വ്യ​ത്യ​സ്ത ജീ​വി​ത​ത്തിന്‍റെ ഉ​പ്പും പു​ളി​യും
ദാ​രി​ദ്ര്യ​ത്തി​ന്‍റെ പ​ങ്കു​വ​യ്പാ​ണ് ക​മ്യൂ​ണി​സ​മെ​ന്ന​ത് മു​ത​ലാ​ളി​ത്ത ബു​ദ്ധി​ജീ​വി​ക​ൾ ആ​വ​ർ​ത്തി​ച്ച് ഉ​ന്ന​യി​ക്കു​ന്ന ആ​രോ​പ​ണ​മാ​ണ്. ദാ​രി​ദ്ര്യ​ം പ​ങ്കു​വ​യ്ക്കാ​ൻ എ​ളു​പ്പ​മാ​ണ്, അ​ത​ല്ല​ല്ലോ സ​ന്പ​ത്തി​ന്‍റെ സ്ഥി​തി. ത​റ​വാ​ട്ടു​സ്വ​ത്ത് വി​ഭ​ജി​ക്കു​ന്പോ​ൾ​പോ​ലും ഒ​പ്പം പ​ങ്കു​വ​ച്ച് മു​ഴു​ത്ത പ​ങ്ക് കി​ട്ടു​മോ​യെ​ന്നു നോ​ക്കു​ന്ന​താ​ണു ന​ട​പ്പു​രീ​തി. കു​ര​ങ്ങ​ൻ അ​പ്പം പ​ങ്കു​വ​ച്ച ക​ഥ​യി​ലെ രീ​തി കൃ​ത്യ​മാ​യ ഉ​ദാ​ഹ​ര​ണ​മാ​ണ്.

ഇ​ൻ​ഫോ​സി​സ് സ​ഹ​സ്ഥാ​പ​ക​ൻ എ​ൻ.​ആ​ർ. നാ​രാ​യ​ണ​മൂ​ർ​ത്തി ദാ​രി​ദ്ര്യ​ം പ​ങ്കു​വ​യ്ക്ക​ൽ’ പോ​ലൊ​രു പ്ര​സ്താ​വ​ന ക​ഴി​ഞ്ഞ​ദി​വ​സം ന​ട​ത്തി​യ​ത്, ഐ​ടി​മേ​ഖ​ല​യി​ൽ ഉ​രു​ണ്ടു​കൂ​ടു​ന്ന പ്ര​തി​സ​ന്ധി​ക്കാ​റ്റി​നെ ത​ര​ണം ചെ​യ്യാ​നു​ള്ള ഒ​രു മാ​ർ​ഗ​മെ​ന്ന നി​ല​യി​ലാ​ണ്. ഐ​ടി ക​ന്പ​നി​ക​ളി​ലെ ഉ​ന്ന​ത ഉ​ദ്യോ​ഗ​സ്ഥ​ർ ശ​ന്പ​ളം വെ​ട്ടി​ക്കു​റ​യ്ക്കാ​ൻ ത​യാ​റാ​യാ​ൽ ആ ​മേ​ഖ​ല​യി​ലെ ചെ​റു​പ്പ​ക്കാ​രു​ടെ ജോ​ലി കാ​റ്റി​ല​ക​പ്പെ​ട്ട ക​രി​യി​ല​യാ​കാ​തെ സം​ര​ക്ഷി​ക്കാ​നാ​കു​മെ​ന്നാ​ണു മൂ​ർ​ത്തി മ​നം​തു​റ​ന്ന​ത്. ഇ​തി​നോ​ട് ഇ​ൻ​ഫോ​സി​സ് മാ​നേ​ജ്മെ​ന്‍റി​ന്‍റെ പ്ര​തി​ക​ര​ണം, ഈ ​വ​ർ​ഷം പു​തു​താ​യി 20,000 പേ​രെ നി​യ​മി​ക്കും എ​ന്നു മാ​ത്ര​മാ​യി​രു​ന്നു. ക​ന്പ​നി​ക്കു​വേ​ണ്ടി ഒൗ​ദ്യോ​ഗി​ക​മാ​യി ചു​ണ്ട​ന​ക്കി​യ ചീ​ഫ് ഓ​പ്പ​റേ​റ്റിം​ഗ് ഓ​ഫീ​സ​ർ യു.​ബി. പ്ര​വീ​ണ്‍​റാ​വു, നാ​രാ​യ​ണ​മൂ​ർ​ത്തി​യു​ടെ ആ​ഹ്വാ​ന​ത്തോ​ട് പ്ര​തി​ക​രി​ച്ചി​ല്ല. ഒ​ട്ട​കം സൂ​ചി​ക്കു​ഴ​യി​ലൂ​ടെ ക​ട​ന്നാ​ലും ധ​ന​വാ​ന്‍റെ മ​ന​സ് മാ​റു​ക​യി​ല്ലെ​ന്നു വീ​ണ്ടും വ്യ​ക്ത​മാ​ക്കി​യ നി​ല​പാ​ട്.

മു​ത​ലാ​ളി​ത്ത​ത്തി​നു പ​രി​ചി​ത​മാ​യ മാ​ന​ദ​ണ്ഡ​ങ്ങ​ൾ ഉ​പ​യോ​ഗി​ച്ച് അ​ള​ക്കാ​നാ​വു​ന്ന ധ​ന​വാ​ന​ല്ല നാ​രാ​യ​ണ മൂ​ർ​ത്തി. ഇ​ല്ലാ​യ്മ​ക​ളു​ടെ ഇ​ന്ന​ലെ​ക​ളി​ൽ​നി​ന്ന് ഇ​ന്ന​ത്തെ ഉ​ള്ളാ​യ്മ അ​ദ്ദേ​ഹം ബൗ​ദ്ധി​ക​മാ​യ അ​ധ്വാ​ന​ത്തി​ലൂ​ടെ ആ​ർ​ജി​ച്ച​താ​ണ്. പൂ​ന​യി​ലെ തെ​രു​വീ​ഥി​ക​ളി​ലൂ​ടെ സു​ധ​യെ​ന്ന പ്രേ​മ​ഭാ​ജ​ന​ത്തി​ന്‍റെ ക​രം​ഗ്ര​ഹി​ച്ചു കു​റെ ന​ട​ന്ന​ശേ​ഷം, മൂ​ർ​ത്തി പെ​ണ്ണു​ചോ​ദി​ച്ച് സു​ധ​യു​ടെ അ​ച്ഛനെ ക​ണ്ട​പ്പോ​ൾ അ​ദ്ദേ​ഹം തി​രി​ച്ചു ചോ​ദി​ച്ചു, ഭാ​വി​യി​ൽ മ​രു​മ​ക​ൻ എ​ന്താ​കാ​നാ​ണ് ആ​ഗ്ര​ഹി​ക്കു​ന്ന​തെ​ന്ന്. ക​മ്യൂ​ണി​സ്റ്റ് രാ​ഷ്ട്രീ​യ​ക്കാ​ര​നാ​ക​ണം, അ​നാ​ഥ​ശാ​ല തു​ട​ങ്ങ​ണം എ​ന്നാ​യി​രു​ന്നു പൂ​ന​യി​ൽ പ്ര​ത്യേ​കി​ച്ച് പ​ണി​യൊ​ന്നും ഇ​ല്ലാ​തി​രു​ന്ന മൂ​ർ​ത്തി​യു​ടെ മ​റു​പ​ടി.

അ​ക്കാ​ല​ത്ത് പ​ണി​മാ​ത്ര​മ​ല്ല പ​ണ​വും ഉ​ണ്ടാ​യി​രു​ന്നി​ല്ല. പ്ര​ണ​യ​കാ​ല​ത്ത് എ​ല്ലാ ചെ​റു​പ്പ​ക്കാ​രെ​യും​പോ​ലെ മൂ​ർ​ത്തി​യും സു​ധ​യും റസ്റ്ററ​ന്‍റു​ക​ളി​ൽ ക​യ​റും സി​നി​മ കാ​ണും. അ​പ്പോ​ഴൊ​ക്കെ മൂ​ർ​ത്തി സു​ധ​യോ​ടു പ​റ​യും എ​ന്‍റെ കാ​ശും എ​ടു​ത്തോ​ളൂ​വെ​ന്ന്. തി​രി​ച്ചു ത​രാ​മെ​ന്നു ചി​രി​നി​റ​ഞ്ഞ വാ​ഗ്ദാ​ന​വും. എ​ല്ലാ കാ​ര്യ​ങ്ങ​ളി​ലും കൃ​ത്യ​മാ​യി ക​ണ​ക്കു​സൂ​ക്ഷി​ക്കു​ന്ന സു​ധ അ​ക്കാ​ല​ത്തെ ക​ടം എ​ഴു​തി​വ​ച്ചി​ട്ടു​ണ്ട്, നാ​ലാ​യി​രം രൂ​പ! പ്ര​ണയം അ​മൂ​ല്യ​മാ​വ​ണ​മെ​ന്നു സ​ങ്ക​ല്പി​ച്ചാ​വ​ണം മൂ​ർ​ത്തി ആ ​ക​ടം ഇ​തു​വ​രെ കൊ​ടു​ത്തു​തീ​ർ​ത്തി​ട്ടി​ല്ല. യ​ഥാ​ർ​ഥ സ്നേ​ഹ​ത്തി​ൽ ക​ടം വീ​ട്ട​ലി​ല്ല എ​ന്ന​ത് എ​ത്ര സു​ന്ദ​ര​മാ​യ രീ​തി​ശാ​സ്ത്ര​മാ​ണ്.

വീ​ട്ടാ​നാ​കാ​ത്ത​ത്ര സ്നേ​ഹം ഭാ​ഗ്യ​മു​ള്ള​വ​ർ​ക്കേ കി​ട്ടൂ. നാ​ലാ​യി​രം രൂ​പ​യു​ടെ സ്നേ​ഹ​മ​ല്ല നാ​ലു​ജന്മത്തി​ന്‍റെ സ്നേ​ഹ​മാ​ണ് സു​ധ​യി​ൽ​നി​ന്നു മൂ​ർ​ത്തി​ക്കു കി​ട്ടി​ക്കൊ​ണ്ടി​രി​ക്കു​ന്ന​ത്. വീ​ട്ടാ​നാ​കാ​ത്ത സ്നേ​ഹ​ങ്ങ​ളെ​ക്കു​റി​ച്ച് അ​വ​ബോ​ധ​മു​ള്ള​തു​കൊ​ണ്ടാ​ണ് കോ​ർ​പ​റേ​റ്റ് മു​ത​ലാ​ളി​യാ​യി​ട്ടും സോ​ഷ്യ​ലി​സ്റ്റി​നെ​പ്പോ​ലെ​യും ക​മ്യൂ​ണി​സ്റ്റി​നെ​പ്പോ​ലെ​യും അ​ദ്ദേ​ഹ​ത്തി​നു സം​സാ​രി​ക്കാ​നാ​വു​ന്ന​ത്.

സ​ർ​വം​സ​ഹ​യാ​യ ഈ ​ഭൂ​മി​മാ​താ​വി​ന്‍റെ സ്നേ​ഹം മ​നു​ഷ്യ​നു വീ​ട്ടാ​ൻ ക​ഴി​യു​ന്ന​താ​ണോ? ഒ​രു ന​ദി​യു​ടെ സ്നേ​ഹം, ഒ​രു വൃ​ക്ഷ​ത്തി​ന്‍റെ സ്നേ​ഹം എ​ന്നി​വ​പോ​ലും മ​നു​ഷ്യ​ർ​ക്കു വീ​ട്ടാ​ൻ ക​ഴി​യു​മോ? ചെ​റു​കാ​റ്റി​ലൂ​ടെ ഒ​ഴു​കി​വ​രു​ന്ന ഓ​ട​ക്കു​ഴ​ൽ നാ​ദം പ​ക​രു​ന്ന അ​നു​ഭൂ​തി​ക്കു പ​ക​രം എ​ന്തു​കൊ​ടു​ക്കാ​നാ​വും? ന​ദി​ക്കും വൃ​ക്ഷ​ത്തി​നും ഒ​ഴു​കി​വ​രു​ന്ന ഓ​ട​ക്കു​ഴ​ൽ നാ​ദ​ത്തി​നും ഒ​രു പൈ​സ പ്ര​തി​ഫ​ലം കൊ​ടു​ക്കേ​ണ്ട​തി​ല്ല. പ്ര​കൃ​തി​യു​ടെ ഈ ​ദാ​ന​ങ്ങ​ൾ​പോ​ലെ ചെ​ല​വി​ല്ലാ​ത്ത ഹോ​ബി​ക​ൾ വ​ള​ർ​ത്തി​യെ​ടു​ക്കാ​ൻ പ്രോ​ത്സാ​ഹി​പ്പി​ച്ച പി​താ​വാ​യി​രു​ന്നു മൂ​ർ​ത്തി​യു​ടേ​ത്. അ​ധ്യാ​പ​ക​നാ​യി​രു​ന്ന അ​ദ്ദേ​ഹം മ​ക്ക​ളോ​ടു പ​റ​യു​മാ​യി​രു​ന്നു: ""ചെ​ല​വി​ല്ലാ​ത്ത ഹോ​ബി​ക​ൾ വ​ള​ർ​ത്തി​യെ​ടു​ത്താ​ൽ നി​ങ്ങ​ൾ പി​ൽ​ക്കാ​ല​ത്ത് പ​ണ​ത്തി​ന്‍റെ ഇ​ര​ക​ളാ​വി​ല്ല. ആ​ർ​ത്തി​യു​ടെ കെ​ണി​ക്കു​ള്ളി​ൽ വീ​ണു തെ​റ്റാ​യ കാ​ര്യ​ങ്ങ​ൾ ചെ​യ്ത​ശേ​ഷം അ​തേ​ക്കു​റി​ച്ചു ഖേ​ദി​ക്കേ​ണ്ടി​വ​രി​ക​യു​മി​ല്ല’’.

അ​ച്ഛ​ൻ മ​ക്ക​ളി​ൽ വാ​യ​നാ​ശീ​ലം വ​ള​ർ​ത്തി. ലൈ​ബ്ര​റി​യി​ൽ അം​ഗ​ത്വ​മെ​ടു​ത്ത് പു​സ്ത​ക​ങ്ങ​ൾ വാ​യി​ക്കു​ക ചെ​ല​വു​ള്ള കാ​ര്യ​മാ​യി​രു​ന്നി​ല്ല. എ​ട്ടു മ​ക്ക​ളെ സം​ഗീ​താ​സ്വാ​ദ​ക​രാ​ക്കു​ന്ന​തി​ന് ആ ​അ​ച്ഛ​ൻ ക​ണ്ടെ​ത്തി​യ മാ​ർ​ഗം തീ​രെ ചെ​ല​വി​ല്ലാ​ത്ത​താ​യി​രു​ന്നു. പ​ബ്ലി​ക് ഗാ​ർ​ഡ​നി​ൽ പോ​യി​രു​ന്നാ​ൽ വൈ​കി​ട്ട് അ​ഞ്ച​ര മു​ത​ൽ ഏ​ഴു​വ​രെ പാ​ട്ടു​കേ​ൾ​ക്കാം. കു​ട്ടി​ക​ൾ ആ​റ​ര​വ​രെ ഒ​രു​മ​ണി​ക്കൂ​ർ പാ​ട്ടു​കേ​ൾ​ക്കും. പാ​ട്ട്, പൂ​ക്ക​ൾ, പ​ക്ഷി​ക​ളു​ടെ സാ​മീ​പ്യം, ഇ​ളം​കാ​റ്റ് - പ്ര​കൃ​തി​യു​ടെ വ​ര​ദാ​ന​മെ​ല്ലാം സൗ​ജ​ന്യ​മാ​യി ഒ​രു​മി​ച്ച് അ​നു​ഭ​വി​ക്കാ​ൻ ക​ഴി​ഞ്ഞി​രു​ന്നു.

അ​ച്ഛ​ന്‍റെ മൂ​ന്നാ​മ​ത്തെ നി​ർ​ദേ​ശ​മാ​യി​രു​ന്നു, ന​ല്ല സു​ഹൃ​ത്തു​ക്ക​ളെ ക​ണ്ടെ​ത്തി അ​വ​രു​മാ​യി ഇ​ഷ്ട​വി​ഷ​യ​ങ്ങ​ൾ ച​ർ​ച്ച​ചെ​യ്യു​ക എ​ന്ന​ത്. ഇ​ത്ത​രം ച​ർ​ച്ച​ക​ൾ​ക്ക് പ​ണം മു​ട​ക്കേ​ണ്ട​തി​ല്ല​ല്ലോ. ഈ ​മൂ​ന്നു ഹോ​ബി​ക​ളും നാ​രാ​യ​ണ​മൂ​ർ​ത്തി ഇ​ന്നും നി​ല​നി​ർ​ത്തു​ന്നു.

ഇ​ങ്ങ​നെ മൂ​ല്യ​ങ്ങ​ളി​ൽ വേ​രു​ക​ൾ ഉ​ള്ള​തു​കൊ​ണ്ടാ​ണ് "ദാ​രി​ദ്ര്യ​ം പ​ങ്കു​വ​യ്ക്ക​ലി​നെ’ ഓ​ർ​മി​പ്പി​ക്കു​ന്ന പ്ര​സ്താ​വ​ന മൂ​ർ​ത്തി ന​ട​ത്തി​യ​ത്. വേ​രു​ക​ൾ​ക്ക് ഉ​റ​പ്പു​പ​ക​രു​ന്ന​ത് മ​ണ്ണും വ​ള​വും ജ​ല​വും വാ​യു​വു​മൊ​ക്കെ​യാ​ണ്. അ​ധ്യാ​പ​ക​രു​ടെ റോ​ൾ വ​ള​ത്തി​ന്‍റെ​യും ജ​ല​ത്തിന്‍റേയുമാ​ണ്. കെ.​വി. നാ​രാ​യ​ണ​ൻ എ​ന്ന ര​സ​ത​ന്ത്ര അ​ധ്യാ​പ​ക​ൻ പ​ഠി​പ്പി​ച്ച പൊ​തു​മു​ത​ലി​നെ സം​ബ​ന്ധി​ച്ച പാ​ഠം മൂ​ർ​ത്തി ഇ​ന്നും മ​റ​ന്നി​ട്ടി​ല്ല. ഒ​രു പ​രീ​ക്ഷ​ണ​ത്തി​ന് ക​റി​യു​പ്പ് ഉ​പ​യോ​ഗി​ക്കു​ന്ന​തി​ൽ അ​ധ്യാ​പ​ക​ൻ കാ​ണി​ച്ച പി​ശു​ക്കി​നു തു​ല്യ​മാ​യ സൂ​ക്ഷ്മ​ത മൂ​ർ​ത്തി​യു​ടെ അ​ടു​ത്തി​രു​ന്ന ഒ​രു കു​ട്ടി​യു​ടെ ഉ​റ​ക്കെ​യു​ള്ള ചി​രി​ക്കി​ട​യാ​ക്കി. കെവിഎ​ൻ സാ​ർ പ​രീ​ക്ഷ​ണം നി​ർ​ത്തി​വ​ച്ചു. ചി​രി​ച്ച കു​ട്ടി​യു​ടെ അ​ടു​ത്തു​വ​ന്ന് അ​ദ്ദേ​ഹം ചോ​ദി​ച്ചു: "ഇ​ത്ര ഉ​റ​ക്കെ ചി​രി​ക്ക​ത്ത​ക്ക​താ​യി ആ ​പ​രീ​ക്ഷ​ണ​ത്തി​ൽ എ​ന്തു​ത​മാ​ശ​യാ​ണു​ണ്ടാ​യി​രു​ന്ന​ത്?’ സാ​ധാ​ര​ണ ക​റി​യു​പ്പ് പി​ശു​ക്കി സ്വ​ർ​ണ​ത്ത​രി​പോ​ലെ സാ​ർ ഉ​പ​യോ​ഗി​ക്കു​ന്ന​തു​ക​ണ്ട് ചി​രി​ച്ചു​പോ​യ​താ​ണ്’ എ​ന്നാ​യി​രു​ന്നു വി​ദ്യാ​ർ​ഥി​യു​ടെ മ​റു​പ​ടി.

ഇ​തി​നു കെ​വി​എ​ൻ​ സാ​ർ ന​ൽ​കി​യ വി​ശ​ദീ​ക​ര​ണം ഇ​പ്ര​കാ​ര​മാ​യി​രു​ന്നു: ​ഈ ക​റി​യു​പ്പ് വി​ല​കു​റ​ഞ്ഞ​താ​യി​രി​ക്കാം. പ​ക്ഷേ, അ​തു സ്കൂ​ളി​ന്‍റെ പൊ​തു​മു​ത​ലാ​ണ്. എ​ന്‍റെ​യും നി​ങ്ങ​ളു​ടെ​യും ഈ ​ക്ലാ​സി​ന്‍റെ​യും സ്കൂ​ളി​ന്‍റെ​യും പൊ​തുമു​ത​ൽ. അ​തി​ൽ ഒ​രു നു​ള്ളു​പോ​ലും ന​ശി​പ്പി​ക്കാ​ൻ എ​നി​ക്ക് അ​വ​കാ​ശ​മി​ല്ല. താൻ എ​ന്‍റെ വീ​ട്ടി​ലേ​ക്കു വ​ന്നാ​ൽ ഒ​രു ഭ​ര​ണി നി​റ​യെ ഉ​പ്പ് ഞാ​ൻ വെ​റു​തെ ത​ന്നു​വി​ടാം. ആ ​ഉ​പ്പ് എ​ന്‍റെ സ്വ​കാ​ര്യ സ്വ​ത്താ​ണ്. അ​ത് എ​ന്തു ചെ​യ്യ​ണ​മെ​ന്നു തീ​രു​മാ​നി​ക്കാ​നു​ള്ള അ​വ​കാ​ശ​വും അ​ധി​കാ​ര​വും എ​നി​ക്കു​ണ്ട്.

ക​റി​യു​പ്പി​നെ സൂ​ക്ഷ്മ​ത​യോ​ടെ കൈ​കാ​ര്യം ചെ​യ്യു​ന്ന മൂ​ല്യ​ബോ​ധ​ത്തി​ന്‍റെ തു​ട​ർ​ച്ച നി​ല​നി​ർ​ത്താ​ൻ ആ​ഗ്ര​ഹി​ക്കു​ന്ന ഒ​രാ​ൾ​ക്ക് ജീ​വ​ന​ക്കാ​രെ പി​രി​ച്ചു​വി​ട്ട് അ​വ​രു​ടെ ജീ​വി​ത​ത്തി​ന്‍റെ ഉ​പ്പ് ന​ശി​പ്പി​ക്കു​ന്ന​തി​നെ​പ്പ​റ്റി നി​ശ​ബ്ദ​നാ​യി​രി​ക്കാ​ൻ ക​ഴി​യി​ല്ല. ഉ​ന്ന​ത ഉ​ദ്യോ​ഗ​സ്ഥ​ർ ശ​ന്പ​ളം വെ​ട്ടി​ക്കു​റ​യ്ക്കാ​ൻ നി​ശ്ച​യി​ക്കു​ന്ന​തു സ്വ​ന്തം വീ​ട്ടി​ൽ വ​ലി​യ​ഭ​ര​ണി​യി​ലു​ള്ള ഉ​പ്പ്് സൗ​ജ​ന്യ​മാ​യി കൊ​ടു​ക്കു​വാ​ൻ തീ​രു​മാ​നി​ക്കു​ന്ന ഉ​ദാ​ര മ​നോ​ഭാ​വ​ത്തോ​ടു ചേ​ർ​ന്നു നി​ൽ​ക്കു​ന്ന സ്വ​കാ​ര്യ കാ​ര്യ​മാ​ണ്. ചെ​റു​പ്പ​ക്കാ​രു​ടെ ജോ​ലി​സം​ര​ക്ഷ​ണ​ത്തി​ലൂ​ടെ സാ​മൂ​ഹി​ക പ്ര​തി​ബ​ദ്ധ​ത വ്യ​ക്ത​മാ​ക്കാ​ൻ ക​ഴി​യു​ന്ന തീ​രു​മാ​നം.

ഉ​പ്പും പു​ളി​യും ചേ​ർ​ന്നു സൃ​ഷ്ടി​ക്കു​ന്ന രു​ചി​യു​ടെ സ​വി​ശേ​ഷ​മാ​യ അ​നു​ഭ​വ​മാ​ണ് നാ​രാ​യ​ണ മൂ​ർ​ത്തി​യു​ടെ കു​ടും​ബ​ജീ​വി​തം പ​ക​രു​ന്ന​ത്. ത​ങ്ങ​ളു​ടെ ജീ​വി​ത​ത്തി​ൽ നി​ല​നി​ർ​ത്തി​യ മൂ​ല്യ​ബോ​ധം മ​ക്ക​ൾ​ക്കും പ​ക​ർ​ന്നു​കൊ​ടു​ക്കാ​ൻ ക​ഴി​ഞ്ഞ​താ​ണ് മൂ​ർ​ത്തി ദ​ന്പ​തി​മാ​രു​ടെ വ​ലി​യ വി​ജ​യം.

സു​ധാ​മൂ​ർ​ത്തി മ​ന​സു​തു​റ​ക്കു​ന്നു: "എ​ന്‍റെ കു​ടും​ബ​ത്തി​ലും മൂ​ർ​ത്തി​യു​ടെ കു​ടും​ബ​ത്തി​ലും കൂ​ടു​ത​ൽ​പേ​രും അ​ധ്യാ​പ​ക​രാ​യി​രു​ന്നു. മി​ഡി​ൽ​ക്ലാ​സ് കു​ടും​ബ​ങ്ങ​ൾ. ഇ​ന്ന​ത്തെ മി​ഡി​ൽ​ക്ലാ​സു​കാ​ർ അ​നു​ഭ​വി​ക്കു​ന്ന സൗ​ക​ര്യ​ങ്ങ​ളൊ​ന്നും ഞ​ങ്ങ​ൾ​ക്കി​ല്ലാ​യി​രു​ന്നു. വാ​യ​ന​യും സി​നി​മ​യും പോ​ലു​ള്ള കൊ​ച്ചു​കാ​ര്യ​ങ്ങ​ളി​ൽ ഞ​ങ്ങ​ൾ ആ​ന​ന്ദം ക​ണ്ടെ​ത്തി​യി​രു​ന്നു. ഞ​ങ്ങ​ളു​ടെ കു​ട്ടി​ക​ളാ​ക​ട്ടെ, വ​ലി​യ ന​ഗ​ര​ത്തി​ൽ ധ​നം ക​ണ്ടാ​ണ് വ​ള​ർ​ന്ന​ത്. അ​പ്പോ​ഴും ചെ​റി​യ ​പ്ലോ​ട്ടി​ൽ ചെ​റി​യ വീ​ട്ടി​ലാ​ണു ഞ​ങ്ങ​ൾ ക​ഴി​ഞ്ഞി​രു​ന്ന​ത്. രോ​ഹ​ൻ പ​ന്ത്ര​ണ്ടാം​ക്ലാ​സി​ൽ പ​ഠി​ക്കു​ന്ന​തു​വ​രെ വീ​ട്ടി​ൽ ടി​വി ഉ​ണ്ടാ​യി​രു​ന്നി​ല്ല. കം​പ്യൂ​ട്ട​ർ വ​ച്ചി​രി​ക്കു​ന്ന മു​റി​യി​ലല്ലാ​തെ വെ​റേ മു​റി​യി​ൽ എ​സി ഉ​ണ്ടാ​യി​രു​ന്നി​ല്ല. കു​ട്ടി​ക​ളെ പാ​ർ​ട്ടി​ക​ൾ​ക്കു വി​ട്ടി​രു​ന്നി​ല്ല. നി​ങ്ങ​ൾ​ക്ക് എ​ന്താ​ണു വേ​ണ്ട​ത്, അ​തു സം​ഘ​ടി​പ്പി​ച്ചു ത​രാ​മെ​ന്ന് അ​വ​രോ​ടു ഞാ​ൻ പ​റ​യു​മാ​യി​രു​ന്നു’.

അ​ച്ഛ​നും അ​മ്മ​യും ക​ഠി​നാ​ധ്വാ​നം ചെ​യ്യു​ന്ന​തു ക​ണ്ടു​കൊ​ണ്ടാ​ണ് മ​ക്ക​ളാ​യ അ​ക്ഷ​ത​യും രോ​ഹ​നും വ​ള​ർ​ന്ന​ത്. വീ​ട്ടി​ൽ പാ​ച​കം ചെ​യ്തി​രു​ന്ന​തും പാ​ത്ര​ങ്ങ​ൾ ക​ഴു​കി​യി​രു​ന്ന​തും സു​ധ​യാ​ണ്. ആ ​വീ​ട്ടി​ൽ ഒ​രു പാ​ച​ക​ക്കാ​ര​ൻ എ​ത്തി​യി​ട്ട് എ​ട്ടു​വ​ർ​ഷ​മേ ആ​യി​ട്ടു​ള്ളു. അ​ങ്ങ​നെ കു​ട്ടി​ക​ളെ ലാ​ളി​ത്യ​വും വി​ന​യ​വും പ​ഠി​പ്പി​ച്ച​താ​ണ് കു​ടും​ബ​ത്തി​നു ശ്രേ​യ​സ്ക​ര​മാ​യ​ത്.
കം​പ്യൂ​ട്ട​ർ എ​ൻ​ജി​നി​യ​റിം​ഗ് പ​ഠി​ച്ചി​ല്ലാ​യി​രു​ന്നു​വെ​ങ്കി​ൽ താ​ൻ ഒ​രു ഷെ​ഫ് ആ​കു​മാ​യി​രു​ന്നു​വെ​ന്നു പ​റ​യാ​ൻ രോ​ഹ​നു മ​ടി​യി​ല്ല. ക​വി​ത​യി​ലും ക​ണ​ക്കി​ലും പ്രാ​ചീ​ന കൃ​തി​ക​ളി​ലും ബു​ദ്ധ​ദ​ർ​ശ​ന​ങ്ങ​ളി​ലും താ​ത്പ​ര്യ​മു​ള്ള രോ​ഹ​ൻ ഒ​രി​ക്ക​ൽ ചോ​ദി​ച്ചു: "പു​ളി​ക​ളെ​പ്പ​റ്റി അ​മ്മ​യ​്ക്ക് എ​ന്ത​റി​യാം?’ അ​മ്മ പ്ര​ത്യേ​കി​ച്ചൊ​ന്നും പ​റ​യാ​തി​രു​ന്ന​പ്പോ​ൾ അ​ഞ്ചു​ത​രം പു​ളി​ക​ളെ​പ്പ​റ്റി ല​ഘു​പ്ര​സം​ഗം മ​ക​ൻ ന​ട​ത്തി. എ​ന്നി​ട്ട് കൂ​ട്ടി​ച്ചേ​ർ​ത്തു, "അ​മ്മ​യു​ടെ സാ​ന്പാ​റി​നു ഞാ​ൻ നൂ​റി​ൽ പ​ത്തു​മാ​ർ​ക്കേ ത​രൂ’.

ഒ​രു​ദി​വ​സം വി​വി​ധ​ത​രം മ​സാ​ല​ദോ​ശ​ക​ൾ ഉ​ണ്ടാ​ക്കു​വാ​ൻ പാ​ച​ക​ക്കാ​ര​നും രോ​ഹ​നും ടീ​മാ​യി. പാ​ച​കം ക​ഴി​ഞ്ഞ​പ്പോ​ൾ കു​ടും​ബാം​ഗ​ങ്ങ​ളോ​ടൊ​പ്പം അ​വ ഭ​ക്ഷി​ക്കു​വാ​ൻ പാ​ച​ക​ക്കാ​ര​നും ഇ​രി​ക്ക​ണ​മെ​ന്ന​താ​യി രോ​ഹ​ൻ. പാ​വം പാ​ച​ക​ക്കാ​ര​ൻ വ​ല്ലാ​ത്ത അ​ന്പ​ര​പ്പി​ലാ​യി. അ​തു മ​ന​സി​ലാ​ക്കി രോ​ഹ​ൻ മ​റ്റൊ​രു നി​ർ​ദേ​ശം​വ​ച്ചു. "കു​ടും​ബാം​ഗ​ങ്ങ​ൾ ആ​ദ്യം ക​ഴി​ക്കു​ക, അ​തി​നു ശേ​ഷം അ​തേ​മേ​ശ​യി​ൽ അ​തേ​ഭ​ക്ഷ​ണം പാ​ച​ക​ക്കാ​ര​നും ക​ഴി​ക്കു​ക’. മ​റ്റെ​ല്ലാ​വ​രെ​യും​പോ​ലെ അ​യാ​ൾ​ക്കും ആ ​വീ​ട്ടി​ൽ സ്വ​ന്ത​മാ​യ മു​റി​യു​ണ്ട്. കൊ​തു​കു​വ​ല​യി​ട്ട ന​ല്ല ബെ​ഡ്ഡും വി​രി​ക​ളു​മു​ണ്ട്.

നാ​രാ​യ​ണ​മൂ​ർ​ത്തി "ദാ​രി​ദ്ര്യ​ം പ​ങ്കു​വ​യ്ക്കു​ന്ന​തി​നെ​പ്പ​റ്റി’ പ​റ​ഞ്ഞ​തു വാ​യി​ക്കു​ന്പോ​ൾ ഈ ​പ​ശ്ചാ​ത്ത​ല​ങ്ങ​ൾ​കൂ​ടി അ​റി​ഞ്ഞി​രു​ന്നാ​ലേ പ​റ​യു​ന്ന​തും പ്ര​വൃത്തി​ക​ളും ത​മ്മി​ലു​ള്ള പൊ​രു​ത്തം മ​ന​സി​ലാ​ക്കാ​നാ​വൂ. മൂ​ർ​ത്തി നേ​തൃ​ത്വം ന​ൽ​കു​ന്ന കാ​ല​ത്ത് 2001-ൽ ​ഇ​ൻ​ഫോ​സി​സി​ൽ ഉ​ന്ന​ത ഉ​ദ്യോ​ഗ​സ്ഥ​ർ ശ​ന്പ​ളം വെ​ട്ടി​ക്കു​റ​ച്ചു​ള്ള പ​രീ​ക്ഷ​ണം വി​ജ​യ​ക​ര​മാ​യി ന​ട​പ്പാ​ക്കി​യ​താ​ണ്. അ​ന്ന് ഡ​യ​റ​ക്ട​ർ ത​ല​ത്തി​ലു​ള്ള​വ​രാ​ണ് വ​ലി​യ വെ​ട്ടി​ക്കു​റ​യ്ക്ക​ലി​നു ത​യാ​റാ​യ​ത്. വൈ​സ് പ്ര​സി​ഡ​ന്‍റ് ത​ല​ത്തി​ലു​ള്ള​വ​ർ അ​തി​ലും കു​റ​ച്ചു വെ​ട്ടി​ക്കു​റ​യ്ക്ക​ൽ ന​ട​ത്തി. അ​ങ്ങ​നെ ശ​ന്പ​ളം വെ​ട്ടി​ക്കു​റ​യ്ക്ക​ലി​ന്‍റെ മാ​തൃ​ക താ​ഴേ​ക്കു പ​ട​ർ​ന്നു. പ്ര​ശ്ന​ങ്ങ​ൾ പ​രി​ഹ​രി​ക്ക​പ്പെ​ടു​ക​യും ചെ​യ്തു. പ​ല ക​ന്പ​നി​ക​ളും നി​യ​മ​ന​ങ്ങ​ൾ​ക്കു മ​ടി​ച്ച അ​ക്കാ​ല​ത്ത് ഇ​ൻ​ഫോ​സി​സ് 1500 പേ​ർ​ക്കു പു​തു​താ​യി ജോ​ലി ന​ൽ​കി!! എ​ന്തേ, നാ​രാ​യ​ണ​മൂ​ർ​ത്തി​ക്കു പി​രി​ച്ചു​വി​ട​ലി​നെ​തി​രേ പ​റ​യാ​ൻ അ​ർ​ഹ​ത​യി​ല്ലേ? ഉ​ണ്ട്, നൂ​റു​ശ​ത​മാ​നം. "ജീ​വ​ന​ക്കാ​രെ പൊ​ടു​ന്ന​നെ പ​റ​ഞ്ഞു​വി​ടു​ന്ന​തു ശ​രി​യ​ല്ല. പു​തി​യ അ​വ​സ​ര​ങ്ങ​ൾ ക​ണ്ടെ​ത്തി അ​ത​നു​സ​രി​ച്ചു പ​രി​ശീ​ല​നം ന​ൽ​ക​ണം. എ​ന്നി​ട്ടും ന​ന്നാ​യി പ്ര​വ​ർ​ത്തി​ക്കാ​ത്ത​വ​രോ​ടു​മാ​ത്ര​മേ മ​റ്റൊ​രു ജോ​ലി നോ​ക്കാ​ൻ പ​റ​യേ​ണ്ട​തു​ള്ളൂ’ - ഇ​താ​ണു മൂ​ർ​ത്തി​യു​ടെ ദ​ർ​ശ​നം.

മാണി പയസ്


Copyright @ 2022 , Rashtra Deepika Ltd.