Deepika
ADVERTISEMENT
Business
കൊച്ചി: പൊതുജനങ്ങളെ അടിയന്തര ചികിത്സാ തയാറെടുപ്പുകള്ക്കു സന്നദ്ധമാക്കുന്ന ബിഎംഎച്ച് ലൈഫ് ലൈനര്‍ പദ്ധതി വിപുലമാക്കും.
ബിഎംഎച്ച് ഗ്രൂപ്പിന്റെ കീഴിലുള്ള മെയ്ത്ര ഹോസ്പിറ്റല്, നരുവി ഹോസ്പിറ്റല്സ്, സ്റ്റാര് ഹോസ്പിറ്റല്സ് എന്നിവയിലേക്കു പദ്ധതി വ്യാപിപ്പിക്കും.
ജനകീയ പങ്കാളിത്തത്തോടെയുള്ള എമര്ജന്സി റെസ്പോണ്സ് ഇക്കോ സിസ്റ്റം ശക്തിപ്പെടുത്തുകയാണു പദ്ധതിയിലൂടെ ലക്ഷ്യമിടുന്നത്. സ്കൂളുകള്ക്കായി പ്രത്യേക സുരക്ഷാ പദ്ധതികളും ബിഎംഎച്ച് പ്രഖ്യാപിച്ചു.
Business
തിരുവനന്തപുരം: കേരളത്തിലെ 14 ജില്ലകളിലായി 18 നഗരങ്ങളിൽ വിജയകരമായി 5 ജി സേവനങ്ങൾ ലഭ്യമാക്കിയതിനു പിന്നാലെ പ്രമുഖ ടെലികോം സേവനദാതാവായ വി സംസ്ഥാനത്തെ 33 നഗരങ്ങളിലേക്കുകൂടി 5 ജി സേവനങ്ങൾ വ്യാപിപ്പിക്കുന്നു. ഇതോടെ പ്രധാന നഗരസഭകളിലും വിനോദസഞ്ചാര കേന്ദ്രങ്ങളിലുമായി വിയുടെ 5 ജി സാന്നിധ്യം കൂടുതൽ ശക്തമാകും.
കൊച്ചി, തിരുവനന്തപുരം, കോഴിക്കോട്, മലപ്പുറം തുടങ്ങിയ പ്രധാന കേന്ദ്രങ്ങളിലായിരുന്നു വി ആദ്യഘട്ടത്തിൽ 5 ജി സേവനങ്ങൾ ആരംഭിച്ചത്. തുടർന്ന് കൊല്ലം, തൃശൂർ, കോട്ടയം, പാലക്കാട്, കണ്ണൂർ ഉൾപ്പെടെ കേരളത്തിലെ 14 ജില്ലകളിലെയും പ്രധാന കേന്ദ്രങ്ങളിലേക്കുകൂടി നെറ്റ്വർക്ക് വിപുലീകരിച്ചു.
Business
കോട്ടയം: കേരളത്തിലെ പ്രമുഖ ഡിജിറ്റൽ റീട്ടെയിൽ ശൃംഖലയായ ഓക്സിജൻ ദി ഡിജിറ്റൽ എക്സ്പേർട്ടിന്റെ റാന്നിയിലെ വിപുലീകരിച്ച ഷോറൂമിന്റെ ഉദ്ഘാടനം ആന്റോ ആന്റണി എംപി നിർവഹിച്ചു. അഡ്വ. പ്രമോദ് നാരായണൻ എംഎൽഎ ആദ്യ വില്പന നടത്തി.
ചടങ്ങിൽ ജില്ലാ പഞ്ചായത്ത് അംഗം ആരോണ് ബിജിലി പനവേലിൽ, റാന്നി പഴവങ്ങാടി പഞ്ചായത്ത് പ്രസിഡന്‍റ് പ്രമോദ് മന്ദമരുതി, മുൻ എംഎൽഎ രാജു ഏബ്രഹാം, വാർഡ് മെംബർ അന്നമ്മ തോമസ് കുരിശുമ്മൂട്ടിൽ, ബിജെപി ജില്ലാ സെക്രട്ടറി പി.വി. അനോജ്കുമാർ, ഓക്സിജൻ സിഇഒ ഷിജോ കെ. തോമസ് തുടങ്ങിയവർ പങ്കെടുത്തു.
നവീകരിച്ച രണ്ട് നിലകളുള്ള ഷോറൂമിൽ ടിവി, ഫ്രിഡ്ജ്, എസി., വാഷിംഗ് മെഷീൻ തുടങ്ങിയ ഗൃഹോപകരണങ്ങളുടെ വലിയ ശേഖരമാണ് ഒരുക്കിയിട്ടുള്ളത്. ബംപർ കോംബോ ഓഫറിലൂടെ 1,25,000 രൂപ വില വരുന്ന ഗൃഹോപകരണങ്ങൾ 49,990 രൂപയ്ക്ക് സ്വന്തമാക്കാം.
ലോകോത്തര ബ്രാൻഡുകളുടെ സ്മാർട്ട് ഫോണുകൾ, ലാപ്ടോപ്പുകൾ, ഡിജിറ്റൽ ഗാഡ്ജറ്റുകൾ എന്നിവയുടെ വലിയ ശൃംഖലയും ഷോറൂമിൽ ഉണ്ട്. 6999 രൂപ മുതൽ സ്മാർട്ട് ഫോണുകൾ, 6,990 രൂപയ്ക്ക് സ്മാർട്ട് ടിവികൾ, 19,990 രൂപ മുതൽ ബ്രാൻഡഡ് എസികൾ തുടങ്ങിയവ ലഭ്യമാണ്. ലാപ്ടോപ്പ്, വാഷിംഗ് മെഷീൻ, ഫ്രിഡ്ജ് എന്നിവയ്ക്ക് സ്പെഷൽ ഓഫറുകളും ആനുകൂല്യങ്ങളും ഉണ്ട്.
കിച്ചണ് അപ്ലയൻസുകൾക്ക് 60 ശതമാനം വരെ വിലക്കുറവും ഓഫറുകളും ഗാഡ്ജറ്റുകൾക്കും മൊബൈൽ ആക്സസറീസുകൾക്കും ആകർഷകമായ വിലക്കുറവും ഒരുക്കിയിട്ടുണ്ട്.
ഉദ്ഘാടനത്തോടനുബന്ധിച്ച് ഓരോ മണിക്കൂറിലും നടന്ന നറുക്കെടുപ്പിലൂടെ നിരവധി ഉപഭോക്താക്കളാണ് ആകർഷകമായ സമ്മാനങ്ങൾ നേടിയത്. ഷോറൂമിൽ നിന്നും പ്രമുഖ ബ്രാൻഡുകളുടെ ഏറ്റവും പുതിയ ഡിജിറ്റൽ ഉല്പന്നങ്ങൾ കുറഞ്ഞ വിലയിൽ സ്വന്തമാക്കാം. കൂടുതൽ വിവരങ്ങൾക്ക് ഫോൺ: 902010 0100.
National
ഡെറാഡൂൺ: അഞ്ചു മന്ത്രിമാരെ ഉൾപ്പെടുത്തി ഉത്തരാഖണ്ഡിലെ പുഷ്കർ സിംഗ് ധാമി മന്ത്രിസഭ വികസിപ്പിച്ചു.
ഖസാൻ ദാസ്, ഭരത് സംഗ് ചൗധരി, മദൻ കൗശിക്, പ്രദീപ് ബത്ര, രാം സിംഗ് കയ്ദ എന്നിവരാണ് ഇന്നലെ ലോക്ഭവനിൽ സത്യപ്രതിജ്ഞ ചെയ്തത്. ഇതോടെ ഉത്തരാഖണ്ഡിൽ 12 മന്ത്രിമാരായി.
Business
കൊച്ചി: ആമസോൺ പേ വാഹന ഇൻഷ്വറൻസ് സേവനം വിപുലീകരിച്ചു. രാജ്യത്തെ 280 ദശലക്ഷം വാഹന ഉടമകൾക്ക് കൂടുതൽ സൗകര്യപ്രദമായ ഇൻഷ്വറൻസ് പദ്ധതികളാണ് അവതരിപ്പിച്ചത്.
എച്ച്ഡിഎഫ്സി എർഗോ, ആക്കോ, ഐസിഐസിഐ ലോംബാർഡ് എന്നിവയുമായി ചേർന്നുള്ള പങ്കാളിത്തത്തിലൂടെ കാറുകളും ഇരുചക്ര വാഹനങ്ങളും ഉൾപ്പെടുന്ന ഇൻഷ്വറൻസ് പദ്ധതികൾ ലഭ്യമാക്കും.
ഇരുചക്ര വാഹനങ്ങൾക്ക് ഫിസിക്കൽ ഇൻസ്പെക്ഷൻ ആവശ്യമില്ലാത്ത ഡിജിറ്റൽ പ്രക്രിയയിലൂടെയാണ് പോളിസി നൽകുന്നത്.
Kerala
കൊച്ചി: തദ്ദേശ തെരഞ്ഞെടുപ്പിലെ ആത്മവിശ്വാസം പകരുന്ന വിജയത്തിനു പിന്നാലെ മുന്നണി വിപുലീകരണത്തിനൊരുങ്ങി യുഡിഎഫ്. ആദ്യഘട്ടമായി മുന്നണിയിലെ അസോസിയേറ്റ് മെംബര്‍മാരായി പി.വി. അന്‍വറിന്‍റെ തൃണമൂല്‍ കോണ്‍ഗ്രസിനെയും സി.കെ. ജാനുവിന്‍റെ ജനാധിപത്യ രാഷ്‌ട്രീയ പാര്‍ട്ടിയെയും ഉള്‍പ്പെടുത്താൻ ഇന്നലെ കളമശേരിയില്‍ നടന്ന സമ്പൂര്‍ണ യുഡിഎഫ് യോഗം തീരുമാനിച്ചു.
വിഷ്ണുപുരം ചന്ദ്രശേഖരന്‍റെ കേരള കാമരാജ് കോണ്‍ഗ്രസും മുന്നണിയില്‍ ചേരാന്‍ കത്ത് നല്‍കിയിട്ടുണ്ടെന്ന് പ്രതിപക്ഷനേതാവ് വി.ഡി. സതീശന്‍ യോഗത്തിനുശേഷം പറഞ്ഞു. യുഡിഎഫിന്‍റെ ഭാഗമാകണമെന്ന ആവശ്യം അറിയിച്ചവരെ മുന്നണിയിലെടുക്കുന്ന കാര്യം മാത്രമാണു പരിഗണിച്ചത്. മുന്നണി വിട്ടുപോയവരുടെ തിരിച്ചുവരവ് സംബന്ധിച്ചു ചര്‍ച്ച നടന്നിട്ടില്ല.
ഇടതുപക്ഷത്തോടൊപ്പം ആഭിമുഖ്യം പ്രകടിപ്പിച്ചിരുന്ന നിരവധി സഹയാത്രികള്‍ വരെ യുഡിഎഫിനൊപ്പം ചേരും. ഇടതുപക്ഷം തീവ്ര വലതുപക്ഷമായി മാറിയെന്ന ഇക്കൂട്ടരുടെ തിരിച്ചറിവാണ് യുഡിഎഫിനൊപ്പം അണിചേരാന്‍ ഘടകമാകുന്നത്. നിയമസഭാ തെരഞ്ഞെടുപ്പിനോടടുത്ത് കൂടുതല്‍ പ്രാദേശിക കക്ഷികള്‍ മുന്നണിയുടെ ഭാഗമാകും. നിരുപാധിക പിന്തുണയാണ് കക്ഷികള്‍ മുന്നോട്ടു വയ്ക്കുന്നത്. സീറ്റ് വിഭജനമടക്കമുള്ള കാര്യങ്ങള്‍ കൂടുതല്‍ ചര്‍ച്ചകള്‍ക്കു ശേഷമായിരിക്കും തീരുമാനിക്കുകയെന്നും പ്രതിപക്ഷനേതാവ് പറഞ്ഞു.
സിപിഎമ്മുമായും ബിജെപിയുമായും സഹകരണമില്ല
സിപിഎം, ബിജെപി പാർട്ടികളുമായി ഉടമ്പടിയോ ധാരണകളോ പാടില്ലെന്നു യുഡിഎഫ് നേതൃയോഗം തീരുമാനിച്ചു. മിഷന്‍ 26 പ്രവര്‍ത്തനങ്ങള്‍ ഇതിനോടകംതന്നെ ആരംഭിച്ചുകഴിഞ്ഞു. ഉജ്വല വിജയം സമ്മാനിച്ച വോട്ടര്‍മാരോട് നന്ദിയുണ്ട്. ശബരിമല കേസില്‍ സിപിഎമ്മിന്‍റെ ഉന്നതര്‍ പിടിയിലാകാനുണ്ട്. സഹകരണ ബാങ്കുകളില്‍നിന്ന് 10,000 കോടി കടമെടുക്കാനാണു സര്‍ക്കാരിന്‍റെ നീക്കം. ഗ്രാമീണ സമ്പദ്‌വ്യവസ്ഥയുടെ നട്ടെല്ല് തകര്‍ക്കുന്ന നീക്കമാണിതെന്നും പ്രതിപക്ഷനേതാവ് പറഞ്ഞു.
പ്രതിപക്ഷനേതാവിനു പുറമെ, യുഡിഎഫ് കണ്‍വീനര്‍ അടൂര്‍ പ്രകാശ് എംപി, കെപിസിസി പ്രസിഡന്‍റ് സണ്ണി ജോസഫ് എംഎല്‍എ, നേതാക്കളായ രമേശ് ചെന്നിത്തല, കെ. സുധാകരന്‍ എംപി, കെ. മുരളീധരന്‍, ബെന്നി ബെഹനാന്‍ എംപി, എം.എം. ഹസന്‍, പി.ജെ. ജോസഫ്, മോന്‍സ് ജോസഫ്, പി.കെ. കുഞ്ഞാലിക്കുട്ടി, ഇ.ടി. മുഹമ്മദ് ബഷീര്‍, അബ്‌ദുള്‍ വഹാബ്, പി.എം.എ. സലാം, പി.സി. തോമസ്, തോമസ് ഉണ്ണിയാടന്‍, സ്‌കറിയ തോമസ്, എന്‍.കെ. പ്രേമചന്ദ്രന്‍ എംപി, ഷിബു ബേബി ജോണ്‍, സി.പി. ജോണ്‍, അഡ്വ. രാജന്‍ ജോസഫ്, മാണി സി. കാപ്പന്‍, അഡ്വ. അനൂപ് ജേക്കബ് തുടങ്ങിയവര്‍ യോഗത്തില്‍ പങ്കെടുത്തു.
സ്ഥാനാര്‍ഥിനിര്‍ണയം അടുത്ത മാസം പകുതിയോടെ
കൊച്ചി: നിയമസഭാ തെരഞ്ഞെടുപ്പ് സംബന്ധിച്ചുള്ള ഉഭയകക്ഷി ചര്‍ച്ചകള്‍ ഉടന്‍ ആരംഭിക്കുമെന്ന് യുഡിഎഫ് യോഗത്തിനുശേഷം പ്രതിപക്ഷനേതാവ് പറഞ്ഞു. സ്ഥാനാര്‍ഥിനിര്‍ണയം ഇത്തവണ ജനുവരി പകുതിയോടെ പൂര്‍ത്തീകരിക്കാനാണ് യുഡിഎഫ് ലക്ഷ്യമിടുന്നത്.
സംസ്ഥാന ജാഥ ഫെബ്രുവരിയിൽ
ഫെബ്രുവരി ആദ്യവാരം കാസര്‍ഗോഡുനിന്ന് തിരുവനന്തപുരം വരെ പ്രതിപക്ഷനേതാവിന്‍റെ നേതൃത്വത്തില്‍ യുഡിഎഫ് ജാഥ സംഘടിപ്പിക്കും. സംസ്ഥാനത്തിന്‍റെ സമഗ്രമായ മാറ്റം ലക്ഷ്യമിടുന്ന മാനിഫെസ്റ്റോ പുറത്തിറക്കാനും യുഡിഎഫ് യോഗം തീരുമാനിച്ചു.
ADVERTISEMENT
ADVERTISEMENT
SPACE FOR ADVERTISEMENT
Copyright © 2026, Rashtra Deepika Ltd. All Rights Reserved.
Design and Development 
Corehub Solutions
Contact Numbers :
+91 481 2566706, 2566707, 2566708
About Us Feedback Privacy Policy Terms and Conditions for Online Payment
E-paper LOGIN
LOGIN