മയാമി: കേരള സമാജം ഓഫ് സൗത്ത് ഫ്ലോറിഡയുടെ 2024ലെ പ്രവർത്തനോദ്ഘാടനം ശനിയാഴ്ച വൈകുന്നേരം 5.30നു കൂപ്പർ സിറ്റി ഹൈസ്കൂൾ ഓഡിറ്റോറിയത്തിൽ നടക്കും. 240 ഡിസ്ട്രിക്ട് കോർട്ട് ഓഫ് ടെക്സസ് ജഡ്‌ജ്‌ സുരേന്ദ്രൻ കെ. പട്ടേൽ ആണ് മുഖ്യാതിഥി.
ചടങ്ങിൽ ഒട്ടേറെ പ്രമുഖ വ്യക്തികൾ പങ്കെടുക്കും. പ്രസിഡന്‍റ് ഷിബു ജോസഫ്, വൈസ് പ്രസിഡന്‍റ് ജോസ് വെമ്പാല, സെക്രട്ടറി നിബു പുത്തേത്ത്, ട്രഷറർ ജെറാൾഡ് പെരേര, ജോയിന്‍റ് സെക്രട്ടറി നോയൽ മാത്യു, ജോയിന്‍റ് ട്രഷറർ അജി വർഗീസ്,
എക്സിക്യൂട്ടീവ് കമ്മിറ്റി അഗങ്ങൾ ജിനി ഷൈജു, സുമ ബിജു, അരുൺ പൗവത്തിൽ, ജോബി എബ്രഹാം, മാത്യു കിഴക്കേടത്ത്, മാമ്മൻ പോത്തൻ, രതീഷ് ഗോവിന്ദ്, ജോസ് തോമസ്‌, നിധീഷ് ജോസഫ്, ജോസ് വടാപറമ്പിൽ, ബിജു ജോൺ എന്നിവരും കേരളസമാജത്തിന്‍റെ സജീവപ്രവർത്തകരും പരിപാടിക്ക് നേതൃത്വം നൽകും.
ഡിന്നറിന് ശേഷം നടക്കുന്ന ഉദ്ഘാടന പരിപാടികൾക്കൊപ്പം വിവിധ കലാപരിപാടികളും ഉണ്ടായിരിക്കും. കലയുടെ വിസ്മയം തീർക്കുന്ന 200ൽ അധികം കലാകാരന്മാരെ അണിനിരത്തികൊണ്ട് ഡ്രാമാറ്റിക് നൃത്തങ്ങളും മേള രാഗങ്ങളുമായി ചാരുതയോടെ ചടുലമായ ചമയങ്ങൾ തീർക്കുമ്പോൾ ചിരിക്കുവാനും ചിന്തിപ്പിക്കാനും ഏറെയുണ്ടെന്ന സന്ദേശം തരുന്ന വേദിയാണ് ഒരുക്കിയിരിക്കുന്നത്.
സൗത്ത് ഫ്ലോറിഡയിലെ എല്ലാ മലയാളി സുഹൃത്തുക്കളുടെയും സാന്നിധ്യം സാദരം ക്ഷണിക്കുന്നതായി കേരള സമാജം കമ്മറ്റിക്ക് വേണ്ടി പ്രസിഡന്‍റ് ഷിബു ജോസഫ് അറിയിച്ചു.
പരിപാടികളുടെ വിജയത്തിനായി കമ്മിറ്റി അംഗങ്ങളും മറ്റു പ്രവർത്തകരും വേണ്ട ഒരുക്കങ്ങൾ അണിയറയിൽ പൂർത്തിയായതായി പ്രസിഡന്‍റ് ഷിബു ജോസഫ്, സെക്രട്ടറി നിബു പുത്തേത്ത്, ട്രഷറർ ജെറാൾഡ് പെരേര എന്നിവർ അറിയിച്ചു.
|