4

നു​ഹ്: സ്ത്രീ ​ശാ​ക്തീ​ക​ര​ണ രം​ഗ​ത്ത് സ​ജീ​വ​മാ​യി പ്ര​വ​ർ​ത്തി​ക്കു​ന്ന സ​ന്ന​ദ്ധ സം​ഘ​ട​ന​യാ​യ ദീ​പാ​ല​യ​യു​ടെ നേ​തൃ​ത്വ​ത്തി​ൽ അ​ന്താ​രാ​ഷ്‌ട്ര വ​നി​താ ദി​നം ആ​ഘോ​ഷി​ക്കു​ന്നു.

ഞാ​യ​റാ​ഴ്ച ഹ​രി​യാ​ന​യി​ലെ നു​ഹ് ജി​ല്ല​യി​ലു​ള്ള ദീ​പാ​ല​യ സീ​നി​യ​ർ സെ​ക്ക​ൻ​ഡ​റി സ്കൂ​ളി​ൽ വ​ച്ചാ​ണ് ആ​ഘോ​ഷ പ​രി​പാ​ടി​ക​ൾ സം​ഘ​ടി​പ്പി​ക്കു​ന്ന​ത്.

"ശാ​ക്തീ​ക​രി​ക്ക​പ്പെ​ട്ട സ്ത്രീ​ക​ൾ, ശാ​ക്തീ​ക​രി​ക്ക​പ്പെ​ട്ട രാ​ഷ്ട്രം: സ്ത്രീ​ക​ളു​ടെ അ​വ​കാ​ശ​ങ്ങ​ളും നീ​തി​യി​ലേ​ക്കു​ള്ള പ്ര​വേ​ശ​ന​വും' എ​ന്ന​താ​ണ് ഈ ​വ​ർ​ഷ​ത്തെ ആ​ഘോ​ഷ​ങ്ങ​ളു​ടെ പ്ര​ധാ​ന പ്ര​മേ​യം.

ഏ​ക​ദേ​ശം 800-ഓ​ളം സ്ത്രീ​ക​ളും ക​മ്യൂ​ണി​റ്റി അം​ഗ​ങ്ങ​ളും ഈ ​വി​പു​ല​മാ​യ പ​രി​പാ​ടി​യി​ൽ പ​ങ്കു​ചേ​രും.

പ്ര​ധാ​ന പ​രി​പാ​ടി​ക​ൾ:

ബോ​ധ​വ​ത്ക​ര​ണ ക്ലാ​സു​ക​ൾ: സ്ത്രീ​ക​ളു​ടെ അ​വ​കാ​ശ​ങ്ങ​ളെ​ക്കു​റി​ച്ചും നി​യ​മ​സ​ഹാ​യം ല​ഭ്യ​മാ​ക്കു​ന്ന​തി​നെ​ക്കു​റി​ച്ചും വി​ദ​ഗ്ധ​ർ ക്ലാ​സു​ക​ൾ ന​യി​ക്കും.

സാ​മ്പ​ത്തി​ക സാ​ക്ഷ​ര​ത: സ്ത്രീ​ക​ളു​ടെ സാ​മ്പ​ത്തി​ക ഭ​ദ്ര​ത ഉ​റ​പ്പാ​ക്കു​ന്ന​തി​നു​ള്ള പ്ര​ത്യേ​ക സെ​ഷ​നു​ക​ൾ.

ക​ലാ​പ​രി​പാ​ടി​ക​ൾ: പ്രാ​ദേ​ശി​ക സം​സ്കാ​രം വി​ളി​ച്ചോ​തു​ന്ന വി​വി​ധ ക​ലാ​പ്ര​ക​ട​ന​ങ്ങ​ൾ.

ആ​ദ​രി​ക്ക​ൽ ച​ട​ങ്ങ്: പ്ര​തി​സ​ന്ധി​ക​ളെ അ​തി​ജീ​വി​ച്ച് വി​ജ​യ​ഗാ​ഥ​ക​ൾ ര​ചി​ച്ച ദീ​പാ​ല​യ​യു​ടെ ഗു​ണ​ഭോ​ക്താ​ക്ക​ളാ​യ സ്ത്രീ​ക​ളെ ച​ട​ങ്ങി​ൽ ആ​ദ​രി​ക്കും.

പ്ര​ത്യേ​ക ആ​ക​ർ​ഷ​ണം: ഈ ​അ​വ​സ​ര​ത്തി​ൽ ദീ​പാ​ല​യ ഒ​രു പ്ര​ത്യേ​ക സ്മ​ര​ണി​ക പ്ര​കാ​ശ​നം ചെ​യ്യും.

ദീ​പാ​ല​യ​യു​മാ​യി ചേ​ർ​ന്ന് പ്ര​വ​ർ​ത്തി​ച്ച സ്ത്രീ​ക​ളു​ടെ​യും മ​റ്റ് സ്റ്റേ​ക്ക് ഹോ​ൾ​ഡ​ർ​മാ​രു​ടെ​യും ധീ​ര​ത​യു​ടെ​യും വ​ള​ർ​ച്ച​യു​ടെ​യും പ​രി​വ​ർ​ത്ത​ന​ത്തി​ന്‍റെ​യും പ്ര​ചോ​ദ​നാ​ത്മ​ക​മാ​യ ക​ഥ​ക​ളാ​ണ് ഈ ​സ്മ​ര​ണി​ക​യി​ൽ ഉ​ൾ​പ്പെ​ടു​ത്തി​യി​രി​ക്കു​ന്ന​ത്.

സ​മൂ​ഹ​ത്തി​ന്‍റെ താ​ഴേ​ത്ത​ട്ടി​ലു​ള്ള സ്ത്രീ​ക​ളെ മു​ഖ്യ​ധാ​ര​യി​ലേ​ക്ക് കൊ​ണ്ടു​വ​രു​ന്ന​തി​നും അ​വ​ർ​ക്ക് അ​ർ​ഹ​മാ​യ അ​വ​കാ​ശ​ങ്ങ​ൾ ഉ​റ​പ്പാ​ക്കു​ന്ന​തി​നു​മു​ള്ള ദീ​പാ​ല​യ​യു​ടെ നി​ര​ന്ത​ര​മാ​യ ശ്ര​മ​ങ്ങ​ളു​ടെ ഭാ​ഗ​മാ​ണ് ഈ ​പ​രി​പാ​ടി.

ചണ്ഡീഗഡ്: ഹരിയാനയിലെ ഗുരുഗ്രാമിൽ 26 കാരിയായ നേപ്പാൾ സ്വദേശിനിയെ ഓട്ടോ ഡ്രൈവർ ഉൾപ്പെടെ മൂന്ന് പേർ ചേർന്ന് കൂട്ടബലാത്സംഗം ചെയ്തു. ഓട്ടോ ഡ്രൈവറെ പോലീസ് അറസ്റ്റ് ചെയ്തു. മറ്റ് രണ്ട് പ്രതികൾ ഒളിവിലാണ്.

കുരുക്ഷേത്രയിൽ താമസിക്കുന്ന യുവതി ഒരു സ്വകാര്യ കമ്പനിയിലാണ് ജോലി ചെയ്യുന്നത്. ഒരു സുഹൃത്തിനെ കാണാൻ ഗുരുഗ്രാമിൽ എത്തിയതെന്നും എന്നാൽ കാണാൻ കഴിയാതെ വന്നതോടെ മദ്യപിച്ചെന്നും യുവതി നൽകിയ പരാതിയിൽ പറയുന്നു.

ഗുരുഗ്രാമിൽ നിന്ന് തിരിച്ച് വീട്ടിലേക്ക് മടങ്ങനായി യുവതി ഓട്ടോയിൽ കയറി. ഓട്ടോ ഡ്രൈവർ ഉൾപ്പെടെ മൂന്ന് പേരായിരുന്നു ഓട്ടോയിൽ ഉണ്ടായിരുന്നതെന്നും മൂന്നു പേരും ചേർന്നാണ് ബലാത്സംഗം ചെയ്തെന്നും യുവതി പോലീസിനോട് പറഞ്ഞു. മദ്യപിച്ചിരുന്നതിനാൽ നടന്ന സംഭവം വ്യക്തമായി ഓർമ്മയുണ്ടായിരുന്നില്ല. തുടർന്ന് ബോധം വീണ്ടെടുത്തപ്പോൾ യുവതി നഹർപൂർ രൂപയിലെ ഒരു മുറിയിലായിരുന്നു.

പ്രധാന പ്രതിയും ഉത്തർപ്രദേശ് സ്വദേശിയുമായ ഓട്ടോ ഡ്രൈവറെ പോലീസ് അറസ്റ്റ് ചെയ്തു. മറ്റ് പ്രതികൾക്കായുള്ള തിരച്ചിൽ ആരംഭിച്ചിട്ടുണ്ട്.

ച​ണ്ഡീ​ഗ​ഡ്: ഗ​ർ​ഭി​ണി​യാ​യ ഭാ​ര്യ​യെ കൊ​ല​പ്പെ​ടു​ത്തി​യ കേ​സി​ൽ ചാ​ർ​ട്ടേ​ഡ് അ​ക്കൗ​ണ്ട​ന്‍റാ​യ യു​വാ​വ് പി​ടി​യി​ൽ. ഹ​രി​യാ​ന ബ​ഹ​ദൂ​ർ​ഗ​ഢി​ലാ​ണ് സം​ഭ​വം ന​ട​ന്ന​ത്. ഹി​സാ​ർ, സെ​ക്ട​ർ 14 സ്വ​ദേ​ശി അ​ൻ​ഷു​ൽ ധ​വാ​ൻ ആ​ണ് പി​ടി​യി​ലാ​യ​ത്.

ബാ​ങ്ക് ജീ​വ​ന​ക്കാ​രി​യാ​യ മ​ഹാ​ക് (27) ആ​ണ് കൊ​ല്ല​പ്പെ​ട്ട​ത്. ഫെ​ബ്രു​വ​രി 15ന് ​ആ​യി​രു​ന്നു കൊ​ല​പാ​ത​കം ന​ട​ന്ന​ത്. പ്ര​തി ഭാ​ര്യ​യു​മൊ​ത്ത് ഹി​സാ​ർ സ​ന്ദ​ർ​ശി​ച്ചി​രു​ന്നു. ഞാ​യ​റാ​ഴ്ച രാ​ത്രി ഏ​ഴ് മ​ണി​യോ​ടെ​യാ​ണ് ദ​മ്പ​തി​ക​ൾ അ​വി​ടെ നി​ന്ന് മ​ട​ങ്ങി​യ​ത്.

തു​ട​ർ​ന്നാ​യി​രു​ന്നു കൊ​ല​പാ​ത​കം ന​ട​ന്ന​തെ​ന്ന് പോ​ലീ​സ് പ​റ​യു​ന്നു. ഏ​താ​നും പേ​ർ ത​ങ്ങ​ളെ ആ​ക്ര​മി​ച്ചെ​ന്നും ഭാ​ര്യ​യെ അ​ക്ര​മി​ക​ൾ ക​ഴു​ത്ത​റു​ത്ത് കൊ​ല​പ്പെ​ടു​ത്തി​യെ​ന്നും അ​ൻ​ഷു​ൽ ധ​വാ​ൻ പോ​ലീ​സി​നെ വി​ളി​ച്ച് അ​റി​യി​ക്കു​ക​യാ​യി​രു​ന്നു.

 ആ​ദ്യം ക​വ​ർ​ച്ചാ കേ​സാ​യി തോ​ന്നി​യെ​ങ്കി​ലും വി​ശ​ദ​മാ​യ അ​ന്വേ​ഷ​ണ​ത്തി​ൽ അ​ൻ​ഷു​ൽ ധ​വാ​നാ​ണ് പ്ര​തി​യെ​ന്ന് പോ​ലീ​സ് ക​ണ്ടെ​ത്തു​ക​യാ​യി​രു​ന്നു. ആ​ദ്യം മ​ഹാ​കി​നെ ശ്വാ​സം മു​ട്ടി​ച്ച് കൊ​ല​പ്പെ​ടു​ത്തി​യ ശേ​ഷം ക​ത്രി​ക ഉ​പ​യോ​ഗി​ച്ച് ക​ഴു​ത്ത​റു​ക്കു​ക​യാ​യി​രു​ന്നു​വെ​ന്നാ​ണ് പോ​ലീ​സ് വ്യ​ക്ത​മാ​ക്കു​ന്ന​ത്. 

ന്യൂഡൽഹി: ഹ​രി​യാ​ന ഇ​ൻ​സ്റ്റി​റ്റ്യൂ​ട്ട് ഓ​ഫ് പ​ബ്ലി​ക് അ​ഡ്മി​നി​സ്ട്രേ​ഷ​ൻ (എ​ച്ച്ഐ​പി​എ) ഗു​രു​ഗ്രാം വ്യാ​ഴാ​ഴ്ച നൂ​ഹ് ജി​ല്ല​യി​ലെ ഗു​സ്ബെ​ത്തി​യി​ലെ ദീ​പാ​ല​യ ബാ​ല​ഭ​വ​ന​ത്തി​ൽ (ഡി​സി​എ​ച്ച്) കു​ട്ടി​ക​ളു​ടെ ക്ഷേ​മ സ​മി​തി​ക​ൾ (സിഡബ്ല്യുസി)  ജു​വ​നൈ​ൽ ജ​സ്റ്റി​സ് ബോ​ർ​ഡു​ക​ൾ (ജെജെബി) എ​ന്നി​വ​യി​ലെ ചെ​യ​ർ​പേ​ഴ്സ​ൺ​മാ​രും അം​ഗ​ങ്ങ​ളും പ​ങ്കെ​ടു​ത്ത എ​ക്സ്പോ​ഷ​ർ വി​സി​റ്റും ശേ​ഷി​വി​ക​സ​ന പ​രി​പാ​ടി​യും സം​ഘ​ടി​പ്പി​ച്ചു.

ദീ​പാ​ല​യ​യു​ടെ ചീ​ഫ് എ​ക്സി​ക്യൂ​ട്ടീ​വ് ഓ​ഫീ​സ​റും പ​രി​പാ​ടി​യു​ടെ റി​സോ​ഴ്‌​സ് പേ​ഴ്സ​ണു​മാ​യ ഡോ. ​കെ. സി. ​ജോ​ർ​ജ് സിഡബ്ല്യുസി അം​ഗ​ങ്ങ​ളു​ടെ പ​ങ്കും ഉ​ത്ത​ര​വാ​ദി​ത്ത​ങ്ങ​ളും ചൈ​ൽ​ഡ് കെ​യ​ർ സ്ഥാ​പ​ന​ങ്ങ​ളു​ടെ പ്ര​വ​ർ​ത്ത​നം, വ്യ​ക്തി​ഗ​ത ശി​ശു പ​രി​പാ​ല​ന പ​ദ്ധ​തി​ക​ൾ, കൂ​ടാ​തെ ജു​വ​നൈ​ൽ ജ​സ്റ്റി​സ് (കെ​യ​ർ ആ​ൻ​ഡ് പ്രൊ​ട്ട​ക്ഷ​ൻ ഓ​ഫ് ചി​ൽ​ഡ്ര​ൻ) ആ​ക്ട്, 2015 പ്ര​കാ​ര​മു​ള്ള കു​ട്ടി​ക​ളോ​ടു​ള​ള സ​മീ​പ​ന​ങ്ങ​ൾ എ​ന്നി​വ​യെ​ക്കു​റി​ച്ച് ഒ​രു സം​വാ​ദാ​ത്മ​ക സെ​ഷ​ൻ ന​ട​ത്തി.

ഹ​രി​യാ​ണ​യി​ലെ വി​വി​ധ ജി​ല്ല​ക​ളി​ൽ നി​ന്നു​ള്ള 41 പു​തു​താ​യി നി​യ​മി​ത​രാ​യ സിഡബ്ല്യുസി, ജെജെബി അം​ഗ​ങ്ങ​ൾ ഉ​ൾ​പ്പെ​ടെ ആ​കെ 46 പേ​ർ പ​രി​പാ​ടി​യി​ൽ പ​ങ്കെ​ടു​ത്തു.

ച​ണ്ഡീ​ഗ​ഡ്: കൗ​മാ​ര​ക്കാ​ര​നെ നി​ർ‌​ബ​ന്ധി​ത അ​ടി​മ​വേ​ല ചെ​യ്യി​പ്പി​ച്ച​യാ​ൾ അ​റ​സ്റ്റി​ൽ. ബി​ഹാ​റി​ലെ കി​ഷ​ൻ​ഗ​ഞ്ച് സ്വ​ദേ​ശി​യാ​യ 15കാ​ര​നെ നി​ർ​ബ​ന്ധി​ച്ച് ജോ​ലി ചെ​യ്യി​പ്പി​ച്ച അ​നി​ൽ എ​ന്ന​യാ​ളാ​ണ് പി​ടി​യി​ലാ​യ​ത്.

ക​ഴി​ഞ്ഞ വ​ർ​ഷം ഒ​രു യാ​ത്ര​യു​ടെ ഭാ​ഗ​മാ​യി ഹ​രി​യാ​ന​യി​ലെ ബ​ഹ​ദൂ​ർ​ഗ​ഡ് റെ​യി​ൽ​വേ സ്റ്റേ​ഷ​നി​ൽ എ​ത്തി​യ കു​ട്ടി ഇ​വി​ടെ​വ​ച്ച് ഒ​റ്റ​പ്പെ​ട്ടു. എ​വി​ടെ പോ​ക​ണ​മെ​ന്ന് അ​റി​യാ​തെ വി​ഷ​മി​ച്ചു​നി​ന്ന കു​ട്ടി​യെ അ​നി​ൽ സ​മീ​പി​ക്കു​ക​യും സ​ഹാ​യം വാ​ഗ്ദാ​നം ചെ​യ്ത് ഒ​രു ഡ​യ​റി ഫാ​മി​ൽ എ​ത്തി​ക്കു​ക​യും ചെ​യ്തു.

തു​ട​ർ​ന്ന് അ​നി​ൽ ബാ​ല​നെ നി​ർ​ബ​ന്ധി​ച്ച് ജോ​ലി ചെ​യ്യി​പ്പി​ച്ചു. ജോ​ലി​ക്കി​ടെ യ​ന്ത്ര​ത്തി​ൽ കു​ടു​ങ്ങി ബാ​ല​ന്‍റെ കൈ ​മു​റി​ഞ്ഞു. പി​ന്നീ​ട് ഒ​രു​വി​ധം ഹ​രി​യാ​ന​യി​ലെ നൂ​ഹി​ലെ​ത്തി​യ കു​ട്ടി​യെ ഒ​രു അ​ധ്യാ​പ​ക​ൻ ക​ണ്ടെ​ത്തി.

അ​വ​സ്ഥ മ​ന​സി​ലാ​ക്കി​യ അ​ധ്യാ​പ​ക​ൻ കു​ട്ടി​ക്ക് വൈ​ദ്യ​സ​ഹാ​യം ല​ഭ്യ​മാ​ക്കു​ക​യും പോ​ലീ​സി​ൽ വി​വ​ര​മ​റി​യി​ക്കു​ക​യും ചെ​യ്തു. കാ​ര്യ​ങ്ങ​ൾ ചോ​ദി​ച്ചു​മ​ന​സി​ലാ​ക്കി​യ പോ​ലീ​സ് ബാ​ല​വേ​ല നി​രോ​ധ​ന നി​യ​മ​പ്ര​കാ​രം കേ​സെ​ടു​ത്തു.

തു​ട​ർ​ന്ന് നാ​ലു​മാ​സ​ങ്ങ​ൾ​ക്ക് ശേ​ഷം ഹ​രി​യാ​ന റെ​യി​ൽ​വേ പോ​ലീ​സാ​ണ് അ​നി​ലി​നെ അ​റ​സ്റ്റ് ചെ​യ്ത​ത്. ഉ​ത്ത​ർ​പ്ര​ദേ​ശി​ലെ ഗൗ​ദം ബു​ദ്ധ ന​ഗ​റി​ൽ ഡ​യ​റി ഫാം​മി​ൽ ജോ​ലി ചെ​യ്യു​ന്ന​തി​നി​ടെ​യാ​ണ് ഇ​യാ​ൾ പി​ടി​യി​ലാ​കു​ന്ന​ത്. കോ​ട​തി​യി​ൽ ഹാ​ജ​രാ​ക്കി​യ പ്ര​തി​യെ ജ​യി​ലി​ലേ​ക്ക് മാ​റ്റി.

ഫ​രീദാ​ബാ​ദ്: ഹ​രി​യാ​ന​യി​ൽ യു​വ​തി​യെ ഓ​ടു​ന്ന വാ​നി​ൽ കൂ​ട്ട​ബ​ലാ​ത്സം​ഗ​ത്തി​നി​ര​യാ​ക്കി​യ ശേ​ഷം റോ​ഡി​ലേ​ക്ക് വ​ലി​ച്ചെ​റി​ഞ്ഞ സം​ഭ​വ​ത്തി​ൽ ര​ണ്ട് പേ​ർ പി​ടി​യി​ൽ. ഫ​രീദാ​ബാ​ദി​ൽ തി​ങ്ക​ളാ​ഴ്ച രാ​ത്രി​യാ​ണ് സം​ഭ​വം.

ക​ല്യാ​ണ്‍​പു​രി​യി​ലെ മെ​ട്രോ ചൗ​ക്കി​ലേ​ക്ക് വാ​ഹ​നം കാ​ത്തു​നി​ന്ന യു​വ​തി​യെ ര​ണ്ടം​ഗ സം​ഘം ലി​ഫ്റ്റ് ന​ൽ​കാ​മെ​ന്ന് അ​റി​യി​ച്ച് വാ​നി​ൽ ക​യ​റ്റി​ക്കൊ​ണ്ടു​പോ​യി ബ​ലാ​ത്സം​ഗ​ത്തി​നി​ര​യാ​ക്കു​ക​യാ​യി​രു​ന്നു. തു​ട​ർ​ന്ന് എ​സ്ജി​എം ന​ഗ​റി​ലെ രാ​ജ ചൗ​ക്കി​ന് സ​മീ​പ​മാ​ണ് യു​വ​തി​യെ വാ​ഹ​ന​ത്തി​ൽ നി​ന്ന് വ​ലി​ച്ചെ​റി​ഞ്ഞ​ത്.

വാ​നി​ൽ നി​ന്ന് പു​റ​ത്തേ​ക്ക് വ​ലി​ച്ചെ​റി​ഞ്ഞ​തി​നെ തു​ട​ർ​ന്ന് ഗു​രു​ത​ര​മാ​യി പ​രി​ക്കേ​റ്റ യു​വ​തി സ്വ​കാ​ര്യ ആ​ശു​പ​ത്രി​യി​ല്‍ ചി​കി​ത്സ​യി​ലാ​ണ്. സം​ഭ​വ​ത്തി​ൽ വി​ശ​ദ​മാ​യ അ​ന്വേ​ഷ​ണം ന​ട​ക്കു​ന്ന​താ​യി പോ​ലീ​സ് അ​റി​യി​ച്ചി​ട്ടു​ണ്ട്.

ഡ​ല്‍​ഹി: ഹ​രി​യാ​ന​യി​ല്‍ യു​വ​തി​യെ കാ​റി​നു​ള്ളി​ൽ കൂ​ട്ട​ബ​ലാ​ത്സം​ഗ​ത്തി​ന് ഇ​ര​യാ​ക്കി. ഫ​രീ​ദാ​ബാ​ദി​ലാ​ണ് സം​ഭ​വം. 25കാ​രി​ക്ക് നേ​രെ​യാ​ണ് അ​തി​ക്ര​മ​മു​ണ്ടാ​യ​ത്.

സം​ഭ​വ​ത്തി​ൽ പോ​ലീ​സ് ര​ണ്ടു​പേ​രെ അ​റ​സ്റ്റ് ചെ​യ്തു. പീ​ഡ​ന​ത്തിനു ശേ​ഷം യു​വ​തി​യെ റോ​ഡി​ലേ​ക്കു വ​ലി​ച്ചെ​റി​ഞ്ഞെ​ന്നും ഇ​വ​ർ​ക്കു ഗു​രു​ത​ര പ​രി​ക്കേ​റ്റെ​ന്നും റി​പ്പോ​ർ​ട്ടു​ണ്ട്.

ത​ല​യ്ക്കും മു​ഖ​ത്തും പ​രി​ക്കേ​റ്റ യു​വ​തി സ്വ​കാ​ര്യ ആ​ശു​പ​ത്രി​യി​ല്‍ ചി​കി​ത്സ​യി​ലാ​ണ്. തി​ങ്ക​ളാ​ഴ്ച രാ​ത്രി സെ​ക്ട​ര്‍ 23ലെ ​സു​ഹൃ​ത്തി​ന്‍റെ വീ​ട്ടി​ല്‍നി​ന്ന് മ​ട​ങ്ങി വ​ര​വേ ക​ല്യാ​ണ്‍​പു​രി​യി​ലെ മെ​ട്രോ ചൗ​ക്കി​ലേ​ക്കു വാ​ഹ​നം കാ​ത്തു​നി​ല്‍​ക്കു​മ്പോ​ഴാ​ണ് വാ​നി​ലെ​ത്തി​യ സം​ഘം ലി​ഫ്റ്റ് ന​ല്‍​കു​ന്ന​ത്. ഇ​തി​നി​ടെ​യി​ലാ​ണ് സം​ഭ​വം.

പി​ന്നീ​ട് വാ​ഹ​ന​ത്തി​ല്‍നിന്നു യു​വ​തി​യെ ത​ള്ളി​യി​ട്ടു. അ​വ​ശ​നി​ല​യി​ലാ​യ യു​വ​തി ത​ന്‍റെ സ​ഹോ​ദ​രി​യെ വി​ളി​ച്ചു വി​വ​ര​മ​റി​യി​ക്കു​ക​യാ​യി​രു​ന്നു. സ​ഹോ​ദ​രി സ്ഥ​ല​ത്തെ​ത്തി​യാ​ണ് യു​വ​തി​യെ ആ​ശു​പ​ത്രി​യി​ല്‍ എ​ത്തി​ച്ച​ത്.

നി​ല​വി​ല്‍ പോ​ലീ​സി​നു മൊ​ഴി ന​ല്‍​കാ​നു​ള്ള അവസ്ഥയിൽ അ​ല്ല യു​വ​തി. അ​തു​കൊ​ണ്ട് സ​ഹോ​ദ​രി​യു​ടെ പ​രാ​തി​യു​ടെ അ​ടി​സ്ഥാ​ന​ത്തി​ലാ​ണ് കേ​സെ​ടു​ത്തി​രി​ക്കു​ന്ന​ത്.

ന്യൂ​ഡ​ൽ​ഹി: ഹ​രി​യാ​ന​യി​ൽ ക​ന​ത്ത പു​ക​മ​ഞ്ഞി​നെ തു​ട​ർ​ന്ന് വാ​ഹ​ന​ങ്ങ​ൾ കൂ​ട്ടി​യി​ടി​ച്ചു. ട്ര​ക്കു​ക​ൾ, കാ​റു​ക​ൾ, ബ​സു​ക​ൾ, മോ​ട്ട​ർ സൈ​ക്കി​ളു​ക​ൾ എ​ന്നി​വ​യു​ൾ​പ്പെ​ടെ​യു​ള്ള വാ​ഹ​ന​ങ്ങ​ളാ​ണ് അ​പ​ക​ട​ത്തി​ൽ​പ്പെ​ട്ട​ത്.

ഹി​സാ​റി​ൽ, ദേ​ശീ​യ​പാ​ത 52 ലെ ​ദി​ക്താ​ന മോ​ഡ​യി​ൽ രാ​വി​ലെ എ​ട്ടോ​ടെ ര​ണ്ട് റോ​ഡ്‌​വേ ബ​സു​ക​ൾ മ​റ്റ് വാ​ഹ​ന​ങ്ങ​ളു​മാ​യി കൂ​ട്ടി​യി​ടി​ച്ചു. പി​ന്നാ​ലെ വ​ന്ന വാ​ഹ​ന​ങ്ങ​ളും അ​പ​ക​ട​ത്തി​ൽ​പ്പെ​ട്ടു.

നൂ​റു ക​ണ​ക്കി​ന് ആ​ളു​ക​ൾ അ​പ​ക​ട​ത്തി​ൽ​പ്പെ​ട്ടു. എ​ന്നാ​ൽ ആ​ർ​ക്കും ത​ന്നെ പ​രി​ക്കി​ല്ല. ഒ​രു സൈ​ക്കി​ൾ യാ​ത്രി​ക​നെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

ഹി​സാ​റി​ൽ ദേ​ശീ​യ പാ​ത 352ലെ ​റെ​വാ​രി​യി​ൽ നി​ര​വ​ധി ബ​സു​ക​ൾ കൂ​ട്ടി​യി​ടി​ച്ചു. പ​രി​ക്കേ​റ്റ​വ​രെ ചി​കി​ത്സ​യ്ക്കാ​യി അ​ടു​ത്തു​ള്ള ആ​ശു​പ​ത്രി​ക​ളി​ൽ പ്ര​വേ​ശി​പ്പി​ച്ചു.

ക​ഴി​ഞ്ഞ കു​റ​ച്ച് ദി​വ​സ​ങ്ങ​ളാ​യി ഹ​രി​യാ​ന​യി​ൽ ക​ടു​ത്ത ത​ണു​പ്പ് അ​നു​ഭ​വ​പ്പെ​ടു​ന്നു​ണ്ട്. മി​ക്ക ജി​ല്ല​ക​ളി​ലും താ​പ​നി​ല 4-6 ഡി​ഗ്രി സെ​ൽ​ഷ്യ​സാ​ണ്.

ല​​ക്നോ: സ​​യ്യി​​ദ് മു​​ഷ്താ​​ഖ് അ​​ലി ട്രോ​​ഫി​​യി​​ൽ ഹ​​രി​​യാ​​ന​​യോ​​ട് 24 റ​​ണ്‍​സി​​ന് തോ​​ൽ​​വി വ​​ഴ​​ങ്ങി​​യ ബം​​ഗാ​​ൾ സൂ​​പ്പ​​ർ ലീ​​ഗി​​ൽ പ്ര​​വേ​​ശി​​ക്കാ​​തെ പു​​റ​​ത്താ​​യി.

മു​​ഹ​​മ്മ​​ദ് ഷ​​മി നാ​​ല് വി​​ക്ക​​റ്റ് വീ​​ഴ്ത്തി മി​​ക​​ച്ച പ്ര​​ക​​ട​​നം കാ​​ഴ്ച​​വ​​ച്ചെ​​ങ്കി​​ലും ടീ​​മി​​ന് ജ​​യം നേ​​ടാ​​നാ​​യി​​ല്ല. ആ​​ദ്യ ര​​ണ്ടോ​​വ​​റി​​ൽ 20 റ​​ണ്‍​സ് വ​​ഴ​​ങ്ങി​​യ ഷ​​മി ര​​ണ്ടാം സ്പെ​​ല്ലി​​ൽ ത​​ക​​ർ​​പ്പ​​ൻ ബൗ​​ളിം​​ഗ് പ്ര​​ക​​ട​​നം കാ​​ഴ്ച​​വ​​ച്ചു. അ​​വ​​സാ​​ന ര​​ണ്ടോ​​വ​​റി​​ൽ നാ​​ലു വി​​ക്ക​​റ്റ് വീ​​ഴ്ത്തി​​യാ​​ണ് ഷ​​മി ബം​​ഗ​​ളി​​നാ​​യി തി​​ള​​ങ്ങി​​യ​​ത്.

ആ​​ദ്യം ബാ​​റ്റ് ചെ​​യ്ത ഹ​​രി​​യാ​​ന 20 ഓ​​വ​​റി​​ൽ ഒ​​ന്പ​​ത് വി​​ക്ക​​റ്റ് ന​​ഷ്ട​​ത്തി​​ൽ 191 റ​​ണ്‍​സെ​​ടു​​ത്ത​​പ്പോ​​ൾ ബം​​ഗാ​​ൾ 20 ഓ​​വ​​റി​​ൽ 167 റ​​ണ്‍​സി​​ന് ഓ​​ൾ ഒൗ​​ട്ടാ​​യി. 31 പ​​ന്തി​​ൽ 48 റ​​ണ്‍​സെ​​ടു​​ത്ത നി​​ഷാ​​ന്ത് സ​​ന്ധു​​വി​​ന്‍റെ​​യും 30 പ​​ന്തി​​ൽ 46 റ​​ണ്‍​സെ​​ടു​​ത്ത ക്യാ​​പ്റ്റ​​ൻ അ​​ങ്കി​​ത് കു​​മാ​​രി​​ന്‍റെ​​യും ബാ​​റ്റിം​​ഗ് മി​​ക​​വി​​ലാ​​ണ് ഹ​​രി​​യാ​​ന 191 റ​​ണ്‍​സെ​​ടു​​ത്ത​​ത്.

ച​​​ണ്ഡി​​​ഗ​​​ഢ്: ഹ​​​രി​​​യാ​​​ന​​​യി​​​ലെ ഭി​​​വാ​​​നി ജി​​​ല്ല​​​യി​​​ൽ ബോ​​​ഡി​​​ബി​​​ൽ​​​ഡ​​​റാ​​​യ യു​​​വാ​​​വ് മ​​​ർ​​​ദ​​​ന​​​മേ​​​റ്റ് കൊ​​​ല്ല​​​പ്പെ​​​ട്ടു. റോ​​​ഹ്ത​​​ക് ജി​​​ല്ല​​​യി​​​ലെ ഹു​​​മ​​​യൂ​​​ൺ​​​പു​​​ർ സ്വ​​​ദേ​​​ശി​​​യാ​​​യ റോ​​​ഹി​​​ത് ധ​​​ൻ​​​ക​​​റാ​​​ണ് മ​​​രി​​​ച്ച​​​ത്.

സു​​​ഹൃ​​​ത്ത് ജ​​​തി​​​നോ​​​ടൊ​​​പ്പം ഒ​​​രു വി​​​വാ​​​ഹ​​​ച്ച​​​ട​​​ങ്ങി​​​ന് പോ​​​യ​​​പ്പോ​​​ൾ അ​​​വി​​​ടെ​​​വ​​​ച്ചു​​​ണ്ടാ​​​യ വാ​​​ഗ്വാ​​​ദം കൊ​​​ല​​​പാ​​​ത​​​ക​​​ത്തി​​​ൽ ക​​​ലാ​​​ശി​​​ക്കു​​​ക​​​യാ​​​യി​​​രു​​​ന്നു​​​വെ​​​ന്ന് ബ​​​ന്ധു​​​വാ​​​യ സ​​​തീ​​​ഷ് പ​​​റ​​​യു​​​ന്നു.

""വെ​​​ള്ളി​​​യാ​​​ഴ്ച വി​​​വാ​​​ഹം ന​​​ട​​​ക്കു​​​ന്ന സ്ഥ​​​ല​​​ത്ത് ഒ​​​രു സം​​​ഘം ചെ​​​റു​​​പ്പ​​​ക്കാ​​​ർ പെ​​​ൺ​​​കു​​​ട്ടി​​​ക​​​ളു​​​ടെ മു​​​ൻ​​​പി​​​ൽ വ​​​ച്ച് സ​​​ഭ്യ​​​മ​​​ല്ലാ​​​ത്ത ഭാ​​​ഷ​​​യി​​​ൽ സം​​​സാ​​​രി​​​ക്കു​​​ന്ന​​​ത് ശ്ര​​​ദ്ധ​​​യി​​​ൽ​​​പെ​​​ട്ട ഞ​​​ങ്ങ​​​ൾ അ​​​ത് ചൂ​​​ണ്ടി​​​ക്കാ​​​ട്ടി. പി​​​ന്നീ​​​ട് ഈ ​​​സം​​​ഘം ഞ​​​ങ്ങ​​​ളു​​​ടെ വാ​​​ഹ​​​ന​​​ത്തെ പി​​​ന്തു​​​ട​​​ർ​​​ന്നു.

റെ​​​യി​​​ൽ​​​വേ ഗേ​​​റ്റി​​​ന് സ​​​മീ​​​പം കാ​​​ർ ത​​​ട​​​ഞ്ഞു​​​നി​​​ർ​​​ത്തു​​​ക​​​യും ധ​​​ൻ​​​ക​​​റെ വ​​​ടി​​​ക​​​ളും ഹോ​​​ക്കി സ്റ്റി​​​ക്കു​​​ക​​​ളും ഉ​​​പ​​​യോ​​​ഗി​​​ച്ച് മ​​​ർ​​​ദി​​​ക്കു​​​ക​​​യു​​​മാ​​​യി​​​രു​​​ന്നു’’,-സു​​​ഹൃ​​​ത്താ​​​യ ജ​​​തി​​​ൻ പ​​​റ​​​ഞ്ഞു. ഉ​​​ട​​​ന​​​ടി ധ​​​ൻ​​​ക​​​റെ ആ​​​ശു​​​പ​​​ത്രി​​​യി​​​ൽ എ​​​ത്തി​​​ച്ചെ​​​ങ്കി​​​ലും ജീ​​​വ​​​ൻ ര​​​ക്ഷി​​​ക്കാ​​​നാ​​​യി​​​ല്ല. പ്ര​​​തി​​​ക​​​ളെ പോ​​​ലീ​​​സ് തെ​​​ര​​​യു​​​ന്നു​​​ണ്ട്.