വഴറ്റിയ ചെമ്മീനും കശുവണ്ടിയും
ഒരു കപ്പ് വൃത്തിയാക്കിയ ചെറിയ ചെമ്മീൻ, കശുവണ്ടി അര കപ്പ്, ഉള്ളിയില അരിഞ്ഞത് അര കപ്പ്, എണ്ണ അര കപ്പ്, കോറൻ സ്റ്റാർച്ച് - ഒരു ടീസ്പൂൺ, ഒരു ടീ സ്പൂൺ സോയ ഡാൻസ്, ഉപ്പ്.
ഉണ്ടാക്കുന്ന വിധം:-
* ചെമ്മീൻ ഉപ്പും, കോറൻസ്റ്റാർച്ചും, സോയ - എന്നിവ പുരട്ടി അര മണിക്കൂർ വയ്ക്കുക.
* എണ്ണ ചൂടാക്കി കശുവണ്ടി വറുത്ത് മാറ്റി വയ്ക്കുക.
* ഇതേ എണ്ണയിൽ ചെമ്മീൻ വറുത്തു കോരുക. ഇതിൽ ഗ്രീൻ ഒനിയൻ ഇല അരിഞ്ഞതും ഇട്ട് പെട്ടെന്നു വഴറ്റിയെടുക്കുക. അവസാനം അവയെല്ലാം കൂടി യോജിപ്പിച്ചും വിളന്പുന്ന പാത്രത്തിലേക്കു മാറ്റുക.
പോർക്ക് ഇറച്ചി വറ്റിച്ചത്
പോർക്ക് ഇറച്ചി പൊടിയാക്കി അരിഞ്ഞത് 350 ഗ്രാം, പച്ചമുളക് രണ്ടെണ്ണം, പൈനാപ്പിൾ അരിഞ്ഞത് അരകപ്പ്, ഇറച്ചിയിൽ പുരട്ടിവയ്ക്കാൻ സോയാ സോസ് രണ്ടു ടീസ്പൂൺ, കോൺ സ്റ്റാർച്ച് ഒരു േടബിൾ സ്പൂൺ , വെള്ളം ഒരു ടേബിൾസ്പൂൺ, ഉപ്പ്, ഒരു മുട്ടയുടെ ഉണ്ണി, വഴറ്റാനുള്ള എണ്ണ, വിനാഗിരി ഒരു ടേബിൾസ്പൂൺ, പഞ്ചസാര ഒരു ടീസ്പൂൺ, ടൊമാറ്റോ സോസ് രണ്ടു ടേബിൾസ്പൂൺ.
ഉണ്ടാക്കുന്നവിധം
ഇറച്ചിയിൽ പുരട്ടിവയ്ക്കാൻ ഉള്ളതെല്ലാംകൂടി ചേർത്ത് ഇതിൽ തേച്ചുപിടിപ്പിക്കുക. ഒരുമണിക്കൂർ കഴിഞ്ഞ് വഴറ്റാനുള്ള എണ്ണ ചൂടാക്കി പച്ചമുളകും വഴറ്റിയ ശേഷം ഇറച്ചിക്കൂട്ട് ചേർത്തിളക്കുക. ഇത് വെന്തു തുടങ്ങിയാൽ പൈനാപ്പിൾ ചേർത്തിളക്കുക. പിന്നെ ബാക്കിയുള്ള കൂട്ടുകളെല്ലാം ചേർത്തിളക്കുക. നല്ലപോലെ വറ്റിയ ശേഷം വിളന്പുന്ന പാത്രത്തിലേക്കു മാറ്റാം.
ചൈനീസ് കക്കായിറച്ചി
കക്കയിറച്ചി വൃത്തിയാക്കിയത് 400 ഗ്രാം, മൈദ മുക്കാൽ കപ്പ്, ഒരു ടേബിൾസ്പൂൺ കോൺഫ്ലവർ, ഒരു ടീസ്പൂൺ ബേക്കിംഗ് സോഡ, ഉപ്പ്, കുരുമുളക് അര ടീസ്പൂൺ, മാവ് കലക്കാൻ വെള്ളം, വറുക്കാനുള്ള എണ്ണ.
ഉണ്ടാക്കുന്ന വിധം
മൈദ മാവ് കൂട്ടുകളെല്ലാം ചേർത്ത് നല്ല കട്ടിയിൽ കലക്കുക. ആവശ്യത്തിന് വെള്ളം ചേർത്താൽ മതി. ഒരു പാത്രത്തിൽ കുറച്ചു വെള്ളം തിളപ്പിച്ച് വൃത്തിയാക്കിവച്ച കക്കായിറച്ചി ഇതിൽ അര മിനിറ്റ് നേരം മുക്കിയെടുക്കുക. വെള്ളം വാലാൻ വയ്ക്കുക. ഒരു പാനിൽ വറുക്കാനുള്ള എണ്ണ ചൂടാക്കി കക്കായിറച്ചി ഓരോന്നും മാവിൽ മുക്കി എണ്ണയിൽ വറുത്തുകോരുക. ഒരു പരന്ന പ്ലേറ്റിൽ ടൊമാറ്റോ കഷണങ്ങളാക്കിയതും പാലക് ചീരയും നിരത്തിവച്ച് അതിനു മുകളിൽ വറുത്തത് നിരത്തുക.