ന്യൂജേഴ്സി: മിഡ്‌ലൻഡ് പാർക്ക് സെന്റ് സ്റ്റീഫൻസ് മലങ്കര ഓർത്തഡോക്സ് ഇടവകയുടെ നാല്പതാം വാർഷിക പെരുന്നാളിന്‍റെ സമാപന ദിവസമായ ജനുവരി 14ന് ഭദ്രാസന മെത്രാപ്പോലീത്ത അഭിവന്ദ്യ സക്കറിയ മാർ നിക്കോളോവോസ് തിരുമേനിയുടെ മഹനീയ കാർമികത്വത്തിൽ നടന്ന
വിശുദ്ധ കുർബാനയ്ക്കുശേഷം നോർത്ത് ഈസ്റ്റ് അമേരിക്കൻ ഭദ്രാസന ഫാമിലി ആൻഡ് യൂത്ത് കോൺഫറൻസിന്‍റെ പ്രത്യേക കിക്കോഫ് മീറ്റിംഗ് നടത്തപ്പെട്ടു.
ഇടവക വികാരി ഫാ. ബാബു കെ മാത്യുവും ഇടവക സെക്രട്ടറി ജെറീഷ് വർഗീസും കോൺഫറൻസ് ടീമിനെ ഹാർദ്ദവമായി സ്വാഗതം ചെയ്തു . ഭദ്രാസന കൗൺസിൽ മെമ്പറും മുൻ കോൺഫറൻസ് സെക്രട്ടറിയുമായ ജോബി ജോൺ ടീം അംഗങ്ങളെ പരിചയപ്പെടുത്തി .
കോൺഫ്രൻസ് സെക്രട്ടറി ചെറിയാൻ പെരുമാൾ, ഫൈനാൻസ് കോർഡിനേറ്റർ ജോൺ താമരവേലിൽ, ജോയിന്‍റ് ട്രഷറർ ഷോൺ എബ്രഹാം, റാഫിൾ കോർഡിനേറ്റർ മാത്യു വർഗീസ്, സുവനീർ കമ്മിറ്റി മെമ്പർ മത്തായി ചാക്കോ, ഫൈനാൻസ് കമ്മിറ്റി മെമ്പർ ഫിലിപ്പ് തങ്കച്ചൻ തുടങ്ങിയവർ പ്രതിനിധി സംഘത്തിലുണ്ടായിരുന്നു.
ഈ വർഷത്തെ ഫാമിലി ആൻഡ് യൂത്ത് കോൺഫറൻസിന്‍റെ സവിശേഷതകളെക്കുറിച്ച് കോൺഫറൻസ് സെക്രട്ടറി ചെറിയാൻ പെരുമാൾ സംസാരിച്ചു. 2024 ജൂലൈ 10 മുതൽ 13 വരെ പെൻസിൽവേനിയ ലങ്കാസ്റ്ററിലെ വിൻധം റിസോർട്ടിലാണ് സമ്മേളനം നടക്കുന്നത്.
സൺഡേ സ്കൂൾ ഡയറക്ടർ ജനറലും പുതുപ്പള്ളി സെന്റ് ജോർജ് ഓർത്തഡോക്സ് പള്ളി വികാരിയുമായ ഫാ. ഡോ. വർഗീസ് വർഗീസ് മീനടം മുഖ്യപ്രഭാഷണം നടത്തും. ഗ്രീക്ക് ഓർത്തഡോക്സ് സഭയുടെ ഫാ. സെറാഫിം മജ്മുദാറും, സൗത്ത് വെസ്റ്റ് ഭദ്രാസന വൈദികൻ ഫാ. ജോയൽ മാത്യുവും യുവജന സെഷനുകൾക്ക് നേതൃത്വം നൽകും.
ദൈവിക ആരോഹണത്തിന്‍റെ ഗോവണി എന്ന വിഷയത്തെപ്പറ്റി ഭൂമിയിലുള്ള കാര്യങ്ങളിലല്ല, മുകളിലുള്ള കാര്യങ്ങളിൽ നിങ്ങളുടെ മനസ്‌ സ്ഥാപിക്കുക” (കൊലൊ സ്യർ 3:2) എന്ന വചനത്തെ ആസ്പദമാക്കിയാണ് കോൺഫറൻസിന്‍റെ ചിന്താവിഷയം. ബൈബിൾ, വിശ്വാസം, സമകാലിക
വിഷയങ്ങൾ എന്നിവയെ അടിസ്ഥാനമാക്കി കുട്ടികൾക്കും യുവജനങ്ങൾക്കും മുതിർന്നവർക്കും പ്രത്യേകം സെഷനുകൾ ഉണ്ടായിരിക്കും.
സമ്മേളനത്തിന്‍റെ അനുസ്മരണാർഥം പ്രസിദ്ധീകരിക്കുന്ന സുവനീറിനെക്കുറിച്ച് മത്തായി ചാക്കോ സംസാരിച്ചു. മുൻകാലങ്ങളിൽ നിരവധി ഫാമിലി യൂത്ത് കോൺഫറൻസുകളിൽ പങ്കെടുത്തതിന്‍റെ ഓർമകളും ഒപ്പം ഫാ. ബാബു കെ മാത്യു അച്ചന്‍റെയും ഇടവകഅംഗങ്ങളുടെയും സഹകരണത്തെക്കുറിച്ച് എടുത്തുപറഞ്ഞു.
ആത്മീയ പോഷണത്തിനും കൂട്ടായ്മയ്ക്കുമായി കോൺഫറൻസിൽ പങ്കെടുക്കാൻ അദ്ദേഹം എല്ലാവരെയും പ്രോത്സാഹിപ്പിച്ചു. 2024 മാർച്ച് അവസാനത്തോടെ സുവനീറിലേക്കുള്ള സർഗാത്മക സൃഷ്ടികൾ,പരസ്യങ്ങൾ എന്നിവ അയച്ചുതരണമെന്ന് ഓർമിപ്പിച്ചു.
സ്പോൺസർഷിപ്പ്, രജിസ്ട്രേഷൻ, പരസ്യങ്ങൾ, ആശംസകൾ എന്നിവയിലൂടെ കോൺഫറൻസിന് പിന്തുണ നൽകാനുള്ള അവസരങ്ങളെപ്പറ്റി ജോൺ താമരവേലിൽ വിശദീകരിച്ചു. അടുത്തതായി ഇടവകയെ പ്രതിനിധീകരിച്ച് ട്രഷറർ ജോസ് തോമസ് സുവിനീറിനുള്ള സംഭാവന കൈമാറി. ഫാദർ ബാബു കെ മാത്യു ആദ്യത്തെ സ്പോൺസർഷിപ്പ് നൽകി.
ജോബി ജോൺ, സണ്ണി വർഗീസ്, വിനു കുര്യൻ , ജിമ്മി ജോൺ, ജൂലി മാത്യു, ബിബിൻ ജോർജ് എന്നിവരും തങ്ങളുടെ സ്പോൺസർഷിപ്പ് കൈമാറി. കൂടാതെ ഇടവകയിൽ നിന്നുള്ള ധാരാളം അംഗങ്ങൾ കോൺഫറൻസിനായി രജിസ്റ്റർ ചെയ്തും സുവനീറിൽ പരസ്യങ്ങളും ആശംസകളും നൽകിയും ഉദാരമായി സഹകരിച്ചു.
സ്പോൺസർഷിപ്പ് സ്വീകരിച്ചുകൊണ്ട് ഇടവക മെത്രാപ്പോലീത്ത മാർ നിക്കോളോവോസ് തിരുമേനി എല്ലാവർക്കും നന്ദി പറഞ്ഞു. ഈ ഇടവക ഫാമിലികോൺഫറൻസുകളിൽ നൽകിവന്ന സഹകരണത്തെ തിരുമേനി പ്രത്യേകം അഭിനന്ദിച്ചു .
കൂടുതൽ വിവരങ്ങൾക്ക്: ഫാ. അബു പീറ്റർ, കോൺഫറൻസ് കോർഡിനേറ്റർ (ഫോൺ: 914.806.4595) / ചെറിയാൻ പെരുമാൾ, കോൺഫറൻസ് സെക്രട്ടറി (ഫോൺ. 516.439.9087)
|