ന്യൂജഴ്സി: മലയാളി അസോസിയേഷൻ ഓഫ് ന്യൂജഴ്സിയുടെ(മഞ്ച്) പത്താമത് വാർഷികം ശനിയാഴ്ച വെെകുന്നേരം അഞ്ച് മുതൽ എൽമാസ് പാർസിപ്പനി ട്രോയ് ഹിൽസ് എൻജെയിൽ വച്ച് അതിമനോഹരമായ വിവിധ പരിപാടികളോട് ആഘോഷിക്കുന്നു.
ആനി പോൾ മുഖ്യപ്രഭാഷണം നടത്തും. പത്തു വർഷങ്ങൾ കൊണ്ട് അമേരിക്കയിലെ തന്നെ മികവുറ്റ സംഘടനകളിൽ ഒന്നായി മാറആൻ മഞ്ചിന് കഴിഞ്ഞത് മാതൃകാപരമായ പ്രവർത്തനം കൊണ്ട് മാത്രമാണ്. മഞ്ച് ഒരു സാംസ്കാരിക സംഘടനയാണെങ്കിൽ കൂടി ചാരിറ്റി പ്രവർത്തനം അതിന്റെ മുഖമുദ്രയാണ്.
ജാതി മത ഭേദമന്യേയുള്ള ജീവകാരുണ്യ പ്രവര്ത്തനം, സാമൂഹിക സാംസ്കാരിക കലാ കായിക പ്രവര്ത്തനങ്ങള് തുടങ്ങി ജീവിതത്തിന്റെ സമസ്ത മേഖലകളിലും മഞ്ച് നടത്തി വരുന്ന പരിപാടികള് പ്രശംസനീയവും സമാനതകൾ ഇല്ലാത്തതുമാണ്.
അർഹിക്കുന്നവരെ കണ്ടെത്തി സഹായങ്ങള് നല്കുന്നതിനും മഞ്ച് എന്നും മുൻഗണന നൽകി വരുന്നു. വിവിധ മേഖലകളിലുള്ള മഞ്ചിന്റെ ഈ പ്രവർത്തനമാണ് ഈ സംഘടനയെ കുടുതലും ജനകീയമാക്കിയത്.
മാതൃകാപരമായ ഒരു പ്രവര്ത്തനത്തിലൂടെ എല്ലാ പ്രതിബന്ധങ്ങളെയും അതിജീവിച്ച് പത്തു വർഷം തികയ്ക്കാൻ കഴിഞ്ഞതിൽ അതിയായ സന്തോഷമുണ്ടെന്നും നിസ്വാര്ഥ പ്രവര്ത്തനവും അസോസിയേഷന്റെ അംഗങ്ങളുടെ സഹകരണവും ഭാരവാഹികൾ ആയിരുന്നവരുടെ പ്രവര്ത്തന മികവ് കൊണ്ടാണ് മഞ്ചിന് ഈ നേട്ടം കൈവരിക്കാൻ കഴിഞ്ഞത് എന്നും പ്രസിഡന്റ് ഡോ. ഷൈനി രാജു പറഞ്ഞു.
ആഘോഷത്തിലേക്ക് എല്ലാവരെയും സ്വാഗതം ചെയ്യുന്നതായി പ്രസിഡന്റ് ഡോ. ഷൈനി രാജു, സെക്രട്ടറി ആന്റണി കല്ലാകാവുങ്കൽ, ട്രഷർ ഷിബുമോൻ മാത്യു, വൈസ് പ്രസിഡന്റ് രജിത് പിള്ള, ജോയിന്റ് സെക്രട്ടറി ഉമ്മൻ ചാക്കോ, ജോയിന്റ് ട്രഷർ അനീഷ് ജെയിംസ്, ട്രസ്റ്റീ ബോർഡ് ചെയർ ഷാജി വർഗീസ്,
ട്രസ്റ്റീ ബോർഡ് ആൻഡ് കമ്മിറ്റി അംഗങ്ങളായ സജിമോൻ ആന്റണി, ഷൈനി ആൽബർട്ട്, മനോജ് വട്ടപ്പള്ളിൽ, ലിന്റോ മാത്യു, രാജു ജോയി, ഗിരീഷ് നായർ, ജെയിംസ് ജോയി, മഞ്ജു ചാക്കോ, സൂസൻ വർഗീസ്, ജൂബി മത്തായി, അരുൺ ചെമ്പരത്തി, യൂത്ത് കമ്മിറ്റി അംഗങ്ങളായ ഇവ ആന്റണി, ഐറിൻ തടത്തിൽ എന്നിവർ അറിയിച്ചു.
|