ഷാരൂഖ് ഖാന്‍ രോഹന്‍ കോര്‍പറേഷന്‍ ബ്രാന്‍ഡ് അംബാസഡർ
Tuesday, May 13, 2025 6:23 PM IST
കൊച്ചി: രാജ്യത്തെ റിയല്‍ എസ്റ്റേറ്റ് മേഖലയിലെ മുൻനിര ബില്‍ഡര്‍മാരും ഡെവലപ്പര്‍മാരുമായ രോഹന്‍ കോര്‍പറേഷന്‍ ബോളിവുഡ് താരം ഷാരൂഖ് ഖാനെ കര്‍ണാടകയിലെ ഔദ്യോഗിക ബ്രാന്‍ഡ് അംബാസഡറായി നിയമിച്ചു.
ഷാരൂഖ് ഖാനുമായുള്ള സഹകരണം കമ്പനിയെ വളര്‍ച്ചയുടെ പുതിയ തലങ്ങളിലേക്ക് നയിക്കാന്‍ സഹായിക്കുമെന്ന് മംഗളൂരു കേന്ദ്രീകരിച്ച് 30 വര്‍ഷത്തിലേറെയായി പ്രവര്‍ത്തിച്ചുവരുന്ന രോഹന്‍ കോര്‍പറേഷന്‍ അധികൃതർ അറിയിച്ചു.
ഹില്‍ ക്രെസ്റ്റ്, ഹൈ ക്രെസ്റ്റ്, രോഹന്‍ സിറ്റി, രോഹന്‍ സ്‌ക്വയര്‍ തുടങ്ങിയ സുപ്രധാന പദ്ധതികളിലൂടെ ശ്രദ്ധേയമായ രോഹന്‍ കോര്‍പറേഷന്‍ ഇതുവരെ 25 ലാന്‍ഡ്മാര്‍ക്ക് പ്രോജക്ടുകളാണ് പൂര്‍ത്തിയാക്കിയിട്ടുള്ളത്.