ഫർവാനിയ (കുവൈത്ത്) : സുലൈബിയ ഗ്രൗണ്ടിൽ ഫെബ്രുവരി 22 മുതൽ മാർച്ച് 8 വരെ നടത്തുന്ന UNIMONI RAGNOS CRICKET TOURNAMENT SEASON 2 ന്‍റെ ആദ്യ പ്രൊമോഷണൽ യോഗം ചേർന്നു.
ഫെബ്രുവരി 6 ന് ഹൈലൈറ്റ് ഫ്ലാറ്റ് ഹാളിൽ ഇസ്ബില്ല്യ ക്ലിനിക് ലാബ് ടെക്‌നിഷ്യൻ ഷഫീഖിന്‍റെ അധ്യക്ഷതയിൽ ചേർന്ന യോഗം ഓൺകോസ്റ്റ് കമ്പനി റീസിവർ ഹെഡ് താഹ ഉദ്ഘാടനം ചെയ്തു. ഫർവാനിയ ഹോസ്പിറ്റൽ വൈറോളജി വിഭാഗം അസിസ്റ്റന്‍റ് ഇൻചാർജ് മൻസൂർ അലി സ്വാഗതം ആശംസിച്ചു. ഹൈലൈറ്റ് ബോയ്സ് ക്യാപ്റ്റൻ ഷഫീർ തേളപ്പുറത്ത് ടൂർണമെന്‍റിന്‍റെ ഒരുക്കങ്ങളെ കുറിച്ച് റിപ്പോർട്ട് അവതരിപ്പിച്ചു. ഷഫീഖ്, മൻസൂർ എന്നിവർക്ക് രജിസ്‌ട്രേഷന്‍റെ ചുമതല നൽകി. ഗ്രൗണ്ടിന്‍റെ തയാറെടുപ്പുകളുടെ ചുമതല ഡെൽറ്റ, വിന്നേഴ്സ് അബാസിയ ടീമുകളുടെ സഹകരണത്തോടെ സഫീറിനും താജുവിനും നൽകി. ഓൺലൈൻ രജിസ്‌ട്രേഷൻ, ഓൺലൈൻ സ്കോറിംഗ്, മെഡൽസ്, സ്റ്റിക്കർ, ബാനർ, ഫോട്ടോഗ്രാഫി തുടങ്ങിയ വിഭാഗങ്ങൾ മീഡിയ കോഓർഡിനേറ്റർ പി.സി. മുനീർ നിർവഹിക്കും. അമ്പയറിംഗിനായി സഫീർ , താജു, രഞ്ജിത്, പ്രതീപ്, നൗഫൽ, ജിജോ, അനിൽ എന്നിവരെ ചുമതലപ്പെടുത്തി. ടൂർണമെന്‍റിന്‍റെ നിയന്ത്രണം ജോസ്, മൻസൂർ, ഷഫീഖ്, താഹ എന്നിവർക്കാണ്.
ചില സാങ്കേതിക കാരണങ്ങളാൽ 12 ടീം മാത്രമേ ഇതുവരെ ലഭിച്ചിട്ടുള്ളൂ അതിനാൽ ആദ്യ ഘട്ടം വിജയിച്ച ടീമുകൾക്കൊപ്പം ഏറ്റവും കൂടുതൽ റൺ റേറ്റ് നേടുന്ന രണ്ടു ടീമുകൾ കൂടി ക്വാർട്ടർ ഫൈനലിലേക്ക് പ്രവേശിക്കും തുടർന്ന് മാർച്ച് ഒന്നിന് ക്വാർട്ടർ ഫൈനൽ മത്സരങ്ങളും എട്ടിന് സെമിഫൈനൽ, ഫൈനൽ മത്സരങ്ങളും അരങ്ങേറും.
യോഗത്തിൽ താജുദ്ദീൻ നന്ദി പറഞ്ഞു. സഫീർ, താഹ, താജുദ്ദീൻ, ഷഫീഖ്, മൻസൂർ, മുനീർ എന്നിവർ യോഗത്തിൽ പങ്കെടുത്തു.
|