മ​ത​വി​ശ്വാ​സ​ത്തി​ന്‍റെ പേ​രി​ൽ ചി​കി​ത്സ നി​ഷേ​ധി​ച്ച കു​ഞ്ഞു മ​രി​ച്ചു; മാ​താ​പി​താ​ക്ക​ൾ​ അറസ്റ്റിൽ
Thursday, August 9, 2018 10:04 PM IST
മി​ഷി​ഗൺ: മ​ത​വി​ശ്വാ​സ​ത്തി​ന്‍റെ പേ​രി​ൽ ചി​കി​ത്സ നി​ഷേ​ധി​ച്ച​തി​നെ​ത്തു​ട​ർ​ന്നു പ​ത്തു​മാ​സം പ്രാ​യ​മു​ള്ള പെ​ണ്‍​കു​ഞ്ഞ് മ​രി​ച്ച കേ​സി​ൽ മാ​താ​പി​താ​ക്ക​ളാ​യ സേ​ത്ത് വെ​ൽ​ച്ചു (27), ടാ​റ്റി​യാ​ന ഫ​സ​രി (27) എ​ന്നി​വ​ർ​ക്കെ​തി​രെ കൊ​ല​കു​റ്റ​ത്തി​ന് കേ​സെ​ടു​ക്കു​ന്ന​തി​ന് കോ​ട​തി ഉ​ത്ത​ര​വി​ട്ടു.

ക​ഴി​ഞ്ഞ ദി​വ​സം അ​ബോ​ധ​വ​സ്ഥ​യി​ലാ​യ കു​ഞ്ഞി​നെ പോ​ലീ​സെ​ത്തി പ​രി​ശോ​ധി​ച്ച​പ്പോ​ൾ നി​ർ​ജീ​വാ​വ​സ്ഥ​യി​ലാ​യി​രു​ന്നു​വെ​ന്നാ​ണ് കെ​ന്‍റ് കൗ​ണ്ടി ഷെ​റി​ഫ് ഓ​ഫി​സ് അ​റി​യി​ച്ച​ത്. സം​ഭ​വ സ്ഥ​ല​ത്തു വ​ച്ചു ത​ന്നെ കു​ഞ്ഞു മ​രി​ച്ച​താ​യും ഷെ​റി​ഫ് പ​റ​ഞ്ഞു. പ്രാ​യ​ത്തി​നൊ​ത്ത ശ​രീ​ര​ഭാ​രം കു​ഞ്ഞി​നു​ണ്ടാ​യി​രു​ന്നി​ല്ലെ​ന്നും പോ​ഷ​കാ​ഹാ​ര കു​റ​വു​ണ്ടാ​യി​രു​ന്നു​വെ​ന്നും മാ​താ​പി​താ​ക്ക​ൾ ത​ന്നെ സ​മ്മ​തി​ക്കു​ന്നു. ചി​കി​ത്സ​ക​ളി​ലോ, ഡോ​ക്ട​ർ​മാ​രി​ലൊ വി​ശ്വാ​സ​മി​ല്ലാ​തി​രു​ന്ന ഇ​വ​ർ വി​വ​രം പു​റ​ത്ത​റി​യ്ക്കാ​തി​രു​ന്ന​ത് ചൈ​ൽ​ഡ് പ്രൊ​ട്ട​ക്റ്റീ​വ് സ​ർ​വീ​സി​നെ ഭ​യ​ന്നാ​യി​രു​ന്നു.

ഇ​വ​രു​ടെ ര​ണ്ടും നാ​ലും വ​യ​സു​ള്ള കു​ട്ടി​ക​ളെ സി​പി​എ​സ് കൊ​ണ്ടു​പോ​കു​മോ എ​ന്ന ഭ​യ​മാ​ണ് ഇ​വ​രെ ഇ​തി​ൽ നി​ന്നും പി​ന്തി​രി​പ്പി​ച്ച​ത്. പോ​സ്റ്റ്മോ​ർ​ട്ടം റി​പ്പോ​ർ​ട്ടി​ൽ ശ​രീ​ര​ത്തി​ലെ ജ​ലാം​ശ​കു​റ​വും, പോ​ഷ​കാ​ഹാ​ര കു​റ​വു​മാ​ണ് കു​ട്ടി​യു​ടെ മ​ര​ണ​ത്തി​ന് കാ​ര​ണ​മെ​ന്ന് വ്യ​ക്ത​മാ​യ​തോ​ടെ ഇ​രു​വ​രേ​യും അ​റ​സ്റ്റു ചെ​യ്യു​ക​യാ​യി​രു​ന്നു. പ​രോ​ൾ പോ​ലും ല​ഭി​ക്കാ​തെ ജീ​വ​പ​ര്യ​ന്തം ശി​ക്ഷ ല​ഭി​ക്കാ​വു​ന്ന കേ​സാ​ണി​ത്.

വീ​ടി​ന​ക​ത്തും പു​റ​ത്തും വേ​ദ​വാ​ക്യ​ങ്ങ​ൾ കൊ​ണ്ടു അ​ല​ങ്ക​രി​ച്ചി​രു​ന്ന ഇ​വ​ർ ദൈ​വ വി​ശ്വാ​സി​ക​ളാ​ണെ​ന്നാ​ണ് അ​വ​കാ​ശ​പ്പെ​ടു​ന്ന​ത്. ദൈ​വ​ത്തി​ന് അ​സാ​ധ്യ​മാ​യ​തൊ​ന്നും ഇ​ല്ലെ​ന്നും ഇ​വ​ർ വി​ശ്വ​സി​ക്കു​ന്നു.

റി​പ്പോ​ർ​ട്ട്: പി.​പി. ചെ​റി​യാ​ൻ
Copyright @ 2022 , Rashtra Deepika Ltd.