നാഷ്‌വിൽ: കേരള അസോസിയേഷൻ ഓഫ് നാഷ്‌വിലിന്‍റെ നേതൃത്വത്തിൽ നോളൻസ്‌വിൽ ഹിസ്റ്റോറിക്കൽ സൊസൈറ്റി ഓഡിറ്റോറിയത്തിൽ വച്ച് ക്രിസ്മസ് പുതുവത്സര ആഘോഷം സംഘടിപ്പിച്ചു.
നൂതനമായ അവതരണം, പരിപാടികളുടെ മേന്മ, ആകർഷകമായ ഗെയിമുകൾ, ഭക്ഷണം, മനോഹരമായി അലങ്കരിച്ച ഫോട്ടോ ബൂത്ത് എന്നിവയെല്ലാം പങ്കെടുത്തവരുടെ പ്രശംസ പിടിച്ച് പറ്റി.
നാഷ്‌വിൽ മാർത്തോമ്മാ പള്ളിയിലെ ഗായകസംഘം അവതരിപ്പിച്ച ഗാനങ്ങളും അലബാമയിൽ നിന്നുള്ള ഡിജെ കൃഷ് അവതരിപ്പിച്ച സംഗീത വിരുന്നും പരിപാടിയു‌ടെ മാറ്റുകൂട്ടി.
2008ൽ പ്രവർത്തനം ആരംഭിച്ച കാൻ 15 വർഷം പൂർത്തിയാക്കിയ വേളയിലാണ് ഈ ആഘോഷം നടന്നത്. സംഘടനയുടെ വളർച്ചയിൽ താങ്ങും തണലുമായി നിന്ന കഴിഞ്ഞക്കാല നേതാക്കമാരെ പരിപാടിയിൽ ആദരിച്ചു.
മുൻ നേതാക്കന്മാരായിരുന്ന ജോർജ് മാത്യൂസ്, രവി മേനോൻ, സുനന്ദ ഷാജികുമാർ, തോമസ് വർഗീസ്, ബിജു ജോസഫ്, അശോകൻ വട്ടക്കാട്ടിൽ, ബബ്ലൂ ചാക്കോ, ഇന്ത്യൻ അസോസിയേഷൻ ഓഫ് നാഷ്‌വിൽ പ്രസിഡന്‍റ് ആദർശ് രവീന്ദ്രൻ, ലിറ്റററി അസോസിയേഷൻ ഓഫ് നോർത്ത് അമേരിക്ക പ്രസിഡന്‍റ് ശങ്കർ മന എന്നിവരെയാണ് ആദരിച്ചത്.
കാൻ കഴിഞ്ഞ 15 വർഷം കൊണ്ട് കൈവരിച്ച നേട്ടങ്ങളെ ഒരു വീഡിയോ രൂപത്തിൽ അവതരിപ്പിച്ചതും സംഘടനയുടെ ചരിത്രത്തേയും വളർച്ചയേയും കുറിച്ച് ആഴത്തിൽ അറിയുവാൻ എല്ലാപേരെയും സഹായിച്ചു.
പ്രസിഡന്‍റ് ഷിബു പിള്ള അധ്യക്ഷനായ പരിപാടിയിൽ വൈസ് പ്രസിഡന്‍റ് ശങ്കർ മന സ്വാഗതവും ജനറൽ സെക്രട്ടറി സുശീല സോമരാജൻ നന്ദിയും രേഖപ്പെടുത്തി. കാനിന്‍റെ അടുത്ത രണ്ടു വർഷത്തെ പ്രവർത്തനങ്ങളുടെ ഒരു രൂപ രേഖയും അവതരിപ്പിച്ചു.
കൾച്ചറൽ കമ്മിറ്റി ചെയർ സന്ദീപ് ബാലൻ കലാ പരിപാടികളുടെ നേതൃത്വം വഹിച്ചു. കല്യാണീ പത്യാരി, അഭിരാമി അനിൽകുമാർ എന്നിവർ എംസിമാരായിരുന്നു. വിനു വർഗീസ് ഫോട്ടോഗ്രാഫി നിർവഹിച്ചു.
ഇവർക്ക് പുറമെ കാനിന്‍റെ 202425 വർഷത്തെ മറ്റു ഭാരവാഹികളായ അനന്ത ലക്ഷ്മണൻ (ട്രഷറർ), അനിൽ പത്യാരി (ജോയിന്‍റ് സെക്രട്ടറി), ജിനു ഫിലിപ്പ് സൈമൺ (ജോയിന്‍റ് ട്രഷറർ), സുജിത് പിള്ള (മെംബർഷിപ്പ് കമ്മിറ്റി ചെയർ), മനോജ് രാജൻ (ഔട്ട് റീച്ച് കമ്മിറ്റി ചെയർ), ഷാഹിന മസൂദ് (യൂത്ത് ഫോറം ചെയർ),
അമൽ സാം (യൂത്ത് ഫോറം വൈസ് ചെയർ), സുമ ശിവപ്രസദ് (വുമൻസ് ഫോറം ചെയർ), മനീഷ് രവികുമാർ (ഫൂഡ് കമ്മിറ്റി ചെയർ), നിജിൽ ഉണ്ണിയാൻ പടേമ്മൽ (ഫൂഡ് കമ്മിറ്റി വൈസ് ചെയർ), ജോമി ജോസ് (സ്പോർട്ട്സ് കമ്മിറ്റി ചെയർ), അനിൽകുമാർ ഗോപാലകൃഷ്ണൻ (അഡ്വസറി കമ്മിറ്റി അംഗം) തുടങ്ങിയവരും പരിപാടിക്ക് നേതൃത്വം നൽകി.
|