ഡാളസ്: മാര്‍ത്തോമ്മാ സഭയുടെ നോര്‍ത്ത് അമേരിക്ക ഭദ്രാസനത്തിന്‍റെ സൗത്ത് വെസ്റ്റ് റീജിയണിന്‍റെ ആഭിമുഖ്യത്തില്‍ മാര്‍ത്തോമ്മാ വോളന്‍ററി ഇവാന്‍ഞ്ചലിസ്റ്റിക് അസോസിയേഷന്‍ (ഇടവക മിഷന്‍), സേവികാസംഘം, സീനിയര്‍ ഫെലോഷിപ്പ് എന്നീ സംഘടനകളുടെ 11ാമത് സംയുക്ത കോണ്‍ഫറന്‍സ് മാര്‍ച്ച് എട്ട്, ഒന്പത് തീയതികളില്‍ ഡാളസ് ഫാർമേഴ്‌സ് ബ്രാഞ്ച് മാര്‍ത്തോമ്മാ ദേവാലയത്തില്‍ (11550 Luna Rd, Farmers Branch, Tx 75234) വച്ച് നടക്കും.
റവ. ഏബ്രഹാം കുരുവിള (ലബക്ക്), റവ. ജോൺ കുഞ്ഞപ്പി (ഒക്‌‌മലഹോമ) എന്നിവരാണ് കോൺഫറൻസിന്‍റെ മുഖ്യസംഘാടകർ. കോൺഫറൻസ് പ്രസിഡന്‍റായി റവ.അലക്സ്‌ യോഹന്നാൻ, വൈസ് പ്രസിഡന്‍റായി റവ. എബ്രഹാം തോമസ്, ജനറൽ കൺവീനറായി സാം അലക്സ്‌ എന്നിവർ പ്രവര്‍ത്തിക്കും.
ചർച്ച് ഓൺ മിഷൻ എവരിവേയർ(മാത്യു 28:20) എന്നതാണ് കോൺഫറൻസിന്‍റെ മുഖ്യ ചിന്താവിഷയം. സൗത്ത് വെസ്റ്റ് റീജിയണില്‍ ഉള്‍പ്പെടുന്ന ഡാളസ്, ഹൂസ്റ്റണ്‍, ഒക്‌ലഹോമ, ഓസ്റ്റിന്‍, ലബക്ക്, സാൻ അന്‍റോണിയോ എന്നിവിടങ്ങളിലുള്ള മാര്‍ത്തോമ്മാ ദേവാലയങ്ങളിലെ അംഗങ്ങളും വൈദീകരുമാണ് രണ്ടുദിവസം നീണ്ടുനില്‍ക്കുന്ന ഈ കോണ്‍ഫറന്‍സില്‍ സംബന്ധിക്കുന്നത്.
ഈശോ മാളിയേക്കൽ(രജിസ്‌ട്രേഷന്‍ & ഹോസ്പിറ്റാലിറ്റി), പ്രഫ. സോമൻ വി. ജോർജ് (ഫിനാന്‍സ്), ചാക്കോ ജോൺസൺ (ഫുഡ്‌), ബാബു സി. മാത്യു (പബ്ലിസിറ്റി & ട്രാന്‍സ്‌പോര്‍ട്ടേഷന്‍), ജോർജ് വർഗീസ് (വർഷിപ്പ് & ക്വയർ), ജോജി ജോർജ് (അക്കമോഡേഷന്‍), സാറാ ജോസഫ് (മെഡിക്കല്‍), മറിയാമ്മ ഡാനിയേൽ (പ്രയര്‍ സെല്‍) എന്നിവര്‍ കണ്‍വീനറുന്മാരായി വിപുലമായ സബ് കമ്മിറ്റികൾ കോൺഫറൻസിന്‍റെ വിജയത്തിനായി പ്രവർത്തിക്കുന്നുണ്ട്.
കോൺഫറൻസിൽ പങ്കെടുക്കുന്നവരുടെ രജിസ്ട്രേഷൻ മാർച്ച്‌ നാലിന് അവസാനിക്കും എന്ന് രജിസ്ട്രേഷൻ കൺവീനർ ഈശോ മാളിയേക്കൽ അറിയിച്ചു. വചനം പഠിക്കുന്നതിനും അനുഭവങ്ങൾ പങ്കുവയ്ക്കുന്നതിനും വരുംതലമുറയെ ക്രിസ്തുവുമായി ചേർത്തു നിർത്തുക എന്ന ലക്ഷ്യത്തോടെ നടത്തപ്പെടുന്ന കോൺഫറൻസിന്‍റെ അനുഗ്രഹത്തിനായി എല്ലാവരുടെയും പ്രാർഥനയും സഹകരണവും ഉണ്ടാകണമെന്ന് പ്രസിഡന്‍റ് റവ. അലക്സ്‌ യോഹന്നാൻ, വൈസ് പ്രസിഡന്‍റ് റവ. എബ്രഹാം തോമസ്, ജനറൽ കൺവീനർ സാം അലക്സ്‌ എന്നിവർ അറിയിച്ചു.
|