ഡാളസ്: മാര്ത്തോമ്മാ സഭയുടെ നോര്ത്ത് അമേരിക്ക ഭദ്രാസനത്തിന്റെ സൗത്ത് വെസ്റ്റ് റീജിയണിന്റെ ആഭിമുഖ്യത്തില് മാര്ത്തോമ്മാ വോളന്ററി ഇവാന്ഞ്ചലിസ്റ്റിക് അസോസിയേഷന് (ഇടവക മിഷന്), സേവികാസംഘം, സീനിയര് ഫെലോഷിപ്പ് എന്നീ സംഘടനകളുടെ 11ാമത് സംയുക്ത കോണ്ഫറന്സിന് ഡാളസിൽ ഇന്ന് തുടക്കം.
ഉച്ചകഴിഞ്ഞ് മൂന്നിന് ഡാളസ് ഫാർമേഴ്സ് ബ്രാഞ്ച് മാര്ത്തോമ്മാ ദേവാലയത്തില് (11550 Luna Rd, Farmers Branch, Tx 75234) വച്ച് തുടക്കം കുറിക്കുന്ന സൗത്ത് വെസ്റ്റ് റീജിയണല് മാര്ത്തോമ്മാ കോണ്ഫ്രറന്സ് ശനിയാഴ്ച ഉച്ചയ്ക്ക് രണ്ടിന് സമാപിക്കും.
റവ. ഏബ്രഹാം കുരുവിള (ലബക്ക്), റവ. ജോൺ കുഞ്ഞപ്പി (ഒക്ലഹോമ) എന്നിവർ മുഖ്യ ലീഡേഴ്സ് ആയ കോൺഫറൻസിന്റെ മുഖ്യചിന്താവിഷയം ചർച്ച് ഓൺ മിഷൻ എവരിവൺ(മാത്യു 28:20) എന്നതാണ്.
ഡാളസ്, ഹൂസ്റ്റണ്, ഒക്ലഹോമ, ഓസ്റ്റിന്, ലബക്ക്, സാൻ അന്റോണിയ എന്നിവിടങ്ങളിലുള്ള മാർത്തോമ്മാ ദേവാലയങ്ങളിൽ നിന്ന് ഇതിനോടകം 400ൽ പരം അംഗങ്ങൾ കോൺഫറൻസിൽ പങ്കെടുക്കുവാനായി രജിസ്റ്റർ ചെയ്തതായി ചുമതലക്കാർ അറിയിച്ചു.
കോൺഫറൻസ് പ്രസിഡന്റ് റവ.അലക്സ് യോഹന്നാൻ, വൈസ് പ്രസിഡന്റ് റവ. എബ്രഹാം തോമസ്, ജനറൽ കൺവീനർ സാം അലക്സ് എന്നിവരുടെ നേതൃത്വത്തിൽ ഈശോ മാളിയേക്കൽ (രജിസ്ട്രേഷന് & ഹോസ്പിറ്റാലിറ്റി), പ്രഫ. സോമൻ വി. ജോർജ് (ഫിനാന്സ്), ചാക്കോ ജോൺസൺ (ഫുഡ്),
ബാബു സി. മാത്യു(പബ്ലിസിറ്റി & ട്രാന്സ്പോര്ട്ടേഷന്), ജോർജ് വർഗീസ് (വർഷിപ്പ് & ക്വയർ), ജോജി ജോർജ് (അക്കമോഡേഷന്), സാറ ജോസഫ് (മെഡിക്കല്), മറിയാമ്മ ഡാനിയേൽ (പ്രയര് സെല്) എന്നിവര് കണ്വീനർമാരായ വിപുലമായ സബ് കമ്മറ്റികൾ കോൺഫ്രറൻസിന്റെ വിജയത്തിനായി പ്രവർത്തിക്കുന്നുണ്ട്.
|