ന്യൂയോർക്ക്: മലങ്കര ഓർത്തഡോക്സ് സുറിയാനി സഭയുടെ നോർത്ത് ഈസ്റ്റ് അമേരിക്കൻ ഭദ്രാസന ഫാമിലി യൂത്ത് കോൺഫറൻസ് രജിസ്ട്രേഷൻ ഫ്രാങ്ക്ലിൻ സ്ക്വയർ സെന്‍റ് ബേസിൽ ഓർത്തഡോക്സ് ദേവാലയത്തിൽ ആരംഭിച്ചു.
ഫാമിലി യൂത്ത് കോൺഫറൻസിനെ പ്രതിനിധീകരിച്ച് ഒരു സംഘം ഇടവക സന്ദർശിച്ചു. വിശുദ്ധ കുർബാനയ്ക്ക് ശേഷം ഫാ. തോമസ് പോൾ (വികാരി) കോൺഫറൻസ് ടീമിന് സ്വാഗതം ആശംസിച്ചു. ലവിൻ ജോൺസൺ (ഭദ്രാസന അസംബ്ലി അംഗം) കോൺഫറൻസ് ടീം അംഗങ്ങളെ പരിചയപ്പെടുത്തി.
മാത്യു ജോഷ്വ (ഫാമിലി കോൺഫറൻസ് ട്രഷറർ), ഷെറിൻ എബ്രഹാം, ജോനാഥൻ മത്തായി, ഷെറിൻ കുര്യൻ, കെസിയ എബ്രഹാം, ആരൺ ജോഷ്വ (ഫാമിലി കോൺഫറൻസ് കമ്മിറ്റി അംഗങ്ങൾ) എന്നിവർ കോൺഫറൻസ് ടീമിൽ ഉണ്ടായിരുന്നു.
കോരസൺ വർഗീസ് (ഭദ്രാസന അസംബ്ലി അംഗം/ മുൻ കോൺഫറൻസ് സെക്രട്ടറി) കാനായിലെ കല്യാണത്തെപ്പറ്റിയുള്ള ഫാ. തോമസ് പോളിന്‍റെ പ്രസംഗത്തെക്കുറിച്ച് സംസാരിച്ചു. കോൺഫറൻസിന്‍റെ വേദി, തീം, സ്ഥലം, നേതാക്കൾ തുടങ്ങിയ പൊതുവിവരങ്ങൾ മാത്യു ജോഷ്വ നൽകി.
രജിസ്ട്രേഷൻ നടപടികളെക്കുറിച്ച് കെസിയ എബ്രഹാം സംസാരിച്ചു. കോൺഫറൻസിന്‍റെ സ്മരണാർഥം പ്രസിദ്ധീകരിക്കുന്ന സുവനീറിന്‍റെ വിശദാംശങ്ങൾ ജോനാഥൻ മത്തായി നൽകി. കോൺഫറൻസിന്‍റെ ധനസമാഹരണത്തിന്‍റെ ഭാഗമായി സംഘടിപ്പിക്കുന്ന റാഫിളിനെ കുറിച്ചും അദ്ദേഹം സംസാരിച്ചു.
സ്പോൺസർഷിപ്പ് അവസരങ്ങളെക്കുറിച്ചും ആനുകൂല്യങ്ങളെക്കുറിച്ചും ഷെറിൻ എബ്രഹാം വിശദീകരിച്ചു. കോൺഫറൻസിന്‍റെ രണ്ടാം ദിനത്തിൽ സംഘടിപ്പിക്കുന്ന വിനോദ സായാഹ്നത്തിൽ വ്യക്തികളായോ ടീമായോ ആത്മീയ കലാപരിപാടികൾ അവതരിപ്പിക്കാനുള്ള അവസരത്തെക്കുറിച്ച് ഷെറിൻ കുര്യൻ ഓർമിപ്പിച്ചു.
ഫാമിലി കോൺഫറൻസ് ഒരു ആത്മീയ അനുഭവമാകുന്നതോടൊപ്പം യുവാക്കൾക്ക് പുതിയ സുഹൃത്തുക്കളെ കണ്ടുമുട്ടാനും ശാശ്വതമായ ബന്ധങ്ങൾ രൂപപ്പെടുത്താനുമുള്ള ഒരു കവാടമാകുമെന്നും ഫാ. തോമസ് പോൾ അഭിപ്രായപ്പെട്ടു.
ഇടവകയെ പ്രതിനിധീകരിച്ച് എബി സാമുവൽ (ഇടവക സെക്രട്ടറി), റോയ് വർഗീസ് (ഇടവക ട്രസ്റ്റി) എന്നിവർ ചേർന്ന് സുവനീറിനുള്ള സംഭാവന കൈമാറി. ബിനു കൊപ്പാറ (മലങ്കര ഓർത്തഡോക്സ് സഭാ മാനേജിംഗ് കമ്മിറ്റി അംഗം) ഗ്രാൻഡ് സ്പോൺസർ എന്ന നിലയിൽ തന്‍റെ പിന്തുണ വാഗ്ദാനം ചെയ്തു.
കോൺഫറൻസിൽ റജിസ്റ്റർ ചെയ്തും സുവനീറിൽ അഭിനന്ദനങ്ങൾ നൽകിയും റാഫിൾ ടിക്കറ്റുകൾ വാങ്ങിയും നിരവധി അംഗങ്ങൾ പിന്തുണ വാഗ്ദാനം ചെയ്തു. ജോസഫ് കുറ്റിക്കാട്ടിൽ, സജീവ് എബ്രഹാം, കെ. ടി. ജോർജ്, ബിബിൻ നൈനാൻ, അനിൽ തോമസ്, ജേക്കബ് വർഗീസ് തുടങ്ങിയവരാണ് പിന്തുണ അറിയിച്ചത്.
സമ്മേളനത്തിന് ഉദാരമായ പിന്തുണ നൽകിയ വികാരിക്കും ഭാരവാഹികൾക്കും ഇടവകാംഗങ്ങൾക്കും കോൺഫറൻസ് ഭാരവാഹികൾ നന്ദി പറഞ്ഞു. ജൂലൈ 10 മുതൽ 13 വരെ പെൻസിൽവേനിയ ലങ്കാസ്റ്ററിലെ വിൻധം റിസോർട്ടിലാണ് സമ്മേളനം നടക്കുന്നത്.
സൺഡേ സ്കൂൾ ഡയറക്ടർ ജനറലും പുതുപ്പള്ളി സെന്‍റ് ജോർജ് ഓർത്തഡോക്സ് പള്ളി വികാരിയുമായ ഫാ. ഡോ. വർഗീസ് വർഗീസ് (മീനടം) മുഖ്യപ്രഭാഷണം നടത്തും. ഗ്രീക്ക് ഓർത്തഡോക്സ് സഭയുടെ ഫാ. സെറാഫിം മജ്മുദാറും സൗത്ത് വെസ്റ്റ് ഭദ്രാസന വൈദികൻ ഫാ. ജോയൽ മാത്യുവും യുവജന സെഷനുകൾക്ക് നേതൃത്വം നൽകും.
‘ദൈവിക ആരോഹണത്തിന്‍റെ ഗോവണി’ എന്ന വിഷയത്തെപ്പറ്റി ഭൂമിയിലുള്ള കാര്യങ്ങളിലല്ല, മുകളിലുള്ള കാര്യങ്ങളിൽ നിങ്ങളുടെ മനസ്സ് സ്ഥാപിക്കുക' (കൊലൊ സ്യർ 3:2) എന്ന വചനത്തെ ആസ്പദമാക്കിയാണ് കോൺഫറൻസിന്‍റെ ചിന്താവിഷയം.
ബൈബിൾ, വിശ്വാസം, സമകാലിക വിഷയങ്ങൾ എന്നിവയെ അടിസ്ഥാനമാക്കി കുട്ടികൾക്കും യുവജനങ്ങൾക്കും മുതിർന്നവർക്കും പ്രത്യേകം സംവേദനാത്മക സെഷനുകൾ ഉണ്ടായിരിക്കും.
കൂടുതൽ വിവരങ്ങൾക്ക്: ഫാ. അബു പീറ്റർ, കോൺഫറൻസ് കോഓർഡിനേറ്റർ (914 806 4595), ചെറിയാൻ പെരുമാൾ, കോൺഫറൻസ് സെക്രട്ടറി (516 439 9087).
|