എ​ല്ലാ മൊ​ട്ടു​ക​ളും വി​രി​യ​ട്ടെ...
""അ​നു​വ​ദി​ച്ച​തി​ല​ധി​കം ചോ​ദി​ച്ച​തി​ന്
ദൈ​വം ശി​ക്ഷ വി​ധി​ച്ചി​രി​ക്കു​ന്നു
എ​ല്ലാ പ​ഴ​ങ്ങ​ളും ഭ​ക്ഷി​ക്ക​രു​തെ​ന്നും
എ​ല്ലാ നി​റ​ങ്ങ​ളും ചോ​ദി​ക്ക​രു​തെ​ന്നും
അ​വ​ൻ പ​റ​ഞ്ഞി​രു​ന്നു​''
(മുരുകൻ കാട്ടാക്കട)

മ​നു​ഷ്യ​ന്‍റെ ഏ​റ്റ​വും പ്ര​യോ​ജ​ന​പ്ര​ദ​മെ​ന്നു ലോ​കം ക​രു​തി​യ മൊ​ബൈ​ൽ ഫോ​ണി​ന്‍റെ ക​ണ്ടു​പി​ടി​ത്ത​വും അ​തി​ലു​ണ്ടാ​യി​ക്കൊ​ണ്ടി​രി​ക്കു​ന്ന വി​പ്ല​വ​ക​ര​മാ​യ മാ​റ്റ​വും ആ​ധു​നി​ക​സ​മൂ​ഹ​ത്തി​ലു​ള​വാ​ക്കി​യ പ്ര​ത്യാ​ഘാ​ത​ങ്ങ​ളും കാ​ണു​ന്പോ​ൾ മു​ക​ളി​ൽ പ​റ​ഞ്ഞ വ​രി​ക​ൾ​ക്ക് പ്ര​സ​ക്തി​യേ​റു​ന്നു. ന​മ്മു​ടെ അ​ടി​മ​യാ​കാ​ൻ നാം ​സൃ​ഷ്ടി​ക്കു​ന്ന യ​ന്ത്രം ന​മ്മെ അ​ടി​മ​യാ​ക്കു​ന്ന​തി​നെ​പ്പ​റ്റി - വേ​ല​ക്കാ​ര​ൻ യ​ജ​മാ​ന​നാ​കു​ന്ന ഏ​റ്റ​വും നീ​ച​മാ​യ അ​വ​സ്ഥ​യെ​പ്പ​റ്റി ഗാ​ന്ധി​ജി​യു​ടെ പ്ര​വ​ച​ന​വും യാ​ഥാ​ർ​ഥ്യ​മാ​യി. മ​ന​സി​ൽ​നി​ന്നും കു​ടും​ബ​ത്തി​ൽ​നി​ന്നും സ​മൂ​ഹ​ത്തി​ൽ​നി​ന്നും ത​ന്നി​ൽ​നി​ന്നു​ത​ന്നെ​യും അ​ക​ന്നു​മാ​റി അ​ദൃ​ശ്യ​മാ​യ വ​ൻ മ​തി​ലു​ക​ൾ​ക്കു​ള്ളി​ലാ​ണ് ഇ​ന്ന​ത്തെ ജീ​വി​ത​ങ്ങ​ൾ. ത​ന്‍റെ കൈ​യി​ലി​രി​ക്കു​ന്ന ഈ ​കു​ഞ്ഞു യ​ന്ത്ര​ത്തി​ലൂ​ടെ താ​ൻ കാ​ണു​ന്ന​താ​ണ് യ​ഥാ​ർ​ഥ ലോ​ക​മെ​ന്ന് കു​ട്ടി​ക​ൾ ചി​ന്തി​ക്കു​ന്നു, മു​തി​ർ​ന്ന​വ​രും.

ഞാനും എന്‍റെ മൊബൈലും

ബൗ​ദ്ധി​ക​വും മാ​ന​സി​ക​വു​മാ​യ വ​ള​ർ​ച്ച​യാ​ണ് കു​ട്ടി​യെ ന​ല്ല പൗ​ര​നാ​ക്കി​മാ​റ്റു​ന്ന​ത്. ബു​ദ്ധി​പ​ര​മാ​യ വ​ള​ർ​ച്ച​യ്ക്ക് ആ​വ​ശ്യ​മാ​യ എ​ല്ലാ ഭൗ​തി​ക സാ​ഹ​ച​ര്യ​വും ഇ​ന്നു​ണ്ട്. പ​ക്ഷേ, മാ​ന​സി​ക​മാ​യ, ആ​ധ്യാ​ത്മി​ക​മാ​യ വ​ള​ർ​ച്ച വ​ലി​യൊ​രു ചോ​ദ്യ​ചി​ഹ്ന​മാ​യി മാ​റി​യി​രി​ക്കു​ന്നു. സ​ങ്ക​ട​വും സ​ന്തോ​ഷ​വും വി​ജ​യ​വും പ​രാ​ജ​യ​വും വി​വേ​ക​ത്തോ​ടെ സ്വീ​ക​രി​ക്കാ​നു​ള്ള മ​ന​സ്, അ​തി​നു​ള്ള പ​രി​ശീ​ല​നം ന​മ്മു​ടെ കു​ഞ്ഞു​ങ്ങ​ൾ​ക്കു ല​ഭി​ക്കാ​തെ​പോ​കു​ന്നു​വെ​ന്ന​താ​ണ് സ​ത്യം. കൂ​ട്ടു​കു​ടും​ബ​ങ്ങ​ൾ ത​ക​ർ​ന്ന​പ്പോ​ൾ വൃ​ദ്ധ​സ​ദ​ന​ങ്ങ​ളു​ടെ​യും അ​നാ​ഥാ​ല​യ​ങ്ങ​ളു​ടെ​യും എ​ണ്ണം കൂ​ടി. ഞാ​നും എ​ന്‍റെ മൊ​ബൈ​ലും എ​ന്ന അ​വ​സ്ഥ​യി​ലേ​ക്ക് അ​ണു​കു​ടും​ബ​ത്തി​ന്‍റെ​യും ഘ​ട​ന മാ​റി​യ​പ്പോ​ൾ അ​പ്പൂ​പ്പ​നും അ​മ്മൂ​മ്മ​യും എ​ന്ന പു​ണ്യ​ത്തോ​ടൊ​പ്പം അ​പ്പ​നെ​യും അ​മ്മ​യെ​യും കൂ​ടി ന​മ്മു​ടെ മ​ക്ക​ൾ​ക്കു ന​ഷ്ട​പ്പെ​ട്ടു. ഇ​താ​ണ് ഇ​ന്ന​ത്തെ ദു​ര​ന്ത​ത്തി​ന്‍റെ മൂ​ല​കാ​ര​ണം. ഉ​ദാ​ഹ​ര​ണ​മാ​യി പ​റ​യാ​ൻ ര​ണ്ടു പു​സ്ത​ക​ങ്ങ​ൾ എ​ന്‍റെ​മു​ന്നി​ലു​ണ്ട്. സ​ച്ചി​ൻ തെ​ണ്ടു​ൽ​ക്ക​റി​ന്‍റെ ‘പ്ലേ​യിം​ഗ് ഇ​റ്റ് മൈ ​വേ’ എ​ന്ന ആ​ത്മ​ക​ഥ, ര​ണ്ടാ​മ​ത്തേ​ത് റോ​മ​ൻ റോ​ഡി​ഗ്യൂ​സി​ന്‍റെ ‘ക​സ​ബ്, ദി ​ഫേസ് ഓ​ഫ് 26/11’ എ​ന്ന 288 പേ​ജു​ള്ള പു​സ്ത​കം.

നാ​ട്ടു​കാ​ർ​ക്കും വീ​ട്ടു​കാ​ർ​ക്കും ശ​ല്യ​ക്കാ​ര​നാ​യ, പ​ഠ​ന​ത്തി​ൽ തീ​രെ താ​ത്പ​ര്യ​മി​ല്ലാ​ത്ത, പി​ടി​വാ​ശി​ക്കാ​ര​നാ​യ സ​ച്ചി​നെ ഏ​റ്റ​വും മാ​ന്യ​മാ​യ കാ​യി​ക​താ​ര​ത്തി​ലേ​ക്കു വ​ള​ർ​ത്തി​യ ഒ​രു പി​താ​വി​ന്‍റെ മി​ഴി​വേ​റി​യ ചി​ത്രം ആ​ദ്യ​ത്തെ പു​സ്ത​ക​ത്തി​ൽ കാ​ണാം. ഏ​റ്റ​വും മി​ടു​ക്ക​നാ​യി​രു​ന്ന എ​ല്ലാ​വ​രു​ടെ​യും ഹൃ​ദ​യം​ക​വ​ർ​ന്ന ക​സ​ബ് എ​ന്ന കു​ട്ടി​യെ മാ​താ​പി​താ​ക്ക​ളു​ടെ അ​വ​ഗ​ണ​ന​മൂ​ലം ദി ​ഫേ​സ് ഓ​ഫ് 26/11 മും​ബൈ ഭീ​ക​രാ​ക്ര​മ​ണ​ത്തി​ന്‍റെ മു​ഖ​മാ​ക്കി​യ ദു​ര​ന്ത​ചി​ത്രം ര​ണ്ടാ​മ​ത്തേ​തി​ലും. ന​മ്മു​ടെ നാ​ട്ടി​ലെ മാ​താ​പി​താ​ക്ക​ളും അ​ധ്യാ​പ​ക​രു​മെ​ല്ലാം ഈ ​ര​ണ്ടു പു​സ്ത​ക​ങ്ങ​ളെ​യും അ​റി​യു​ന്ന​തു ന​ല്ല​താ​ണ്. വീ​ടെ​ന്ന പ്ര​ഥ​മ വി​ദ്യാ​ല​യ​വും മാ​താ​പി​താ​ക്ക​ളെ​ന്ന ആ​ദ്യ ഗു​രു​ക്കന്മാ​രും കു​ട്ടി​യു​ടെ സ്വ​ഭാ​വ​രൂ​പീ​ക​ര​ണ​ത്തി​ൽ എ​ത്ര​മാ​ത്രം പ​ങ്കു​വ​ഹി​ക്കു​ന്നു​വെ​ന്ന​തി​ന്‍റെ നേ​ർ​ക്കാ​ഴ്ച​യാ​ണ് ഈ ​ര​ണ്ടു പു​സ്ത​ക​ങ്ങ​ളും.

ഡേ കെയറും വിട്ടിലെ കെയറും

ര​ക്ഷ​യും ശി​ക്ഷ​യും ന​ൽ​കി പു​തി​യ ത​ല​മു​റ​യെ വാ​ർ​ത്തെ​ടു​ക്കാ​ൻ ധാ​ർ​മി​ക​മാ​യ ഉ​ത്ത​ര​വാ​ദി​ത്വം സ​മൂ​ഹം ക​ൽ​പ്പി​ച്ചു​ന​ൽ​കി​യി​രി​ക്കു​ന്ന​വ​രാ​ണ് മാ​താ​പി​താ​ക്ക​ളും അ​ധ്യാ​പ​ക​രും. മാ​താ​പി​താ​ക്ക​ൾ വെ​റും ഡെ​ബി​റ്റ് കാ​ർ​ഡു​ക​ളും ക്രെ​ഡി​റ്റു​കാ​ർ​ഡു​ക​ളു​മൊ​ക്കെ​യാ​യി മാ​റി​ക്കൊ​ണ്ടി​രി​ക്കു​ന്പോ​ൾ കു​ഞ്ഞു​ങ്ങ​ൾ​ക്ക് അ​വ​രു​ടെ ആ​ദ്യ ഗു​രു​വി​നെ​യും ആ​ദ്യ വി​ദ്യാ​ല​യ​വും ന​ഷ്ട​പ്പെ​ട്ടു. പു​തി​യ കാ​ല​ത്തി​ന്‍റെ മാ​താ​പി​താ​ക്ക​ൾ പ​ണ​മു​ണ്ടാ​ക്കു​ന്ന തി​ര​ക്കി​ലാ​ണ്. ത​ങ്ങ​ൾ​ക്കു ല​ഭി​ക്കാ​തെ​പോ​യ സൗ​ക​ര്യ​ങ്ങ​ൾ മ​ക്ക​ൾ​ക്കു ന​ൽ​ക​ണ​മെ​ന്ന് ആ​ഗ്ര​ഹി​ക്കു​ന്ന​വ​ർ, ത​ങ്ങ​ളു​ടെ ജീ​വി​തം ത​ങ്ങ​ളു​ടേ​തു മാ​ത്ര​മാ​ണെ​ന്നും അ​ത് ആ​സ്വ​ദി​ക്കാ​ൻ ത​ങ്ങ​ൾ​ക്കും അ​വ​കാ​ശ​മു​ണ്ടെ​ന്നു ക​രു​തു​ന്ന​വ​ർ, ഇ​ങ്ങ​നെ ഇ​ന്ന​ത്തെ ര​ക്ഷാ​ക​ർ​ത്താ​ക്ക​ൾ​ത​ന്നെ പ​ല​വി​ധ​ത്തി​ലു​ണ്ട്. പ​ക്ഷേ, ഏ​തു ത​ര​ത്തി​ൽ​പ്പെ​ട്ട മാ​താ​പി​താ​ക്ക​ളാ​യാ​ലും കു​ട്ടി​ക​ളി​ൽ അ​ര​ക്ഷി​താ​വ​സ്ഥ സൃ​ഷ്ടി​ക്കു​ന്ന​ത് ദു​ര​ന്ത​ത്തി​ന്‍റെ ആ​ക്കം കൂ​ട്ടു​ന്നു.

മ​ക്ക​ളെ ഡേ ​കെ​യ​റി​ലും ജോ​ലി​ക്കാ​രു​ടെ കൈ​യി​ലു​മൊ​ക്കെ ഏ​ൽ​പ്പി​ച്ചു പോ​കു​ന്പോ​ൾ ഈ ​അ​പ​ക​ട​ത്തെ​ക്കു​റി​ച്ച് ചി​ന്തി​ക്കാ​ൻ സ​മ​യ​വു​മി​ല്ല. ഏ​റ്റ​വും ന​ല്ല ഭൗ​തീ​ക സ​ഹ​ച​ര്യ​ങ്ങ​ളും ഫീ​സും പ​ത്രാ​സു​മൊ​ക്കെ​യു​ള്ള വി​ദ്യാ​ല​യ​ത്തി​ൽ മ​ക്ക​ൾ​ക്ക് പ്ര​വേ​ശനം നേ​ടി​യെ​ടു​ക്കു​ന്ന​തോ​ടെ ര​ക്ഷാ​ക​ർ​ത്താ​വി​ന്‍റെ ര​ണ്ടാ​മ​ത്തെ ക​ട​മ​യും പൂ​ർ​ത്തി​യാ​യി എ​ന്നാ​ണു ധാ​ര​ണ. കു​ട്ടി​ക​ൾ ആ​വ​ശ്യ​പ്പെ​ടു​ന്ന​തെ​ന്തും അ​വ​രു​ടെ വ​ഴി​ക​ള​റി​യാ​തെ കൈ​ക്കു​ന്പി​ളി​ൽ എ​ത്തി​ച്ചു​കൊ​ടു​ത്ത് പ​രാ​ജ​യ​ങ്ങ​ളെ​യും പ്ര​തി​സ​ന്ധി​ക​ളെ​യു​മൊ​ന്നും അം​ഗീ​ക​രി​ക്കാ​ൻ ക​ഴി​യാ​ത്ത ദു​ർ​ബ​ല​മാ​യ മാ​ന​സി​ക ഘ​ട​ന​യു​മാ​യാ​ണ് ഇ​ന്ന​ത്തെ കു​ട്ടി​ക​ൾ സ്കൂ​ളി​ലെ​ത്തു​ന്ന​ത്. നി​ര​ന്ത​ര​മാ​യ മൊ​ബൈ​ൽ ഫോ​ണ്‍, ഇ​ന്‍റ​ർ​നെ​റ്റ്, ന​വ​മാ​ധ്യ​മ​ങ്ങ​ളു​ടെ അ​മി​ത​മാ​യ ഉ​പ​യോ​ഗം, വീ​ഡി​യോ ഗെ​യിം ഇ​വ​യൊ​ക്കെ കു​ട്ടി​ക​ളു​ടെ മു​ന്നി​ൽ ശാ​രീ​രി​ക​മാ​യും മാ​ന​സി​ക​മാ​യും തീ​ർ​ക്കു​ന്ന ച​തി​ക്കു​ഴി​ക​ളെ​ക്കു​റി​ച്ച ്മാ​താ​പി​താ​ക്ക​ൾ​ക്കു​ള്ള അ​ജ്ഞ​ത​യാ​ണ് ഏ​റ്റ​വും വ​ലി​യ പ്ര​തി​യോ​ഗി. മാ​താ​പി​താ​ക്ക​ൾ പ​രാ​ജ​യ​പ്പെ​ടു​ന്നി​ട​ത്ത് വി​ജ​യി​ക്കേ​ണ്ട അ​ധ്യാ​പ​ക​നും കൂ​ടി പ​രാ​ജ​യ​പ്പെ​ടു​ന്ന​തോ​ടെ ഒ​രു വ്യ​ക്തി​യും കു​ടും​ബ​വും സ​മൂ​ഹ​വും മാ​ത്ര​മ​ല്ല, ഒ​രു രാ​ജ്യം കൂ​ടി​യാ​ണ് ന​ശി​ക്കു​ന്ന​തെ​ന്ന പ​ര​മ​മാ​യ സ​ത്യം ശ്ര​ദ്ധി​ക്ക​പ്പെ​ടാ​തെ പോ​കു​ന്നു.


കീഴടങ്ങരുത് പിടിവാശിക്കു മുന്നിൽ

മ​ദ്യം, മ​യ​ക്കു​മ​രു​ന്ന് എ​ന്നി​വ​യെ​ക്കാ​ൾ ല​ഹ​രി​യാ​ണ് അ​ത്യാ​ധു​നി​ക മൊ​ബൈ​ൽ ഫോ​ണു​ക​ളോ​ടും ആ​ഡം​ബ​ര ജീ​വി​ത​ത്തോ​ടും കു​ട്ടി​ക​ൾ പ്ര​ക​ടി​പ്പി​ക്കു​ന്ന​ത്. വീ​ട്ടി​ൽ​നി​ന്നു ല​ഭി​ച്ചി​ല്ലെ​ങ്കി​ൽ ഇ​വ​യൊ​ക്കെ നേ​ടാ​ൻ ഏ​തു​വ​ഴി​യും സ്വീ​ക​രി​ക്കു​ന്ന വി​ക​ല​മാ​യ മാ​ന​സി​ക ഘ​ട​ന​യ്ക്കൊ​പ്പം കാഴ്ച​വൈ​ക​ല്യം, ശ്ര​ദ്ധ​ക്കു​റ​വ്, പി​ടി​വാ​ശി, സ​ഹ​പാ​ഠി​ക​ളു​മാ​യു​ള്ള പൊ​രു​ത്ത​ക്കേ​ടു​ക​ളു​മൊ​ക്കെ തു​ട​ങ്ങി നി​ര​വ​ധി പ്ര​ശ്ന​ങ്ങ​ളു​മാ​യി മു​ന്നി​ലി​രി​ക്കു​ന്ന വി​ദ്യാ​ർ​ഥി​ക​ളോ​ട് എ​ങ്ങ​നെ പെ​രു​മാ​റ​ണ​മെ​ന്ന മാ​ന​ദ​ണ്ഡ​ങ്ങ​ളു​മാ​യി ബാ​ലാ​വ​കാ​ശ ക​മ്മീ​ഷ​നും ചൈ​ൽ​ഡ് ലൈ​നും കേ​സ്, കോ​ട​തി, ജ​യി​ൽ എ​ന്നി​ങ്ങ​നെ പ​ല വെ​ല്ലു​വി​ളി​ക​ളും അ​ധ്യാ​പ​ക​നു മു​ന്നി​ൽ ഉ​യ​ർ​ത്തു​ന്നു. കു​ട്ടി​ക​ളെ ശി​ക്ഷി​ക്കാ​നോ വ​ഴ​ക്കു​പ​റ​യാ​നോ, എ​ന്തി​ന് ദേ​ഷ്യ​പ്പെ​ട്ടൊ​ന്ന് നോ​ക്കാ​നോ പോ​ലും അ​ധ്യാ​പ​ക​ന് അ​വ​കാ​ശ​മി​ല്ല. ഹൈ​ടെ​ക് ആ​യ കു​ട്ടി​ക​ൾ​ക്ക് ത​ങ്ങ​ളു​ടെ ക​ട​മ​ക​ളെ​ക്കു​റി​ച്ചല്ലെങ്കി​ലും അ​വ​കാ​ശ​ത്തെ​ക്കു​റി​ച്ച് തി​ക​ഞ്ഞ ബോ​ധ്യ​മു​ണ്ട്. ക​ർ​ത്ത​വ്യ​ത്തി​ൽ​നി​ന്നു വേ​ദ​ന​യോ​ടെ പി​ൻ​മാ​റേ​ണ്ടി​വ​രു​ന്നു.

ഇ​ന്ന​ത്തെ മാ​താ​പി​താ​ക്ക​ളെ പൂ​ർ​ണ​മാ​യും കു​റ്റ​പ്പെ​ടു​ത്തു​ക​യ​ല്ല. പ​ക്ഷേ, ഭൗ​തി​ക സാ​ഹ​ച​ര്യ​ങ്ങ​ൾ ഒ​രു​ക്കി​ക്കൊ​ടു​ക്കു​ന്ന​തോ​ടൊ​പ്പം വൈ​കാ​രി​ക​മാ​യി കു​ട്ടി​ക​ൾ​ക്കു വേ​ണ്ട​തു ന​ൽ​കാ​ൻ​കൂ​ടി മാ​താ​പി​താ​ക്ക​ൾ​ക്കു ക​ട​മ​യു​ണ്ട്. മൊ​ബൈ​ൽ ഫോ​ണി​നും വീ​ഡി​യോ ഗെ​യി​മി​നും അ​ടി​മ​യാ​യ കൗ​മാ​ര​ക്കാ​ര​ന്, അ​വ​ൻ ക​ര​യാ​തി​രി​ക്കാ​ൻ സ്വ​ന്തം മൊ​ബൈ​ൽ​ഫോ​ണ്‍ ന​ൽ​കി​യ​ശേ​ഷം അ​വ​നെ നി​യ​ന്ത്രി​ക്കാ​ൻ ്ക്ലാ​സ് ടീ​ച്ച​റി​നെ സ​മീ​പി​ച്ച അ​മ്മ​യെ എ​നി​ക്ക​റി​യാം. ഇ​താ​ണ് ഇ​ന്ന​ത്തെ മാ​തൃ​ത്വം. കു​ട്ടി​യു​ടെ പി​ടി​വാ​ശി​ക്കു മു​ന്നി​ൽ കീ​ഴ​ട​ങ്ങി അ​വ​നെ സ​ങ്ക​ട​പ്പെ​ടു​ത്താ​തെ ബെ​സ്റ്റ് മോം ​ഓ​ഫ് ദി ​വേ​ൾ​ഡ് ആ​കാ​നു​ള്ള ത​യാ​റെ​ടു​പ്പി​ലാ​ണ്. അ​ത്യാ​ധു​നി​ക സൗ​ക​ര്യ​ങ്ങ​ളു​ള്ള മൊ​ബൈ​ൽ ഫോ​ണും വാ​ങ്ങി​ക്കൊ​ടു​ത്ത് ത​ത്ക്കാ​ല​ത്തെ അ​വ​രു​ടെ പു​ഞ്ചി​രി​യി​ലും സ്നേ​ഹ​പ്ര​ക​ട​ന​ത്തി​ലും സം​തൃ​പ്തി ക​ണ്ടെ​ത്തു​ന്പോ​ൾ ഭാ​വി​യി​ൽ ത​ങ്ങ​ൾ​ക്കു തീ​രാ​ദുഃ​ഖ​ത്തി​നു​ള്ള കാ​ര​ണ​മാ​ണ് വ​ൻ വി​ല​കൊ​ടു​ത്തു വാ​ങ്ങി കു​ട്ടി​യു​ടെ കൈ​യി​ൽ വ​ച്ചു​കൊ​ടു​ക്കു​ന്ന​ത്.

വിഴുങ്ങാൻ തിമിംഗലങ്ങൾ

വീ​ഡി​യോ​ ഗെ​യിം ന​മു​ക്കി​ന്നു പ​രി​ചി​ത​മാ​യ വാ​ക്കാ​ണ്. നി​മി​ഷ​നേ​രം കൊ​ണ്ട് ത​ങ്ങ​ൾ​ക്കെ​തി​രേ വ​രു​ന്ന​വ​നെ ഷൂ​ട്ട് ചെ​യ്യു​ന്ന, പോ​ലീ​സി​ൽ​നി​ന്നു ര​ക്ഷ​പ്പെ​ടാ​ൻ കാ​ർ റേ​സ് ന​ട​ത്തു​ന്ന വി​ല്ല​നു​മൊ​ക്കെ​യാ​ണ് സൈ​ബ​ർ​ലോ​ക​ത്തി​ൽ കു​ട്ടി​ക​ളു​ടെ ഹീ​റോ. ത​ങ്ങ​ൾ​ക്കെ​തി​രേ വ​രു​ന്ന എ​ന്തി​നെ​യും ത​ക​ർ​ത്തെ​റി​യാ​നു​ള്ള മാ​ന​സി​കാ​വ​സ്ഥ ത​ങ്ങ​ളു​ടെ സ്വ​ഭാ​വ​ത്തി​ന്‍റെ ഭാ​ഗ​മാ​യി മാ​റു​ന്ന​ത് അ​വ​ൻ​പോ​ലും അ​റി​യാ​തെ​യാ​ണ്. സൈ​ബ​ർ ലോ​ക​ത്തെ പു​തി​യ ച​തി​ക്കു​ഴി​യാ​ണ് ബ്ലൂ​വെ​യ്ൽ. കു​ട്ടി​ക​ളെ ല​ക്ഷ്യം​വ​ച്ചാ​ണ് റ​ഷ്യ​ക്കാ​ര​നാ​യ 21 വ​യ​സു​ള്ള ഫി​ലി​പ്പ് ബൂ​ടെ​യ്കി​ൻ ഇ​തി​ന് രൂ​പം ന​ൽ​കി​യ​ത്. സ​മൂ​ഹ​ത്തി​ൽ കൊ​ള്ളാ​ത്ത​വ​നെ ഉന്മൂ​ല​നം ചെ​യ്യു​ക​യാ​ണ് ത​ന്‍റെ ല​ക്ഷ്യ​മെ​ന്നാ​ണ് ഈ ​മ​ര​ണ​ദൂ​ത​ന്‍റെ സൃ​ഷ്ടി​ക​ർ​ത്താ​വി​ന്‍റെ വാ​ദം. ക​ളി​ക്കു​ന്ന​യാ​ൾ സ്വ​യം മ​ര​ണ​ത്തി​ലേ​ക്കു ന​ട​ന്ന​ടു​ക്കു​ന്നു. ഗെ​യിം തു​ട​ങ്ങി​യാ​ൽ​പ്പി​ന്നെ പി​ന്തി​രി​യു​ക എ​ളു​പ്പ​വു​മ​ല്ല എ​ന്ന​താ​ണ് ഇ​തി​നെ കൂ​ടു​ത​ൽ അ​പ​ക​ട​കാ​രി​യാ​യി കാ​ണാ​ൻ കാ​ര​ണം. മ​ൻ​പ്രീ​ത് എ​ന്ന പ​തി​നാ​ലു​കാ​ര​ന്‍റെ മ​ര​ണ​മാ​ണ് ഇ​ന്ത്യ​യി​ൽ ഇ​തി​ന്‍റെ സാ​ന്നി​ധ്യം അ​റി​യി​ച്ച​ത്.

തി​രു​വ​ന​ന്ത​പു​ര​ത്ത് ഒ​രു പ്ല​സ് വ​ണ്‍ വി​ദ്യാ​ർ​ഥി​യു​ടെ മ​ര​ണ​വും ഈ ​ഗെ​യി​മി​ന്‍റെ സ്വാ​ധീ​ന​മാ​ണെ​ന്നു ക​ണ്ടെ​ത്തി​യി​രി​ക്കു​ന്നു. ര​ണ്ടാ​യി​ര​ത്തി​ല​ധി​കം കു​ട്ടി​ക​ൾ കേ​ര​ള​ത്തി​ൽ ഈ ​ഗെ​യിം ഉ​പ​യോ​ഗി​ക്കാ​ൻ ശ്ര​മി​ക്കു​ന്നു​വെ​ന്ന​താ​ണ് സൈ​ബ​ർ വി​ദ​ഗ്ധ​ർ ന​ൽ​കു​ന്ന മു​ന്ന​റി​യി​പ്പ്. അ​താ​യ​ത് ന​മ്മു​ടെ കു​ട്ടി​ക​ൾ അ​പ​ക​ട​ത്തി​ലാ​ണെ​ന്ന​ർ​ഥം.

വിലപ്പോകാത്ത വിലക്കുകൾ

സൈ​ബ​ർ ലോ​ക​ത്തു​നി​ന്ന് അ​ക​ന്നു​നി​ൽ​ക്കാ​ൻ പു​തി​യ കാ​ല​ഘ​ട്ട​ത്തി​ൽ ക​ഴി​യു​ക​യി​ല്ല. നി​രോ​ധ​ന​വും വി​ല​ക്കു​ക​ളു​മൊ​ന്നും ഇ​വി​ടെ വി​ല​പ്പോ​വി​ല്ല. വി​ല​ക്ക​പ്പെ​ട്ട ക​നി​ക​ളും നി​റ​ങ്ങ​ളും തേ​ടി​പ്പോ​കാ​തി​രി​ക്കാ​നു​ള്ള വി​വേ​കം ന​മ്മു​ടെ കു​ഞ്ഞു​ങ്ങ​ളി​ൽ ഉ​ണ്ടാ​ക്കി​യെ​ടു​ക്കാ​ൻ ന​മു​ക്കു ക​ഴി​യ​ണം. പ​ക്ഷേ, സ്നേ​ഹ​ത്തി​ൽ ചാ​ലി​ച്ച ശി​ക്ഷ​കൊ​ടു​ത്ത് നേ​ർ​വ​ഴി​ക്കു ന​ട​ത്താ​ൻ ന​മ്മു​ടെ സ​മൂ​ഹ​ത്തി​ൽ അ​ധ്യാ​പ​ക​ർ​ക്കും ക​ഴി​യു​ന്നി​ല്ല. ചൈ​ൽ​ഡ്‌ലൈ​നും ബാ​ലാ​വ​കാ​ശ ക​മ്മീ​ഷ​നു​മൊ​ക്കെ എ​ന്ത് ഉ​ദ്ദേ​ശ്യത്തോ​ടെ​യാ​ണോ ചി​ട്ട​പ്പെ​ടു​ത്തി​യ​ത്, അ​തി​ന്‍റെ ശു​ദ്ധി ന​ഷ്ട​പ്പെ​ട്ടി​രി​ക്കു​ന്നു. ക്രൂ​ര​മാ​യ ശി​ക്ഷ​യ​ല്ലേ. എ​ന്നാ​ൽ, ചെ​റി​യ ശി​ക്ഷ​ക​ളും നി​യ​ന്ത്ര​ണ​ങ്ങ​ളും ക​രു​ത​ലു​മൊ​ക്കെ ഉ​ണ്ടെ​ങ്കി​ൽ വി​ക​ല​മാ​യ മാ​ന​സി​ക ഘ​ട​ന​യു​മാ​യി ക്ലാ​സി​ലെ​ത്തു​ന്ന കു​ട്ടി​യെ നേ​ർ​വ​ഴി​ക്കു കൊ​ണ്ടു​വ​രാ​ൻ ന​ല്ല വി​ദ്യാ​ല​യ​ത്തി​നും അ​ധ്യാ​പ​ക​ർ​ക്കും ക​ഴി​യു​മെ​ന്ന​തി​ൽ സം​ശ​യ​മി​ല്ല.

അ​തെ, ന​മ്മു​ടെ കു​ട്ടി​ക​ൾ സാ​ങ്കേ​തി​ക​മാ​യി മി​ടു​ക്ക​രാ​ണ്. പ​ക്ഷേ, അ​വ​രെ ന​ല്ല മ​നു​ഷ്യ​രാ​ക്കു​ന്ന​തി​ൽ നാം ​പൂ​ർ​ണ പ​രാ​ജ​യ​വും എ​ന്ന സ​ത്യം അം​ഗീ​ക​രി​ച്ചേ മ​തി​യാ​കൂ. ക​സ​ബ് ആ​ക്കു​ക എ​ളു​പ്പ​മാ​ണ്. സ​ച്ചി​നാ​ക്കാ​ൻ അ​ല്പം ബു​ദ്ധി​മു​ട്ടും വേ​ദ​ന​യും ത്യാ​ഗ​വു​മൊ​ക്കെ സ​ഹി​ച്ചേ മ​തി​യാ​കൂ. അ​ല്ലെ​ങ്കി​ൽ ന​ന്ത​ൻ​കോ​ട് ദു​ര​ന്ത​ങ്ങ​ൾ ഇ​നി​യും ആ​വ​ർ​ത്തി​ക്കും.

എ​വി​ടെ​യോ ന​ട​ന്ന കാ​ര്യ​മാ​യി ഇ​ത്ത​രം വാ​ർ​ത്ത​ക​ളെ ത​ള്ളി​ക്ക​ള​യേ​ണ്ട. ന​മ്മു​ടെ ഓ​രോ​രു​ത്ത​രു​ടെ​യും വീ​ട്ടി​ൽ ഈ ​ദു​ര​ന്തം എ​ത്തു​ന്ന നാ​ൾ വി​ദൂ​ര​മ​ല്ല. ത​ട​യാ​ൻ ന​മു​ക്കാ​കും. ക​ണ്ണും മ​ന​സും ന​മ്മു​ടെ കു​ഞ്ഞു​ങ്ങ​ൾ​ക്കാ​യി തു​റ​ന്നു​വ​യ്ക്കാ​നാ​യാ​ൽ ജീ​വി​ത​ത്തി​ൽ സ്വ​പ്നം കാ​ണാ​ൻ മ​ക്ക​ളെ പ​ഠി​പ്പി​ക്കൂ... മൊ​ട്ടു​ക​ളാ​ണ്... അ​വ​ർ വി​രി​യ​ട്ടെ.

റവ. ഡോ. വർഗീസ് കൈപ്പനടുക്ക -ഒഐസി


Copyright @ 2022 , Rashtra Deepika Ltd.