റൂ​സ്‌​വെ​ൽ​റ്റി​ന് 26 വ​യ​സു​ള്ള​പ്പോ​ൾ ഒ​രേ ദി​വ​സം​ത​ന്നെ അ​ദ്ദേ​ഹ​ത്തി​ന്‍റെ മാ​താ​വും ഭാ​ര്യ​യും രോ​ഗം​മൂ​ലം മ​രി​ച്ചു. എ​ങ്കി​ലും ആ ​ദു​ര​ന്ത​ങ്ങ​ളെ അ​തി​ജീ​വി​ച്ച് അ​ദ്ദേ​ഹം പൊ​തു​ജ​ന​സേ​വ​നം തു​ട​ർ​ന്നു. 60 വ​ർ​ഷം മാ​ത്ര​മേ അ​ദ്ദേ​ഹം ജീ​വി​ച്ചി​രു​ന്നു​ള്ളൂ​വെ​ങ്കി​ലും അ​ന്താ​രാ​ഷ്‌​ട്ര ത​ല​ത്തി​ലും ദേ​ശീ​യ​ത​ല​ത്തി​ലു​മെ​ല്ലാം അ​ദ്ദേ​ഹം എ​പ്പോ​ഴും തി​ള​ങ്ങി​നി​ന്നി​രു​ന്നു. ജീ​വി​ത​ത്തി​ലെ വി​വി​ധ തി​ര​ക്കു​ക​ൾ​ക്കി​ട​യി​ലും ആ​ത്മ​ക​ഥ ഉ​ൾ​പ്പെ​ടെ 35 പു​സ്ത​ക​ങ്ങ​ൾ അ​ദ്ദേ​ഹം പ്ര​സി​ദ്ധീ​ക​രി​ച്ചി​ട്ടു​ണ്ട്. അ​തു​പോ​ലെ ഒ​ന്ന​ര ല​ക്ഷ​ത്തി​ലേ​റെ എ​ഴു​ത്തു​ക​ൾ അ​ദ്ദേ​ഹം എ​ഴു​തി​യ​താ​യും ക​ണ​ക്കാ​ക്ക​പ്പെ​ടു​ന്നു.

അ​മേ​രി​ക്ക​ൻ ച​രി​ത്ര​ത്തി​ലെ ഏ​റ്റ​വും പ്ര​ധാ​ന​പ്പെ​ട്ട അ​ഞ്ച് പ്ര​സി​ഡ​ന്‍റു​മാ​രി​ൽ ഒ​രാ​ളാ​യി പ​രി​ഗ​ണി​ക്ക​പ്പെ​ടു​ന്ന​യാ​ളാ​ണു തെ​യ​ഡോ​ർ റൂ​സ്‌​വെ​ൽ​റ്റ് (1858-1919). അ​മേ​രി​ക്ക​ൻ പ്ര​സി​ഡ​ന്‍റു​മാ​രി​ൽ ആ​ദ്യ​മാ​യി സ​മാ​ധാ​ന​ത്തി​നു​ള്ള നൊ​ബേ​ൽ​സ​മ്മാ​നം നേ​ടി​യ​ത് അ​ദ്ദേ​ഹ​മാ​ണ്. വൈ​സ് പ്ര​സി​ഡ​ന്‍റാ​യി ആ​ദ്യം തെ​ര​ഞ്ഞെ​ടു​ക്ക​പ്പെ​ട്ട റൂ​സ്‌​വെ​ൽ​റ്റ് 194 ദി​വ​സം മാ​ത്ര​മേ ആ ​പ​ദ​വി​യി​ലി​രു​ന്നു​ള്ളൂ.

1901 സെ​പ്റ്റം​ബ​ർ 14നു ​പ്ര​സി​ഡ​ന്‍റ് വി​ല്യം മ​ക്‌​കി​ൻ​ലി വെ​ടി​യേ​റ്റു മ​രി​ച്ച​പ്പോ​ൾ റൂ​സ്‌​വെ​ൽ​റ്റി​നു പ്ര​സി​ഡ​ന്‍റ്സ്ഥാ​നം ഏ​റ്റെ​ടു​ക്കേ​ണ്ടി​വ​ന്നു. പ്ര​സി​ഡ​ന്‍റ് സ്ഥാ​ന​ത്ത് റൂ​സ്‌​വെ​ൽ​റ്റ് ന​ന്നാ​യി ശോ​ഭി​ച്ച​തു​കൊ​ണ്ട് 1904ൽ ​ന​ട​ന്ന തെ​ര​ഞ്ഞെ​ടു​പ്പി​ൽ വ​ൻ ഭൂ​രി​പ​ക്ഷ​ത്തോ​ടെ​യാ​ണ് അ​ദ്ദേ​ഹം പ്ര​സി​ഡ​ന്‍റ് പ​ദ​വി നി​ല​നി​ർ​ത്തി​യ​ത്.

റൂ​സ്‌​വെ​ൽ​റ്റ് ജ​നി​ച്ച​തു ന്യൂ​യോ​ർ​ക്കി​ലെ ഒ​രു ധ​നി​ക കു​ടും​ബ​ത്തി​ലാ​യി​രു​ന്നു. ഹാ​ർ​വാ​ഡ് യൂ​ണി​വേ​ഴ്സി​റ്റി​യി​ൽ​നി​ന്നു ബി​രു​ദം സ​ന്പാ​ദി​ച്ച ശേ​ഷം കൊ​ളം​ബി​യ യൂ​ണി​വേ​ഴ്സി​റ്റി​യി​ൽ നി​യ​മ​പ​ഠ​നം തു​ട​ങ്ങി​യെ​ങ്കി​ലും അ​തു പൂ​ർ​ത്തി​യാ​ക്കാ​തെ രാ​ഷ്‌​ട്രീ​യ​ത്തി​ലേ​ക്കു പ്ര​വേ​ശി​ക്കു​ക​യാ​യി​രു​ന്നു.

റൂ​സ്‌​വെ​ൽ​റ്റി​ന് 26 വ​യ​സു​ള്ള​പ്പോ​ൾ ഒ​രേ ദി​വ​സം​ത​ന്നെ അ​ദ്ദേ​ഹ​ത്തി​ന്‍റെ മാ​താ​വും ഭാ​ര്യ​യും രോ​ഗം​മൂ​ലം മ​രി​ച്ചു. എ​ങ്കി​ലും ആ ​ദു​ര​ന്ത​ങ്ങ​ളെ അ​തി​ജീ​വി​ച്ച് അ​ദ്ദേ​ഹം പൊ​തു​ജ​ന​സേ​വ​നം തു​ട​ർ​ന്നു. 60 വ​ർ​ഷം മാ​ത്ര​മേ അ​ദ്ദേ​ഹം ജീ​വി​ച്ചി​രു​ന്നു​ള്ളൂ​വെ​ങ്കി​ലും അ​ന്താ​രാ​ഷ്‌​ട്ര ത​ല​ത്തി​ലും ദേ​ശീ​യ​ത​ല​ത്തി​ലു​മെ​ല്ലാം അ​ദ്ദേ​ഹം എ​പ്പോ​ഴും തി​ള​ങ്ങി​നി​ന്നി​രു​ന്നു.

ജീ​വി​ത​ത്തി​ലെ വി​വി​ധ തി​ര​ക്കു​ക​ൾ​ക്കി​ട​യി​ലും ആ​ത്മ​ക​ഥ ഉ​ൾ​പ്പെ​ടെ 35 പു​സ്ത​ക​ങ്ങ​ൾ അ​ദ്ദേ​ഹം പ്ര​സി​ദ്ധീ​ക​രി​ച്ചി​ട്ടു​ണ്ട്. അ​തു​പോ​ലെ ഒ​ന്ന​ര ല​ക്ഷ​ത്തി​ലേ​റെ എ​ഴു​ത്തു​ക​ൾ അ​ദ്ദേ​ഹം എ​ഴു​തി​യ​താ​യും ക​ണ​ക്കാ​ക്ക​പ്പെ​ടു​ന്നു.

ച​രി​ത്ര​കാ​ര​നാ​യ തോ​മ​സ് ബെ​യ്‌​ലി, റൂ​സ്‌​വെ​ൽ​റ്റി​ന്‍റെ പ​ല ന​യ​ങ്ങ​ളോ​ടും അ​ഭി​പ്രാ​യ​വ്യ​ത്യാ​സം പ്ര​ക​ടി​പ്പി​ച്ചി​ട്ടു​ണ്ടെ​ങ്കി​ലും അ​ദ്ദേ​ഹ​ത്തെ മ​ഹ​ത്താ​യ ഒ​രു വ്യ​ക്തി​ത്വ​ത്തി​ന്‍റെ ഉ​ട​മ​യാ​യി പ്ര​കീ​ർ​ത്തി​ച്ചി​ട്ടു​ണ്ട്. അ​ദ്ദേ​ഹ​ത്തി​ന്‍റെ അ​ഭി​പ്രാ​യ​ത്തി​ൽ റൂ​സ്‌​വെ​ൽ‌​റ്റ് ധാ​ർ​മി​ക​ത​യു​ടെ ശ​ക്ത​നാ​യ ഒ​രു വ​ക്താ​വും​കൂ​ടി​യാ​യി​രു​ന്ന​ത്രേ.

ക​പ​ട​മു​ഖം

ഇ​പ്ര​കാ​രം ആ​ദ​രി​ക്ക​പ്പെ​ടു​ന്ന റൂ​സ്‌​വെ​ൽ​റ്റി​ന് ഒ​രു ക​പ​ട​മു​ഖം ഉ​ണ്ടാ​യി​രു​ന്നോ എ​ന്നു ന​മ്മെ​ക്കൊ​ണ്ടു സം​ശ​യി​പ്പി​ക്കു​ന്ന ഒ​രു ക​ഥ​യു​ണ്ട്. റൂ​സ്‌​വെ​ൽ​റ്റ് പ്ര​സി​ഡ​ന്‍റാ​യി​രി​ക്കു​ന്ന കാ​ല​ത്തു കു​റെ​ദി​വ​സം ന്യൂ​യോ​ർ​ക്കി​ലെ ലോം​ഗ് ഐ​ല​ൻ​ഡി​ലു​ള്ള ത​ന്‍റെ ഭ​വ​ന​ത്തി​ൽ താ​മ​സി​ക്കു​ക​യാ​യി​രു​ന്നു. അ​വി​ടെ അ​ദ്ദേ​ഹ​ത്തി​ന് ഒ​രു ബാ​ൺ ഉ​ണ്ടാ​യി​രു​ന്നു. ക​ന്നു​കാ​ലി​ക​ൾ​ക്കു ക​ച്ചി​യും മ​റ്റും സൂ​ക്ഷി​ക്കു​ന്ന ഒ​രു ക​ള​പ്പു​ര​യാ​യി​രു​ന്നു അ​ത്.

ഒ​രു ദി​വ​സം ന്യൂ​യോ​ർ​ക്കി​ൽ​നി​ന്നു ചി​ല നേ​താ​ക്ക​ൾ അ​ദ്ദേ​ഹ​ത്തെ കാ​ണാ​നെ​ത്തി.​അ​പ്പോ​ൾ അ​ദ്ദേ​ഹം ത​ന്‍റെ ഷ​ർ​ട്ടി​ന്‍റെ കൈ​ക​ൾ മു​ക​ളി​ലേ​ക്കു ചു​രു​ട്ടി​വ​ച്ചു​കൊ​ണ്ടു പ​റ​ഞ്ഞു: ""വ​രൂ, ന​മു​ക്കു ക​ള​പ്പു​ര​യി​ലേ​ക്കു പോ​കാം. അ​വി​ടെ എ​നി​ക്ക് അ​ല്പം ജോ​ലി​ചെ​യ്യു​ക​യും അ​തോ​ടൊ​പ്പം നി​ങ്ങ​ളോ​ട് സം​സാ​രി​ക്കു​ക​യും ചെ​യ്യാം. '' ക​ള​പ്പു​ര​യി​ലെ​ത്തി​യ റൂ​സ്‌​വെ​ൽ​റ്റ് ക​ച്ചി ത​ടു​ത്തു​കൂ​ട്ടി ക​ള​പ്പു​ര​യു​ടെ മു​ക​ൾ​ത്ത​ട്ടി​ലേ​ക്കു വ​ലി​ച്ചെ​റി​യാ​ൻ സ​ഹാ​യി​ക്കു​ന്ന ഒ​രു പി​റ്റ്ച്ച്പോ​ർ​ക്ക് എ​ടു​ത്തു ക​ച്ചി​ക്കു​വേ​ണ്ടി ചു​റ്റി​ലും നോ​ക്കി. അ​പ്പോ​ൾ അ​വി​ടെ വൈ​ക്കോ​ൽ​ക്കൂ​ന​യൊ​ന്നും ക​ണ്ടി​ല്ല. ഉ​ട​നെ അ​ദ്ദേ​ഹം കൂ​ടെ​യു​ണ്ടാ​യി​രു​ന്ന സ​ഹാ​യി​യോ​ടു ചോ​ദി​ച്ചു: ""ഇ​വി​ടെ ഉ​ണ്ടാ​യി​രു​ന്ന വൈ​ക്കോ​ലെ​ല്ലാം എ​വി​ടെ​പ്പോ​യി?''

ഉ​ട​നെ സ​ഹാ​യി പ​റ​ഞ്ഞു: ""അ​തെ​ല്ലാം ക​ള​പ്പു​ര​യു​ടെ മു​ക​ൾ​ത്ത​ട്ടി​ലു​ണ്ട്. അ​യോ​വ​യി​ൽ​നി​ന്നു​ള്ള ആ​ളു​ക​ൾ വ​ന്ന​പ്പോ​ൾ അ​തു മു​ഴു​വ​നും അ​ങ്ങ് മു​ക​ളി​ലേ​ക്കു വ​ലി​ച്ചെ​റി​ഞ്ഞി​രു​ന്നു. അ​തു പി​ന്നീ​ട് താ​ഴേ​ക്ക് എ​ടു​ക്കാ​ൻ എ​നി​ക്കു സ​മ​യം കി​ട്ടി​യി​ല്ല.''

ഈ ​ക​ഥ​യി​ൽ എ​ത്ര​മാ​ത്രം യാ​ഥാ​ർ​ഥ്യം ഉ​ണ്ട് എ​ന്ന​റി​യി​ല്ല. ഒ​രു​പ​ക്ഷേ, ആ​രെ​ങ്കി​ലും കെ​ട്ടി​ച്ച​മ​ച്ച ക​ഥ​യാ​യി​രി​ക്കും ഇ​ത്. ഈ ​ക​ഥ കെ​ട്ടി​ച്ച​മ​ച്ച​താ​ണെ​ന്നു ക​രു​തി​യാ​ലും ഇ​ത്ത​ര​മൊ​രു ക​ഥ മെ​ന​ഞ്ഞെ​ടു​ക്കു​ന്ന​തി​നു സ​ഹാ​യി​ച്ച എ​ന്തെ​ങ്കി​ലും കാ​ര​ണം ഉ​ണ്ടാ​കാ​നു​ള്ള സാ​ധ്യ​ത ന​മു​ക്കു ത​ള്ളി​ക്ക​ള​യാ​നാ​വി​ല്ല. റൂ​സ്‌​വെ​ൽ​റ്റ് ഒ​രു "ഷോ​മാ​ൻ' ആ​യി പ​ര​ക്കെ ക​രു​ത​പ്പെ​ട്ടി​രു​ന്നു. അ​താ​യ​ത്, ഒ​രു രാ​ഷ്‌​ട്രീ​യ​ക്കാ​ര​ൻ എ​ന്ന നി​ല​യി​ൽ ആ​ളു​ക​ളെ കൈ​യി​ലെ​ടു​ക്കാ​ൻ സാ​ഹാ​യി​ക്കു​ന്ന പ​ല ടെ​ക്നി​ക്കു​ക​ളും അ​ദ്ദേ​ഹ​ത്തി​നു ന​ല്ല വ​ശ​മാ​യി​രു​ന്ന​ത്രേ.

ഒ​രു​പ​ക്ഷേ, അ​ത്ത​ര​മൊ​രു ടെ​ക്നി​ക്കാ​യി​രി​ക്കാം അ​ദ്ദേ​ഹം ക​ള​പ്പു​ര​യി​ൽ കാ​ണി​ച്ച​ത്. പ​ക്ഷേ, ആ ​ടെ​ക്നി​ക്കി​ന്‍റെ പ്ര​ശ്നം അ​തി​ൽ കാ​പ​ട്യം അ​ട​ങ്ങി​യി​രി​ക്കു​ന്നു എ​ന്ന​താ​ണ്. താ​ൻ എ​പ്പോ​ഴും അ​ധ്വാ​നി​ക്കു​ന്ന​വ​നാ​ണ് എ​ന്നു മ​റ്റു​ള്ള​വ​രെ കാ​ണി​ക്കാ​നും ബോ​ധ്യ​പ്പെ​ടു​ത്താ​നു​മാ​ണ് ആ ​ഷോ​യി​ലൂ​ടെ അ​ദ്ദേ​ഹം ശ്ര​മി​ച്ച​ത്.

എ​ന്നാ​ൽ, റൂ​സ്‌​വെ​ൽ​റ്റി​ന് ഇ​ങ്ങ​നെ ഒ​രു ഷോ​യു​ടെ ആ​വ​ശ്യം ഉ​ണ്ടാ​യി​രു​ന്നോ? അ​ദ്ദേ​ഹം എ​ല്ലാ​വ​രാ​ലും ആ​ദ​രി​ക്ക​പ്പെ​ട്ട വ്യ​ക്തി​യാ​യി​രു​ന്നു. അ​നാ​വ​ശ്യ ഷോ ​ഒ​ന്നും കൂ​ടാ​തെ അ​ദ്ദേ​ഹ​ത്തി​ന് ആ ​അം​ഗീ​കാ​രം നി​ല​നി​ർ​ത്താ​നും സാ​ധി​ക്കു​മാ​യി​രു​ന്നു. എ​ങ്കി​ലും പൊ​യ്മു​ഖം ധ​രി​ക്കു​ക അ​ദ്ദേ​ഹ​ത്തി​ന്‍റെ ഒ​രു ബ​ല​ഹീ​ന​ത ആ​യി​രു​ന്നി​രി​ക്ക​ണം.

പൊ​യ്മു​ഖ​ങ്ങ​ൾ വേ​ണ്ട

റൂ​സ്‌​വെ​ൽ​റ്റി​നെ നാം ​വി​മ​ർ​ശി​ച്ചി​ട്ട് കാ​ര്യ​മി​ല്ല. കാ​ര​ണം, നാ​മൊ​ക്കെ റൂ​സ്‌​വെ​ൽ​റ്റി​നേ​ക്കാ​ൾ ഏ​റെ മെ​ച്ച​പ്പെ​ട്ട​വ​രാ​ണെ​ന്നു പ​റ​യാ​നാ​കു​മോ? ന​മു​ക്കു​മി​ല്ലേ പൊ​യ്മു​ഖ​ങ്ങ​ൾ? ഒ​രു​പ​ക്ഷേ, നാം ​അ​റി​യാ​തെ​യാ​ണെ​ങ്കി​ലും നാം ​ന​ല്ല​വ​രാ​ണെ​ന്നു ച​മ​യു​ക​യും മ​റ്റു​ള്ള​വ​രെ അ​തു ബോ​ധ്യ​പ്പെ​ടു​ത്താ​ൻ ശ്ര​മി​ക്കു​ക​യും ചെ​യ്യാ​റി​ല്ലേ?

നാം ​ന​ല്ല​വ​രാ​ണെ​ന്നു കാ​ണി​ക്കു​ന്ന കാ​പ‌​ട്യ​ത്തി​നു പ​ക​രം ന​ല്ല​വ​രാ​കാ​ൻ നാം ​സ്വ​യം ശ്ര​മി​ക്കു​ക​യാ​ണു വേ​ണ്ട​ത്. അ​പ്പോ​ൾ, പൊ​യ്മു​ഖം കൂ​ടാ​തെ ന​മ്മു​ടെ മു​ഖം മ​റ്റു​ള്ള​വ​രു​ടെ മു​ൻ​പി​ൽ സു​ന്ദ​ര​മാ​യി​ക്കൊ​ള്ളും. എ​ന്നാ​ൽ, പ​റ​യു​ന്ന​തു​പോ​ലെ ഇ​ത​ത്ര എ​ളു​പ്പ​മ​ല്ല. കാ​ര​ണം, ന​മ്മി​ലെ പ​ല പോ​രാ​യ്മ​ക​ളും ന​ല്ല​തു​പോ​ലെ വേ​രു​റ​ച്ചു​പോ​യ​താ​ണ്. ത​ന്മൂ​ലം, ആ​ത്മാ​ർ​ഥ​മാ​യ പ​രി​ശ്ര​മം​കൊ​ണ്ടു മാ​ത്ര​മേ ന​മ്മു​ടെ ക​പ​ട​മു​ഖം അ​ഴി​ച്ചു​മാ​റ്റി ന​മ്മു​ടെ യ​ഥാ​ർ​ഥ മു​ഖം പ്ര​ദ​ർ​ശി​പ്പി​ക്കാ​നാ​കൂ.

ന​മു​ക്കു പൊ​യ്മു​ഖം വേ​ണ്ട. കാ​ര​ണം പൊ​യ്മു​ഖം​കൊ​ണ്ട് ശാ​ശ്വ​ത​മാ​യി നാം ​ഒ​ന്നും നേ​ടാ​ൻ പോ​കു​ന്നി​ല്ല. ന​മു​ക്കു വേ​ണ്ട​ത് ന​മ്മു​ടെ മു​ഖം ശ​രി​ക്കു മി​നു​ക്കി​യെ​ടു​ക്കു​ക എ​ന്ന​താ​ണ്. അ​തി​ലാ​യി​രി​ക്ക​ട്ടെ ന​മ്മു​ടെ ശ്ര​ദ്ധ എ​പ്പോ​ഴും.

ഫാ. ​ജോ​സ് പ​ന്ത​പ്ലാം​തൊ​ട്ടി​യി​ൽ