ഷിക്കാഗോ: ഫോമാ സെന്ററൽ റീജന്റെ (ഷിക്കാഗോ) നേതൃത്വത്തിൽ ഡൊമിനിക്കൽ റിപ്പബ്ലിക്കനിലുള്ള പുണ്ടകാനയിൽ ഓഗസ്റ്റ് 8,9,10,11 തീയതികളിൽ നടക്കുന്ന ഫോമ നാഷണൽ കൺവൻഷന്റെ കിക്ക് ഓഫ് മോർട്ടൽ ഗ്രോവിലുള്ള സെന്റ് മേരീസ് ചർച്ച് ഹാളിൽ (7800 Lyons street, Morton Grove IL) വച്ച് ശനിയാഴ്ച വൈകുന്നേരം ആറിന് നടക്കുന്നതാണ്.
ഫോമ സെന്ററൽ റീജന് വൈസ് പ്രസിഡന്റ് റ്റോമി എടത്തിലിന്റെ അധ്യക്ഷതയിൽ കൂടുന്ന യോഗത്തിൽ നാഷനൽ എക്സിക്യൂട്ടീവ് അംഗങ്ങളായ ഡോ. ജേക്കബ് തോമസ് പ്രസിഡന്റ് ഓജസ് ജോൺ സെക്രട്ടറി, ബിജു തോണിക്കടവിൽ ട്രഷറർ, സണ്ണി വള്ളിക്കളം വൈസ് പ്രസിഡന്റ്, ഡോ. ജയ്മോൾ ശ്രീധർ, ജെയിംസ് ജോർജ് ജോ. സെക്രട്ടറി എന്നിവർ പങ്കെടുക്കുന്നതാണെന്ന് അറിയിക്കുകയുണ്ടായി.
മാത്രമല്ല കൺവൻഷൻ ചെയർമാൻ തോമസ് സാമുവേൽ വൈസ് ചെയർമാൻ ജോൺ പാട്ടപതി എന്നിവരും സംബന്ധിക്കുന്നതാണ്. ഷിക്കാഗോയിൽനിന്നും ഏകദേശം 50ലധികം ആളുകൾ കുടുംബസമേതം പുണ്ടകാനയിൽ വച്ചു നടക്കുന്ന കണ്വൻഷനിൽ രജിസ്റ്റർ ചെയ്യുന്നതിനായി മുന്നോട്ടു വന്നിട്ടുണ്ട്.
ഷിക്കാഗോയിൽ നടക്കുന്ന നാഷണൽ കൺവൻഷൻ കിക്ക് ഓഫിനോടനുബന്ധിച്ച് കുടുംബസംഗമവും നടത്തുന്നതാണ്. എല്ലാവരെയും കുടുംബസമേതം പ്രസ്തുത പരിപാടിയിലേക്ക് ക്ഷണിക്കുന്നതായി ഭാരവാഹികൾ അറിയിച്ചു.
ലോക വനിതാദിനത്തോടനുബന്ധിച്ച് വനിതാ ദിനവും വിവിധ പരിപാടികളും ശനിയാഴ്ച നടക്കുന്ന പരിപാടിയിൽ അരങ്ങേറുന്നതാണ്. 60ലധികം വനിതകൾ പങ്കെടുക്കുന്ന ഫാഷൻ ഷോ പരിപാടികളുടെ പ്രത്യേകതയാണ്.
പുണ്ടകാനയിൽ വച്ചു നടക്കുന്ന കൺവൻഷനോടനുബന്ധിച്ച് 202426 കാലഘട്ടത്തിലേക്കുള്ള പുതിയ ഭാരവാഹികൾക്കായുള്ള തെരഞ്ഞെടുപ്പും നടക്കുന്നതാണ്. ഇതിന്റെ മുന്നോടിയായി എല്ലാ സ്ഥാനാർഥികളെയും പരിചയപ്പെടുത്തുന്ന ഒരു ചടങ്ങുകൂടി പ്രസ്തുത യോഗത്തിൽ ഉണ്ടായിരിക്കുന്നതാണ്.
അമേരിക്കയിലെ എല്ലാ സംസ്ഥാനത്തു നിന്നും ഫോമയുടെ ഭാരവാഹികളും പ്രവർത്തകരും പങ്കെടുക്കേണ്ടതാണെന്ന് അറിയിച്ചിട്ടുണ്ട്.
ഫോമയുടെ അസോസിയേഷൻ അംഗങ്ങളെയും ഭാരവാഹികളെയും മറ്റുള്ളവരെയും ശനിയാഴ്ച മോർട്ടൻ ഗ്രോവിൽ വച്ചു നടക്കുന്ന പരിപാടിയിലേക്ക് ടോമിഎടത്തിൽ 8474146757 സണ്ണി വള്ളിക്കളം, ജോൺ പാട്ടപതി, ജോയി ഈണ്ടിക്കുഴി, സിബി പാത്തിക്കൽ, ആഷ മാത്യു, ഡോ. സാൽവി പോൾ ചേന്നോത്ത്, സിബു കുളക്കര, ജോസി കുരിശുങ്കൽ, പീറ്റർ കുളങ്ങര, ബിജി എടാട്ട്, ജൂബി വള്ളിക്കളം, സ്റ്റീഫൻ കിഴക്കേക്കുറ്റ്, ലിസി ഈണ്ടിക്കുഴി, റോസ് വടകര, ശ്രീജ നിഷാദ്, ശ്രീദേവി പണ്ടാല, ലിന്റ ജോളീസ്, ജിനു ടോം, ജോഷി വള്ളിക്കളം എന്നിവർ ക്ഷണിക്കുന്നു.
|