ന്യൂജഴ്സി: അമേരിക്കൻ മലങ്കര അതിഭദ്രാസനത്തിന്റെ ആഭിമുഖ്യത്തിൽ ആർച്ച് ഡയോസിന്റെ ധനശേഖരണാർഥം മേയ് 11ന് ആർച്ച് ഡയോസീസൻ ആസ്ഥാനത്ത് വച്ച് മലങ്കര ആർച്ച്ഡയോസിസൻ എക്സ്ട്രാ വഗൻസാ എംഎഇ 2024 എന്ന പേരിൽ മെഗാ ഇവന്റ് നടത്തും.
ന്യൂയോർക്കിലേയും ന്യൂജഴ്സിയിലേയും പരിസരപ്രദേശത്തുള്ള 20ലധികം പള്ളിയിലെ അംഗങ്ങൾ പരിപാടിയിൽ പങ്കുചേരും. ഇന്ത്യൻ അമേരിക്കൻ ഫുഡ്, ഇന്ത്യൻ ആഭരണങ്ങൾ, ഗാർമെന്റ്സ്, വിവിധയിനം ചെടികൾ തുടങ്ങിയവയുടെ വിൽപ്പനയും വിനോദ പരിപാടികളും നടക്കും.
രാവിലെ ഒന്പത് മുതൽ വൈകുന്നേരം അഞ്ച് വരെയാണ് പരിപാടി നടക്കുന്നത്. ഈ മാസം ഒന്പതിന് അരമനയിൽ വച്ച് നടത്തിയ ടിക്കറ്റ് കിക്ക് ഓഫിന് ഒട്ടനവധി വിശ്വാസികൾ പങ്കെടുത്തു. റവ.ഫാ. മത്തായി പുതുക്കുന്നത്ത് ഭദ്രാസന മെത്രാപ്പൊലിത്തയ്ക്ക് ടിക്കറ്റ് നൽകികൊണ്ട് കിക്ക് ഓഫ് പരിപാടി നടത്തി.
മാത്യൂസ് മൻജ, ലിസി തോമസ്, റിബ ജേക്കബ് എന്നിവർ കോഓർഡിനേറ്റർമാരായും റവ.ഫാ.ഡോ. ജെറി ജേക്കബ് (ഭദ്രാസന സെക്രട്ടറി), ജോജി കാവനാൽ (ഭദ്രാസന ട്രഷറർ), കമാണ്ടർ ജോബി ജോർജ്, രാജു അബ്രാഹാം, സാജൂ പൗലോസ്, ടി.പി. ഏലിയാസ്, റോയി മാത്യു ( ഫിനാൻസ് & ഫുഡ് കമ്മിറ്റി),
ഷാനാ ജോഷ്വാ, ജെയിംസ് ജോർജ്, ഫാ.അരുൺ ഗീവർഗീസ് (ഐടി), സാബു സ്കറിയ (മാർക്കറ്റിംഗ്), സെന്റ് മേരീസ് വിമൻസ്ലീഗ്, സെന്റ് പോൾസ് മെൻസ് ഫെലോഷിപ്പ്, സൺഡേസ്കൂൾ (എംജിഎസ്ഒവെെഎ, എംജിഎസ്ഒഎസ്എ) എന്നി ഭക്തസംഘടനാ പ്രതിനിധികൾ എന്നിവർ ഉൾക്കൊള്ളുന്ന സബ് കമ്മിറ്റി ഭദ്രാസന കൗൺസിലിനോടൊത്ത് പരിപാടിയുടെ സുഗമമായ നടത്തിപ്പിന് ക്രമീകരണങ്ങൾ നടത്തുന്നുണ്ട്.
ഭദ്രാസന കൗൺസിൽ അംഗങ്ങൾ ഉൾപ്പെടെ മെഗാ സ്പോൺസർമാരായും പദ്ധതിയോട് സഹകരിക്കുന്ന എല്ലാവർക്കും പ്രത്യേകം നന്ദി രേഖപ്പെടുത്തുന്നതായി സംഘാടകർ അറിയിച്ചു.
ഭദ്രാസനത്തിന്റെ വികസനത്തിനും വളർച്ചയ്ക്കും ആവശ്യമായ ഫണ്ട് ശേഖരണത്തിന്റെ ഭാഗമായി നടത്തുന്ന ഈ പരിപാടിയിൽ എല്ലാവരുടേയും സഹായസഹകരണങ്ങൾ ഉണ്ടായിരിക്കണമെന്ന് ഇടവക മെത്രാപ്പൊലീത്ത ഓർമിപ്പിച്ചു.
|