ഹൂസ്റ്റൺ: കെപിസിസി പ്രസിഡന്‍റ് കെ. സുധാകരന് ഹൂസ്റ്റൺ ഇന്‍റർ കോണ്ടിനന്‍റൽ വിമാനത്താവളത്തിൽ ഉജ്വല സ്വീകരണം നൽകി. ഓവർസീസ് ഇന്ത്യൻ കൾച്ചറൽ കോൺഗ്രസ് ദേശീയ നേതാക്കളും ചാപ്റ്റർ നേതാക്കളും സ്വീകരണച്ചടങ്ങിൽ പങ്കെടുത്തു.
ഒഐസിസി ചെയർമാൻ ജെയിംസ് കൂടൽ, പ്രസിഡന്‍റ് ബേബി മണക്കുന്നേൽ, ജനറൽ സെക്രട്ടറി ജീമോൻ റാന്നി, മീഡിയ കമ്മിറ്റി ചെയർമാൻ പി.പി. ചെറിയാൻ, റീജിയണൽ കമ്മിറ്റി ചെയർമാൻ വാവച്ചൻ മത്തായി, പൊന്നു പിള്ള, വൈസ് ചെയർമാൻ റോയ് കൊടുവത്തു,
ഡാളസ് പ്രസിഡന്‍റ് പ്രദീപ് നാഗനൂലിൽ, രാജു തരകൻ, സനൽ മത്തായി, റോയി വെട്ടുവഴി, രാജീവ്, ജോജി, ജോസഫ് തുടങ്ങിയ നിരവധി നേതാക്കളും സ്വീകരണ സമ്മേളനത്തിൽ പങ്കെടുത്തു.
ശനിയാഴ്ച വൈകുന്നേരം ആറിന് സെന്‍റ് തോമസ് ഓർത്തഡോക്സ് കത്തീഡ്രൽ ഹാളിൽ (2411, 5th Street, Stafford, Texas 77477) വച്ചാണ് നടത്തപ്പടുന്ന സമരാഗ്നി സംഗമം എന്ന് പേരിട്ടിരിക്കുന്ന സമ്മേളനം സുധാകരൻ ഉദ്ഘാടനം ചെയ്യും.
സ്വീകരണ പരിപാടി ഉജ്വലമാക്കുന്നതിന് വിവിധ പരിപാടികളാണ് സംഘാടകർ ഒരുക്കിയിരിക്കുന്നത്. ചെണ്ടമേളത്തിന്‍റെയും താലപ്പൊലിയുടെയും അകമ്പടിയോടെയാണ് നേതാക്കളെ സ്വീകരിക്കും.
വിവിധ കലാപരിപാടികൾ സ്വീകരണ സമ്മേളനത്തിന് കൊഴുപ്പേകും.ഹൂസ്റ്റണിലെ വിവിധ സംഘടനാ നേതാക്കൾ, ജനപ്രതിനിധികൾ, സാമൂഹ്യ സാംസ്‌കാരിക സാമുദായിക നേതാക്കൾ തുടങ്ങിയവർ പങ്കെടുക്കും.
എല്ലാവരെയും സ്വീകരണ യോഗത്തിലേക്ക് സ്വാഗതം ചെയ്യുന്നുവെന്ന് സംഘാടകർ അറിയിച്ചു. കൂടുതൽ വിവരങ്ങൾക്ക്: ജീമോൻ റാന്നി 832 873 0023 വാവച്ചൻ മത്തായി 832 468 3322 പ്രദീപ് നാഗനൂലിൽ 469 449 1905.
|