9

നീ​ലേ​ശ്വ​രം: മാ​ർ​ക്ക​റ്റ് ജം​ഗ്ഷ​നി​ൽ ദേ​ശീ​യ​പാ​താ ന​വീ​ക​ര​ണ​ത്തോ​ട​നു​ബ​ന്ധി​ച്ച് നി​ർ​മി​ച്ച അ​ടി​പ്പാ​ത​യു​ടെ കോ​ൺ​ക്രീ​റ്റ് ഭി​ത്തി​യി​ലെ വി​ള്ള​ലു​ക​ൾ സി​മ​ന്‍റ് പൂ​ശി അ​ട​ച്ചു. അ​ടി​പ്പാ​ത​യു​ടെ ഭി​ത്തി​യി​ൽ വി​ള്ള​ലു​ക​ൾ പ്ര​ത്യ​ക്ഷ​പ്പെ​ട്ട കാ​ര്യം ക​ഴി​ഞ്ഞ​ദി​വ​സം ദീ​പി​ക അ​ട​ക്ക​മു​ള്ള പ​ത്ര​ങ്ങ​ൾ റി​പ്പോ​ർ​ട്ട് ചെ​യ്തി​രു​ന്നു.

സം​ഭ​വ​വു​മാ​യി ബ​ന്ധ​പ്പെ​ട്ട് ദേ​ശീ​യ​പാ​ത അ​ധി​കൃ​ത​രോ സാ​ങ്കേ​തി​ക വി​ദ​ഗ്ധ​രോ പ​രി​ശോ​ധ​ന​യ്ക്കെ​ത്തു​ന്ന​തി​നു മു​മ്പാ​ണ് ക​രാ​ർ ക​മ്പ​നി​യാ​യ മേ​ഘ എ​ൻ​ജി​നി​യ​റിം​ഗി​ലെ തൊ​ഴി​ലാ​ളി​ക​ളെ​ത്തി വി​ള്ള​ലു​ക​ൾ സി​മ​ന്‍റ് പൂ​ശി അ​ട​ച്ച​ത്.

പു​ഴ​യോ​ടും ച​തു​പ്പു​നി​ല​ങ്ങ​ളോ​ടും ചേ​ർ​ന്നു​കി​ട​ക്കു​ന്ന ഉ​റ​പ്പു​കു​റ​ഞ്ഞ മ​ണ്ണി​ൽ കൃ​ത്യ​മാ​യ അ​ടി​ത്ത​റ ഉ​റ​പ്പി​ക്കാ​തെ നി​ർ​മാ​ണം ന​ട​ത്തി​യ​താ​ണ് വി​ള്ള​ലു​ക​ൾ പ്ര​ത്യ​ക്ഷ​പ്പെ​ടാ​ൻ കാ​ര​ണ​മാ​യ​തെ​ന്നാ​ണ് നി​ഗ​മ​നം.

വി​ള്ള​ലു​ക​ൾ സി​മ​ന്‍റ് പൂ​ശി അ​ട​ച്ച​തു​കൊ​ണ്ട് പ്ര​ശ്നം മ​റ​ച്ചു​പി​ടി​ക്കാ​മെ​ന്ന​ല്ലാ​തെ പ​രി​ഹ​രി​ക്കാ​നാ​വി​ല്ലെ​ന്നും മ​തി​യാ​യ ഉ​റ​പ്പി​ല്ലെ​ങ്കി​ൽ ഇ​തി​നു മു​ക​ളി​ലൂ​ടെ വാ​ഹ​ന​ങ്ങ​ൾ ക​ട​ത്തി​വി​ടു​മ്പോ​ൾ അ​ടി​പ്പാ​ത ത​ക​രാ​ൻ​പോ​ലും സാ​ധ്യ​ത​യു​ണ്ടെ​ന്നും സാ​ങ്കേ​തി​ക വി​ദ​ഗ്ധ​ർ ചൂ​ണ്ടി​ക്കാ​ട്ടു​ന്നു. ഇ​തി​നു പ​ക​രം മ​ണ്ണി​ൽ കൃ​ത്യ​മാ​യ പൈ​ലിം​ഗ് ന​ട​ത്തി കോ​ൺ​ക്രീ​റ്റ് തൂ​ണു​ക​ൾ നി​ർ​മി​ച്ച് അ​വ​യ്ക്കു മു​ക​ളി​ൽ മേ​ൽ​പാ​ലം ത​ന്നെ നി​ർ​മി​ക്ക​ണ​മെ​ന്നാ​ണ് ന​ഗ​ര​സ​ഭ​യും നാ​ട്ടു​കാ​രും ചേ​ർ​ന്ന് രൂ​പീ​ക​രി​ച്ച ക​ർ​മ​സ​മി​തി​യു​ടെ ആ​വ​ശ്യം.