ആ ചിറകടികൾക്കു കാതോർത്ത്...
താ​ള​വാ​ദ്യ​ങ്ങ​ൾ ഹൃ​ദ​യ​മി​ടി​പ്പാ​ണ് തൃ​ശൂ​രി​ലെ പെ​രു​വ​നം ഗ്രാ​മ​ത്തി​ന്. പ്രാ​ചീ​ന കേ​ര​ള​ത്തി​ലെ 64 ഗ്രാ​മ​ങ്ങ​ളി​ൽ എ​ണ്ണ​പ്പെ​ട്ട ഒ​ന്നാ​ണ​ത്. പു​രാ​ത​ന ക്ഷേ​ത്ര​ങ്ങ​ളു​ടെ​യും മേ​ള​ച​ക്ര​വ​ർ​ത്തി​മാ​രു​ടെ​യും ഗ്രാ​മം. പ​ഞ്ചാ​രി​യു​ടെ പ്ര​ഭ​വ​സ്ഥാ​നം. സാ​ക്ഷാ​ൽ പെ​രു​വ​നം കു​ട്ട​ൻ മാ​രാ​ർ മു​ത​ൽ കൈ ​തെ​ളി​യി​ച്ചു​തു​ട​ങ്ങി​യ കു​രു​ന്നു​ക​ൾ​വ​രെ തീ​ർ​ക്കു​ന്ന സു​ന്ദ​ര​നാ​ദ​ങ്ങ​ൾ അ​വി​ടേ​ക്ക് മ​ന​സു​ക​ളെ ആ​വാ​ഹി​ക്കു​ന്നു.

ഹ​മ്മിം​ഗ്ബേ​ർ​ഡ് പെ​രു​വ​ന​ത്തേ​ക്ക്

ഒ​രു സെ​ക്ക​ൻ​ഡി​ൽ അ​ന്പ​തി​ലേ​റെ ത​വ​ണ ചി​റ​ക​ടി​ക്കും ഹ​മ്മിം​ഗ്ബേ​ർ​ഡ് എ​ന്ന ഇ​ത്തി​രി​ക്കു​ഞ്ഞ​ൻ പ​ക്ഷി. ആ ​ചി​റ​ക​ടി​യു​ടെ മൂ​ള​ൽ ന​മു​ക്കു കേ​ൾ​ക്കാം. അ​ത്ര​യും വേ​ഗ​ത്തി​ൽ ചി​റ​ക​ടി​ച്ച് വാ​യു​വി​ൽ നി​ശ്ച​ല​മാ​യി​നി​ൽ​ക്കാ​നും ഈ ​കി​ളി​ക​ൾ​ക്കു ക​ഴി​യും. സെ​ക്ക​ൻ​ഡി​ൽ അ​ന്പ​തു ത​വ​ണ എ​ന്ന​ത് ഒ​രി​ക്ക​ൽ​ക്കൂ​ടി വാ​യി​ക്കൂ. ആ ​ചി​റ​ക​ടി​ക​ൾ​ക്ക് ഒ​പ്പം​പി​ടി​ക്കാ​ൻ ഒ​രാ​ളു​ടെ വി​ര​ൽ​പ്പെ​രു​മാ​റ്റ​ങ്ങ​ൾ​ക്കു ക​ഴി​വു​ണ്ട്. ത​ബ​ല​യി​ൽ വി​ര​ൽ​ച്ചി​റ​ക​ടി​ക​ൾ മു​ഴ​ങ്ങു​ന്പോ​ൾ ക​ട​ലി​ര​ന്പും, മ​ഴ​പെ​യ്യും, കാ​റ്റു​വീ​ശും... കേ​ൾ​വി​ക്കാ​ർ ചിലരെ​ങ്കി​ലും പ​റ​ഞ്ഞു​പോ​കും- വാ​ഹ്.. താ​ജ്!! സ്പ്രിം​ഗ് പോ​ലു​ള്ള മു​ടി​യി​ഴ​ക​ൾ അലസം തു​ള്ളു​ന്പോ​ൾ അ​ന​ന്യ​മാ​യൊ​രു ചി​രി​വി​ട​രും. വാ​ഹ്!! അ​ത് ഉ​സ്താ​ദ് സാ​ക്കി​ർ ഹു​സൈ​നാ​ണ്- ത​ബ​ല​യു​ടെ മ​റു​വാ​ക്ക്!
കാ​റ്റി​ൽ​പ്പോ​ലും താ​ള​ത്തി​ന്‍റെ സു​ഗ​ന്ധം നി​റ​യു​ന്ന പെ​രു​വ​ന​ത്തേ​ക്ക് ഹ​മ്മിം​ഗ്ബേ​ർ​ഡി​നെ വെ​ല്ലു​ന്ന വി​ര​ൽ​വി​ന്യാ​സ​വു​മാ​യി ഉ​സ്താ​ദ് എ​ത്തു​ന്നു. താ​ള​ങ്ങ​ളു​ടെ സ​മ്മേ​ള​ന​ത്തി​ന് ഇ​നി ര​ണ്ടു​വാ​രം മാ​ത്രം. പെ​രു​വ​ന​ത്തി​ന്‍റെ ക​ലാ​പാ​ര​ന്പ​ര്യം രേ​ഖ​പ്പെ​ടു​ത്തു​ന്ന ബൃ​ഹ​ദ്പ​ദ്ധ​തി​ക്കു തു​ട​ക്കം​കു​റി​ക്കാ​നാ​ണ് അ​ദ്ദേ​ഹം എ​ത്തു​ന്ന​ത്. മും​ബൈ ആ​സ്ഥാ​ന​മാ​യു​ള്ള കേ​ളി എ​ന്ന സം​ഘ​ട​ന​യു​ടെ നേ​തൃ​ത്വ​ത്തി​ൽ ന​ട​ക്കു​ന്ന പ​രി​പാ​ടി​യി​ൽ കു​ട്ട​ൻ മാ​രാ​രു​ടെ നേ​തൃ​ത്വ​ത്തി​ലു​ള്ള പെ​രു​വ​നം​കാ​രു​ടെ പാ​ണ്ടി​മേ​ള​വും, മ​ട്ട​ന്നൂ​ർ ശ​ങ്ക​ര​ൻ​കു​ട്ടി മാ​രാ​ർ​ക്കൊ​പ്പ​മു​ള്ള സാ​ക്കി​റി​ന്‍റെ ജു​ഗ​ൽ​ബ​ന്ദി​യും, അ​ദ്ദേ​ഹ​ത്തി​ന്‍റെ ത​ബ​ലക്ക​ച്ചേ​രി​യു​മു​ണ്ടാ​കും. കേ​ളി​യു​ടെ ഇ​രു​പ​ത്ത​ഞ്ചാം വാ​ർ​ഷി​കം​കൂ​ടി​യാ​ണ് പെ​രു​വ​നം ക​ലാ​ഗ്രാ​മ​ത്തി​ൽ 19ന് ​ന​ട​ക്കു​ന്ന​ത്. അ​തു​വ​ഴി ഉ​സ്താ​ദി​നെ കേ​ൾ​ക്കാ​നു​ള്ള ഭാ​ഗ്യം ഒ​രി​ക്ക​ൽ​കൂ​ടി കേ​ര​ള​ത്തി​നു ല​ഭി​ക്കു​ന്നു.

അ​ല്ല, ഞാ​ന​ല്ല

ഏ​റ്റ​വും മി​ക​ച്ച ത​ബ​ല വാ​ദ​ക​ൻ ഞാ​ന​ല്ല. അ​ത് ക​ല്ലി​ൽ കൊ​ത്തി​വ​ച്ച​പോ​ലു​ള്ള പ​ര​മാ​ർ​ഥ​മാ​ണ്. നി​ങ്ങ​ൾ​ക്കെ​ന്‍റെ സം​ഗീ​തം ഇ​ഷ്ട​മാ​യി​രി​ക്കാം. പ​ക്ഷേ, കു​റേ ന​ല്ല ത​ബ​ലി​സ്റ്റു​ക​ളി​ൽ ഒ​രാ​ൾ​മാ​ത്ര​മാ​ണ് ഞാ​ൻ. യു​വാ​ക്ക​ള​ട​ക്കം മി​ക​ച്ച 20-25 പേ​ർ വേ​റെ​യു​ണ്ട്- ഉ​സ്താ​ദ് സാ​ക്കി​ർ ഹു​സൈ​ൻ മി​ക്ക​പ്പോ​ഴും പ​റ​യു​ന്ന കാ​ര്യ​മാ​ണി​ത്. വി​ഖ്യാ​ത​നാ​യ ഉ​സ്താ​ദ് അ​ല്ലാ​ര​ഖായുടെ പു​ത്ര​നും പി​ൻ​ഗാ​മി​യു​മാ​യ സാ​ക്കി​ർ ഹു​സൈ​ൻ അ​ങ്ങ​നെ പ​റ​ഞ്ഞി​ല്ലെ​ങ്കി​ലേ അ​ത്ഭു​ത​മു​ള്ളൂ. പി​താ​വു ന​ട​ന്ന​തും അ​ദ്ദേ​ഹ​ത്തെ പി​ന്തു​ട​ർ​ന്ന​തു​മാ​യ വ​ഴി​ക​ൾ സാ​ക്കി​റി​നു ന​ന്നാ​യ​റി​യാം.

അ​ല്ലാ​ര​ഖായുടെ കു​ട്ടി​ക്കാ​ലം. ഒ​രി​ക്ക​ൽ ഒ​രു ദ്രു​പ​ദ് ഗാ​യ​ക​ൻ പാ​ടു​ന്ന​തി​നു സ​മീ​പ​ത്ത് അ​ദ്ദേ​ഹം പോ​കാ​നി​ട​യാ​യി. പ​ഖാ​വ​ജ് വാ​യി​ച്ചി​രു​ന്ന​യാ​ൾ​ക്ക് ഗാ​യ​ക​ന്‍റെ സ്വ​ര​ങ്ങ​ളെ പി​ന്തു​ട​രാ​നാ​കു​ന്നി​ല്ല. ആ​ൾ​ക്കൂ​ട്ട​ത്തെ​നോ​ക്കി ആ​രോ ചോ​ദി​ച്ചു- നി​ങ്ങ​ളി​ലാ​ർ​ക്കെ​ങ്കി​ലും വാ​യി​ക്കാ​മോ? അ​ല്ലാ​ര​ഖാ കൈ​യു​യ​ർ​ത്തി. കു​ട്ടി​ക​ൾ​ക്കി​തു പ​റ്റു​മോ എ​ന്നാ​യി​രു​ന്നു എ​ല്ലാ​വ​രു​ടെ​യും സം​ശ​യം. അ​ദ്ദേ​ഹം വാ​യി​ച്ചു, ആ​ളു​ക​ൾ സ്ത​ബ്ധ​രാ​യി​നി​ന്നു.

കാ​ല​ങ്ങ​ൾ​ക്കു​മു​ന്പേ മ​ന​സി​ൽ ഗു​രു​വാ​യി ക​രു​തി​യി​രു​ന്ന മി​യാ ഖാ​ദി​ർ ബ​ക്ഷി​നെ നേ​രി​ൽ​ക്ക​ണ്ട് അ​ദ്ദേ​ഹ​ത്തി​ൽ​നി​ന്നു പ​ഠ​നം തു​ട​ർ​ന്ന അ​ല്ലാ​ര​ഖാ ജീ​വി​ക്കു​ന്ന ഇ​തി​ഹാ​സ​മാ​യി. ലാ​ഹോ​റി​ലെ പൂ​ജ്യ​ത്തി​നും താ​ഴെ താ​പ​നി​ല​യു​ള്ള കാലാവസ്ഥയിൽ കു​പ്പാ​യ​മി​ടാ​തെ ജ​ന​ല​രി​കി​ലിരു​ന്ന് ത​ബ​ല പ​രി​ശീ​ലി​ക്കു​മാ​യി​രു​ന്നു അ​ല്ലാ​ര​ഖാ. കൈ ​ചൂ​ടാ​ക്ക​ൽ എ​ന്നാ​ണ് ആ ​പ​രി​ശീ​ല​നം വി​ളി​ക്ക​പ്പെ​ട്ട​ത്!

തൊ​ട്ടി​ല്ല, ത​ബ​ല

ചെ​റു​പ്പം​മു​ത​ൽ​ക്കേ സാ​ക്കി​റി​നും സം​ഗീ​ത​ത്തി​നോ​ട് ഇ​ഷ്ട​ക്കൂ​ടു​ത​ലു​ണ്ടാ​യി​രു​ന്നു. മൂ​ന്നാം വ​യ​സു​മു​ത​ൽ പി​താ​വി​ൽ​നി​ന്ന് പ​ഖാ​വ​ജ് പ​രി​ശീ​ലി​ച്ചു. ഒ​രി​ക്ക​ൽ സ്കൂ​ളി​ൽ സാ​ക്കി​ർ പ​ങ്കെ​ടു​ത്ത സം​ഗീ​ത പ​രി​പാ​ടി അ​ല്ലാ​ര​ഖാ കാ​ണാ​നി​ട​യാ​യി. നി​ന​ക്കു ത​ബ​ല പ​ഠി​ക്ക​ണോ എ​ന്ന് ആ ​ദി​വ​സ​മാ​ണ് അ​ദ്ദേ​ഹം മ​ക​നോ​ടു ചോ​ദി​ച്ച​ത്. വേ​ണ​മെ​ന്ന മ​റു​പ​ടി​ക്ക് ഒ​ട്ടും താ​മ​സ​മി​ല്ലാ​യി​രു​ന്നു. ന​ല്ല​കാ​ര്യം!, ന​മു​ക്ക് നാ​ളെ തു​ട​ങ്ങാം എ​ന്നാ​യി​രു​ന്നു അ​ല്ലാ​ര​ഖാ​യു​ടെ മ​റു​പ​ടി.

സാ​ക്കി​ർ ഹു​സൈ​ന്‍റെ വാ​ക്കു​ക​ളി​ൽ: "പി​റ്റേ​ന്ന് വെ​ളു​പ്പി​നു മൂ​ന്നു​മ​ണി​ക്ക് അ​ബ്ബാ​ജി (അ​ല്ലാ​ര​ഖാ) എ​ന്നെ വി​ളി​ച്ചു​ണ​ർ​ത്തി. മു​ഖ​ത്തോ​ടു​മു​ഖം​നോ​ക്കി ഇ​രു​ന്നു. മ​ഹാന്മാ​രാ​യ സം​ഗീ​ത​കാ​രന്മാ​രെ​യും അ​വ​രു​ടെ സൃ​ഷ്ടി​ക​ളെ​യും കു​റി​ച്ച് ഞ​ങ്ങ​ൾ സം​സാ​രി​ച്ചു.., ചെ​റി​യ കൃ​തി​ക​ൾ പാ​ടി.. മ​ഹാന്മാ​രു​ടെ സൃ​ഷ്ടി​ക​ളി​ലേ​ക്ക് ഇ​റ​ങ്ങി​ച്ചെ​ന്ന് അ​വ​യു​ടെ ഓ​രോ അ​ട​രു​ക​ളും അ​ദ്ദേ​ഹ​മെ​നി​ക്കു കാ​ട്ടി​ത്ത​ന്നു. തു​ട​ർ​ച്ച​യാ​യി എ​ഴു​തി​യും ചെ​യ്തും പ​ഠി​ക്കാ​നാ​ണ് മി​ക്ക അ​ധ്യാ​പ​ക​രും പ​റ​യു​ക. അ​ദ്ദേ​ഹം അ​ങ്ങ​നെ അ​ല്ലാ​യി​രു​ന്നു. ത​ബ​ല പ​ഠി​ച്ചു​തു​ട​ങ്ങി​യ അ​ന്ന് യ​ഥാ​ർ​ഥ​ത്തി​ൽ അ​തു കൈ​കൊ​ണ്ടു തൊ​ട്ട​തേ​യി​ല്ല!'

നെ​റു​ക​യി​ൽ തൊ​ട്ട്

ഇ​ന്നി​പ്പോ​ൾ ത​ബ​ല​വാ​ദ​ന​ത്താ​ൽ ലോ​ക​ത്തി​ന്‍റെ നെ​റു​ക​യി​ൽ തൊ​ട്ടി​രി​ക്കു​ന്നു, ഉ​സ്താ​ദ് സാ​ക്കി​ർ ഹു​സൈ​ൻ. 65 വ​യ​സി​ന്‍റെ യു​വ​ത്വ​മു​ണ്ട് കൂ​ട്ടി​ന്. പ​ത്മ​ശ്രീ, പ​ത്മഭൂ​ഷ​ണ്‍, ഗ്രാമി പു​ര​സ്കാ​ര​ങ്ങ​ള​ട​ക്കം ഒ​ട്ടേ​റെ അം​ഗീ​കാ​ര​ങ്ങ​ൾ നേ​ടി. പ്ര​തി​വ​ർ​ഷം 150ലേ​റെ ക​ച്ചേ​രി​ക​ളാ​ണ് അ​ദ്ദേ​ഹം ന​ട​ത്തു​ന്ന​ത്. ക​ച്ചേ​രി​ക​ളെ എ​ങ്ങ​നെ കാ​ണു​ന്നു എ​ന്ന ചോ​ദ്യ​ത്തി​ന് അ​ദ്ദേ​ഹം ഇ​ങ്ങ​നെ മ​റു​പ​ടി പ​റ​യാ​റു​ണ്ട്: "അ​തൊ​രു സ​ന്തോ​ഷ​വും ഉ​ത്സാ​ഹ​വു​മാ​ണ്.., സ്വ​യം പു​തു​ക്ക​ലാ​ണ്. അ​ത് വ​ല്ലാ​ത്തൊ​രു ഉൗ​ർ​ജം നി​റ​യ്ക്കും ഉ​ള്ളി​ൽ. സ്വ​യം മു​ഴു​കു​ന്പോ​ൾ എ​ന്തൊ​ക്കെ ചെ​യ്യു​മെ​ന്നു പ​റ​യാ​നാ​കി​ല്ല. അ​തു​ത​ന്നെ​യാ​ണ് ക​ച്ചേ​രി​ക​ൾ ന​ൽ​കു​ന്ന ആ​ന​ന്ദം. അ​ത് കേ​ൾ​വി​ക്കാ​രു​മാ​യി പ​ങ്കു​വ​യ്ക്കു​ക​യും ചെ​യ്യാം'.

"ഏ​താ​ണ്ട് 73 വ​യ​സു​ള്ള​പ്പോ​ഴും എ​ന്‍റെ പി​താ​വ് ത​ബ​ല വാ​യി​ക്കു​ന്ന​ത് ഞാ​ൻ കാ​ണു​മാ​യി​രു​ന്നു. സ്റ്റേ​ജി​ലെ​ത്തി വാ​യ​ന തു​ട​ങ്ങി​യാ​ൽ അ​ദ്ദേ​ഹ​ത്തി​ന് ഒ​രി​രു​പ​ത് വ​യ​സു കു​റ​ഞ്ഞ​പോ​ലെ​യാ​ണ് തോ​ന്നു​ക. മു​ഖ​ത്ത് വി​സ്ത​രി​ച്ചു​ള്ള ചി​രി വി​ട​ർ​ന്നി​ട്ടു​ണ്ടാ​കും. ജീ​വി​ത​ത്തി​ലെ ഏ​റ്റ​വും മി​ക​ച്ച ക​ച്ചേ​രി​യാ​ണ് ഇ​തെ​ന്ന ഭാ​വ​മാ​ണ് ക​ണ്ടാ​ൽ തോ​ന്നു​ക. ദൈ​വ​മേ, എ​നി​ക്കും ഓ​രോ ത​വ​ണ ത​ബ​ല വാ​യി​ക്കു​ന്പോ​ഴും അ​ങ്ങ​നെ തോ​ന്ന​ണേ എ​ന്നാ​ണ് എ​ന്‍റെ പ്രാ​ർ​ഥ​ന'.
പു​രാ​ത​ന ക്ഷേ​ത്ര​ങ്ങ​ളു​ടെ ഗ്രാ​മ​ത്തി​ൽ അ​ദ്ദേ​ഹ​ത്തി​ന്‍റെ പ്രാ​ർ​ഥ​ന സ​ഫ​ല​മാ​കുമെന്നുറപ്പ്.., ആ വിരൽച്ചിറകുകളെ പിന്തുടരാൻ കാത്തിരിക്കുന്ന സംഗീതപ്രേമികളുടെയും...

ഹരിപ്രസാദ്‌


Copyright @ 2022 , Rashtra Deepika Ltd.