കുവൈത്ത് സിറ്റി: കുവൈറ്റ് എലത്തൂർ അസോസിയേഷന്റെ (KEA) 201719 വർഷത്തെ വാർഷിക ജനറൽ ബോഡി യോഗം അബ്ബാസിയ ഹെവൻ ഓഡിറ്റോറിയത്തിൽ വച്ചു നടന്നു. മുഹമ്മദ് ഇക്ബാലിന്റെ ഖിറാഅത്തോടെ തുടങ്ങിയ ജനറൽ ബോഡി യോഗം പ്രസിഡന്റ് അസീസ് പാലാട്ടിന്റെ അധ്യക്ഷതയിൽ മുഖ്യ രക്ഷാധികാരി റസാഖ് ഹാജി ഉദ്ഘാടനം ചെയ്തു. നസീർ എടേക്കാട് ആമുഖപ്രസംഗവും റഫീഖ് നടുക്കണ്ടി സ്വാഗത പ്രസംഗവും നിർവഹിച്ചു. കഴിഞ്ഞ വർഷത്തെ വിശദമായ പ്രവർത്തന റിപ്പോർട്ട് ജനറൽ സെക്രട്ടറി റഫീഖ് നടുക്കണ്ടിയും, സാന്പത്തിക റിപ്പോർട്ട് ട്രഷറർ ഉനൈസ് നടുക്കണ്ടിയും അവതരിപ്പിച്ചു. യാക്കൂബ് എലത്തൂർ ഉദ്ബോധന പ്രസംഗവും നടത്തി.
ഇ.കെ. റസാക്ക് ഹാജിയുടെ നിയന്ത്രണത്തിൽ നടന്ന പുതിയ കമ്മിറ്റി (201920) തെരഞ്ഞെടുപ്പിൽ തുടർച്ചയായി നാലാം തവണയും അസീസ് പാലാട്ടിനെ പ്രസിഡന്റായി ഐക്യകണ്ടെനെ തെരെഞ്ഞെടുത്തു. ജനറൽ സെക്രട്ടറി ആയി നാസർ എം കെ, ട്രഷറർ ആയി റിഹാബ് നടുക്കണ്ടി എന്നിവരെയും തെരെഞ്ഞെടുത്തു. .മറ്റു ഭാരവാഹികളായി ഇ കെ റസാഖ് ഹാജി (മുഖ്യ രക്ഷാധികാരി), യൂസഫ് മാട്ടുവയിൽ, യാക്കൂബ് എലത്തൂർ, റഫീഖ് നടുക്കണ്ടി (ഉപദേശക സമിതി അംഗങ്ങൾ), സിദ്ധിഖ് പാണ്ടികശാലയിൽ, ഫിറോസ് നാലകത്ത്, മുനീർ മക്കാറി (വൈസ് പ്രസിഡണ്ടുമാർ), അർഷദ് നടുക്കണ്ടി, ആലി കുഞ്ഞി കളത്തിൽ, ഇബ്രാഹിം തൈ തോട്ടത്തിൽ (ജോയൻറ് സെക്രട്ടറിമാർ), ഷമീൻ ഉമ്മർ (ജോയൻറ് ട്രഷറർ) തെരഞ്ഞെടുത്തു.
കൂടാതെ എക്സിക്യൂട്ടീവ് അംഗങ്ങളായി ബഷീർ നെല്ലിയോട്ട് , അബ്ദുൽ അസീസ് മാട്ടുവയിൽ, ഫൈസൽ നടുക്കണ്ടി, ഫാഹിസ് മാട്ടുവയിൽ, ആരിഫ് എൻ ആർ, മുഹമ്മദ് ഇക്ബാൽ എൻ, നസീർ എടേക്കാട്, ബഷീർ മാളിയേക്കൽ, ജുനൈദ് പാലാട്ട്, ഉനൈസ് നടുക്കണ്ടി, ആഷിഖ് എൻ ആർ, ഹബീബ് എടേക്കാട്, മുഹമ്മദ് ഷെരീഫ് കളത്തിൽ, ഹാഫിസ് മാട്ടുവയിൽ, ഷാഫി നടുക്കണ്ടി, സബീബ് മൊയ്തീൻ, പെർവീസ് ഖാൻ കെ.പി എന്നിവരേയും തെരഞ്ഞെടുത്തു.
റിപ്പോർട്ട്: സലിം കോട്ടയിൽ
|