സൈബർ ആക്രമണത്തിന് ജനപ്രിയ ഗെയിമുകളുമായി ഹാക്കർമാർ : Deepika.com Business News |

Click here for detailed news of all items

സൈബർ ആക്രമണത്തിന് ജനപ്രിയ ഗെയിമുകളുമായി ഹാക്കർമാർ

Thursday, June 19, 2025 11:55 PM IST

മോസ്കോ: സൈബർ ആക്രമണങ്ങൾക്കായി സൈബർ കുറ്റവാളികൾ ജനപ്രിയ വീഡിയോ ഗെയിമുകളെ ചൂഷണം ചെയ്യുന്നതായി കണ്ടെത്തൽ. ഇത് ലക്ഷക്കണക്കിന് ഗെയിമർമാരെയാണ് അപകടത്തിലാക്കുന്നത്.

സൈബർ സുരക്ഷാ സ്ഥാപനമായ കാസ്പർസ്കിയുടെ പുതിയ റിപ്പോർട്ട് അനുസരിച്ച് മാൽവെയർ പ്രചരിപ്പിക്കുന്നതിനും ഫിഷിംഗിനുമായി ഹാക്കർമാർ പത്തു ജനപ്രിയ ഗെയിമുകളാണ് ഉപയോഗിക്കുന്നത്.

ജിടിഎ, മൈൻക്രാഫ്റ്റ്, ഫിഫ സീരീസ്, കോൾ ഓഫ് ഡ്യൂട്ടി സീരീസ്, ദ സിംസ് 4, പബ്ജി: ബാറ്റിൽഗ്രൗണ്ട്സ്, ഫോർട്ട്നൈറ്റ്, കൗണ്ടർ സ്ട്രൈക്ക്: ഗ്ലോബൽ ഒഫൻസീവ്, റോബ്ലോക്സ്, ലീഗ് ഓഫ് ലെജൻഡ്സ് പോലുള്ള ഗെയിമുകൾ ഇഷ്ടപ്പെടുന്നവർക്കാണ് കാസ്പറെസ്കിയുടെ മുന്നറിപ്പ. സൈബർ കുറ്റവാളികൾ കംപ്യൂട്ടറുകളിലേക്ക് മാൽവെയർ കടത്തിവിടാൻ ഗെയിമർമാരുടെ പ്രിയപ്പെട്ട ഗെയിമുകളുടെ പേരുകൾ ഉപയോഗിക്കുന്നുണ്ടെന്നാണ് കാസ്പറെക്സിയുടെ കണ്ടെത്തൽ. 2024 ഏപ്രിൽ മുതൽ 2025 മാർച്ച് വരെ ലോകമെന്പാടുമുള്ള 19 മില്യണ്‍ ഉപയോക്താക്കളെയാണ് വേഷംമാറിയ ക്ഷുദ്ര ഫയലുകൾ ജനപ്രിയ ഗെയിമുകളായി ലക്ഷ്യംവച്ചത്.

ഇന്ത്യയിൽ മാത്രം 4,000ത്തിലധികം ഉപയോക്താക്കളെ ഈ വ്യാജ ഗെയിം ഫയലുകൾ ബാധിച്ചു. ട്രെൻഡിംഗ് ഗെയിം മാറിമാറി കളിക്കുന്ന ജൻ സീയാണ് ഓണ്‍ലൈൻ ഗെയിമുകൾ കളിക്കുന്നതിൽ മുന്നിലുള്ളത്. മറ്റ് ഏതൊരു പ്രായക്കാരേക്കാൾകൂടുതൽ സമ‍യം ചെലവഴിക്കുന്നതിനാൽ ഇവർ തട്ടിപ്പുകളുടെയും മാൽവെയറുകളുടെയും പ്രധാന ലക്ഷ്യമായി മാറിയിരിക്കുന്നു.

ഗ്രാൻഡ് തെഫ്റ്റ് ഓട്ടോ 5 ഒരു പതിറ്റാണ്ടിന്‍റെ പഴക്കമുള്ളതാണെങ്കിലും ജിടിഎ 4.4 മില്യണിലധികം ആക്രമണ ശ്രമങ്ങളെ നേരിട്ടു.

4.1 മില്യണ്‍ ആക്രമണ ശ്രമങ്ങളെ നേരിട്ട മൈൻക്രാഫ്റ്റ് രണ്ടാം സ്ഥാനത്തെത്തി. തൊട്ടുപിന്നാലെ ക്രാക്ക് ചെയ്ത പതിപ്പുകൾ, ചീറ്റ്സ്, മോഡ്സ് എന്നിവയ്ക്കായി കൂടുതൽ തെരയുന്ന കോൾ ഓഫ് ഡ്യൂട്ടി, ദ സിംസ് തുടങ്ങിയ ഗെയിമുകൾ ആക്രമണകാരികൾക്ക് അനുയോജ്യമായ ഇരയാണ്.

ഒരു ഉപയോക്താവ് ഈ വ്യാജ ഫയലുകളിൽ ക്ലിക്ക് ചെയ്താൽ, പാസ്‌വേഡ് മോഷ്ടിക്കുന്ന ട്രോജനുകൾ മുതൽ ഹാക്കർമാർക്ക് പൂർണ നിയന്ത്രണം നൽകുന്നതോ റാൻസംവെയർ വിന്യസിക്കുന്നതോ ആയ സോഫ്റ്റ്‌വേർ വരെയുള്ള എല്ലാത്തരം അപകടകരമായ പ്രോഗ്രാമുകളും അവരുടെ ഉപകരണത്തെ ബാധിച്ചേക്കാം.

പല കേസുകളിലും, ആക്രമണകാരികൾ ഒരു കാര്യത്തിന് പിന്നാലെയാണ്: നിങ്ങളുടെ ഗെയിമിംഗ് അക്കൗണ്ടുകൾ. ഈ അക്കൗണ്ടുകൾ - പ്രത്യേകിച്ച് അപൂർവ സ്കിന്നുകളോ ഉയർന്ന റാങ്കുകളോ ഉള്ളവ - ഡാർക്ക് വെബ് മാർക്കറ്റ്പ്ലേസുകളിലും സ്വകാര്യ ഫോറങ്ങളിലും ടെലിഗ്രാം ചാനലുകളിലും പോലും വീണ്ടും വിൽക്കപ്പെടുന്നു, ഇത് മോഷ്ടിച്ച ഡാറ്റ വാങ്ങാനും വിൽക്കാനും മുന്പത്തേക്കാൾ എളുപ്പമാക്കുന്നു.

സ്വന്തം ഉത്പന്നം പ്രൊമോട്ട് ചെയ്യുന്നതിനുള്ള ഒരു അവസരമായി കാസ്പെർസ്കി ഇതിനെ ഉപയോഗിക്കുന്നു. സൈബർ സുരക്ഷാ കന്പനി ‘കേസ് 404’ എന്ന പേരിൽ ഒരു ഇന്‍ററാക്ടീവ് ഗെയിം പുറത്തിറക്കിയിട്ടുണ്ട്. ഇത് ജൻ സീ ഗെയിമർമാർക്കായി പ്രത്യേകം രൂപകൽപ്പന ചെയ്തിരിക്കുന്നു.

തട്ടിപ്പുകൾ എങ്ങനെ കണ്ടെത്താമെന്നും ഫിഷിംഗ് ആക്രമണങ്ങൾ ഒഴിവാക്കാമെന്നും അവരുടെ അക്കൗണ്ടുകൾ എങ്ങനെ സംരക്ഷിക്കാമെന്നും കളിക്കാർക്ക് മനസിലാക്കാൻ ഈ ഗെയിം സഹായിക്കുന്നു. “ഡിജിറ്റൽ സ്വയം പ്രതിരോധം ഒരു ഗെയിമിൽ ലെവലിംഗ് ഉയർത്തുന്നത് പോലെ സ്വാഭാവികമായിരിക്കണം,”കാസ്പെർസ്കി വിദഗ്ദ്ധനായ വാസിലി കോൾസ്നിക്കോവ് പറയുന്നു.

ഗെയിമുകളിലൂടെയുള്ള സൈബർ ആക്രമണങ്ങളിൽ പെടാതിരിക്കാൻ ഒൗദ്യോഗിക സൈറ്റുകളെ മാത്രം ആശ്രയിക്കുക, ശക്തമായ പാസ‌്‌വേഡുകൾ ഉപയോഗിക്കുക അല്ലെങ്കിൽ ‘കേസ് 404’ പരീക്ഷിക്കുക.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.