​ന​ത്തി​ലാ​യ​തി​നാ​ൽ ചി​ത്ര​ത്തിന്‍റെ കൃ​ത്യ​മാ​യ റി​ലീ​സ് തി​യ​തി ഇ​പ്പോ​ൾ പ​റ​യാ​ൻ ക​ഴി​യി​ല്ലെ​ന്നും പ്ര​ണ​യ് കൂ​ട്ടി​ച്ചേ​ർ​ത്തു.

അ​തേ​സ​മ​യം, പ്ര​ഭാ​സ് ചി​ത്രം സ്പി​രി​റ്റി​ൽനി​ന്ന് ന​ടി ദീ​പി​ക പ​ദു​കോ​ൺ പി​ന്മാ​റി​യ​തി​നെ​ക്കു​റി​ച്ചും പ്ര​ണ​യ് അ​ഭി​മു​ഖ​ത്തി​ൽ പ്ര​തി​ക​രി​ച്ചു. പ്ര​തി​ഫ​ല​ത്തെ​ക്കു​റി​ച്ചും ചി​ത്രീ​ക​ര​ണ സ​മ​യ​ത്തെ​ക്കു​റി​ച്ചു​മു​ള്ള അ​ഭി​പ്രാ​യ​വ്യ​ത്യാ​സ​ങ്ങ​ളാ​ണു പി​ന്മാ​റ്റ​ത്തി​നു പി​ന്നി​ലെ പ്ര​ധാ​ന കാ​ര​ണ​ങ്ങ​ളെ​ന്ന് പ്രണയ് ‌വ്യ​ക്ത​മാ​ക്കി.

ലോകമെന്പാടുമുള്ള ചലച്ചിത്രാസ്വാദകർ ആകാംഷയോടെ കാത്തിരിക്കുന്ന, നിതേഷ് തിവാരിയുടെ എപ്പിക് ചിത്രം രാമായണ നവംബർ ആറിന് ആഗോളതലത്തിൽ തിയറ്ററുകളിലെത്തും. ദീപാവലി ആഘോഷങ്ങൾക്കു തൊട്ടുമുൻപാണു ചിത്രത്തിന്‍റെ റിലീസ്.

ബോളിവുഡ് താരം രൺബീർ കപുർ ശ്രീരാമനായും, കന്നഡ സൂപ്പർ താരം യഷ് രാവണനായും വെള്ളിത്തിരയിലെത്തും. തെന്നിന്ത്യൻ താരം സായി പല്ലവിയാണ് സീതയായി എത്തുന്നത്. ഹനുമാനായി വേഷമിടുന്നത് ബോളിവുഡ് സൂപ്പർതാരം സണ്ണി ഡിയോൾ ആണ്. ലക്ഷ്മണന്‍റെ വേഷത്തിലെത്തുന്നത് രവി ദുബൈ ആണ്. അന്താരാഷ്ട്ര വിതരണക്കാരായ സോണി പിക്‌ചേഴ്‌സിലൂടെ ചിത്രത്തിന്‍റെ ഇംഗ്ലീഷ് ട്രെയിലറും അണിയറപ്രവർത്തകർ പുറത്തുവിട്ടു. ആഗോള പ്രേക്ഷകരെ ലക്ഷ്യമിട്ടാണ് ഇംഗ്ലീഷ് പതിപ്പിന്‍റ ട്രെയിലർ ഒരുക്കിയത്.