വല്യമ്മച്ചി പറഞ്ഞ വെള്ളപ്പൊക്ക കഥകൾ
വ​ല്യ​മ്മ​ച്ചി എ​ന്‍റെ അ​പ്പ​ന്‍റെ അ​മ്മ​യാ​ണ്. ഞ​ങ്ങ​ൾ കു​ട്ട​നാ​ട്ടു​കാ​ർ​ക്കു വെ​ള്ള​പ്പൊ​ക്കം വ​ർ​ഷ​ത്തി​ൽ സം​ഭ​വി​ക്കു​ന്ന ഒ​രു സാ​ധാ​ര​ണ സം​ഭ​വം. പ്ര​ത്യേ​കി​ച്ചും ജൂ​ൺ, ജൂ​ലൈ (മി​ഥു​നം, ക​ർ​ക്ക​ട​കം) മാ​സ​ങ്ങ​ളി​ൽ.

എ​ങ്ങും എ​വി​ടെ​യും വ​യ​ലു​ക​ൾ നി​റ​ഞ്ഞു​ക​വി​ഞ്ഞു തോ​ടി​ന്‍റെ, ആ​റി​ന്‍റെ ചി​റ​പോ​ലും മു​ങ്ങി​ത്താ​ണു​പോ​കും.മു​ണ്ടു മ​ട​ക്കി​ക്കു​ത്തി വെ​ള്ള​ത്തി​ൽ നീ​ന്തി​പ്പോ​കാ​ൻ ഒ​രു​കാ​ല​ഘ​ട്ട​ത്തി​ൽ വ​ള​രെ ഇ​ഷ്ടം​ത​ന്നെ​യാ​യി​രു​ന്നു. ചെ​റി​യ വ​ള്ളം കൂ​ട്ടി​നു​ണ്ടെ​ങ്കി​ൽ അ​തി​ൽ ക​യ​റി ഒ​ഴു​ക്കി​ൽ​ക്കൂ​ടി ഒ​ഴു​കി​പ്പോ​കാ​ൻ വ​ള​രെ ര​സം.

ഇ​തി​ൽ​നി​ന്നും വ്യ​ത്യ​സ്ത​മാ​യ ഒ​രു ക​ഥ​യാ​ണ് വ​ല്യ​മ്മ​ച്ചി പ​റ​ഞ്ഞ​ത്. 99 ലെ (1924) ​മ​ഹാ​പ്ര​ള​യ​ത്തി​ന്‍റെ ക​ഥ. എ​ന്‍റെ അ​പ്പ​ൻ ഈ​ലോ​ക​ത്തി​ൽ വ​ന്നി​ട്ടി​ല്ല. ര​ണ്ടു​മാ​സം വ​ല്യ​മ്മ​ച്ചി​യു​ടെ വ​യ​റ്റി​ൽ.
മ​ഴ​ക്കാ​ലം ആ​രം​ഭി​ച്ചു സാ​ധാ​ര​ണ​പോ​ലെ. ആ​ദ്യം പ​റ​ന്പി​ൽ വെ​ള്ളം ക​യ​റി, വീ​ടി​ന്‍റെ മു​റ്റ​ത്തു വെ​ള്ളം എ​ത്താ​റി​ല്ലാ​യി​രു​ന്നു. എ​ന്നാൽ പ​തി​വി​നു വി​പ​രീ​ത​മാ​യി മു​റ്റ​ത്തു ക​യ​റും എ​ന്ന​മ​ട്ടി​ൽ ഒ​രു സ​ന്ധ്യാ​സ​മ​യ​ത്തു വെ​ള്ളം എ​ത്തി​നോ​ക്കി.

വീ​ട്ടി​ൽ ആ​രും കാ​ര്യ​മാ​യി വെ​ള്ള​പ്പൊ​ക്കം ഉ​ണ്ടാ​കു​മെ​ന്നു ചി​ന്തി​ച്ചി​ല്ല. സ​മ​യം രാ​ത്രി എ​ട്ടു​മ​ണി, അ​തി​ഭ​യ​ങ്ക​ര​മാ​യ ശ​ബ്ദം, വീ​ടി​ന്‍റെ വ​ശ​ത്തു കൂ​ട്ടി​യി​ട്ടി​രു​ന്ന തേ​ങ്ങാ​ക്കൂ​ന ഇ​ടി​ഞ്ഞു​താ​ണു. വ​ല്ല​യി​ൽ ഔ​സേ​പ്പ് മാ​പ്പി​ള എ​ന്‍റെ അ​പ്പൂ​പ്പ​ൻ ഞെ​ട്ടി​പ്പോ​യി, 1500 തേ​ങ്ങ​ക​ൾ. കൊ​പ്രാ​ക്ക​ച്ച​വ​ട​ക്കാ​ര​നാ​യ വല്ലയിൽ എലിത്താനം ഔ​സേ​പ്പ് മാ​പ്പി​ള​യു​ടെ സ​ന്പാ​ദ്യം പ​ന്പാ​ന​ദി​യി​ലേ​ക്ക് ഒ​ഴു​കി​പ്പോ​യി, രാ​ത്രി​യാ​യ​തു​കൊ​ണ്ട് ര​ക്ഷാ​പ്ര​വ​ർ​ത്ത​നം ന​ട​ത്താ​ൻ​പ​റ്റി​യി​ല്ല.

വീ​ട് അ​റ​യും പു​ര​യും കു​ട്ട​നാ​ട​ൻ രീ​തി​യി​ൽ. അ​റ​യു​ടെ മു​ക​ളി​ൽ ത​ട്ട്. രാ​വി​ലെ വെ​ള്ളം വീ​ടി​നു​ള്ളി​ൽ ക​യ​റി. വ​ല്യ​മ്മ​ച്ചി​യും ര​ണ്ടു മ​ക്ക​ളും ത​ട്ടി​ൻ​പു​റ​ത്തേ​ക്ക് അ​റ​യു​ടെ പ​ടി​ച​വി​ട്ടി​ക്ക​യ​റി വ​ല്ല​യി​ൽ കു​ടും​ബ​ത്തി​ലെ 16 പേ​ർ സ്ത്രീ​ക​ളും കു​ട്ടി​ക​ളും ത​ട്ടി​ൻ​പു​റം വീ​ടാ​ക്കി വെ​ള്ളം ഇ​റ​ങ്ങു​ന്ന​തു​വ​രെ ഏ​താ​ണ്ട് ഒ​രു​മാ​സം ജീ​വി​തം ത​ള്ളി​നീ​ക്കി. ഓ​ല​മേ​ഞ്ഞ വീ​ടാ​യി​രു​ന്നു, ഔ​സേ​പ്പ് മാ​പ്പി​ള ഓ​ല ഇ​ന്ന​ത്തെ വെ​ന്‍റി​ലേ​ഷ​ന്‍ മാ​തി​രി ഉ​യ​ർ​ത്തി. ത​ട്ടി​ൻ​പു​റ​ത്തു കാ​റ്റും വെ​ളി​ച്ച​വും ക​ട​ത്തി​വി​ട്ടു. അ​റ​യി​ൽ ഉ​ണ്ടാ​യി​രു​ന്ന 1000 പ​റ നെ​ല്ല് വെ​ള്ള​ത്തി​ൽ ന​ന​ഞ്ഞു കി​ളി​ർ​ത്തും​പോ​യി.

വ​ല്യ​മ്മ​ച്ചി ഓ​ർ​മ​ക​ൾ പ​ങ്കു​വ​ച്ച​ത് ഇ​ങ്ങ​നെ​യാ​ണ്, 28 കോ​ഴി​ക​ൾ വീ​ടി​ന്‍റെ മു​ക​ളി​ൽ ഉ​ണ്ടാ​യി​രു​ന്നു. ദി​വ​സ​വും ഓ​രോ കോ​ഴി, ഉ​ണ​ക്ക​മു​ള​ക് ഇ​ടി​ച്ചി​ട്ട് ക​റി​യാ​ക്കു​മാ​യി​രു​ന്നു. കോ​ഴി​യെ വെ​ട്ടി ""റാ'' ​പോ​ലെ​യാ​യ ഒ​രു ചി​ര​വ ഇ​ന്നും ഓ​ർ​മ​യ്ക്കു​വേ​ണ്ടി ഉ​ണ്ട്. പാ​ട്ട വെ​ട്ടി അ​ടു​പ്പാ​ക്കി അ​തി​ലാ​ണ് പാ​ച​കം ന​ട​ത്തി​യ​ത്. വ​ല്യ​മ്മ​ച്ചി പ​റ​യു​മാ​യി​രു​ന്നു നി​ന്‍റെ അ​പ്പ​നെ വ​യ​റ്റി​ൽ ഇ​ട്ടു​കൊ​ണ്ട് എ​ത്ര​പ്രാ​വ​ശ്യം അ​റ​യു​ടെ പ​ടി​ച​വി​ട്ടി ത​ട്ടി​ന്‍റെ മു​ക​ളി​ൽ ക​യ​റി​യി​ട്ടു​ണ്ട്.


ആ ​അ​റ​പ്പ​ടി​യു​ടെ ഓ​ർ​മ ഇ​ന്നും മ​ന​സി​ൽ​നി​ന്നും മാ​യാ​തെ നി​ൽ​ക്കു​ന്നു. ഒ​രു​കൂ​ട്ടം ആ​ളു​ക​ൾ എ​ന്‍റെ പ്രി​യ​പ്പെ​ട്ട​വ​ർ 99-ലെ ​മ​ഹാ​പ്ര​ള​യ​ത്തി​ൽ​നി​ന്നും ര​ക്ഷ​നേ​ടി​യ പ​ടി​യ​ല്ലേ. ഞ​ങ്ങ​ൾ കു​ട്ടി​ക​ൾ അ​തി​ൽ ച​വി​ട്ടി ത​ട്ടി​ന്‍റെ മു​ക​ളി​ൽ ഒ​ളി​ച്ചി​രി​ക്കു​മാ​യി​രു​ന്നു. പൊ​ക്ക സ്ഥ​ല​ത്തേ​ക്ക് മാ​റി​പ്പോ​കാ​ൻ അ​ധി​കാ​രി​ക​ൾ നി​ർ​ബ​ന്ധി​ച്ചെ​ങ്കി​ലും അ​വ​ർ പോ​യി​ല്ല. പ്ര​ള​യം അ​വ​സാ​നി​ച്ച​പ്പോ​ൾ കൊ​പ്രാ​ക്ക​ച്ച​വ​ട​ക്കാ​ര​നാ​യി​രു​ന്ന ഞ​ങ്ങ​ളു​ടെ അ​പ്പൂ​പ്പ​ൻ ഔ​സേ​പ്പ് മാ​പ്പി​ള എ​ല്ലാം ന​ഷ്ട​പ്പെ​ട്ട​വ​നാ​യി​ത്തീ​ർ​ന്നു.

വ​ല്യ​മ്മ​ച്ചി തു​ട​ർ​ന്നു... വെ​ള്ള​പ്പൊ​ക്ക​ത്തി​ൽ മ​ര​ങ്ങ​ളും മ​നു​ഷ്യ​രും വീ​ടു​ക​ളും ക​ന്നു​കാ​ലി​ക​ളും ഒ​ക്കെ ഒ​ഴു​കി​വ​ന്നു. ഒ​രു പ​ത്താ​യ​ത്തി​ൽ ഭാ​ര്യ​യും ഭ​ർ​ത്താ​വും ക​യ​റി അ​ട​ച്ചി​രു​ന്നു, അ​വ​രെ ശ​ക്ത​മാ​യ ഒ​ഴു​ക്കു കൊ​ണ്ടു​വ​ന്നു. ഏ​തോ നി​മി​ഷ​ത്തി​ൽ അ​വ​ർ പ​ത്താ​യ​ത്തി​ന്‍റെ ക​ത​കു തു​റ​ന്നു. വെ​ള്ളം ഉ​ള്ളി​ലേ​ക്ക് ഇ​ര​ച്ചു​ക​യ​റി അ​വ​ർ താ​ഴ്ന്നു​പോ​യി.

ഒ​രു വീ​ട് ന​ദി​യി​ൽ​ക്കൂ​ടി ഒ​ഴു​കി​വ​ന്നു. അ​തി​ന്‍റെ ഉ​ച്ചി​യി​ൽ ഒ​രു ആ​ട് പ​രി​സ​രം വീ​ക്ഷി​ക്കു​ന്ന​പോ​ലെ ര​ണ്ടു​ക​ര​യി​ലേ​ക്കും നോ​ക്കു​ന്നു. കോ​ഴി, കു​ര​ങ്ങ​ൻ, പ​ട്ടി മു​ത​ലാ​യ ജീ​വി​ക​ളും ത​ങ്ങ​ളു​ടെ പ്രാ​ണ​ര​ക്ഷാ​ർ​ഥം ഓ​രോ​ന്നി​ലും അ​ള്ളി​പ്പി​ടി​ച്ചു ന​ദി​യി​ൽ​ക്കൂ​ടി ഒ​ഴു​കി​പ്പോ​യി. ഒ​രു കൊ​ച്ചു​വ​ള്ളം ഉ​ണ്ടാ​യി​രു​ന്ന​തു​കൊ​ണ്ട് ഞ​ങ്ങ​ളു​ടെ അ​പ്പൂ​പ്പ​ൻ ഔ​സേ​പ്പ് മാ​പ്പി​ള എ​ല്ലാ വി​വ​ര​ങ്ങ​ളും ത​ട്ടി​ന്‍റെ പു​റ​ത്ത് എ​ത്തി​ക്കു​മാ​യി​രു​ന്നു. ഔ​സേ​പ്പ് മാ​പ്പി​ള കൊ​പ്രാ​ക്ക​ച്ച​വ​ട​ക്കാ​ര​നാ​യി​രു​ന്നു, പാ​ലാ തേ​ങ്ങ കൊ​ണ്ടു​വ​ന്ന് വെ​ട്ടി കൊ​പ്രാ എ​ടു​ക്കു​ന്ന ഏ​ർ​പ്പാ​ട്. കൊ​പ്രാ ഉ​ണ​ങ്ങാ​നോ, തേ​ങ്ങാ വെ​ട്ടാ​നോ സാ​ധി​ച്ചി​ല്ല. ഇ​ന്നും അ​ട്ടി​വെ​ച്ച സ്ഥ​ല​ത്തി​ന് അ​ട്ടി​ച്ചി​റ എ​ന്നാ​ണു വീ​ട്ടു​പേ​ര്.

വീ​ണ്ടും ഒ​രു മ​ഴ​ക്കാ​ലം വ​രു​ന്പോ​ൾ കു​ട്ട​നാ​ട്ടു​കാ​ർ ചി​ന്തി​ക്ക​ണം, ഇ​തു​പോ​ലെ 99 ലെ ​പോ​ലെ ആ​കു​മോ, കാ​റി​ന്‍റെ കൂ​ടെ ഒ​രു ചെ​റു​വ​ള്ളം​കൂ​ടി ക​രു​തി​വ​യ്ക്ക​ണം. വെ​ള്ളം എ​ത്ര ഉ​യ​ർ​ന്നാ​ലും അ​തി​ന്മേ​ലേ തോ​ണി എ​ന്നാ​ണു പ്ര​മാ​ണം. പ​റ​യാ​ൻ ക​ഥ​ക​ൾ ബാ​ക്കി​വ​ച്ചു വ​ല്യ​മ്മ​ച്ചി​യും ക​ട​ന്നു​പോ​യി. ഇ​ന്നും '99-ലെ ​മ​ഹാ​പ്ര​ള​യ​ത്തി​ന്‍റെ ബാ​ക്കി​പ​ത്ര​മാ​യി ആ ​വീ​ട് കു​ട്ട​നാ​ട്ടി​ലെ ച​ന്പ​ക്കു​ളം പ​റ​പ്പ​ള്ളി​ജെ​ട്ടി​ക്കു പുറ​കു​വ​ശ​ത്താ​യി നി​ല​നി​ൽ​ക്കു​ന്നു.

ടോ​മി ജോ​സ​ഫ്


Copyright @ 2022 , Rashtra Deepika Ltd.