മയാമി: ഒഐസിസി ഫ്ലോറിഡ ചാപ്റ്ററിന്‍റെ ഉദ്ഘാടനം കെപിസിസി പ്രസിഡന്‍റ് കെ. സുധാകരൻ നിർവഹിച്ചു. അമേരിക്കയിൽ എത്തിയിട്ടും കോൺഗ്രസ് പാർട്ടിക്ക് വേണ്ടി പ്രവർത്തിക്കുന്ന ഒഐസിസി ഭാരവാഹികളെ സുധാകരൻ അഭിനന്ദിച്ചു.
പ്രവർത്തകരുടെ ആവേശവും പാർട്ടിയോടുള്ള പ്രതിബദ്ധതതയും കാണാൻ സാധിച്ചതിൽ സന്തോഷമുണ്ടെന്നും എല്ലാ മലയാളികളെയും ഒഐസിസിയിൽ ഭാഗമാക്കണമെന്നും അദ്ദേഹം കൂട്ടിച്ചേർത്തു.
ഒഐസിസി പ്രസിഡന്‍റ് ജോർജി വർഗീസ് ആധ്യക്ഷ പ്രസംഗം നടത്തി. കേരളത്തിലും കേന്ദ്രത്തിലും കോൺഗ്രസ് പാർട്ടി അധികാരത്തിൽ വരേണ്ടത് സംസ്ഥാനത്തിന്‍റെയും രാജ്യത്തിന്‍റെയും നിലനിൽപ്പിന് ആവശ്യമാണെന്ന് അദ്ദേഹം പറഞ്ഞു.
ഒഐസിസി നോർത്ത് കരോലീന ചാപ്റ്ററിന്‍റെ ഉദ്ഘാടനവും സുധാകരൻ ഇതിനോടൊപ്പം നിർവഹിച്ചു ചെയ്‌തു. ഒഐസിസി നാഷണൽ ചെയർമാൻ ജെയിംസ് കൂടൽ ഫ്ലോറിഡായിലെ കോൺഗ്രസ് പ്രവർത്തകരുടെ പ്രവർത്തനങ്ങളെ പ്രകീർത്തിച്ചു.
സെക്രട്ടറി ജോർജ് മാലിയിൽ സ്വാഗത പ്രസംഗത്തിൽ ഫ്ലോറിഡായിലെ ഒഐസിസിയുടെ ഉത്ഭവവും വളർച്ചയും വിശദീകരിച്ചു. ഒഐസിസിയിലെ മിക്ക അംഗങ്ങളും ഐഒസി യുഎസ്എയുടെ അംഗത്വമുള്ളവരാണ്.
ഒഐസിസി ഫ്ലോറിഡ ചെയർപേഴ്സൺ ബിനു ചിലമ്പത്തു, റീജിയണൽ ചെയർമാൻ ജോയി കുറ്റ്യാനി, നോർത്ത് കരോലീന യൂണിറ്റ് പ്രസിഡന്‍റ് സിബിൻ തോമസ് എന്നിവർ പ്രസംഗിച്ചു.
റീജിയണൽ പ്രസിഡന്‍റ് സാജൻ കുര്യൻ, നാഷണൽ വൈസ് പ്രസിഡന്‍റ് ഡോ. മാമ്മൻ സി. ജേക്കബ് എന്നിവർ എംസിമാരായിരുന്നു. മെമ്പർഷിപ് കമ്മിറ്റി കോർഡിനേറ്റർ സേവി മാത്യു 158 അംഗങ്ങളുടെ ഒഐസിസി അംഗത്വ അപേക്ഷകൾ സുധാകരന് കൈമാറി.
കെ. സുധാകരന്‍റ് പ്രവർത്തനങ്ങളെ പ്രകീർത്തിച്ചു കൊണ്ടുള്ള യുണൈറ്റഡ് സ്റ്റേറ്റ്സ് കോൺഗ്രസിന്‍റെ വിജ്ഞാപനം സാജൻ കുര്യന്‍റെ ആമുഖ പ്രസ്താവനയോടെ കൂപ്പർ സിറ്റി മേയർ ഗ്രേഗ് റോസ് കൈമാറി.
ട്രഷറർ മാത്തുക്കുട്ടി തുമ്പമൺ നന്ദി രേഖപ്പെടുത്തി. ഡോ. സുനിൽ കുമാർ, ബ്രോവാർഡ് ഹെൽത്ത്, കേരളസമാജം പ്രസിഡന്‍റ് ഷിബു ജോസഫ്, നവ കേരള ആർട്സ് വൈസ് പ്രസിഡന്‍റ് സുശീൽ കുമാർ, അസിസ്റ്റന്‍റ് ട്രഷറർ ബെന്നി വർഗീസ്, കൈരളി ആർട്സ് പ്രസിഡന്‍റ് വർഗീസ് ജേക്കബ്,
ഫ്ലോറിഡ ബോർഡ് ഓഫ് പ്രഫഷണൽ എഞ്ചിനീയേഴ്സ് അംഗം ബാബു വരുഗീസ്, മയാമി അസോസിയേഷൻ പ്രസിഡന്‍റ് കുഞ്ഞുമോൻ മാത്യു, മോൾ മാത്യു, പാംബീച്ച് അസോസിയേഷൻ പ്രസിഡന്‍റ് ഉല്ലാസ് കുര്യാക്കോസ്, ജോബി സെബാസ്റ്റ്യൻ എന്നിവർ കെപിസിസി പ്രസിഡന്‍റിനെ അഭിനന്ദിച്ചു പുഷ്പ ഹാരം നൽകി.
ഒഐസിസി പ്രസിഡന്‍റ് ജോർജി വർഗീസ്, സെക്രട്ടറി ജോർജ് മാലിയിൽ, ട്രഷറർ മാത്യൂക്കുട്ടി തുമ്പമൺ, നാഷണൽ വൈസ് പ്രസിഡന്‍റ് ഡോ. മാമ്മൻ സി. ജേക്കബ്, ഡോ. സുനിൽ കുമാർ എന്നിവർ പ്രോഗ്രാം കമ്മിറ്റിഅംഗങ്ങളായും
സേവി മാത്യു, ബിനു ചിലമ്പത്തു, എബി ആനന്ദ്, ജോയി കുറ്റിയാനി, ഷീല ജോസ്, സജി സക്കരിയാസ്, ലുക്കോസ് പൈനുങ്കൽ എന്നിവൾ മെമ്പർഷിപ് ക്യാമ്പയിൻ കമ്മറ്റിയായും റീജിയണൽ ചെയർമാൻ സാജൻ കുര്യൻ, ബാബു കല്ലിടിക്കിൽ, ഷിബു ജോസഫ്, അസിസി നടയിൽ, മനോജ്‌ ജോർജ്, ജെയിൻ വാതിയേലിൽ, ബിനു പാപ്പച്ചൻ എന്നിവർ ഫിനാൻസ് കമ്മിറ്റി അംഗങ്ങളായും പ്രവർത്തിച്ചു.
പല രാജ്യങ്ങളിലെ പ്രതിനിധികളെ ഉൾപെടുത്തിയുള്ള ഡാൻസും കലാപരിപാടികളും പരിപാടിയുടെ മാറ്റുകൂട്ടി.
|