വർത്തമാനകാലത്ത് നിരവധി തൊഴിലവസരങ്ങള്‍ സൃഷ്ടിക്കപ്പെടുന്ന മേഖലയാണ് ട്രാവല്‍ ആന്‍ഡ് ടൂറിസം. കോവിഡ് മൂലം അല്പം പിന്നോട്ടു പോയ മേഖലയാണ് ഇത്. ഈ മേഖലയില്‍ തൊഴില്‍ ആഗ്രഹിക്കുന്നവർക്ക് മികച്ച കരിയർ ലക്ഷ്യമിടുന്നവർക്ക് തെരഞ്ഞെടുക്കാവുന്ന മേഖലയാണ് ട്രാവല്‍ ആന്‍ഡ് ടൂറിസം. സ്വദേശത്തും വിദേശത്തും ഈ മേഖലയിൽ തൊഴില്‍ അവസരങ്ങള്‍ ലഭിക്കുന്നതിന് പഠിക്കേണ്ട കോഴ്സുകളെക്കുറിച്ചും വേണ്ട നിപുണതകളെക്കുറിച്ചും വിശദമായി അറിഞ്ഞിരിക്കണം.
നിപുണതകള്‍ ആകര്‍ഷകമായ വ്യക്തിത്വം, മികച്ച ആശയവിനിമയശേഷി, ഉയര്‍ന്ന ആത്മവിശ്വാസം, ഉത്തരവാദിത്തങ്ങള്‍ ഏറ്റെടുക്കാന്‍ ഉള്ള താല്പര്യം, ടീമായി പ്രവര്‍ത്തിക്കാനുള്ള പ്രാപ്തിയും സന്നദ്ധതയും, കഠിനാധ്വാനം തുടങ്ങിയവയാണ് ഈ മേഖലയിലെ വിജയത്തിനാവശ്യം. പലപ്പോഴും ഈ മേഖലയില്‍ വിവിധ പ്രോഗ്രാമുകള് ഉയര്‍ന്ന ഗ്രേഡോടെ ജയിച്ചവര്‍ക്ക് പോലും വേണ്ടത്ര തൊഴിലവസരങ്ങള്‍ ലഭിക്കുന്നില്ല എന്ന പരാതി കേള്‍ക്കാറുണ്ട്. ഇതിനുകാരണം, പഠിച്ച പ്രോഗ്രാമുകളില് കണ്ടന്‍റു കളുടെ കുറവുകൊണ്ടല്ല, മറിച്ച് നിപുണതകള്‍ വേണ്ട വിധേന ഉപയോഗിക്കുന്നതിലെ പരാജയം കൊണ്ടുകൂടിയാണ്.
തൊഴിലവസരങ്ങള്‍ ഹോട്ടല്‍ / ഹോസ്പിറ്റാലിറ്റി മാനേജ്‌മെന്‍റ്, ഫ്രണ്ട് ഓഫീസ് മാനേജ്‌മെന്‍റ്, ട്രാവല്‍ ആന്‍ഡ് ടൂറിസം മാനേജ്‌മെന്‍റ്, ഫുഡ് പ്രൊഡക്ഷന്, ബേക്കറി ആന്‍ഡ് കാറ്ററിംഗ്, കളിനറി ആര്‍ട്‌സ്, ഫുഡ് ആന്‍ഡ് ബിവറേജസ് സര്‍വീസ്, ടൂര്‍ ഓപ്പറേഷന്‍സ്, പേഴ്‌സണല്‍ ടിക്കറ്റിംഗ് തുടങ്ങിയ മേഖ ലകളിൽ നിരവധി തൊഴിലവസര ങ്ങളുണ്ട്.
കോഴ്സുകള് ബിരുദതലം: ബാച്ചിലേഴ്‌സ് ഡിഗ്രി ഇന്‍ ഹോസ്പിറ്റാലിറ്റി മാനേജ്‌മെന്‍റ്, ബാച്ചിലര്‍ ഓഫ് ഹോട്ടല്‍ മാനേജ്‌മെന്‍റ്, ബിവോക് ഇന്‍ ഹോട്ടല്‍ മാനേജ്‌മെന്‍റ്, ബിബിഎ ഇന്‍ ഹോട്ടല്‍ ആന്‍ഡ് ടൂറിസം മാനേജ്‌മെന്‍റ്, ബാച്ചിലര്‍ ഓഫ് ഹോട്ടല്‍ മാനേജ്‌മെന്‍റ് ആന്‍ഡ് കാറ്ററിംഗ് ടെക്‌നോളജി, ബിഎസ്‌സി ഇന്‍ ഹോസ്പിറ്റാലിറ്റി ആന്‍ഡ് ടൂറിസം സ്റ്റഡീസ്, ബിഎസ്‌സി ഇന്‍ ഹോസ്പിറ്റാലിറ്റി ആന്‍ഡ് കേറ്ററിംഗ് സര്‍വീസ്, ബിഎസ്‌സി ഇന്‍ ഹോസ്പിറ്റാലിറ്റി, ബാച്ചിലര്‍ ഓഫ് ഇന്‍റര്‍നാഷണല്‍ ബിസിനസ് ഇന്‍ ഹോട്ടല്‍ ആന്‍ഡ് ടൂറിസം മാനേജ്‌മെന്‍റ്.
ബിരുദാനന്തരബിരുദ തലം: മാസ്റ്റര്‍ ഇന്‍ ട്രാവല്‍ ആന്‍ഡ് ടൂറിസം മാനേജ്‌മെന്‍റ്, എംബിഎ ഇന്‍ ടൂറിസം ആന്‍ഡ് ഹോട്ടല്‍ മാനേജ്‌മെന്‍റ്, എം ബി എ എന്‍ ഹോസ്പിറ്റാലിറ്റി മാനേജ്‌മെന്‍റ്, എം എസ് സി ഇന്‍ ടൂറിസം ആന്‍ഡ് ഹോസ്പിറ്റാലിറ്റി മാനേജ്‌മെന്‍റ്, മാസ്റ്റര്‍ ഓഫ് ഹോസ്പിറ്റല്‍ സിറ്റി മാനേജ്‌മെന്‍റ് ( ഫുഡ് സര്‍വീസ് മാനേജ്‌മെന്‍റ് ), മാസ്റ്റര്‍ ഓഫ് ഹോസ്പിറ്റല്‍ സിറ്റി മാനേജ്‌മെന്‍റ് ( ഹോസ്പിറ്റാലിറ്റി ഫൈനാന്‍സ് ആന്‍ഡ് മാര്‍ക്കറ്റിംഗ്), മാസ്റ്റര്‍ ഓഫ് ഹോസ്പിറ്റല്‍ സിറ്റി മാനേജ്‌മെന്‍റ്( റൂംസ് ഡിവിഷന്‍ മാനേജ്‌മെന്‍റ്). ഡിപ്ലോമ കോഴ്സുകള്: ഡിപ്ലോമ ഇന്‍ ഹോസ്പിറ്റാലിറ്റി, ട്രാവല്‍ ആന്‍ഡ് കസ്റ്റമര്‍ സര്‍വീസ്, ഡിപ്ലോമ ഇന്‍ ഹോട്ടല്‍ മാനേജ്‌മെന്‍റ്, ഡിപ്ലോമ ഇന്‍ ഏവിയേഷന്‍, ഹോസ്പിറ്റാലിറ്റി ആന്‍ഡ് ട്രാവല്‍ മാനേജ്‌മെന്‍റ്, ഡിപ്ലോമ ഇന്‍ ഹോട്ടല്‍ മാനേജ്‌മെന്‍റ് ആന്‍ഡ് കാറ്ററിംഗ് ടെക്‌നോളജി. സര്‍ട്ടിഫിക്കറ്റ് കോഴ്സുകള്: സര്‍ട്ടിഫിക്കറ്റ് ഇന്‍ ഫുഡ് ആന്‍ഡ് ബീവറേജ് സര്‍വീസ് സ്റ്റിവാര്‍ഡ്, സര്‍ട്ടിഫിക്കറ്റ് ഇൻ ഫുഡ് പ്രൊഡക്ഷന് ആന്‍ഡ് പാറ്റിസെറി, സര്‍ട്ടിഫിക്കറ്റിന് ഹോട്ടല്‍ മാനേജ്‌മെന്‍റ്, സര്‍ട്ടിഫിക്കറ്റ് ഇൻ ഹോസ്പിറ്റാലിറ്റി മാനേജ്‌മെന്‍റ്.
കോളജുകൾ/സ്ഥാപനങ്ങൾ തെരഞ്ഞെടുക്കുന്പോൾ പ്രത്യേകം ശ്രദ്ധിക്കേണ്ട കാര്യം: ഈ മേഖലയിലെ തൊഴില്‍ തിയററ്റിക്കല്‍ ആയ അറിവ് കൊണ്ട് മാത്രമല്ല പ്രായോഗികമായ അറിവ് കൂടി ആവശ്യമുണ്ട്. പലപ്പോഴും നമ്മുടെ രാജ്യത്തെ ഇത്തരം കോഴ്സുകള് ഓഫര്‍ ചെയ്യുന്ന പല സ്ഥാപനങ്ങള്‍ക്കും ഇന്‍ഡസ്ട്രി എക്‌സ്പീരിയന്‍സ് പഠിതാക്കള്‍ക്ക് നല്‍കാന്‍ കഴിയാറില്ല. എന്നാല്‍ രാജ്യത്തെ പ്രധാനപ്പെട്ട സ്ഥാപനങ്ങള്‍ കൃത്യമായി ഇന്‍ഡസ്ട്രിയല്‍ എക്‌സ്പീരിയന്‍സ് കുട്ടികള്‍ക്ക് പ്രദാനം ചെയ്യുന്നുണ്ട്.
പ്രവേശന പരീക്ഷകള്‍ നാഷണല്‍ കൗണ്‍സില്‍ ഫോര്‍ ഹോട്ടല്‍ മാനേജ്‌മെന്‍റ്് കാറ്ററിങ് ടെക്‌നോളജി നടത്തുന്ന പ്രവേശന പരീക്ഷ, (NCHM CT JEE), മഹാരാഷ്ട്ര സ്റ്റേറ്റ് കോമണ്‍ എന്‍ട്രന്‍സ് ടെസ്റ്റ് (MAHCET), ഇന്‍റര്‍ നാഷണല്‍ ഇന്‍സ്റ്റിറ്റ്യൂട്ട് ഓഫ് ഹോട്ടല്‍ മാനേജ്‌മെന്‍റ് ദേശീയതലത്തിൽ നടത്തുന്ന IIHM eCHAT, ഇന്‍സ്റ്റിറ്റ്യൂട്ട് ഓഫ് ഹോട്ടല്‍ മാനേജ്‌മെന്‍റ്, ഔറംഗബാദ്, (IH MAurangbad Entrance Exam), ഒബ്‌റോയ് ഹോട്ടല്‍ ഗ്രൂപ്പ് നടത്തുന്ന പ്രവേശന പരീക്ഷ Oberoi STEP, ക്രൈസ്റ്റ് യൂണിവേഴ്‌സിറ്റി നടത്തുന്ന Christ University Entrance Test, ആര്‍മി ഇന്‍സ്റ്റിറ്റ്യൂട്ട് ഓഫ് ഹോട്ടല്‍ മാനേജ്‌മെന്‍റ് ആൻഡ് കാറ്ററിംഗ് ടെക്‌നോളജി നടത്തുന്ന written അഡ്മിഷന്‍ ടെസ്റ്റ് AIHMCT WAT, ഓള്‍ ഇന്ത്യ മാനേജ്‌മെന്‍റ് അസോസിയേഷന്‍ അണ്ടര്‍ ഗ്രാജുവേറ്റ് ആപ്റ്റിറ്റ്യൂഡ് ടെസ്റ്റ് AIMA UGAT BHM.
കൂടാതെ നമ്മുടെ സംസ്ഥാനത്തെ വിവിധ സര്‍വകലാശാലകളുടെ ആര്‍ട്‌സ് ആന്‍ഡ് സയന്‍സ് കോളജുകൾ ട്രാവല്‍ ആന്‍ഡ് ടൂറിസം, ഹോട്ടല്‍ മാനേജ്‌മെന്‍റ്, കളിനറി ആര്‍ട്‌സ് ഉള്‍പ്പെടെയുള്ള വിവിധ കോഴ്സുകളില്‍ ബിരുദവും ബിരുദാനന്തര ബിരുദവും നല്‍കുന്നുണ്ട്.
ഇതിനു പുറമെ സര്‍ട്ടിഫിക്കറ്റ് കോഴ്‌സുകൾക്കായി കേരള സര്‍ക്കാരിന്‍റെ ഫുഡ് ക്രാഫ്റ്റ് ഇന്‍സ്റ്റിറ്റ്യൂട്ട് സംസ്ഥാനത്തെ 14 ജില്ലകളിലും ട്രാവല്‍ ആന്‍ഡ് ടൂറിസം മേഖലയിലെ വിവിധ കോഴ്സുകൾ നടത്തുന്നുണ്ട്.
ബാബു പള്ളിപ്പാട്ട് 9496181703
[email protected]