"പ്ര​തി​ബ​ദ്ധ​ത എ​ന്നു പ​റ​യു​ന്ന​ത് ഒ​രു വാ​ക്ക​ല്ല, അ​ത് ഒ​രു പ്ര​വൃ​ത്തി​യാ​ണ്.'

പാ​ശ്ചാ​ത്യ ക്ലാ​സി​ക്ക​ൽ സം​ഗീ​ത​ത്തി​ന്‍റെ ഒ​രു ക​ലാ​രൂ​പ​മാ​യ ഓ​പ്പ​റ​യി​ൽ ദീ​ർ​ഘ​കാ​ലം മു​ടി​ചൂ​ടാ​മ​ന്ന​നാ​യി പ്ര​ശോ​ഭി​ച്ച ക​ലാ​കാ​ര​നാ​ണു ലൂ​ച്ചി​യാ​നോ പാ​വ​റോ​ത്തി (1935-2007). ഇ​റ്റ​ലി​യു​ടെ വ​ട​ക്കു​ഭാ​ഗ​ത്തു​ള്ള മൊദേന എ​ന്ന സ്ഥ​ല​ത്തു ജ​നി​ച്ച അ​ദ്ദേ​ഹം 1961ലാ​ണ് ഓ​പ്പ​റ ഗാ​യ​ക​നാ​യി ത​ന്‍റെ പ്ര​ഫ​ഷ​ണ​ൽ ക​രി​യ​ർ തു​ട​ങ്ങു​ന്ന​ത്.

ഇ​റ്റ​ലി​യി​ലെ ടൂ​റി​നി​ൽ 2006ൽ ​ന​ട​ന്ന വി​ന്‍റ​ർ ഒ​ളി​ന്പി​ക്സ് വ​രെ അ​തു നീ​ണ്ടു​നി​ന്നു.
ആ​ദ്യ​കാ​ല​ങ്ങ​ളി​ൽ ക്ലാ​സി​ക്ക​ൽ സം​ഗീ​ത​ത്തി​ൽ മാ​ത്രം ശ്ര​ദ്ധി​ച്ച പാ​വ​റോ​ത്തി ത​ന്‍റെ ക​രി​യ​റി​ന്‍റെ അ​വ​സാ​ന​കാ​ല​ത്തു പോ​പ്പു​ല​ർ സം​ഗീ​ത​ത്തി​ലേ​ക്കും ക​ട​ന്നു. അ​ദ്ദേ​ഹ​ത്തി​ന്‍റെ പേ​രി​ലു​ള്ള പ​ത്തു കോ​ടി മ്യു​സി​ക് റി​ക്കാ​ർ​ഡു​ക​ൾ ഇ​തി​ന​കം വി​റ്റ​ഴി​ക്ക​പ്പെ​ട്ടി​ട്ടു​ണ്ട്. ഓ​പ്പ​റ​യി​ലെ പു​രു​ഷ ഗാ​യ​ക​രി​ൽ ത്രി​മൂ​ർ​ത്തി​ക​ളാ​യി അ​റി​യ​പ്പെ​ടു​ന്ന പാ​വ​റോ​ത്തി യും സ്പാ​നീ​ഷു​കാ​രാ​യ പ്ലാ​സി​ഡോ ഡൊ​മി​നിം​ഗോ​യും ഹൊ​സെ​ ക​രേ​രാ​സും ചേ​ർ​ന്നു പു​റ​ത്തി​റ​ക്കി​യ ആ​ൽ​ബം എ​ക്കാ​ല​ത്തെ​യും ഏ​റ്റ​വു​മ​ധി​കം വി​റ്റ​ഴി​ക്ക​പ്പെ​ട്ട ആ​ൽ​ബ​മാ​ണ്.

പാ​വ​റോ​ത്തി സം​ഗീ​ത​ലോ​ക​ത്തു ജ്വ​ലി​ച്ചു​നി​ന്ന അ​വ​സ​ര​ത്തി​ൽ ജീ​വ​കാ​രു​ണ്യ പ്ര​വ​ർ​ത്ത​ന​ങ്ങ​ൾ​ക്കു ധ​ന​സ​മാ​ഹ​ര​ണം ന​ട​ത്തു​ന്ന​തി​ലും ഉ​ത്സു​ക​നാ​യി​രു​ന്നു. അ​ഭ​യാ​ർ​ഥി​ക​ൾ​ക്കു വേ​ണ്ടി​യും റെ​ഡ്ക്രോ​സി​നു വേ​ണ്ടി​യു​മു​ള്ള ധ​ന​സ​മാ​ഹ​ര​ണ​ത്തി​ലാ​യി​രു​ന്നു അ​ദ്ദേ​ഹം ഏ​റെ സ​ഹാ​യി​ച്ച​ത്.

പാ​വ​റോ​ത്തി ജ​നി​ച്ച​ത് ഒ​രു പാ​വ​പ്പെ​ട്ട കു​ടും​ബ​ത്തി​ലാ​യി​രു​ന്നു​വെ​ങ്കി​ലും അ​ദ്ദേ​ഹ​ത്തി​ന്‍റെ പി​താ​വ് ഫെ​ർ​ണാ​ൻ​ഡോ പ്ര​ഫ​ഷ​ണ​ലാ​യി പാ​ടു​വാ​ൻ ക​ഴി​വു​ള്ള ഒ​രു ഗാ​യ​ക​നാ​യി​രു​ന്നു. എ​ങ്കി​ലും, ഇ​ട​വ​ക​പ്പ​ള്ളി​യി​ലെ ക്വ​യ​റി​ൽ പാ​ടു​ന്ന​തി​ൽ ശ്ര​ദ്ധി​ച്ച​ത​ല്ലാ​തെ പ്ര​ഫ​ഷ​ണ​ൽ രം​ഗ​ത്തേ​ക്കു ക​ട​ക്കാ​ൻ ഫെ​ർ​ണാ​ൻ​ഡോ ത​യാ​റാ​യി​ല്ല. എ​ന്നാ​ൽ, മ​ക​ൻ ആ ​രം​ഗ​ത്തേ​ക്കു ക​ട​ക്കു​ന്ന​തി​ൽ അ​ദ്ദേ​ഹം ഒ​രി​ക്ക​ലും ത​ട​സം നി​ന്നി​ല്ല.

പാ​വ​റോത്തി സം​ഗീ​ത​ത്തി​ൽ മി​ടു​ക്ക​നാ​യി​രു​ന്നെ​ങ്കി​ലും ഒ​രു ഫു​ട്ബോ​ൾ ക​ളി​ക്കാ​ര​നാ​യി​ത്തീ​രാ​നാ​യി​രു​ന്നു മോ​ഹം. എ​ന്നാ​ൽ, സം​ഗീ​ത പ​രി​ശീ​ല​നം നേ​ടാ​ൻ ഫെ​ർ​ണാ​ൻ​ഡോ മ​ക​നെ ഉ​പ​ദേ​ശി​ച്ചു. പാ​വ​റോത്തി സം​ഗീ​ത​ത്തി​ൽ മി​ടു​ക്ക​നാ​യി​രു​ന്ന​തു​കൊ​ണ്ടു മൊ​ദേനയി​ലെ ഏ​റ്റ​വും പ്ര​ഗ​ല്ഭ സം​ഗീ​ത​ജ്ഞ​നാ​യി​രു​ന്ന അ​റി​ഗോ പോ​ളോ ഫീ​സ് വാ​ങ്ങാ​തെ പാ​വ​റോ​ത്തിക്കു സം​ഗീ​ത​പ​രി​ശീ​ല​നം ന​ൽ​കു​ക​യും ചെ​യ്തു.

ഇ​തി​നി​ട​യി​ൽ അ​മ്മ​യു​ടെ ആ​ഗ്ര​ഹ​ത്തി​നു വ​ഴ​ങ്ങി ഒ​രു അ​ധ്യാ​പ​ക​നാ​കാ​ൻ വേ​ണ്ടി പാ​വ​റോ​ത്തി ടീ​ച്ചേ​ഴ്സ് കോ​ള​ജി​ൽ പ​ഠി​ച്ചു യോ​ഗ്യ​ത നേ​ടി. അ​ങ്ങ​നെ​യാ​ണ്, ഏ​ഴു വ​ർ​ഷം നീ​ണ്ടു​നി​ന്ന സം​ഗീ​ത​പ​ഠ​ന​കാ​ല​ത്തു പാ​ർ​ട്ട് ടൈം ​പ്രൈ​മ​റി സ്കൂ​ൾ അ​ധ്യാ​പ​ക​നാ​യി ജോ​ലി ചെ​യ്യാ​ൻ അ​ദ്ദേ​ഹ​ത്തി​നു സാ​ധി​ച്ച​ത്.

ടീ​ച്ചേ​ഴ്സ് കോ​ള​ജി​ലെ പ​ഠ​നം ക​ഴി​ഞ്ഞ​പ്പോ​ൾ പാ​വ​റോ​ത്തി പി​താ​വി​നോ​ട് ചോ​ദി​ച്ചു: "ഞാ​ൻ എ​ന്താ​ണു ചെ​യ്യേ​ണ്ട​ത്?' അ​പ്പോ​ൾ പി​താ​വ് പ​റ​ഞ്ഞു: "നീ ​ര​ണ്ടു ക​സേ​ര​യി​ലാ​യി​ട്ടാ​ണ് ഇ​രി​ക്കു​ന്ന​തെ​ങ്കി​ലും നീ ​ര​ണ്ടി​നു​മി​ട​യി​ലാ​യി വീ​ഴും. നി​ന്‍റെ ജീ​വി​ത​കാ​ല​ത്തേ​ക്കു നീ ​ഒ​രു ക​സേ​ര മാ​ത്രം തെ​ര​ഞ്ഞെ​ടു​ക്ക​ണം.'

പി​ൽ​ക്കാ​ല​ത്തു പാ​വ​റോ​ത്തി ഇ​പ്ര​കാ​രം എ​ഴു​തി: "ഞാ​ൻ ഒ​രു ക​സേ​ര തെ​ര​ഞ്ഞെ​ടു​ത്തു. ഏ​ഴു വ​ർ​ഷം നീ​ണ്ടു​നി​ന്ന ക​ഠി​നാ​ധ്വാ​ന​ത്തി​നും മോ​ഹ​ഭം​ഗ​ത്തി​നും ശേ​ഷ​മാ​ണു ഞാ​ൻ ആ​ദ്യ​മാ​യി പ്ര​ഫ​ഷ​ണ​ൽ എ​ന്ന രീ​തി​യി​ൽ വേ​ദി​യി​ലെ​ത്തു​ന്ന​ത്. പി​ന്നീ​ട്, ഏ​ഴ് വ​ർ​ഷം കൂ​ടി വേ​ണ്ടി​വ​ന്നു മെ​ട്രോ​പ്പോ​ലി​റ്റ​ൻ ഓ​പ്പ​റ​യി​ൽ എ​ത്തി​ച്ചേ​രാ​ൻ.'

അ​ദ്ദേ​ഹം തു​ട​രു​ന്നു: ’ഇ​പ്പോ​ൾ എ​നി​ക്കു തോ​ന്നു​ന്നു, നാം ​ക​ല്പ​ണി ചെ​യ്യു​ക​യാ​ണെ​ങ്കി​ലും പു​സ്ത​ക​മെ​ഴു​തു​ക​യാ​ണെ​ങ്കി​ലും മ​റ്റ് എ​ന്തു ചെ​യ്യു​ക​യാ​ണെ​ങ്കി​ലും നാം ​ന​മ്മെ​ത്ത​ന്നെ പൂ​ർ​ണ​മാ​യി അ​തി​നു സ​മ​ർ​പ്പി​ക്ക​ണം. അ​താ​ണു പ്ര​ധാ​ന​പ്പെ​ട്ട കാ​ര്യം. ഒ​രു ക​സേ​ര മാ​ത്രം തെ​ര​ഞ്ഞെ​ടു​ക്കു​ക.'പാ​വ​റോ​ത്തിക്കു പാ​ടാ​ൻ ക​ഴി​വു​ണ്ടാ​യി​രു​ന്നു. അ​തു​പോ​ലെ, പ​ഠി​പ്പി​ക്കാ​നു​ള്ള ക​ഴി​വും യോ​ഗ്യ​ത​യും. എ​ന്നാ​ൽ, ആ ​ര​ണ്ടു പ​ണി​യും ഒ​ന്നി​ച്ചു ചെ​യ്യാ​തെ, ഒ​ന്നു​മാ​ത്രം അ​ദ്ദേ​ഹം തെ​ര​ഞ്ഞെ​ടു​ത്തു. അ​താ​ക​ട്ടെ, പാ​ട്ടി​ന്‍റെ ക​സേ​ര​യു​മാ​യി​രു​ന്നു. ആ ​ക​സേ​ര​യി​ലി​രു​ന്ന അ​ദ്ദേ​ഹം പ്ര​ശോ​ഭി​ച്ചു. പ​ക്ഷേ, അ​തു സാ​ധി​ച്ച​ത്, സം​ഗീ​ത​ത്തി​നു​ സ്വ​യം സ​മ​ർ​പ്പി​ച്ച​തു​കൊ​ണ്ടാ​യി​രു​ന്നു.

ന​മു​ക്ക് ഒ​ന്നോ ര​ണ്ടോ അ​തി​ല​ധി​ക​മോ രം​ഗ​ങ്ങ​ളി​ൽ ഒ​രു​പോ​ലെ ശോ​ഭി​ക്കാ​ൻ സാ​ധി​ച്ചെ​ന്നി​രി​ക്കും. എ​ന്നാ​ൽ, പാ​വ​റോ​ത്തി ഓ​പ്പ​റ സം​ഗീ​ത​ത്തി​ൽ ശോ​ഭി​ച്ച​തു​പോ​ലെ ഏ​തെ​ങ്കി​ലും രം​ഗ​ത്തു ശോ​ഭി​ക്ക​ണ​മെ​ങ്കി​ൽ പ​ല ക​സേ​ര​ക​ളി​ലി​രു​ന്നാ​ൽ സാ​ധി​ക്കി​ല്ല. അ​തി​ന് ഒ​രു ക​സേ​ര​ത​ന്നെ തെ​ര​ഞ്ഞെ​ടു​ക്ക​ണം. പൂ​ർ​ണ​മാ​യ സ​മ​ർ​പ്പ​ണം ആ ​രം​ഗ​ത്ത് ഉണ്ടാ​വു​ക​യും വേ​ണം. എ​ങ്കി​ലേ, ക​ല്പ​ണി രം​ഗ​ത്താ​യാ​ൽ​പോ​ലും ന​മു​ക്കു ശ​രി​ക്കും പ്ര​ശോ​ഭി​ക്കാ​ൻ സാ​ധി​ക്കൂ.

പ്ര​സി​ദ്ധ ഫ്ര​ഞ്ചു ത​ത്വ​ചി​ന്ത​ക​നാ​യി​രു​ന്ന ഷാങ്-​പോ​ൾ സാ​ർ​ത്ര് ഒ​രി​ക്ക​ൽ എ​ഴു​തി: "പ്ര​തി​ബ​ദ്ധ​ത എ​ന്നു പ​റ​യു​ന്ന​ത് ഒ​രു വാ​ക്ക​ല്ല, അ​ത് ഒ​രു പ്ര​വൃ​ത്തി​യാ​ണ്.' അ​താ​യ​ത്, പ്ര​തി​ബ​ദ്ധ​ത അ​ല്ലെ​ങ്കി​ൽ സ​മ​ർ​പ്പ​ണം ശ​രി​ക്കും പ്ര​വൃ​ത്തി​ത​ല​ത്തി​ൽ വ​രു​ന്പോ​ഴാ​ണ്, നാം ​ഏ​തു രം​ഗ​ത്തു പ്ര​വ​ർ​ത്തി​ക്കു​ന്ന​വ​രാ​യാ​ലും അ​വി​ടെ പ്ര​ശോ​ഭി​ക്കാ​ൻ സാ​ധി​ക്കു​ന്ന​ത്. പാ​വ​റോ​ത്തി ഓ​പ്പ​റ സം​ഗീ​ത​ത്തി​ൽ വി​ജ​യി​ച്ചെ​ങ്കി​ൽ അ​തി​ന്‍റെ കാ​ര​ണം, ഗാം​ഭീ​ര്യം സ്ഫു​രി​ക്കു​ന്ന അ​ദ്ദേ​ഹ​ത്തി​ന്‍റെ പു​രു​ഷ​ശ​ബ്ദം മാ​ത്ര​മാ​യി​രു​ന്നി​ല്ല, പ്ര​ത്യു​ത സം​ഗീ​ത​പ​രി​ശീ​ല​ന​ത്തി​ൽ അ​ദ്ദേ​ഹം ന​ൽ​കി​യ ആ​ത്മ​സ​മ​ർ​പ്പ​ണ​മാ​യി​രു​ന്നു.

ഒ​രു ക​സേ​ര മാ​ത്രം തെ​ര​ഞ്ഞെ​ടു​ക്കൂ എ​ന്നു പാ​വ​റോത്തി പ​റ​യു​ന്പോ​ഴും, സാ​ധാ​ര​ണ​ക്കാ​രാ​യ ന​മു​ക്കു പ​ല ക​സേ​ര​ക​ളി​ലി​രു​ന്നു കാ​ര്യ​ങ്ങ​ൾ ചെ​യ്യേ​ണ്ടി​വ​ന്നേ​ക്കാം. എ​ന്നാ​ൽ, അ​പ്പോ​ഴും നാം ​ഇ​രി​ക്കു​ന്ന എ​ല്ലാ ക​സേ​ര​ക​ളും പ്ര​തി​നി​ധീ​ക​രി​ക്കു​ന്ന രം​ഗ​ങ്ങ​ളി​ലും ന​മു​ക്കു പൂ​ർ​ണ​മാ​യ പ്ര​തി​ബ​ദ്ധ​ത ഉ​ണ്ടാ​ക​ണം. എ​ങ്കി​ൽ മാ​ത്ര​മേ, അ​വ​യോ​ടൊ​ക്കെ നീ​തി പു​ല​ർ​ത്താ​ൻ സാ​ധി​ക്കൂ.

ഫാ. ജോസ് പന്തപ്ലാംതൊട്ടിയിൽ