കൊച്ചി: വ്യക്തിഹത്യയില് ടിനി ടോമിനെതിരേ നിയമനടപടിയുമായി മുന്നോട്ടു പോകുമെന്ന് താരസംഘടനയായ ‘അമ്മ’മുന് എക്സിക്യൂട്ടീവ് അംഗം അന്സിബ ഹസന്.
പോലീസിനും ആഭ്യന്തരമന്ത്രിക്കും പരാതി നല്കുമെന്നും ഇനി ‘അമ്മ’യില് പറഞ്ഞിട്ടു കാര്യമില്ലെന്നും സ്വകാര്യ ചാനലിനു നല്കിയ അഭിമുഖത്തില് അന്സിബ പറഞ്ഞു. നാട്ടില് നിയമവും കോടതിയുമൊക്കെ ഉണ്ടല്ലോയെന്നും അവര് പ്രതികരിച്ചു.
പോലീസ് സ്റ്റേഷനില് വിളിച്ചുവരുത്തി മാനസികമായി പീഡിപ്പിച്ചെന്നാരോപിച്ച് തൃപ്പൂണിത്തുറ ഹില്പാലസ് വനിതാ സെല് സിഐക്കെതിരേയും പരാതി നല്കുമെന്നും അന്സിബ വ്യക്തമാക്കി.
എക്സിക്യൂട്ടീവ് കമ്മിറ്റിയില്നിന്ന് രാജിവച്ചതിനുപിന്നാലെ ടിനി ടോമിനെതിരേ അന്സിബ രംഗത്തുവന്നിരുന്നു. ടിനി ടോം തന്നെ ജിഹാദിയെന്നു വിളിച്ചെന്നും തനിക്ക് എല്ലാവരുമായും അവിഹിതമാണെന്നു പ്രചരിപ്പിച്ചുവെന്നുമായിരുന്നു വെളിപ്പെടുത്തല്. എന്നാല് അന്സിബ തനിക്കു സഹോദരിയെ പോലെയാണെന്ന് ടിനി ടോം പ്രതികരിച്ചിരുന്നു.
Deepika
E-paper LOGIN
LOGIN