രേ​ഖ​ക​ൾ ഇ​ല്ലാ​തെ കു​ടി​യേ​റി​യ വി​ദ്യാ​ർ​ഥി​ക​ൾ​ക്ക് ഇ​ൻ സ്റ്റേ​റ്റ് ആ​നു​കൂ​ല്യ​ങ്ങ​ൾ ല​ഭി​ക്കി​ല്ല
Friday, June 6, 2025 3:52 PM IST
ഏ​ബ്ര​ഹാം തോ​മ​സ്
ടെ​ക്സ​സ്: രേ​ഖ​ക​ൾ ഇ​ല്ലാ​തെ കു​ടി​യേ​റി​യ വി​ദ്യാ​ർ​ത്ഥി​ക​ൾ​ക്ക് ടെ​ക്സ​സ് ഡ്രീം ​ആ​ക്ട് പ്ര​കാ​രം ല​ഭി​ച്ചി​രു​ന്ന ഇ​ൻ സ്റ്റേ​റ്റ് ആ​നു​കൂ​ല്യ​ങ്ങ​ൾ ഇ​നി മു​ത​ൽ ല​ഭി​ക്കി​ല്ല. ഇ​ത് വ​രെ മൂ​ന്ന് വ​ർ​ഷ​മാ​യി യു​എ​സി​ൽ ഉ​ണ്ടാ​യി​രു​ന്നു എ​ന്ന് തെ​ളി​യി​ക്കു​വാ​ൻ ക​ഴി​യു​മാ​യി​രു​ന്നെ​ങ്കി​ൽ ഇ​ൻ സ്റ്റേ​റ്റ് ആ​നു​കൂ​ല്യ​ങ്ങ​ൾ ല​ഭി​ക്കു​മാ​യി​രു​ന്നു.

പ്ര​ധാ​ന​മാ​യും സ്കൂ​ൾ, കോ​ളജു​ക​ളി​ലെ ഫീ​സി​ലാ​ണ് ഇ​ള​വ് ഉ​ണ്ടാ​യി​രു​ന്ന​ത്. 2001ൽ ​ടെ​ക്സ​സ് പാ​സാ​ക്കി​യ നി​യ​മ​പ്ര​കാ​രം ഇ​ൻ സ്റ്റേ​റ്റ് ആ​യി ഈ ​വി​ദ്യാ​ർ​ഥി​ക​ളെ ക​ണ​ക്കാ​ക്കി​യി​രു​ന്നു. ​ക​ഴി​ഞ്ഞ ബു​ധ​നാ​ഴ്ച ഡി​പ്പാ​ർ​ട്മെ​ന്‍റ് ഓ​ഫ് ജ​സ്റ്റി​സ് ടെ​ക്സ​സ് സ്റ്റേ​റ്റി​നെ​തി​രേ കേ​സ് ഫ​യ​ൽ ചെ​യ്തി​രു​ന്നു.

സം​സ്ഥാ​ന​ത്തു നി​ല​വി​ലു​ള്ള നി​യ​മ​പ്ര​കാ​രം രേ​ഖ​ക​ൾ ഇ​ല്ലാ​തെ കു​ടി​യേ​റി​യ വി​ദ്യാ​ർ​ഥി​ക​ൾ​ക്കും ഇ​ൻ സ്റ്റേ​റ്റ് ആ​നു​കൂ​ല്യ​ങ്ങ​ൾ ന​ൽ​കു​ന്ന​ത് ഭ​ര​ണ​ഘ​ട​ന ഉ​റ​പ്പാ​ക്കു​ന്ന തു​ല്യ നീ​തി​ക്കെ​തി​രാ​ണ് ടെ​ക്സ​സി​ലെ നി​യ​മം എ​ന്നാ​രോ​പി​ച്ചാ​ണ് കേ​സ് ഉ​ണ്ടാ​യ​ത്.

മൂ​ന്നു വ​ർ​ഷ​മാ​യി ടെ​ക്സ​സ് സം​സ്ഥാ​ന​ത്തു താ​മ​സി​ക്കു​ന്ന രേ​ഖ​ക​ൾ ഇ​ല്ലാ​ത്ത വി​ദ്യാ​ർഥി​ക​ൾ​ക്ക് ഈ ​ആ​നു​കൂ​ല്യം ല​ഭി​ക്കു​മ്പോ​ൾ അ​മേ​രി​ക്ക​യി​ലെ മ​റ്റു സം​സ്ഥാ​ന​ങ്ങ​ളി​ൽ നി​ന്നെ​ത്തു​ന്ന വി​ദ്യാ​ർ​ഥി​ക​ൾ​ക്ക് ഔ​ട്ട് ഓ​ഫ് സ്റ്റേ​റ്റ് ഫീ​സ് ന​ൽ​കേ​ണ്ടി വ​രു​ന്നു, ഇ​ത് ഭ​ര​ണ​ഘ​ട​ന ഉ​റ​പ്പാ​ക്കു​ന്ന തു​ല്യ നീ​തി​ക്കു വി​രു​ദ്ധ​മാ​ണ് എ​ന്നാ​യി​രു​ന്നു കേ​സി​ലെ ആ​രോ​പ​ണം.

കേ​സ് ഫ​യ​ൽ ചെ​യ്ത് മ​ണി​ക്കൂ​റു​ക​ൾ​ക്കു​ള്ളി​ൽ ഗ​വ​ർ​ണ​ർ ഗ്രെ​ഗ് അ​ബ്ബോ​ട്ടും ടെ​ക്സ​സ് അ​റ്റോ​ർ​ണി ജ​ന​റ​ൽ കെ​ൻ പാ​ക്സ്റ്റ​ണും, ഫെ​ഡ​റ​ൽ ഏ​ജ​ൻ​സി​യും ചേ​ർ​ന്ന് ഒ​രു ക​രാ​റി​ൽ ഒ​പ്പുവ​ച്ചു. ക​രാ​റി​ൽ പ​റ​ഞ്ഞ​ത് ഇ​ങ്ങ​നെ ആ​നു​കൂ​ല്യം ന​ൽ​കു​ന്ന​ത് അ​വ​സാ​നി​പ്പി​ക്കു​ക​യാ​ണ്, കാ​ര​ണം നി​യ​മം ഭ​ര​ണ​ഘ​ട​നാ​വി​രു​ദ്ധ​മാ​ണ് എ​ന്നാ​യി​രു​ന്നു.

ഡി​പ്പാ​ർ​ട്മെ​ന്‍റ് ഓ​ഫ് ജ​സ്റ്റി​സി​ന്‍റെ കേ​സി​ൽ ടെ​ക്സ​സ് നി​യ​മം ഫെ​ഡ​റ​ൽ നി​യ​മ​ത്തി​നു വി​രു​ദ്ധ​മാ​ണെ​ന്നു പ​റ​ഞ്ഞി​രു​ന്നു. രേ​ഖ​ക​ൾ ഇ​ല്ലാ​ത്ത വി​ദ്യാ​ർ​ത്ഥി​ക​ൾ​ക്ക് ഇ​ള​വു​ക​ൾ ന​ൽ​കു​ക​യാ​ണെ​ങ്കി​ൽ ഇ​തേ ആ​നു​കൂ​ല്യം പൗ​ര​ന്മാ​രാ​യ മ​റ്റു സം​സ്ഥാ​ന​ങ്ങ​ളി​ലെ വി​ദ്യാ​ർ​ഥി​ക​ൾ​ക്കും ന​ൽ​ക​ണം എ​ന്നും ആ​വ​ശ്യ​പ്പെ​ട്ടു.

ലാ​ഭേ​ച്ഛ കൂ​ടാ​തെ പ്ര​വ​ർ​ത്തി​ക്കു​ന്ന, പ്ര​സി​ഡ​ന്‍റ്​സ് അ​ലൈ​ൻ​സ് ഓ​ൺ ഹ​യ​ർ എ​ഡ്യൂ​ക്കേ​ഷ​ൻ എ​ന്ന യൂ​ണി​വേ​ഴ്സി​റ്റി നേ​താ​ക്ക​ളു​ടെ സം​ഘ​ട​ന, രേ​ഖ​ക​ൾ ഇ​ല്ലാ​തെ ടെ​ക്സ​സ് സ്കൂ​ളു​ക​ളി​ലും കോ​ള​ജു​ക​ളി​ലും പ​ഠി​ക്കു​ന്ന 57,000 വി​ദ്യാ​ർ​ഥി​ക​ൾ ഉ​ണ്ടെ​ന്നു ക​ണ്ടെ​ത്തി.


2023ൽ 20,000​ൽ കൂ​ടു​ത​ൽ, അ​ല്ലെ​ങ്കി​ൽ മൊ​ത്തം വി​ദ്യാ​ർ​ഥി​ക​ളു​ടെ 1.5 ശതമാനം വി​ദ്യാ​ർ​ഥി​ക​ൾ നി​യ​മ​പ​ര​മാ​യി അ​മേ​രി​ക്ക​യി​ലു​ള്ള മ​റ്റു സം​സ്ഥാ​ന​ക്കാ​രാ​ണ് എ​ന്ന് ക​ണ്ടെ​ത്തി. കേ​സി​ന്‍റെ വി​ചാ​ര​ണ​യി​ൽ മു​ൻ സം​സ്ഥാ​ന പ്ര​തി​നി​ധി റി​ക്ക് നോ​റി​യേ​ഗാ ടെ​ക്സ​സ് നി​യ​മം മ​റ്റു സം​സ്ഥാ​ന​ങ്ങ​ൾ​ക്ക് മാ​തൃ​ക​യാ​ണെ​ന്ന് വാ​ദി​ച്ചു.

തൊ​ഴി​ലാ​ളി​ക​ളു​ടെ എ​ണ്ണ​ത്തി​ൽ ടെ​ക്സ​സ് നി​യ​മം വ​ലി​യ സം​ഭാ​വ​ന ന​ൽ​കു​ന്നു എ​ന്നും പ​റ​ഞ്ഞു. അ​തി​നാ​ൽ വ്യ​വ​സാ​യ രം​ഗം നി​യ​മ​ത്തെ അ​നു​കൂ​ലി​ക്കു​ന്നു. ഈ ​നി​യ​മം പ്രാ​ബ​ല്യ​ത്തി​ൽ ഇ​ല്ലാ​തെ ആ​യ​തോ​ടെ ടെ​ക്സ​സി​നു 461 മി​ല്യ​ൺ ഡോ​ള​ർ എ​ല്ലാ വ​ർ​ഷ​വും തൊ​ഴി​ലാ​ളി​ക​ളു​ടെ വ​രു​മാ​ന​ത്തി​ലും ചെ​ല​വ​ഴി​ക്ക​ലി​ലും ന​ഷ്ട​മാ​കും എ​ന്നാ​ണ് അ​മേ​രി​ക്ക​ൻ ഇ​മ്മി​ഗ്രേ​ഷ​ൻ കൗ​ൺസിലി​ന്‍റെ ക​ണ​ക്കു​ക​ൾ പ​റ​യു​ന്ന​ത്.

ടെ​ക്സ​സി​ലെ രേ​ഖ​ക​ൾ ഇ​ല്ലാ​ത്ത വി​ദ്യാ​ർ​ഥി​ക​ൾ 150 മി​ല്യ​ൺ ഡോ​ള​റി​ന്‍റെ സ​ബ്‌​സി​ഡി​ക​ൾ ഈ ​സ്കൂ​ൾ വ​ർ​ഷം നേ​ടി​യി​ട്ടു​ണ്ടാ​കും എ​ന്ന് ഗാ​ൽ​വെ​സ്റ്റ​ണി​ൽ നി​ന്നു​ള്ള റി​പ്പ​ബ്ലി​ക്ക​ൻ സെ​ന​റ്റ​ർ മാ​സ് മി​ഡ്‌​ഡി​ൽ​ട്ട​ൺ പ​റ​ഞ്ഞു.

ഈ ​തു​ക നി​യ​മ​പ​ര​മാ​യി അ​മേ​രി​ക്ക​യി​ലു​ള്ള​വ​ർ​ക്കാ​യി ഉ​പ​യോ​ഗി​ക്കു​ക​ക​യോ അ​വ​രു​ടെ ഫീ​സി​ൽ കു​റ​വ് വ​രു​ത്തു​ന്ന​തി​ന് ഉ​പ​യോ​ഗി​ക്കു​ക​യോ ചെ​യ്യാ​മാ​യി​രു​ന്നു എ​ന്നും കൂ​ട്ടി​ച്ചേ​ർ​ത്തു.

രേ​ഖ​ക​ൾ ഇ​ല്ലാ​ത്ത വി​ദ്യാ​ർഥി​ക​ൾ​ക്ക് ന​ൽ​കു​ന്ന സൗ​ജ​ന്യ​ങ്ങ​ൾ എ​ടു​ത്തു ക​ള​യാ​ൻ പ​ല ത​വ​ണ ടെ​ക്സാ​സ് നി​യ​മ സ​ഭാം​ഗ​ങ്ങ​ൾ ശ്ര​മി​ച്ച​താ​ണ്. ക​ഴി​ഞ്ഞ സ​മ്മേ​ള​ന​ത്തി​ലും ഒ​രു ബി​ൽ അ​വ​ത​രി​പ്പി​ച്ചു. ഇ​ത് ക​മ്മി​റ്റി​ക​ൾ​ക്കു അ​യ​ച്ചു കൊ​ടു​ത്തു. അ​തി​നു ശേ​ഷം ഒ​ന്നും കേ​ട്ടി​ട്ടി​ല്ല.

2022ൽ ​യംഗ് കോ​ൺ​സെ​ർ​വ​ടി​വ്സ് ഓ​ഫ് ടെ​ക്സ​സ് എ​ന്ന സം​ഘ​ട​ന​യു​ടെ ടെ​ക്സ​സ് പ​ബ്ലി​ക് പോ​ളി​സി ഫൌ​ണ്ടേ​ഷ​ൻ, യൂ​ണി​വേ​ഴ്സി​റ്റി ഓ​ഫ് ടെ​ക്സ​സി​നെ​തി​രേ ആ​ണ് ഡോ​ക്യൂ​മെ​ന്‍റ​ഡ് സ്റ്റു​ഡ​ന്‍റ്സി​നെ കാ​ൾ കൂ​ടു​ത​ൽ ഫീ​സ് ഔ​ട്ട് ഓ​ഫ് സ്റ്റേ​റ്റ് സ്റ്റു​ഡ​ന്‍റ്സി​ൽ നി​ന്നും ഈ​ടാ​ക്കി​യ​തി​നു കേ​സ് കൊ​ടു​ത്തു.

ഒ​രു യു​എ​സ് ഡി​സ്ട്രി​ക്ട് കോ​ട​തി ജ​ഡ്ജ് സം​സ്ഥാ​ന നി​യ​മം ഭ​ര​ണ​ഘ​ട​നാ​വി​രു​ദ്ധ​മാ​ണെ​ന്നു വി​ധി​ച്ചു. എ​ന്നാ​ൽ അ​പ്പീ​ൽ​സ് കോ​ട​തി ആ ​വി​ധി തി​രു​ത്തി കു​റി​ച്ചു. സ്കൂ​ളു​ക​ൾ പ​ഴ​യ പ​ടി ഫീ​സു​ക​ൾ ഔ​ട്ട് ഓ​ഫ് സ്റ്റേ​റ്റ് (നി​യ​മ​പ​ര​മാ​യി യു​എ​സി​ൽ എ​ത്തി​യ​വ​ർ) വി​ദ്യാ​ർ​ഥി​ക​ളി​ൽ നി​ന്നും ഈ​ടാ​ക്കു​ന്ന​ത് തു​ട​ർ​ന്നു.