ന്യൂയോർക്ക്: മലങ്കര ഓർത്തഡോക്സ് സുറിയാനി സഭയുടെ നോർത്ത് ഈസ്റ്റ് അമേരിക്കൻ ഭദ്രാസന ഫാമിലി യൂത്ത് കോൺഫറൻസിന്റെ കിക്കോഫ് മീറ്റിംഗിന് ലോംഗ് ഐലൻഡ് സെന്റ് സ്റ്റീഫൻസ് ഓർത്തഡോക്സ് ഇടവക വേദിയായി.
ഭദ്രാസനത്തിന്റെ ഏറ്റവും വലിയ ആത്മീയ സംഗമമാണ് ഫാമിലി യൂത്ത് കോൺഫറൻസ്. ഭക്തിപ്രഭാഷണങ്ങൾ, ബൈബിൾ പഠനം, വിശ്വാസം, പാരമ്പര്യങ്ങൾ, സമകാലിക വിഷയങ്ങൾ എന്നിവയെക്കുറിച്ചുള്ള സംവേദനാത്മക സെഷനുകൾ ഉൾപ്പെടുന്ന സമ്മേളനത്തിൽ നോർത്ത് ഈസ്റ്റ് അമേരിക്കയിലെയും കാനഡയിലെയും ഇടവകകളിൽ നിന്നുള്ള വിശ്വാസികൾ പങ്കെടുക്കും.
കുർബാനയ്ക്കുശേഷം നടന്ന പൊതുസമ്മേളനത്തിൽ വികാരി റവ. ഡോ. സി. കെ. രാജൻ കോൺഫറൻസ് ടീമിനെ സ്വാഗതം ചെയ്തു. മാത്യു ജോഷ്വ (കോൺഫറൻസ് ട്രഷറർ), ജോൺ താമരവേലിൽ (കോൺഫറൻസ് ഫൈനാൻസ് മാനേജർ), മാത്യു വർഗീസ് (റാഫിൾ കോഓർഡിനേറ്റർ), ഷീല ജോസഫ്, പ്രേംസി ജോൺ, സേറ മത്തായി, ജോനാഥൻ മത്തായി, ഷെറിൻ കുര്യൻ, ക്രിസ്റ്റൽ ഷാജോൺ (കോൺഫറൻസ് കമ്മിറ്റി അംഗങ്ങൾ) എന്നിവരായിരുന്നു സംഘത്തിലുണ്ടായിരുന്നത്.
മാത്യു ജോൺ (ഇടവക സെക്രട്ടറി), ബിനു അലക്സ് (ട്രസ്റ്റി), ജേക്കബ് വർഗീസ് (ഭദ്രാസന അസംബ്ലി അംഗം) എന്നിവരും വേദിയിൽ ചേർന്നു. ജോൺ താമരവേലിൽ കോൺഫറൻസിന്റെ തീയതി, സ്ഥലം, തീം, പ്രാസംഗികർ എന്നിവയുൾപ്പെടെയുള്ള പൊതുവായ വിവരങ്ങൾ പങ്കിട്ടു.
ഷെറിൻ കുര്യൻ രജിസ്ട്രേഷൻ നടപടികൾ വിശദീകരിച്ചു. മാത്യു വർഗീസ് റാഫിളിനെ കുറിച്ചും സ്പോൺസർഷിപ്പ് അവസരങ്ങളെ കുറിച്ചും സംസാരിച്ചു. സമ്മേളനത്തിന്റെ അനുസ്മരണാർഥം പ്രസിദ്ധീകരിക്കുന്ന സുവനീറിനെക്കുറിച്ചുള്ള വിവരങ്ങൾ ജോനാഥൻ മത്തായി നൽകി.
ക്രിസ്റ്റൽ ഷാജോൺ വിനോദ സായാഹ്നത്തെക്കുറിച്ചും പങ്കെടുക്കാനുള്ള അവസരങ്ങളെക്കുറിച്ചും ഓർമിപ്പിച്ചു. സമ്പന്നമായ ഒരു അനുഭവത്തിനായി കോൺഫറൻസിൽ പങ്കെടുക്കാൻ എല്ലാ അംഗങ്ങളേയും മാത്യു ജോഷ്വ ക്ഷണിച്ചു.
ഇടവകയെ പ്രതിനിധീകരിച്ച് സെക്രട്ടറിയും ട്രസ്റ്റിയും സുവനീറിന് സംഭാവന നൽകി. നിരവധി അംഗങ്ങൾ സമ്മേളനത്തിന് പിന്തുണ വാഗ്ദാനം ചെയ്തു. ഡയമണ്ട് സ്പോൺസർ എന്ന നിലയിൽ ഗീവർഗീസ് മത്തായി തന്റെ പിന്തുണ വാഗ്ദാനം ചെയ്തു.
മാത്യു ജോഷ്വയും മനച്ചൻ മത്തായി/തോമസ് മത്തായി എന്നിവർ ഗോൾഡ് സ്പോൺസർമാരായി തങ്ങളുടെ പിന്തുണ അറിയിച്ചു. കോൺഫറൻസിൽ പങ്കെടുക്കാൻ ഏഴ് അംഗങ്ങൾ രജിസ്റ്റർ ചെയ്തു.
41 അംഗങ്ങൾ റാഫിൾ ടിക്കറ്റുകൾ വാങ്ങിയോ സുവനീറിൽ പരസ്യങ്ങൾ ചേർത്തോ പിന്തുണ വാഗ്ദാനം ചെയ്തു. സഹകരിച്ച വികാരി, ഭാരവാഹികൾ, ഇടവക അംഗങ്ങൾ എന്നിവർക്ക് കമ്മിറ്റി നന്ദി അറിയിച്ചു.
ജൂലൈ 10 മുതൽ 13 വരെ പെൻസിൽവേനിയ ലങ്കാസ്റ്ററിലെ വിൻധം റിസോർട്ടിലാണ് സമ്മേളനം നടക്കുന്നത്. സൺഡേ സ്കൂൾ ഡയറക്ടർ ജനറലും പുതുപ്പള്ളി സെന്റ് ജോർജ് ഓർത്തഡോക്സ് പള്ളി വികാരിയുമായ ഫാ. ഡോ. വർഗീസ് വർഗീസ് (മീനടം) മുഖ്യപ്രഭാഷണം നടത്തും.
ഗ്രീക്ക് ഓർത്തഡോക്സ് സഭയുടെ ഫാ. സെറാഫിം മജ്മുദാറും സൗത്ത് വെസ്റ്റ് ഭദ്രാസന വൈദികൻ ഫാ. ജോയൽ മാത്യുവും യുവജന സെഷനുകൾക്ക് നേതൃത്വം നൽകും.
‘ദൈവിക ആരോഹണത്തിന്റെ ഗോവണി’ എന്ന വിഷയത്തെപ്പറ്റി “ഭൂമിയിലുള്ള കാര്യങ്ങളിലല്ല, മുകളിലുള്ള കാര്യങ്ങളിൽ നിങ്ങളുടെ മനസ്സ് സ്ഥാപിക്കുക” (കൊലൊ സ്യർ 3:2) എന്ന വചനത്തെ ആസ്പദമാക്കിയാണ് കോൺഫറൻസിന്റെ ചിന്താവിഷയം.
ബൈബിൾ, വിശ്വാസം, സമകാലിക വിഷയങ്ങൾ എന്നിവയെ അടിസ്ഥാനമാക്കി കുട്ടികൾക്കും യുവജനങ്ങൾക്കും മുതിർന്നവർക്കും പ്രത്യേകം സംവേദനാത്മക സെഷനുകൾ ഉണ്ടായിരിക്കും.
Registration link: http://tinyurl.com/FYC2024
കൂടുതൽ വിവരങ്ങൾക്ക്, ഫാ. അബു പീറ്റർ, കോൺഫറൻസ് കോഓർഡിനേറ്റർ (914 806 4595), ചെറിയാൻ പെരുമാൾ, കോൺഫറൻസ് സെക്രട്ടറി (516 439 9087).
|