Deepika.com Nri News :അൽ റയാൻ യുണൈറ്റഡ് എ ടീം ജേതാക്കൾ.......

Middle East & Gulf

അൽ റയാൻ യുണൈറ്റഡ് എ ടീം ജേതാക്കൾ

Back To NRI Home Forward This News Click here for detailed news of all items

ജിദ്ദ: ഇന്ത്യ ഫ്രറ്റേണിറ്റി ഫോറം കേരള ചാപ്റ്റർ സൗത്ത് കമ്മിറ്റിയുടെ ആഭിമുഖ്യത്തിൽ സംഘടിപ്പിച്ച ഹെവിവെയ്റ്റ് വടംവലി മത്സരത്തിൽ അൽ റയാൻ യുണൈറ്റഡ് എ ടീം ജേതാക്കളായി.

14 ടീമുകൾ മാറ്റുരച്ച വാശിയേറിയ മത്സരത്തിൽ പ്രീമിയർ മക്കയെ പരാജയപ്പെടുത്തിയാണ് അൽ റയാൻ യുണൈറ്റഡ് എ ഒന്നാം സമ്മാനമായ 1501 റിയാൽ പ്രൈസ് മണിയും മുട്ടനാടും എവർ റോളിംഗ് ട്രോഫിയും സ്വന്തമാക്കിയത്.

സൗഹൃദം ആഘോഷിക്കുക എന്നപേരിൽ സൗദിയിൽ ഉടനീളം ഇന്ത്യ ഫ്രറ്റേണിറ്റി ഫോറം സംഘടിപ്പിക്കുന്ന ഫ്രറ്റേണിറ്റി ഫെസ്റ്റിന്‍റെ ഭാഗമായിട്ടായിരുന്നു മത്സരം സംഘടിപ്പിച്ചത്. ജിദ്ദ ഖാലിദ് ഇബ്നു വലീദ് ഗ്രൗണ്ടിൽ രാത്രി ഒമ്പതു മുതൽ പുലർച്ച വരെ നീണ്ടുനിന്ന ആവേശകരമായ മൽസരത്തിൽ വീറുറ്റ പ്രകടനം കാഴ്ചവച്ച പ്രീമിയർ മക്ക 750 റിയാൽ പ്രൈസ്മണിയും മൂന്ന് പൂവൻകോഴിയും ട്രോഫിയും അടങ്ങുന്ന രണ്ടാം സമ്മാനം കരസ്ഥമാക്കി.

ജിദ്ദയിലെ വടംവലി മത്സരങ്ങളിൽ താര രാജാവായി അറിയപ്പെടുന്ന കസവ് കാളികാവിനെ മികച്ച പോരാട്ടത്തിലൂടെ പിന്തള്ളിയ അൽ റയാൻ യുണൈറ്റഡ് ബിക്കാണ് മൂന്നാം സമ്മാനമായ 501 റിയാലും ട്രോഫിയും ലഭിച്ചത്. നാലാം സ്ഥാനം നേടിയ കസവ് കാളികാവിന് 251 റിയാലും അഞ്ചാം സ്ഥാനത്തെത്തിയ മാക്സ് മക്ക റോഡിന് 200 റിയാലും സമ്മാനിച്ചു.

മെയ്ക്കരുത്തും ഐക്യവും സമ്മേളിക്കുന്ന അത്യന്തം ആവേശകരമായ വടംവലി മൽസരം ആസ്വദിക്കാൻ നൂറു കണക്കിനു പേരാണ് ഗ്രൗണ്ടിൽ എത്തിച്ചേർന്നതോടെ ജിദ്ദയിലെ പ്രവാസി കായിക മേളയിൽ ഇതുവരെ കാണാത്ത വൻ ജനക്കൂട്ടത്തിനും മൈതാനം സാക്ഷിയായി.

ഇന്ത്യ ഫ്രറ്റേണിറ്റി ഫോറം റീജിയണൽ സെക്രട്ടറി ശംസുദ്ധീൻ മലപ്പുറം മത്സരം ഉദ്ഘാടനം ചെയ്തു. ചടങ്ങിൽ അതിഥികളായി എത്തിയ ഇന്ത്യൻ സോഷ്യൽ ഫോറം സെൻട്രൽ കമ്മിറ്റി ജനറൽ സെക്രട്ടറി ഇ.എം. അബ്ദുള്ളല, കേരള സ്റ്റേറ്റ് പ്രസിഡൻറ് ഹനീഫ കടുങ്ങല്ലൂർ, ജനറൽ സെക്രട്ടറി കോയിസൻ ബീരാൻകുട്ടി ,ഇന്ത്യാ ഫ്രട്ടേണിറ്റി ഫോറം കേരള ചാപ്റ്റർ പ്രസിഡന്‍റ് നൗഷാദ് ചിറയിൻകീഴ്, സെക്രട്ടറി സാദിഖ് വഴിപ്പാറ എന്നിവർ ടീമംഗങ്ങളെ പരിചയപ്പെട്ടു . കബീർ കൊണ്ടോട്ടി, യാഹൂട്ടി തിരുവേഗപ്പുറ ,അഷ്‌റഫ് മേലാറ്റൂർ മത്സരം നിയന്ത്രിച്ചു . പോഗ്രാം കോർഡിനേറ്റർ നൗഷാദ് എടക്കര നന്ദി പറഞ്ഞു.

റിപ്പോർട്ട് : കെ.ടി. മുസ്തഫ പെരുവള്ളൂർ

‌യുഡിഎഫ് സ്ഥാനാർഥികളുടെ വിജയത്തിനായി ഭവനസന്ദർശനം നടത്തി ഒഐസിസി കുവൈറ്റ് ആലപ്പുഴ.

കുവൈറ്റ് സിറ്റി: യുഡിഎഫ് സ്ഥാനാർഥികളായ കെ.സി.

ഒമാനിൽ വാഹനാപകടം; രണ്ട് മലയാളി നഴ്‌സുമാർ മരിച്ചു.

മസ്‌കറ്റ്: ഒമാനിലെ നിസ്‌വയിൽ നടന്ന വാഹനാപകടത്തിൽ രണ്ട് മലയാളി നഴ്‌സുമാർ ഉൾപ്പെടെ മൂന്ന് പേർ മരിച്ചു.

ഭിന്നശേഷി കുടുംബ സംഗമത്തിന് കൈത്താങ്ങായി കേളി.

റിയാദ് : കേളി കലാസാംസ്കാരിക വേദിയുടെയും കാളത്തോട് മഹല്ല് കമ്മിറ്റിയുടെയും സഹകരണത്തോടെ തൃശൂർ ജില്ലയിലെ ഡിഎഡബ്ല്യുഎ

ലോകസഭാ തെരഞ്ഞെടുപ്പ്: ഓവർസീസ് എൻസിപി കൺവൻഷൻ സംഘടിപ്പിച്ചു.

കുവൈറ്റ് സിറ്റി: ലോകസഭാ തെരഞ്ഞെടുപ്പ് പ്രചരണത്തിന്‍റെ ഭാഗമായി ഓവർസീസ് എൻസിപി ദേശീയ നേതൃത്വം സൂം ആപ്ലിക്കേഷനിലൂടെ ഓൺ

12 വർഷത്തെ കാത്തിരിപ്പ്; നിമിഷപ്രിയയെ കണ്ട് അമ്മ പ്രേമകുമാരി.

സന: യെമനില്‍ വധശിക്ഷക്ക് വിധിക്കപ്പെട്ട് ജയിലിൽ കഴിയുന്ന നിമിഷപ്രിയയെ നേരിട്ടു കണ്ട് അമ്മ പ്രേമകുമാരി.